[ ᭓᭗ 37B]
᭓᭗᭞
ᬦ᭄ᬲᬧᬸᬢ᭄ᬮᬦ᭄ᬓᬸᬮᬫ᭄ᬩᬶ᭞ᬤᬗᬦᬦ᭄ᬳᭂᬫᬵᬲ᭄᭞ᬩᬸᬗ᭄ᬓᬸᬂᬧᬤᬫᬓᬢᬶᬄ᭟ᬲᬸᬩᬧᬸᬧᬸᬢ᭄ᬢᬕᬶᬩᬦᬸᬦ᭄ᬤᬸᬓ᭄ᬤᬸᬦ᭄ᬤᬸᬓᬦ᭄᭞ᬢᬦ᭄ᬳᬸᬘᬧᭂᬦ᭄ᬯᬸᬲ᭄ᬯᭂᬗᬶ᭞ᬫᬧᬫᬶᬢ᭄ᬫᬓ᭄ᬚᬂ᭞ᬫᬮᬶᬄᬦᭂᬲᭂᬓᬶᬦ᭄ᬲᭀᬫᬄ᭞ᬮᬯᬸᬢ᭄ᬫᬫᬸᬜᬶᬗᬫᬜᬶᬂ᭞ᬳᬤᬶᬧᬂᬫ᭄ᬮᬄ᭞ᬚᬸᬫᬄᬓ
ᬮᬳᬶᬦ᭄ᬳ᭄ᬬᬂᬫᬢᬶ᭟ᬳᬤᬗ᭄ᬮᬶᬂᬫᬢᬓᭀᬦ᭄ᬢᭂᬓᬾᬦ᭄ᬓᬸᬋᬦᬦ᭄᭞ᬦᬾᬫ᭄ᬯᬦᬶᬫᬜᬳᬸᬢᬶᬦ᭄᭞ᬤᬅ᭄ᬗ᭄ᬮᬶᬂᬫᬲ᭄ᬫᬶᬭᬄ᭞ᬲᬶᬂᬚᬵᬳ᭄ᬬᬂᬧᬘᬂᬗᬸᬢᬂ᭞ᬲᬲᬣ᭄ᬬᬂᬮ᭄ᬯᬲ᭄ᬫᬮᬮᬶ᭞ᬦᬄᬩᬶᬦ᭄ᬳᬯ᭄ᬓᬲ᭄᭞ᬳ᭄ᬬᬂᬓᬢ᭄ᬧᬸᬓ᭄ᬩ᭄ᬯᬶᬦ᭄᭟᭐᭟᭚ᬲᬶᬦᭀᬫ᭄
᭝ᬦᬄᬳᬫ᭄ᬩᬸᬮ᭄ᬢᭀᬘᬭᬶᬢᬬᬂ᭞ᬢ᭄ᬓᬵᬤᬾᬯᬱᬦᬾᬚᬦᬶ᭞ᬕᬸᬲ᭄ᬢᬶᬩᬕᬸᬲ᭄ᬫᬤᬩ᭄ᬤᬩᬦ᭄᭞ᬤᬾᬦᬶᬂᬲᬸᬩᬦᬗ᭄ᬕᬧ᭄ᬯᭂᬗᬶ᭞ᬗᬮᬶᬄᬳᬶᬦᬵᬕᬲᬭᬶ᭞ᬫᬳᬢᬸᬃᬭᬶᬂᬭᬢᬸᬳᬬᬸ᭞ᬲᬸᬩᬧᬤᬲᬬᬕᬵ᭞ᬧᬚᬮᬦᬾᬦᬾᬚᬦᬶ᭞ᬢ
ᬦ᭄ᬓᭀᬘᬧᬵ᭞ᬢ᭄ᬓᬾᬤᬶᬓᬭᬂᬲᬶᬸᬲᬶᬮᬸᬫᬦ᭄᭟ᬲᬳᬲᬶᬓᭂᬧ᭄ᬫᬲᬗᬶᬤᬦ᭄᭞ᬦᬸᬗᬮᬲ᭄ᬬᬢ᭄ᬦᬢᬦ᭄ᬲᬶᬧᬶ᭞ᬦᬮᬶᬓᬹᬃᬫᬜ᭄ᬚᬕᬤᬾᬱᬵ᭞ᬯᬯᭂᬗ᭄ᬓᭀᬦ᭄ᬭᬶᬂᬧᬸᬱ᭄ᬧᬵᬲᬭᬶ᭞ᬩᬦ᭄ᬭᬶᬭᬶᬳᬾᬦᭂᬓᭂᬧᬶᬦ᭄᭞ᬲ᭄ᬬᭂᬧ᭄ᬫᬭᬶᬩ᭄ᬕᬸᬫᬶᬲᬸᬮᬸᬃ᭞
[ ᭓᭘ 38A]
ᬢ᭄ᬯᬭᬵᬳᬤᬓ᭄ᬜᬶᬭᬦ᭄᭞ᬳ᭄ᬬᬂᬓ᭄ᬱᬭᬵᬦᬾᬜᬦ᭄ᬤᬗᬶᬦ᭄᭞ᬓᬗ᭄ᬕᭀᬫᭂᬘᬄᬫᬗ᭄ᬮᬾᬩᬂᬤᬬᬳᬸᬧᬬᬵ᭟ᬳᬶᬫᬬᬓ᭄ᬲᬭᬵᬫᬚᬮᬦ᭄᭞ᬫᬜᬶᬮᬶᬩ᭄ᬮᬯᬸᬢ᭄ᬓᬧᬸᬭᬶ᭞ᬫᬩᬶᬓᬲ᭄ᬓᬸᬮᬵᬧᬜ᭄ᬚ᭄ᬭᭀᬯᬦ᭄᭞ᬫᬓᬫ᭄ᬩᭂᬦ᭄ᬲᬭᬾᬩᬾᬢ᭄ᬓᬸᬦᬶᬂ᭞ᬧ
ᬳᬸᬢ᭄ᬫᬓᬮᬸᬂᬢᬗᬶ᭞ᬫᬜᬸᬳᬸᬦ᭄ᬧ᭄ᬦᬭᬓ᭄ᬮᬸᬳᬸᬂ᭞ᬫᬳᬩᭂᬢ᭄ᬓᬧ᭄ᬯᬋᬕᬦ᭄᭞ᬩᬶᬓ᭄ᬱᬵᬫᬗᬮᬶᬄᬦᬲᬶ᭞ᬫᬗᬵᬮᬶᬗ᭄ᬓᬸᬂᬫᬗᬮᬶᬄᬳᬶᬦᬕᬲᬃᬬ᭄ᬬᬵ᭟ᬦᬵᬗ᭄ᬳᬶᬂᬧᬗᬼᬓᬲᬾᬫ᭄ᬮᬄ᭞ᬜ᭄ᬚᬸᬢᬶᬭᬹᬧᬵᬧᬭᬚᬦᬶ᭞ᬮᬯᬸᬢ᭄ᬳ᭄ᬬᬗᬫᬬᬵᬫᬬᬵ᭞
ᬓᬢ᭄ᬧᬸᬔᬶᬦᬵᬕᬲ᭄ᬭᬶ᭞ᬦᬾᬓᭀᬫ᭄ᬩᭀᬓ᭄ᬦᬵᬕᬲᬭᬶ᭞ᬚᬮᬦ᭄ᬢᭂᬫ᭄ᬩᭀᬓ᭄ᬧ᭄ᬲᬸᬫᬮᬸ᭞ᬢᬸᬩᬕᬸᬲ᭄ᬫᬗᬦ᭄ᬢᭀᬲᬂ᭞ᬫᬳᬢᬸᬃᬳᬶᬦᬵᬕᬲᬭᬶ᭞ᬦᬸᬦᬲ᭄ᬧᬋᬓ᭄ᬕᬸᬲ᭄ᬢᬶᬫᬗ᭄ᬭᬭᬶᬲ᭄ᬓᬚ᭄ᬭᭀᬯᬦ᭄᭟ᬫᬗ᭄ᬮᬯᬸᬢ᭄ᬳᬶᬫᬬᬓ᭄ᬱᬭᬵ᭞ᬜᭀ
ᬗ᭄ᬓᭀᬓ᭄ᬫᬜᬸᬫ᭄ᬩᬄᬫᬫᬸᬜᬶ᭞ᬫᬶᬮᬶᬤᬦ᭄ᬮᬗ᭄ᬲᬾᬫᬦ᭄ᬕᬓ᭄᭞ᬦᬸᬦᬲ᭄ᬭᬢᬸᬫᬗ᭄ᬓᬶᬦ᭄ᬫᬶᬚᬶᬮ᭄᭞ᬲᬵᬫ᭄ᬧᬸᬦᬂᬭᬢᬸᬳᬚ᭄ᬭᬶᬄ᭞ᬢᬶᬢ᭄ᬬᬂᬗᬶᬭᬶᬂᬘᭀᬓᭀᬃᬭᬢᬸ᭞ᬦᬸᬦᬲ᭄ᬭᬢᬸᬫᬫᬵᬃᬕ᭄ᬕ᭞ᬫᬘ᭄ᬩᬸᬃᬬᬵᬫᬓᬓᬮᬶᬄ᭞ᬤᬤᬶᬬᬢ᭄ᬦᬳᬶᬫᬬᬓ᭄ᬱᬭ
Kaca:Bali-lontar-gaguritan-smara-ratih-300ppi.pdf/38
Kaca puniki sampun kauji-wacén
