[ ᭔᭓ 43B]
᭔᭓᭞
ᬓ᭄ᬳᭀᬫ᭄ᬩᬓᬦ᭄᭞ᬩᬸᬓᬳᬗᬶᬦᬾᬢᬭᬶᬓ᭄᭟ᬫᬲᬵᬲᬸᬫ᭄ᬩᬃᬧᬤᬵᬬᬫᬩ᭄ᬬᬬ᭄ᬯᬦ᭄᭞ᬩᬩ᭄ᬤᬕ᭄ᬓᬭᬗᬲ᭄ᬢᬶ᭞ᬧᭀᬗᬄᬩᬦᬾᬮᬶᬯᬢ᭄᭞ᬢ᭄ᬯᬭᬫᬦᬯᬂᬚ᭄ᬜ᭄ᬕᬄ᭞ᬳᬧᬩᬬᬃᬳᬶᬩᬮᬶᬮᬶᬄ᭞ᬤᬤᬶᬗ᭄ᬯᬍᬲᬂ᭞ᬳᬸᬮᬶᬤᬶᬓᬭᬂᬗᬱ᭄ᬝᬶ᭟
ᬓᬤᬾᬦ᭄ᬳᬶᬩᬚᬦᬶᬓᬳᬶᬧᬘᬂᬩᬗ᭄ᬓᬵ᭞ᬳᬶᬩᬤᭀᬕᬾᬦ᭄ᬫ᭄ᬯᬦᬶ᭞ᬓᬳᬶᬳᬧᬵᬮ᭄ᬯᬵ᭞ᬓ᭄ᬦᭂᬳᬂᬳᬶᬩᬩᬶᬚᬮ᭄᭞ᬳᬶᬄᬳᬶᬩᬤᭀᬕᬾᬦ᭄ᬧ᭄ᬭᬚᬸᬭᬶᬢ᭄᭞ᬫᬳᬶᬧᬳᭂᬓᬂ᭞ᬢᭂᬦ᭄ᬤᬲ᭄ᬳᬶᬩᬵᬓᬃᬢ᭄ᬩᬶᬄ᭟ᬳᬄᬳᬾᬤᬍᬫ᭄ᬧᬘᬂᬓᬲᭀᬃᬓ
ᬤᬶᬭᬦ᭄᭞ᬭᬾᬄᬳᬸᬮᬶᬂᬗᬸᬦᬶᬗᬸᬦᬶ᭞ᬤᬸᬭᬸᬂᬧᬶᬲᬦ᭄ᬧᬶᬲᬦ᭄᭞ᬓᬳᬶᬢᭀᬦᬾᬓᬧᬜ᭄ᬚᬓ᭄᭞ᬓᬚᬭᬄᬓᬓᬭᬗᬲ᭄ᬢᬶ᭞ᬤᬤᬶᬓ᭄ᬮᬶᬢᬶᬓᬶᬸᬓᬦ᭄᭞ᬳ᭄ᬤᬤᭂᬕᬕ᭄ᬫᬫᬸᬜᬶ᭟ᬧᬤᬋᬗᭂᬢ᭄ᬫᬫᬸᬜᬶᬧᬲᬮᬾᬂᬳᬗ᭄ᬓᭂᬮᬂ᭞ᬧᬤᬲᬮᬾᬂᬘ᭄ᬩᬸᬭᬶ
ᬦ᭄᭞ᬧᬜ᭄ᬚᬓᬾᬫᬢᬶᬗ᭄ᬓᬄ᭞ᬳᬶᬩᬢᬸᬕᬳᬶᬓ᭄ᬭᭀᬤᬵ᭞ᬳᬾᬗ᭄ᬕᬮ᭄ᬗᬋᬧᬂᬫᬫᬸᬜᬶ᭞ᬯᬮᬸᬬᬓᬶᬮᬧ᭄᭞ᬜ᭄ᬭᬶᬢ᭄ᬢᬦ᭄ᬧᬧᬓ᭄ᬓᬾᬭᬶᬂ᭟ᬭᬫᬾᬲ᭄ᬧᬶᬲᬦ᭄ᬜ᭄ᬚᬬᬵᬬᬓᬧᬭᬚᬬᬵ᭞ᬫᬸᬦ᭄ᬤᬸᬃᬲᬮᬶᬂᬳᬸᬦ᭄ᬤᬸᬭᬶᬦ᭄᭞ᬮᬶᬮᬶᬄᬗᬮᬶᬮᬶᬳᬂ
[ ᭔᭔ 44A]
᭞ᬳᬤᬓᬮ᭄ᬬᬂᬫᬾᬦᬓ᭄᭞ᬓᬮᬶᬬᬂᬳᬶᬋᬱ᭄ᬯᬧᬢᬶ᭞ᬳ᭄ᬬᬳᬶᬚᬫ᭄ᬩᬾᬗᬦ᭄᭞ᬫᬧᬖᬶᬩᬢᬸᬕᬳᬶᬂ᭟ᬓᬢᬤ᭄ᬢᬤᬵᬂᬲᬤᬸᬧ᭄ᬭᬬᬜᬫᬦᬸᬚᬄ᭞ᬳᬸᬮᬶᬚᬭᬦᬾᬜ᭄ᬮᬾᬲᬶᬦ᭄᭞ᬳᬶᬘᬧᬵᬜᬗ᭄ᬓᬮᬵ᭞ᬳᬶᬩᬢᬸᬕᬳᬶᬂᬢᬗᬵᬃ᭞ᬢ
ᬗᭂᬄᬬᬧᬘᬂᬓᬳᬶᬦ᭄ᬢᬶᬧ᭄᭞ᬫᬤᬶᬗᬂᬚᬭᬦ᭄᭞ᬫᬗ᭄ᬤᬾᬫᬋᬧ᭄ᬓᬲᬫ᭄ᬧᬶᬂ᭟ᬮᬯᬸᬢ᭄ᬦᭂᬲᭂᬓ᭄ᬫᬦᬸᬤᬶᬂᬬᬵᬳᬶᬚᬫ᭄ᬩᬾᬗᬦ᭄᭞ᬳᬶᬩᬵᬓᭀᬦᬾᬧ᭄ᬭᬚᬸᬭᬶᬢ᭄᭞ᬫᬳᬶᬓᬳᬶᬮᬯᬦ᭄᭞ᬫᬢᬹᬃᬬᬳᬶᬚᬫ᭄ᬩᬾᬗᬦ᭄᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬕᬸ
ᬲ᭄ᬢᬶ᭞ᬓᭂᬩᬳᬶᬦ᭄ᬢᬸᬫ᭄ᬩᬓ᭄᭞ᬧᬤᬵᬲᬮᬾᬂᬳᭂᬜ᭄ᬚᬸᬳᬶᬦ᭄᭟ᬫᬳᬸᬬᭂᬗᬦ᭄ᬲᭂᬮᬾᬂᬲᭂᬲᭂᬄᬫᬳᬸᬤ᭄ᬭᬦ᭄᭞ᬓᬢᬸᬚᬄᬮᬳᬸᬢ᭄ᬫᬢᬶ᭞ᬳ᭄ᬬᬳᬶᬚᬫ᭄ᬩᬾᬗᬦ᭄᭞ᬳᭂᬫ᭄ᬩᬸᬤ᭄ᬩᬲᬗᬵᬩᬤ᭄ᬩᬤ᭄᭞ᬫᬘ᭄ᬩᬸᬃᬬᬵᬓᬢ᭄ᬕᬓᬶᬦ᭄᭞ᬮᬯᬸᬢ᭄ᬓᬧᬸᬗ᭄ᬕᬮ᭄᭞
ᬩ᭄ᬯᬶᬦ᭄ᬓᬢ᭄ᬩᬶᬄᬢ᭄ᬩᬶᬄ᭟ᬮᬶᬫᬦ᭄ᬜᬦᬾᬓᬧᬸᬓᬂᬮᬯᬸᬢ᭄ᬲᬩᬢᬂ᭞ᬩ᭄ᬯᬶᬦ᭄ᬳᬶᬬᬫᬓ᭄ᬭᬶᬬᬶᬓ᭄᭞ᬫᬗᭂᬚᭃᬃᬭᬂᬩᭀᬓᬢ᭄᭞ᬫᬸᬦ᭄ᬤᬸᬃᬦᬤ᭄ᬢᬤ᭄ᬧᬸᬗ᭄ᬕᬮᬦ᭄᭞ᬲᬸᬭᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬗ᭄ᬭᭀᬤᭀᬓ᭄ᬳᬫ᭄ᬧ᭄ᬯᬦ᭄᭞ᬩᬸᬓᬵᬕᬸᬦᬹᬂᬗᬾᬳᭂᬫ᭄ᬩᬶ
Kaca:Bali-lontar-gaguritan-smara-ratih-300ppi.pdf/44
Kaca puniki sampun kauji-wacén
