Kaca:Bali-lontar-gaguritan-smara-ratih-300ppi.pdf/40

Saking Wikisource
Kaca puniki sampun kauji-wacén

[ ᭓᭙ 39B]
᭓᭙᭞
ᬲᬵᬫ᭄ᬧᬸᬦ᭄ᬩᬸᬩᬃᬭᬶᬂᬢᬗ᭄ᬓᬶᬮᬦ᭄᭞ᬮ᭄ᬬᬦ᭄ᬢ᭄ᬬᬳᬶᬩᬢᬸᬕᬳᬶᬂ᭞ᬫᬓᬵᬤᬶᬳᬶᬩᬢᬸᬩᭀᬓᬄ᭞ᬳᬶᬩᬢᬸᬋᬫ᭄ᬧᬓ᭄ᬫᬋᬗᬶᬦ᭄᭞ᬫᬶᬯᬄᬳᬶᬩᬢᬸᬳᬓᬶᬓ᭄᭞ᬢᬶᬩᬢᬸᬩᭂᬦ᭄ᬢᬃᬫᬜᬸᬦ᭄ᬤᬸᬮ᭄᭞ᬩᬋᬂᬳᬶᬩᬢᬸᬩ᭄ᬮᬄ᭞ᬫᬤᬸᬮᬸᬃᬳᬶᬩᬢᬸᬕ᭄ᬦᬶ᭞ᬩ
ᬢᬸᬕᬗ᭄ᬕᬸᬂ᭞ᬳᬶᬩᬢᬸᬩᭂᬩᭂᬤ᭄ᬫᬚᬮᬦ᭄᭟ᬢ᭄ᬓᬮᬯᬸᬢ᭄ᬫᬗᬋᬧᬂ᭞ᬳᬶᬩᬢᬸᬩ᭄ᬮᬶᬕ᭄ᬫᬋᬗᬶᬦ᭄᭞ᬫᬶᬯᬄᬬᬳᬶᬲᬶᬮᬵᬢᬮᬵ᭞ᬫᬶᬯᬄᬬᬳᬶᬩᬢᬸᬩᬸᬮᬶᬄ᭞ᬓᬩᬜ᭄ᬘᬶᬗᬄᬫᬗ᭄ᬭᬭᬶᬲ᭄᭞ᬲᬳᬵᬲᬶᬓᭂᬧ᭄ᬫᬗᬭᬸᬤᬸᬕ᭄᭞ᬲᬬᬕᬫᬕᬕᬫ
ᬦ᭄᭞ᬫᬤᬸᬮᬸᬃᬢ᭄ᬕᬓᬦ᭄ᬲᬫᬶ᭞ᬤᬾᬦᬶᬂᬤᬤᬾᬧᬸᬗ᭄ᬕᬯᬵᬭᬶᬭᬶᬄ᭞ᬩ᭄ᬯᬶᬦ᭄ᬓᬾᬫᬦ᭄᭟ᬩᬋᬂᬫᬜᬸᬫ᭄ᬩᬄᬫᬓ᭄ᬚᬂ᭞ᬫᬳᬢᬹᬃᬲᬮᬶᬂᬮᬶᬫ᭄ᬧᬤᬶᬦ᭄᭞ᬫᬦᬸᬦᬲ᭄ᬫᬗ᭄ᬓᬶᬦ᭄ᬫᬚᬮᬦ᭄᭞ᬫᬗᬺᬚᬓ᭄ᬓᬓᬭᬂᬗᬱ᭄ᬝᬶ᭞ᬫᬶᬲᬦ᭄ᬫᬶᬲᬜᬲᬫᬶ᭞ᬫᬢᬦ᭄ᬤᬶᬗᬦ᭄ᬤ
ᬤᬶᬳᬯᬸ᭞ᬳᬾᬤᬍᬫ᭄ᬧᬘᬂᬓᬸᬘᬧ᭄᭞ᬩᬳᬦᬾᬤᬶᬕᬸᬫᬶᬦᬾᬲᬳᬶ᭞ᬫᬩ᭄ᬭᬶᬬᬸᬓ᭄᭞ᬧᬢᬸᬄᬳᬢᬸᬭᬾᬫᬓ᭄ᬚᬂ᭟᭐᭟᭚ᬤᬹᬃᬫ᭄ᬫᬵ᭝ᬫᬤᬩ᭄ᬤᬩᬦ᭄‌‌ᬲᬶᬓᭂᬧᬾᬬᬫᬕᬶᬮᬶᬬᬦ᭄᭞ᬚᬦ᭄ᬫᬦᬾᬯᬭᬯᬶᬭᬶ᭞ᬫ
[ ᭔᭐ 40A]
ᬢᬾᬫ᭄ᬧᬾᬓ᭄ᬢᬾᬫ᭄ᬧᬾᬓᬦ᭄᭞ᬫᬓᬦ᭄ᬥᬲᬶᬂᬲᬶᬂᬚᬮᬦ᭄᭞ᬧᬤᬬᬫᬗᬦ᭄ᬢᬶᬕᬸᬲ᭄ᬢᬶ᭞ᬳ᭄ᬩᭂᬓ᭄ᬫᭀᬫ᭄ᬩᬓᬦ᭄᭞ᬩᬸᬓᬧᬲᬶᬄᬓᬲᬶᬮᬶᬃ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬧᬗ᭄ᬭᬯᭀᬲᬾᬭᬶᬂᬩᬜ᭄ᬘᬶᬗᬄ᭞ᬲᬶᬓᭂᬧᬾᬓᬤᬯᬸᬳᬶᬦ᭄᭞ᬫᬩᬮᬶᬓ᭄ᬫᬓ᭄ᬚᬂ᭞ᬲᬫ᭄ᬩᭂᬦ᭄ᬯ
ᬮᬸᬬᬵᬳᬮᬲ᭄‌ᬢᬶᬕ᭄ᬢᬶᬕ᭄ᬳᬸᬚᬦ᭄ᬩᬩᬭᬗᬶᬦ᭄᭞ᬮᬸᬘᬸᬢ᭄ᬫᬓ᭄ᬚᬂ᭞ᬜ᭄ᬚᭂᬍᬕ᭄ᬫᬜ᭄ᬫᬓ᭄ᬲᬸᬦ᭄ᬤᬶᬄ᭟᭐᭟᭚᭜᭚ᬲᬶᬦᬵᬫ᭄᭝ᬫᬧᬫᬶᬢ᭄ᬳᬶᬩᬢᬸᬋᬫ᭄ᬧᬓ᭄᭞ᬧᬘᬂᬫᬸᬘᬸᬓᬶᬦ᭄ᬫᬫᬵᬃᬕ᭄ᬕᬶ᭞ᬫᬕᬾᬩ᭄ᬭᬲ᭄ᬮᬯᬸᬢ᭄ᬫᬚᬮᬦ᭄᭞ᬦᬤ᭄ᬢᬤ᭄ᬘᭂᬦ᭄ᬤᭂ
ᬓᬦ᭄ᬫᬫᬵᬃᬕ᭄ᬕᬶ᭞ᬯ᭄ᬬᬓ᭄ᬢᬶᬧᬦ᭄ᬢᭂᬲ᭄ᬧ᭄ᬭᬚᬸᬭᬶᬢ᭄᭞ᬫᬜ᭄ᬚᬸᬚᬸᬓ᭄ᬦᬸᬤᬶᬂᬫᬦᬸᬤᬸᬄ᭞ᬲᬶᬓᭂᬧᬾᬫᬓᬶᬲ᭄ᬮᬦ᭄᭞ᬫᬤᬩ᭄ᬤᬩ᭄ᬫᬢᬶᬗ᭄ᬓᬄᬧᬲ᭄ᬢᬶ᭞ᬤᬾᬦᬶᬂᬫᬸᬮᬵᬓᬲᬸᬩ᭄‌ᬬᬮᬮᬗᬶᬂᬬᬸᬤᬵ᭟ᬧᬧᬶᬢᬸᬦᬾᬦᬾᬓᬢᬶᬢᬄ᭞ᬧᬺᬫᬾᬦᬓᬾᬭᬶᬭᬶᬄᬭᬶᬭᬶᬄ᭞
ᬫᬓᬫᭀᬯᬦᬶᬂᬲᬜ᭄ᬚᬢ᭞ᬳᬶᬩᬢᬸᬳᬶᬢᭂᬫ᭄ᬗᬶᬤᭂᬭᬶᬦ᭄᭞ᬫᬜᬦ᭄ᬤᬶᬂᬳᬲᬶᬂᬮᬶᬮᬶᬄ᭞ᬫᬕ᭄ᬮᬃᬭᬓ᭄ᬱᬲᬵᬗ᭄ᬮᬸᬃ᭞ᬤᬾᬦᬶᬂᬘᬶᬳ᭄ᬦᬵᬗᬯᬓᬂ᭞ᬫᬦᬩᬸᬄᬢᬫ᭄ᬩᬸᬃᬢᭀᬂᬩᬾᬭᬶ᭞ᬢᭀᬂᬕᬸᬫᭂᬦ᭄ᬢᬸᬃ᭞ᬓᬩ᭄ᬮᬓ᭄ᬩᬦ᭄ᬧᬲᬸᬭᬓᬦ᭄᭟ᬕᭀᬗ᭄ᬲᭀᬃ