[ ᭔᭔ 44B]
᭔᭔᭞
ᬤ᭄᭟ᬓᬲᬭᬸᬗᬦ᭄ᬩᬳᬦ᭄ᬩᭂᬤᬶᬮ᭄ᬢᬦ᭄ᬧ᭄ᬕᬢᬦ᭄᭞ᬧᬜ᭄ᬚᬓᬾᬮ᭄ᬬᬸᬫᬢᬶ᭞ᬫᬩᬾᬘᬾᬓ᭄ᬩᬾᬘᬾᬓᬦ᭄᭞ᬳᬶᬲᬸᬤᬃᬲᬦᬵᬚ᭄ᬗᬄ᭞ᬗᬦ᭄ᬢᬶᬫ᭄ᬧᬮᬾᬮ᭄ᬬᬸᬫᬢᬶ᭞ᬮᬳᬸᬢ᭄ᬗᬋᬧᬂ᭞ᬗᬓᬶᬦ᭄ᬚᬭᬦ᭄ᬧᬸᬢᬶᬄ᭟ᬫᬳᬶᬭᬶᬗᬦ᭄ᬧᬜ᭄ᬚᬓ᭄ᬳᬤᬵᬤ᭄ᬯᬂᬮᬓ᭄ᬱᬵ᭞
ᬫᬲᬶᬓᭂᬧ᭄ᬩᭀᬓᬢ᭄ᬲᬫᬶ᭞ᬜᬜᬧᬗᬫᬸᬓᬦ᭄᭞ᬲᭀᬭᭀᬄᬦᬾᬓᬧᬃᬘ᭄ᬘᬬᬵ᭞ᬳᬶᬤᭂᬧ᭄ᬫᬯᬓ᭄ᬲᬸᬩᬫᬢᬶ᭞ᬮᬯᬸᬢ᭄ᬫᬚᬮᬦ᭄᭞ᬳᬶᬬᬵᬳᬶᬩᬢᬸᬕᬳᬶᬂ᭟ᬓᬳᬸᬮᬧᬶᬦ᭄ᬩᬦ᭄ᬳ᭄ᬬᬳᬶᬲᬸᬤᬃᬱᬦᬵ᭞ᬓᬋᬧ᭄ᬳᬶᬩᬢᬸᬕᬳᬶᬂ᭞ᬫᬦᬸᬤᬶᬂᬫ
ᬦᬗ᭄ᬳᬶᬂ᭞ᬧ᭄ᬘᬓ᭄ᬳᬚᬓᬫ᭄ᬮᬄ᭞ᬫᬳᬲᬶᬳᬦ᭄ᬢᬸᬮᬶᬂᬗᬸᬦᬶ᭞ᬫᬳᬶᬳᬶᬓᬯᬄ᭞ᬫᬳᬶᬚᬦᬶᬢᬶᬫ᭄ᬧᬮᬶᬦ᭄᭟ᬩᬦ᭄ᬳᬶᬩᬦᬾᬳ᭄ᬦᬸᬫᬧᬓᬤᬗᬦ᭄᭞ᬫᬫᬶᬦ᭄ᬤᭀᬦ᭄ᬢ᭄ᬓᬾᬦ᭄ᬓᬳᬶ᭞ᬫᬳᬶᬓᬳᬶᬮᬯᬦ᭄᭞ᬓ᭄ᬤᬾᬓ᭄ᬳᬶᬲᬸᬤᬃᬱᬡᬵ᭞ᬳᬶᬗ᭄ᬕᬶᬄᬲᬦ᭄ᬤᬶᬓ
ᬦ᭄ᬢᬶᬩ᭄ᬮᬶ᭞ᬢᬶᬢ᭄ᬬᬂᬫᬲᬶᬤ᭄ᬬ᭞ᬧᬘᬂᬫᬗᬶᬭᬶᬂᬩ᭄ᬮᬶ᭟ᬯᬦ᭄ᬢᬄᬩ᭄ᬮᬶᬲᬦᬾᬳᬚᬧ᭄ᬳᬚᬧ᭄ᬢᬶᬢ᭄ᬬᬂ᭞ᬫᬦᬄᬢᬶᬢ᭄ᬬᬂᬫᬗᬶᬭᬶᬂ᭞ᬫᬤᭂᬫ᭄ᬫᬲᬋᬗᬦ᭄᭞ᬫᬗ᭄ᬤᬧᬸᬧᬸᬢ᭄ᬲᬧᬶᬲᬦ᭄᭞ᬦᬶᬦ᭄ᬤᬶᬳᬂᬲᬓᬵᬤᬶᬭᬶᬳᬶᬦ᭄᭞ᬧᬸᬧᬸᬢ᭄ᬳᬸᬩᬬᬵ᭞ᬩ᭄ᬮᬶᬓᬵᬃ
[ ᭔᭕ 45A]
ᬩᬋᬂᬫᬢᬶ᭟ᬤᬤᬶᬓᬗᭂᬦ᭄ᬳᬶᬩᬢᬸᬕᬳᬶᬂᬫᬦᬶᬫ᭄ᬩᬮ᭄᭞ᬲᬶᬂᬧᬶᬲᬦ᭄ᬢᬓᬸᬢ᭄ᬫᬢᬶ᭞ᬫᬗᭂᬫ᭄ᬩᭂᬂᬬᬾᬄᬫᬢᬵ᭞ᬭᬢᬸᬳᬶᬗᭂᬢ᭄ᬓᬾᬦ᭄ᬢ᭄ᬬᬂ᭞ᬢᭀᬂᬮᬘᬸᬃᬓᭀᬳᬶᬤᬵᬚᬦᬶ᭞ᬫᬜᬫᬢ᭄ᬬᬂ᭞ᬚᬮᬦ᭄ᬓᬾᬩᬋᬂᬫᬢᬶ᭟ᬦᬵᬗ᭄ᬳᬶᬂᬓᬾᬢᭀᬤᬩ᭄ᬮ
ᬲ᭄ᬩᬋᬂᬫᬚᬮᬦ᭄᭞ᬲ᭄ᬫᬭᬮᭀᬓᬦᬾᬳᬮᬶᬄ᭞ᬮᬯᬸᬢ᭄ᬳ᭄ᬬᬗᬋᬧᬂ᭞ᬧᬤᬬᬲᬮᬶᬂᬢᬸᬫ᭄ᬩᬓ᭄᭞ᬲᬮᬶᬂᬢ᭄ᬩᭂᬓ᭄ᬲᬮᬶᬂᬢᬶᬕ᭄ᬢᬶᬕ᭄᭞ᬲᬮᬶᬂᬳᬗ᭄ᬓᭂᬮᬂ᭞ᬲᬧᬶᬄᬬᬧᬤᬫᬢᬶ᭟ᬲᬸᬩᬓᬢᬹᬃᬧᬸᬭᬶᬢ᭄ᬓᬾᬦ᭄ᬳᬶᬩᬶᬦ᭄ᬤᬵᬃ᭞ᬳᬶᬲᬸᬤᬃᬰᬡᬵ᭞ᬬᬫ
ᬢᬢᬸᬫ᭄ᬩᬓᬦ᭄᭞ᬲᬧᬶᬄᬦᬾᬦᬾᬮᬯᬜ᭞ᬫᬶᬦ᭄ᬤᭀᬜᬳᬶᬩᬢᬸᬕᬳᬶᬂ᭞ᬓᭂᬲ᭄ᬬᬩ᭄ᬳᬶᬩᬶᬦ᭄ᬤᬃ᭞ᬜ᭄ᬚᭂᬍᬕ᭄ᬫᬕᬾᬩ᭄ᬭᬲ᭄ᬭᬭᬶᬲ᭄᭟ᬫᬤᬩ᭄ᬤᬩᬦ᭄ᬗᬦ᭄ᬢ᭄ᬬᬂᬮᬸᬗ᭄ᬳᬵᬓᬧᬬᬸᬤᬦ᭄᭞ᬓᬬᬸᬦ᭄ᬤᬦᬾᬫ᭄ᬩᬾᬮᬦᬶᬦ᭄᭞ᬬᬳᬶᬲᬹᬤᬃᬰᬡᬵ᭞ᬬᬾᬄᬫ
ᬢᬦ᭄ᬜᬦᬾᬫᭂᬫ᭄ᬩᬄ᭞ᬗᭂᬳᬾᬮ᭄ᬢ᭄ᬯᬭᬤᬫᬕᬦ᭄ᬢᬶ᭞ᬮᬯᬸᬢ᭄ᬫᬧᬬᬲ᭄᭞ᬫᬗᬗ᭄ᬕᭀᬲᬵᬃᬯ᭄ᬯᬧᬸᬢᬶᬄ᭟ᬫᬓᬭᭀᬦᬦ᭄ᬜᭂᬍᬕ᭄ᬩᬋᬂᬬᬳᬶᬚᬾᬗ᭄ᬕᭂᬮᬃ᭞ᬧᬤᬗ᭄ᬭᬗ᭄ᬲᬸᬓ᭄ᬲᬲᬶᬫ᭄ᬧᬶᬂ᭞ᬕᭀᬩᬦ᭄ᬜᬦᬾᬜᬜᬧ᭄᭞ᬗᭂᬦ᭄ᬤᬶᬄᬫᬸᬭᬸ
Kaca:Bali-lontar-gaguritan-smara-ratih-300ppi.pdf/45
Kaca puniki sampun kauji-wacén
