[ ᭕᭐ 50B]
᭕᭐᭞
ᬩᬢ᭄ᬳᬩᬶᬢ᭄᭟ᬬᬤᬶᬮᬶᬮᬶᬄᬧᬜ᭄ᬚᬓ᭄ᬜᬦᬾᬫᬕᬸᬮᬸᬗᬦ᭄᭞ᬦᬾᬳᬸᬮᬶᬧᬸᬱ᭄ᬧᬵᬲᬭᬶ᭞ᬓᬯᬸᬲ᭄ᬲᬫ᭄ᬧᬸᬦ᭄ᬭᬸᬲᬓ᭄᭞ᬓᬫᬸᬓ᭄ᬩᬦ᭄ᬳᬶᬓᬦ᭄ᬢᬃᬚᬕᬢ᭄᭞ᬳᬤᬳᬚᬓᬦᭂᬫ᭄ᬩᬗ᭄ᬲᬶᬢ᭄᭞ᬜᬫᬓᬮ᭄ᬬᬂ᭞ᬓᬋᬧ᭄ᬳᬶᬩᬢᬸᬳᬓᬶᬓ᭄᭟ᬲᬳᬳᬲᬸᬭᬓ᭄ᬫ
ᬧᬸᬮᬶᬄᬬᬫᬕᬸᬮᬸᬗᬦ᭄᭞ᬧᬜ᭄ᬚᬓ᭄ᬦᬾᬗᬢᬹᬭᬶᬦ᭄᭞ᬬᬳᬶᬲᬸᬤᬚ᭄ᬜᬡᬵ᭞ᬓᬋᬧ᭄ᬳᬶᬲᬸᬤᬚ᭄ᬜᬦᬵ᭞ᬳᬶᬩᬢᬸᬳᬓᬶᬓ᭄ᬫᬦᬸᬤᬶᬂ᭞ᬳᬶᬲᬸᬤᬚ᭄ᬜᬦᬵ᭞ᬳᬶᬮᬮᬶᬦ᭄ᬢᬄᬫᬓᭀᬃᬱᬶ᭟ᬚᬦᬶᬢᬗᬭᬶᬦ᭄ᬢᭂᬦ᭄ᬤᬲ᭄ᬳᬶᬩᬦᬾᬩᬸᬲᬄ᭞ᬓᬳᬶᬧᬘᬂᬫᬦᭂᬩᬶᬄ
ᬤᬤ᭄ᬬᬂᬮᬶᬫᭀᬮᬲ᭄᭞ᬓ᭄ᬭᭀᬤᬵᬳᬶᬲᬸᬤᬚ᭄ᬜᬦᬵ᭞ᬳᬧᬫᬸᬜᬶᬦ᭄ᬩᬦᬾᬘᬶᬘᬶᬂ᭞ᬫᬳᬶᬧᬳᭂᬓᬂ᭞ᬳᬶᬭᬸᬓ᭄ᬫᬢᬦᬾᬚᬦᬶ᭟ᬮᬯᬸᬢ᭄ᬫᬢᭂᬓ᭄ᬚᬭᬦ᭄ᬜᬦᬾᬬᬫᬧᭀᬮᬳ᭄᭞ᬫᬶᬤ᭄ᬭᬦ᭄ᬲᬮᬶᬂᬳᬸᬗ᭄ᬲᬶ᭞ᬫᬳᬸᬩᭂᬃᬳᬸᬩᭂᬭᬦ᭄᭞ᬳᬶᬩᬢᬸᬳᬓᬶᬓ᭄ᬦᬸᬚᬄ᭞
ᬳᬶᬲᬸᬤᬚ᭄ᬜᬦᬵᬫᬓ᭄ᬮᬶᬤ᭄᭞ᬳᬸᬤᭂᬗᬾᬓ᭄ᬦᬵ᭞ᬩᬸᬬᬃᬲᬫ᭄ᬩᭂᬄᬧᬼᬗ᭄ᬓᭂᬢᬶᬓ᭄᭟ᬫᬕᬫ᭄ᬩᬳᬦ᭄ᬩᬩᬭᭀᬜᬕᭂᬮ᭄ᬕᭂᬮ᭄ᬜᬮᬂ᭞ᬲᬫ᭄ᬩᭂᬄᬫᬗᬯᬶᬃᬭᬯᬶᬃ᭞ᬓᬲᬮᬳᬦ᭄ᬤᬲ᭄ᬢᬃ᭞ᬳᬦᬸᬢ᭄ᬕᭀᬩᬜᬫ᭄ᬮᬄ᭞ᬦᬾᬢ᭄ᬭᬜᬕᬮᬓ᭄ᬳᬫᬦᬶᬲ᭄᭞
[ ᭕᭑ 51A]
ᬜᬦ᭄ᬤᬂᬧ᭄ᬭᬯᬶᬭᬵ᭞ᬭᬧᬤᬾᬩᬕᬸᬲ᭄ᬮᬢᬶᬕ᭄᭟ᬩᬸᬓᬵᬫᬘᬦᬾᬕᬮᬓ᭄ᬫᬗ᭄ᬭᬓ᭄᭞ᬗᬾᬄᬓᬾᬄᬫᬢᬜᬗᭂᬦ᭄ᬤᬶᬄ᭞ᬤᬾᬦᬶᬂᬓ᭄ᬭᭀᬤᬵᬧᬶᬲᬦ᭄᭞ᬲᬸᬭᬓᬾᬫᬢᬶᬦ᭄ᬤᬶᬳᬦ᭄᭞ᬓᬲᬭᬸᬗᬦ᭄ᬫᬸᬜᬶᬦ᭄ᬩᭂᬤᬶᬮ᭄᭞ᬳᬶᬯᬶᬭᬓ᭄ᬱᬭᬵ᭞ᬓᬋᬧ᭄ᬕᭂᬮᬶᬲ᭄ᬦᬸ
ᬮᬸᬗᬶᬦ᭄᭟ᬬᬳᬶᬲᬸᬤᬚ᭄ᬜᬦᬵᬋᬗᭂᬢ᭄ᬫᬫᬶᬧᬶᬢᬂ᭞ᬓ᭄ᬦᬳᬶᬩᬢᬸᬳᬓᬶᬓ᭄᭞ᬗ᭄ᬳᬶᬂᬢᬦ᭄ᬯᬾᬦ᭄ᬢᭂᬦ᭄ᬧ᭄ᬭᬡᬵ᭞ᬢᬶᬭᬸᬲ᭄ᬧᬳᬤᬾᬲ᭄ᬩᬓ᭄᭞ᬕ᭄ᬢᬶᬳᬾᬫᬜ᭄ᬘ᭄ᬭᬢ᭄ᬫᬶᬚᬶᬮ᭄᭞ᬫᬯᬦᬦ᭄ᬓᬕ᭄ᬬᬢ᭄᭞ᬧᬜ᭄ᬚᬓ᭄ᬜᬦᬾᬜᬕ᭄ᬚᬕᬶᬦ᭄᭟ᬗ᭄ᬭᬾᬕᬾᬄᬚᬭᬦ᭄ᬜᬦᬾ
ᬗᭂᬮᬸᬃᬩᬸᬓᬵᬓᬶᬮᬧ᭄᭞ᬫᬧᬶᬜ᭄ᬘᭂᬃᬫᬓᬓᬶᬭᬶᬕ᭄᭞ᬫᬧᭀᬮᬄᬫᬚᬮᬦ᭄᭞ᬦ᭄ᬤᬾᬗᬾᬄᬜᭂᬩᬓ᭄ᬫᬗ᭄ᬭᬓ᭄᭞ᬳᬶᬩᬢᬸᬩᭂᬦ᭄ᬢᬃᬦᬦ᭄ᬤᬶᬗᬶᬦ᭄᭞ᬦᭂᬲᭂᬓ᭄ᬫᬦᬂᬢᬂ᭞ᬫᬫᬸᬜᬶᬢᬦ᭄ᬧᬲ᭄ᬭᬸᬢᬶ᭟ᬳᬶᬩᬩᬲᭀᬂᬓᬭᬗ᭄ᬳᬲ᭄ᬢᬶᬦᬾᬧᬳᭂᬓᬂ᭞ᬳᬶᬩ
ᬓᭀᬦᬾᬧ᭄ᬭᬚᬸᬭᬶᬢ᭄᭞ᬫᬳᬶᬓᬳᬶᬮᬯᬦ᭄᭞ᬳᬶᬚᬯᬄᬯᬶᬭᬓ᭄ᬱᬭᬵ᭞ᬦᬾᬓᬗ᭄ᬕᭀᬤᬶᬓᬭᬗ᭄ᬳᬱ᭄ᬝᬶ᭞ᬳᬾᬗ᭄ᬕᬮ᭄ᬲ᭄ᬭᬾᬢᬂᬧ᭄ᬥᬂᬳᬶᬩᬦᬾᬘᬶᬘᬶᬂ᭟ᬤᬤᬶᬦᬸᬤᬶᬂᬳᬶᬯᬭᬓ᭄ᬱᬭᬵᬫᬦᬶᬫ᭄ᬩᬮ᭄᭞ᬫᬦᬳᬸᬢ᭄ᬲᬫ᭄ᬩᬶᬮ᭄ᬢᭂᬗᬶᬲ᭄
Kaca:Bali-lontar-gaguritan-smara-ratih-300ppi.pdf/51
Kaca puniki sampun kauji-wacén
