Kaca:Bali-lontar-gaguritan-smara-ratih-300ppi.pdf/39

Saking Wikisource
Kaca puniki sampun kauji-wacén

[ ᭓᭘ 38B]
᭓᭘᭞
ᬫᬦᬦ᭄ᬤᬦ᭄᭟ᬓᬮᬶᬧᬸᬢ᭄ᬳ᭄ᬬᬫᬓᬤᬤ᭄ᬯ᭞ᬤᬤᬶᬲᬭᬸᬫᬓᬓᬮᬶᬄ᭞ᬲᬭᬢ᭄ᬯᬭᬵᬳᬤᬦᬯᬂ᭞ᬢ᭄ᬓᭂᬦ᭄ᬳ᭄ᬬᬆᬤᬶᬚᬩᬚᬦᬶ᭞ᬲᬸᬩᬢ᭄ᬬᬧᬤᬗᬦ᭄ᬢᬶ᭞ᬫᬘᬘᬧᬶᬮ᭄‌ᬩᭀᬗ᭄ᬓᭀᬓ᭄ᬗᭂᬫᬸᬓ᭄᭞ᬗᬳᭂᬧᬶᬦ᭄ᬢᬢᭂᬕᭂᬦᬦ᭄᭞ᬫᬢᬶᬓᬲ᭄ᬫᬮᬵᬫᬢᬦᬶ
᭞ᬬᬵᬧ᭄ᬢᭂᬗᬦ᭄ᬢ᭄ᬯᬭᬤᬫ᭄ᬩᬳᬦ᭄ᬤᬸᬦᬹᬗᬦ᭄᭟ᬳ᭄ᬓᬬᬵᬳᬶᬫᬬᬓ᭄ᬱᬭᬵ᭞ᬕᬸᬲ᭄ᬢᬶᬩᬕᬸᬲ᭄ᬫᬜ᭄ᬚᬕ᭄ᬚᬕᬶᬦ᭄᭞ᬓᬚᬓ᭄ᬳ᭄ᬬᬫᬲᬮᬶᬦ᭄ᬤᬸᬦ᭄᭞ᬮᬯᬸᬢ᭄ᬓᬓᬫ᭄ᬩᭂᬦᬶᬦ᭄‌ᬫ᭄ᬯᬦᬶ᭞ᬳᬸᬲ᭄ᬢ᭄ᬬᬵᬬᬸᬫᬓᬓᬮᬶᬄ᭞ᬓᬲᬼᬢᬶᬦ᭄ᬘᬭᬂkᬳᬬᬸ᭞ᬫᬘᬘᬧᬶᬮ᭄ᬫᬚᬮᬦ᭄᭞ᬫᬩᬶ
ᬓᬲ᭄ᬫᬦ᭄ᬭᬸᬕ᭄ᬢᬸᬢ᭄ᬲᬫ᭄ᬧᬶ᭞ᬓᬫᬮᬶᬗᬦ᭄᭞ᬫᬫᬸᬜᬶᬦᬓᭀᬦᬂᬢᬫ᭄ᬧᬓ᭄᭟ᬲᬸᬩᬬᬵᬫᬗ᭄ᬮᬶᬯᬢ᭄ᬤᬾᬱᬵ᭞ᬢ᭄ᬓᬚᬭᬦ᭄ᬫᬫᭂᬦ᭄ᬤᬓᬶᬦ᭄᭞ᬦ᭄ᬤᭂᬮᭀᬓ᭄‌ᬧ᭄ᬲᬸᬳᬸᬮᬶᬳᬮᬲ᭄᭞ᬫ᭄ᬦᬾᬓ᭄ᬫᬓᬓᬮᬶᬄᬗ᭄ᬭᬭᬶᬲ᭄᭞ᬢ᭄ᬓᭂᬤᬶᬓᬭᬂᬗᬲ᭄ᬱ᭄ᬝᬶ᭞ᬓᬚ᭄ᬭᭀᬭᬸᬲ᭄ᬮᬦ᭄ᬫᬗ᭄ᬮ
ᬯᬸᬢ᭄᭞ᬧᬚᬢᬶᬦᬾᬘ᭄ᬭᬶᬢᬬᬂ᭞ᬓᬧᬸᬭᬶᬳᬶᬤᬶᬃᬕ᭄ᬖᬵᬧᬢᬶ᭞ᬫᬗᬢᬸᬭᬂᬕᬸᬲ᭄ᬢᬶᬩᬕᬸᬲ᭄ᬫᬮᬬᬢ᭄ᬣᬂ᭟ᬕ᭄ᬮᬸᬕᬸᬲ᭄ᬢᬶᬢ᭄ᬬᬂᬚᬕᬢ᭄᭞ᬓ᭄ᬭᭀᬤᬦᬾᬢᬦ᭄ᬲᬶᬧᬶᬲᬶᬧᬶ᭞ᬩᬳᬦᬾᬤᬤ᭄ᬯᬳᬧᬶᬲᬦ᭄᭞ᬳᭀᬓᬦ᭄ᬤᬦᬾᬦᬾᬓᬧᬮᬶᬂ᭞ᬫᬩᬶ

[ ᭓᭙ 39A]
ᬦ᭄ᬤᭃᬃᬫᬘ᭄ᬩᬸᬃᬕ᭄ᬮᬶᬲ᭄᭞ᬫᬦᬤ᭄ᬢᬦ᭄ᬓᬮᬾᬯᬂᬩᬸᬮᬸᬲ᭄᭞ᬫᬶᬚᬶᬮ᭄ᬳ᭄ᬬᬓᬩᬜ᭄ᬘᬶᬗᬄ᭞ᬗᬢᬕ᭄ᬧᬋᬓᬦᬾᬲᬫᬶ᭞ᬭᬭᬶᬲ᭄ᬤᬦᬾᬗᬦ᭄ᬤᬶᬓᬵᬦᭂᬤᬸᬦᬂᬧᬜ᭄ᬚᬓ᭄᭟᭐᭟᭚ᬤᬹᬃᬫ᭄ᬫᬵ᭝ᬗᭂᬩᬸᬕ᭄ᬓᬸᬮ᭄ᬓᬸᬮ᭄ᬩᬸᬮᬸᬲ᭄ᬳ᭄ᬬᬭᬫᬾᬫᬥᬾᬗ᭄ᬤᬂ᭞ᬢ᭄ᬤᬸ
ᬦ᭄ᬕᬾᬯᬃᬧᬚᬦᬶ᭞ᬳᭀᬢ᭄ᬣᬦᬾᬓᬩ᭄ᬬᬓ᭄ᬢᬵ᭞ᬤᬾᬱᬵᬤᬾᬱᬦᬾᬓᬕ᭄ᬬᬢ᭄᭞ᬧᬸᬗ᭄ᬕᬯᬦ᭄ᬜᬦᬾᬓᬧᬸᬭᬶ᭞ᬲᬫᬶᬦᬸᬦᬲᬂ᭞ᬲᬸᬫᬸᬬᬸᬕ᭄ᬫᬢᬹᬃᬩᬸᬓ᭄ᬢᬶ᭟ᬭᬢᬸᬢᬶᬢ᭄ᬬᬂᬫᬦᬸᬦᬲᬂᬓᬤᬶᬮᬗ᭄ᬕ᭄ᬬᬵ᭞ᬫᬸᬧᬸᬢ᭄ᬓᬬᬸᬦ᭄ᬳᬶᬕᬸᬲ᭄ᬢᬶ᭞ᬳᬓᬾ
ᬢᭀᬳᬢᬹᬭᬂ᭞ᬲᬶᬂᬢ᭄ᬓᬵᬜᭀᬗ᭄ᬓᭀᬓ᭄ᬜᬸᬫ᭄ᬩᬄ᭞ᬗᭂᬦᭀᬢ᭄ᬕᬸᬲ᭄ᬢᬶᬜᬦᬾᬚ᭄ᬜ᭄ᬕᬶᬲ᭄᭞ᬧᬤᬓᬾᬫ᭄ᬗᬦ᭄᭞ᬳ᭄ᬦᬸᬲᬮᬶᬂᬩ᭄ᬗᭀᬗᬶᬦ᭄᭟᭐᭟᭚ᬲᬶᬦᭀᬫ᭄᭝ᬕᬸᬲ᭄ᬢᬶᬕ᭄ᬥᬾᬢ᭄ᬭᬂᬚᬕᬢ᭄᭞ᬳᬾᬭᬄᬧᬶᬲᬦ᭄ᬓᬤᬶᬫᬗ᭄ᬓᬶᬦ᭄
᭞ᬩᬳᬦᬾᬤᬤ᭄ᬯᬓᬚ᭄ᬯᬂ᭞ᬤᬦᬾ ᬓᬬᬸᬦ᭄ᬫᬦᬦ᭄ᬤᬶᬗᬶᬦ᭄᭞ᬓᬤᬯᬸᬳᬦ᭄ᬢ᭄ᬬᬲᬫᬶ᭞ᬧᬸᬗ᭄ᬕᬯᬵᬓᬮ᭄ᬬᬂᬤᬶᬢᬸ᭞ᬢ᭄ᬮᬲᬦ᭄ᬫᬓᬤᭀᬫᬦ᭄᭞ᬩᬩ᭄ᬘᬶᬓᬾᬓᬫᬸᬜᬶᬦᬶᬦ᭄᭞ᬧᬤᬜᬸᬫ᭄ᬩᬄ᭞ᬯᬶᬭᬾᬄᬧᬜ᭄ᬚᬓ᭄ᬤᬦᬾ ᬫ᭄ᬮᬄ᭟