[ ᭘ 8B]
᭘᭞ᬓᬫ᭄ᬧᬾᬓᬾᬓ᭄ᬫᬵᬳᬶᬲᬶᬦᬶᬦ᭄᭞ᬦ᭄ᬤᭂᬮᬶᬓ᭄ᬧᬶᬓᬯᬄ᭞ᬓᬫ᭄ᬩᭂᬦᬾᬳᬧᬵᬳᬮᬶᬄ᭟ᬧᬤᬢ᭄ᬓᬫᬲᬶᬲᬶᬕ᭄ᬫᬦ᭄ᬤᬸᬲ᭄ᬳᬶᬩᬶᬦ᭄ᬤᬃ᭞ᬫᬫᬳᬸᬢᬂᬢᬫ᭄ᬓᬶ᭞ᬰ᭄ᬭᬡᬵᬩᬭᬸᬫᬗ᭄ᬲᬵ᭞ᬕᬶᬕᬶᬦᬾᬧᬸᬢᬶᬄᬜᬮᬂ᭞ᬫᬳᬶᬲᬶᬳᬶᬧᬜ᭄ᬚᬶ
ᬕᬥᬶᬂ᭞ᬲᬗᬾᬕᬾᬃᬲ᭄ᬫᬭᬵ᭞ᬧᬫᬦᬶᬲᬾᬤᬶᬩᬶᬩᬶᬄ᭟ᬜ᭄ᬫᬓ᭄ᬳᬸᬤᭃᬗ᭄ᬫᬫᬦ᭄ᬢ᭄ᬭᬳᬶᬓᬸᬓᬸᬲ᭄ᬩᬳᬂ᭞ᬜᬼᬕ᭄ᬢᬗᬶᬫᬧᬶᬮ᭄ᬧᬶᬮ᭄᭞ᬗᭂᬦ᭄ᬤᬶᬄᬫᬧᬭᬤᬵ᭞ᬗᬺᬢᬂᬳᬲ᭄ᬯᬲᬶᬓ᭄ᬱᬵ᭞ᬫᬘᬘᬸᬦ᭄ᬤᬸᬓ᭄ᬧᬸᬘᬸᬓ᭄ᬧᬶᬮ᭄ᬧᬶᬮ᭄᭞ᬧᬗᬚᬄ
ᬳᬚᬄ᭞ᬗᬓᬶᬦ᭄ᬚᬕᬸᬮ᭄ᬓᬸᬦᬶᬂ᭟ᬕᬕᬓ᭄ᬫᬸᬭᬹᬩ᭄ᬧᬶᬦᬓᬵᬲᬭᬡᬵ᭞ᬕᬕᬶᬭᬗᬾᬤᬶᬓᭀᬧᬶᬂ᭞ᬮᬯᬸᬢᬵᬫᬗᬼᬓᬲ᭄᭞ᬗᬺᬕᭂᬧᬂᬫᬦᬶᬲ᭄ᬫᬢᬵ᭞ᬳᬶᬭᬗ᭄ᬕᬵᬫᬸᬦ᭄ᬤᬭᬂᬧᬲ᭄ᬢᬶ᭞ᬳᬶᬕᭀᬤᬾᬓ᭄ᬗᬦ᭄ᬢᭀᬓ᭄᭞ᬜ᭄ᬥ
ᬕ᭄ᬦᭀᬗᭀᬲ᭄ᬳᬶᬳᬮᬶᬲ᭄᭟ᬳ᭄ᬮᬾᬦ᭄ᬩ᭄ᬯᬶᬦ᭄ᬫᬲᬤᬦᬵᬩᬸᬗ᭄ᬳᬵᬧ᭄ᬢᬓ᭄᭞ᬚᬭᬸᬚᬸᬦᬾᬳᬓᬢᬶᬄ᭞ᬫᬲᬼᬓ᭄ᬕᬕᬡ᭄ᬥᬦ᭄᭞ᬘᬘᬸᬦ᭄ᬤᬸᬓ᭄ᬳᬶᬓᬦᬯᬦ᭄᭞ᬓᬲᬸᬩ᭄ᬩᬸᬭᬸᬄᬳᬸᬮᬶᬂᬗᬸᬦᬶ᭞ᬜᬦ᭄ᬤᬂᬲ᭄ᬯᬓᬵᬂ᭞ᬗᭂᬦᬾᬦᬶᬤᬸᬗ᭄ᬓ
[ ᭙ 9A]
ᬮ᭄ᬤᬗ᭄ᬓᬶᬮ᭄᭟ᬓᬳᬶᬫ᭄ᬩᬸᬳᬶᬦ᭄ᬘᬫ᭄ᬧᬓᬵᬓᬸᬦᬶᬂᬳᬧᬲᬂ᭞ᬫᬚᭂᬩᬦ᭄ᬧᬭᬹᬂᬲᬭᬶ᭞ᬧᬦ᭄ᬗᭂᬭᬾᬓᭀᬘᬧ᭄᭞ᬳᬶᬭᬗ᭄ᬤᬵᬧᬸᬱ᭄ᬧᬵᬚᬶᬯ᭄ᬯᬵ᭞ᬩᬋᬂᬳᬶᬧᬗᬸᬦᬶᬂᬭᬕᬶ᭞ᬧᬳᬶᬘᬦ᭄ᬳᬶᬤᬵᬳ᭄ᬬᬂᬲᬧᬸᬭᬾᬕᬾᬮ᭄ᬗᬸᬦᬶ᭟ᬫᬢᬢᬓᬦ᭄ᬧ
ᬤᬧᬦ᭄ᬕᭂᬤᬂᬫᬕᬸᬩᬄ᭞ᬫᬭᬚᬄᬲ᭄ᬫᬵᬭᬭᬢᬶᬄ᭞ᬚᬸᬚᬸᬮᬸᬓᬾᬓᭀᬘᬧ᭄᭞ᬢᬦ᭄ᬮ᭄ᬬᬦ᭄ᬳᬶᬩᬶᬦ᭄ᬤᭂᬃᬕ᭄ᬮᬧ᭄᭞ᬧᬫᬢᬸᬄᬧᬦᬸᬗ᭄ᬓᬸᬮ᭄ᬕᬸᬫᬶ᭞ᬧᬗᬭᬦ᭄ᬳᬢᬵ᭞ᬲᬶᬗᭂᬦᭀᬢ᭄ᬤᬤᬶᬧᬮᬶᬂ᭟ᬮᬜ᭄ᬘᬶᬗᬦᬾᬓᬫᭀᬂᬩᬦ᭄ᬳᬶᬮᬸᬢᬸᬂᬢ᭄ᬯ
᭞ᬲ᭄ᬫᬭᬵᬗᬶᬦᬂᬫᬋᬗᬶᬦ᭄᭞ᬮᬦ᭄ᬢᬶᬚᬬᬾᬂᬢᬶᬮᬫ᭄᭞ᬍᬫ᭄ᬩᬸᬚᭀᬕ᭄ᬤᬶᬢᬶᬦ᭄ᬤᬓᬦ᭄᭞ᬲᬸᬫᬗ᭄ᬓᬶᬦ᭄ᬫᬯᬸᬯᬸᬳ᭄ᬍᬯᬶᬄ᭞ᬩᬕᬸᬲ᭄ᬫᬢᬦ᭄ᬤᬂ᭞ᬲᬶᬂᬗᭂᬦᭀᬢ᭄ᬮᬶᬗ᭄ᬮᬸᬂᬧᬮᬶᬂ᭟ᬫᬫᭂᬲ᭄ᬯᬂᬍᬗᬶᬲ᭄ᬫᬶᬳᬶᬓ᭄ᬢᬸᬃᬫᬳᬤᬦ᭄᭞ᬳᬶᬩ᭄ᬮᬂᬳᬸᬬᬂᬚᬸ
ᬕᬶᬮ᭄᭞ᬧᬗᬸᬲᬧᬦ᭄ᬳᬯᬓ᭄᭞ᬲᬩᬸᬓ᭄ᬫᬶᬲᬶᬓ᭄ᬫᬶᬓᬦ᭄᭞ᬧᬗᭂᬭᬸᬢ᭄ᬫᬶᬯᬄᬧᬗᬰᬶᬄ᭞ᬧᬗᭂᬦ᭄ᬤᬸᬄᬚᬕᬢ᭄᭞ᬧᬂᬤᬵᬳᬦᬓ᭄ᬗᭂᬤᭂᬕᬶᬦ᭄᭟ᬲ᭄ᬫᬵᬭᬢᬦ᭄ᬢ᭄ᬭ᭄ᬯᬤᬶᬢᬗ᭄ᬓᬄᬩᬩᭀᬭᬾᬄᬕᬥᬂ᭞ᬗ᭄ᬭᬗ᭄ᬲᬸᬓᬵᬂᬦ
Kaca:Bali-lontar-gaguritan-smara-ratih-300ppi.pdf/9
Kaca puniki sampun kauji-wacén
