[ ᭕᭑ 51B]
᭕᭑᭞
ᬫᬜ᭄ᬭᬾᬢᬂᬧ᭄ᬤᬂ᭞ᬳᬶᬩᬳᬶᬓᬯᬄᬚᬕᬢ᭄᭞ᬩᬸᬗᬸᬢ᭄ᬧᬘᬶᬭᬶᬗᬦ᭄ᬕᬮᬶᬃ᭞ᬫᬳᬶᬧᬳᭂᬓᬂ᭞ᬲᬶᬩᬓ᭄ᬧᭀᬮᭀᬦᬾᬚᬦᬶ᭟ᬧᬤᬜ᭄ᬭᬾᬢ᭄ᬫᬦᬸᬤᬶᬂᬧᬲᬮᬾᬂᬢᬸᬚᬄ᭞ᬧᬤᬤ᭄ᬯᭂᬕ᭄ᬫᬓ᭄ᬮᬶᬤ᭄᭞ᬤᬾᬦᬶᬂᬧᬤᬘ᭄ᬮᬂ᭞ᬢ᭄ᬕᬸᬄᬬᬫᬧᬓᬓᬲ᭄᭞
ᬧᬳᬶᬘ᭄ᬘᬦ᭄ᬤᬾᬯᬤᬶᬩᬸᬓᬶᬢ᭄᭞ᬧᬲᬮᬶᬂᬳᬩᬩ᭄᭞ᬧᬤᬢ᭄ᬯᬭᬩ᭄ᬮᬾᬢᬶᬦ᭄᭟ᬲᬸᬩᬫᬓ᭄ᬮᭀᬧᬤᬲᬮᬶᬂᬳᬜ᭄ᬚᭂᬓᬂᬓᬸᬮᬫ᭄ᬩᬶᬜᬦᬾᬲᬶᬢ᭄ᬲᬶᬢ᭄᭞ᬕ᭄ᬭᬾᬫᬾᬂᬫᬓᬤᬤ᭄ᬯ᭞ᬤᬼᬕ᭄ᬯᬮᬸᬬᬵᬘᬓ᭄ᬭ᭞ᬫᬡᬶᬦ᭄ᬤᭂᬃᬧᬲᬮᬾᬂᬢᬶᬕ᭄ᬢᬶᬕ᭄᭞ᬭᬭᬶ
ᬲ᭄ᬘ᭄ᬭᬶᬢᬬᬂ᭞ᬭᬯᬸᬄᬰ᭄ᬭᬶᬦᬭᬧᬢᬶ᭟ᬧ᭄ᬬᬓ᭄ᬲ᭄ᬬᬢᬾᬩᬩᬃᬲᬶᬓᭂᬧ᭄ᬦᬕᬭᬵ᭞ᬰ᭄ᬭᬶᬳᬾᬃᬫᬸᬓᬵᬫᬮᬶᬗ᭄ᬕᬶᬄ᭞ᬭᬶᬂᬓᬭᬂᬲᬶᬮᬸᬫᬦ᭄᭞ᬫᬭᬵᬃᬬ᭄ᬬᬦ᭄ᬭᬶᬂᬩᬜ᭄ᬘᬶᬗᬄ᭞ᬤᬦᬾᬕᬸᬲ᭄ᬢᬶᬢ᭄ᬭᬂᬕᬸᬫᬶ᭞ᬭᬭᬶᬲ᭄ᬫᬜᬸᬫ᭄ᬩᬄ᭞ᬦᬯ᭄ᬕᬂᬫᬢᬸᬃᬲᬶᬲᬶᬧ᭄᭟ᬕᬸᬲ᭄ᬢᬶᬧ
ᬢᬶᬄᬕᭀᬗ᭄ᬲᭀᬃᬫᬗ᭄ᬮᬯᬸᬢ᭄ᬗᬗᬶᬦᬂ᭞ᬗᭀᬚᭀᬕ᭄ᬓᬓᬭᬂᬗᬱ᭄ᬝᬶ᭞ᬫᬗᬮᬶᬄᬳᬶᬚᬾᬗ᭄ᬕᭂᬮᬃ᭞ᬕᭀᬩᬦᬾᬓ᭄ᬘᬸᬤ᭄ᬕᭂᬧᬂ᭞ᬩᬸᬓᬩᬗ᭄ᬓᬾᬦᬾ ᬗ᭄ᬮᬬᬸᬳᬶᬦ᭄᭞ᬲᬳᬵᬳᬶᬭᬶᬗᬦ᭄᭞ᬢ᭄ᬓᭂᬤ᭄ᬤᬶᬓᬭᬗᬱ᭄ᬝᬶ᭟ᬳᬶᬬᬓ᭄ᬱᬭᬵ
[ ᭕᭒ 52A]
ᬢ᭄ᬓᬗᬢᬹᬭᬂᬳᬸᬦᬶᬗ᭄ᬳᬵ᭞ᬭᬢᬸᬳᬚᬶᬦ᭄ᬳᬶᬕᬸᬲ᭄ᬢᬶ᭞ᬲᬵᬫ᭄ᬧᬸᬦ᭄ᬭᬶᬂᬩᬜ᭄ᬘᬶᬗᬄ᭞ᬫᬧᬶᬓᬸᬮ᭄ᬓᬯᬸᬲ᭄ᬧᬶᬲᬦ᭄᭞ᬰ᭄ᬭᬶᬭᬚᬲᬹᬃᬬ᭄ᬬᬤᬶᬧᬢᬶ᭞ᬫᬗ᭄ᬓᬶᬦ᭄ᬘᭀᬓᭀᬃᬤᬵ᭞ᬭᬶᬧᬸᬱ᭄ᬧᬵᬲᬭᬶᬫᬮᬶᬗ᭄ᬕᬶᬄ᭟᭐᭟᭚ᬲᬶᬦᭀᬫ᭄᭝ᬳᬶᬩᬶᬦ᭄ᬤᬃ
ᬳᬚᬓ᭄ᬳᬶᬚᬾᬗ᭄ᬕᭂᬮᬃ᭞ᬫᬘ᭄ᬩᬸᬃᬗᬾᬗ᭄ᬕᬮᬂᬚᬦᬶ᭞ᬓᬚᬩᬫᭂᬦ᭄ᬤᬓ᭄ᬳᬶᬩᬧᬵ᭞ᬜᭀᬗ᭄ᬓᭀᬓ᭄ᬜᬸᬫ᭄ᬩᬄᬫᬢᬹᬃᬲᬶᬲᬶᬧ᭄᭞ᬫᬘ᭄ᬩᬸᬃᬕᬸᬲ᭄ᬢᬶᬧᬢᬶᬄ᭞ᬗ᭄ᬮᬸᬢ᭄ᬗᭂᬮᬶᬂᬗᬸᬲᬸᬤ᭄ᬳᬸᬲᬸᬤ᭄᭞ᬤᬾᬯᬦ᭄ᬢ᭄ᬬᬗᬾᬳᬶᬤᬵ᭞ᬓᬤᬾᬦ᭄ᬢ᭄ᬬᬂᬳᬶᬤᬫᬢᬶ᭞ᬚᬮᬦ᭄ᬫᬸᬮᬶᬄ
᭞ᬫᬢᬹᬃᬲᬶᬲᬶᬧ᭄ᬭᬶᬂᬘᭀᬓᭀᬃᬤ᭄ᬤᬵ᭟ᬘᭀᬓᭀᬃᬤᬚᬦᬶᬦᬹᬲᬶᬫ᭄ᬧᬂ᭞ᬫᬮᬶᬗ᭄ᬕᬶᬄᬤᬶᬧᬸᬱ᭄ᬧᬵᬲᬭᬶ᭞ᬫᬲᬶᬄᬦᬸᬦ᭄ᬤᬾᬦᬫᬚᬮᬦ᭄᭞ᬦᬸᬦᬲᬂᬭᬯᭀᬲᬾᬫᬗ᭄ᬓᬶᬦ᭄᭞ᬬᬾᬦ᭄ᬓᬾᬦ᭄ᬓᬾᬦ᭄ᬢᭀᬦᬾᬚᬦᬶ᭞ᬧᬸᬢᬸᬲ᭄ᬓᬬᬸᬦ᭄ᬳᬶᬤᬾᬯᬕᬸᬂ᭞ᬳ᭄ᬬ
ᬓ᭄ᬱᬭᬵᬫᬚᬮᬦ᭄᭞ᬫᬶᬭᬶᬗᬦ᭄ᬳᬤᬦᭂᬫ᭄ᬩᬗ᭄ᬲᬶᬢ᭄᭞ᬢᬜ᭄ᬘᬭᬶᬢᬭᬯᬸᬄᬭᬶᬂᬓᬭᬂᬲᬶᬮᬸᬫᬦ᭄᭟᭐᭟᭚ᬧᬸᬧᬸᬢ᭄ᬲᬶᬦᬹᬭᬵᬢ᭄ᬭᬶᬂᬭᬳᬶᬦᬵ᭞ᬓ᭞ᬯᬺ᭞ᬯᬭᬫ᭄ᬭᬓᬶᬄ᭞ᬢᬶᬣᬶ᭞ᬧᬂ᭞ᬧᬶᬂ᭔᭞ᬰᬰᬶᬄ᭞ᬓ᭞᭖᭞
Kaca:Bali-lontar-gaguritan-smara-ratih-300ppi.pdf/52
Kaca puniki sampun kauji-wacén
