[ ᭓᭖ 36B]
ᬲᬓᬮᬂᬢᬶᬢ᭄ᬬᬂ᭞ᬓᬭᬶᬳᬸᬭᬶᬧ᭄ᬓᬤᬶᬫᬗ᭄ᬓᬶᬦ᭄᭞ᬫᬢᬹᬃᬫᬜᬸᬫ᭄ᬩᬄ᭞ᬗᬸᬦ᭄ᬢᬸᬓ᭄ᬢ᭄ᬯᬭᬫᬫᬸᬜᬶ᭟ᬤᬤᬶᬳᭂᬫ᭄ᬧᭂᬢ᭄ᬧᬓ᭄ᬦᭂᬄᬳᬜᬦᬶᬗᭂᬳᬂ᭞ᬧᬸᬗ᭄ᬕᬯᬦ᭄ᬜᬦᬾᬲᬫᬶ᭞ᬫᬩ᭄ᬭᬶᬬᬸᬓ᭄ᬫᬜᬸᬫ᭄ᬩᬄ᭞ᬲᬵᬫ᭄ᬧᬸᬦ᭄ᬭᬢᬸᬗᭀᬩ᭄ᬢᬂ᭞ᬗᬗᭂᬦᬗᭂᬦ᭄ᬓᬤᬶᬫ
ᬗ᭄ᬓᬶᬦ᭄᭞ᬧᬘᬂᬤᬾᬯᬢ᭞ᬬᬦ᭄ᬢᬶᬢ᭄ᬬᬂᬓᬭᬶᬳᬸᬭᬶᬧ᭄᭟ᬲᬓᬾᬯᬦ᭄ᬢᭂᬦ᭄ᬩᬾᬜ᭄ᬚᬂᬫᬮᬶᬗ᭄ᬕᬶᬄᬫᬘᬶᬗᬓ᭄᭞ᬧᬮᬶᬗ᭄ᬕᬶᬄcᬳᭀᬓᭀᬃᬳᬶᬕᬸᬲ᭄ᬢᬶ᭞ᬕᬫᭂᬮ᭄ᬩᬓ᭄ᬢᬶᬦ᭄ᬢᬶᬢ᭄ᬬᬂ᭞ᬓᬾᬦ᭄ᬓᬾᬦ᭄ᬘᬳᬶᬫᬓ᭄ᬚᬂ᭞ᬳᬶᬲᬸᬭᬤ᭄ᬜᬦᬵᬜᬳᬸᬢᬶᬦ᭄᭞ᬮ
ᬯᬦ᭄ᬢᬶᬮᭀᬓᬵ᭞ᬭᬶᬭᬶᬄᬫᬸᬜᬶᬜᬫᬦᬶᬲ᭄᭟ᬫᬢ᭄ᬯᬂᬧᬶᬲᬦ᭄ᬫᬳᬢᬹᬃᬦᬾᬧᬶᬦᬶᬄᬢ᭄ᬯᬵ᭞ᬭᬢᬸᬩᬾᬩᬲᬂᬫᬗ᭄ᬓᬶᬦ᭄᭞ᬋᬦ᭄ᬢᭂᬄᬧᬯᬘᬦᬵ᭞ᬢ᭄ᬮᬲᬂᬧᬓᬬᬸᬦᬦ᭄᭞ᬦᬾᬯᬕᬸᬂᬫᬗ᭄ᬓᬶᬦ᭄ᬤᬶᬦ᭄ᬤᬶᬓᬳᬶᬦ᭄᭞ᬧᬜ᭄ᬚᬓᬾᬢ᭄ᬯᬵ᭞ᬬ
ᬦ᭄ᬓᬾᬦ᭄ᬜᬦ᭄ᬤᬂᬫᬃᬕ᭄ᬕᬶᬦᬶᬦ᭄᭟ᬯᬶᬭᬾᬄᬳᬓᬾᬄᬓᬭᬶᬧᬫᬵᬃᬕ᭄ᬕᬶᬦ᭄ᬳᬸᬧᬬᬵ᭞ᬳᬶᬚᬾᬗ᭄ᬕᭂᬮᬃᬫᬜᬳᬸᬢᬶᬦ᭄᭞ᬦᬄᬓᬗ᭄ᬕᭀᬜᬩᬧᬵ᭞ᬫᬶᬯᬄᬜᬫᬵᬫᬓ᭄ᬚᬂ᭞ᬢ᭄ᬬᬂᬜ᭄ᬭᬄᬲᬸᬩᬚᬦᬶ᭞ᬫᬲᬵᬩ᭄ᬮᭀᬕ᭄ᬩᬧᬵ᭞ᬧᬶᬢ᭄ᬯᬶᬢ᭄ᬬᬂᬫ
[ ᭓᭗ 37A]
ᬢᬶ᭟ᬤᬤᬶᬫᬢᬹᬃᬳᬶᬤ᭄ᬯᬶᬚᬓ᭄ᬱᬭᬵᬫ᭄ᬩᬮ᭄᭞ᬩ᭄ᬘᬶᬓ᭄ᬮᬬᬢᬂᬳᬶᬗ᭄ᬕᬶᬄ᭞ᬫᬗ᭄ᬤᬾᬧᭀᬮᬶᬄᬕ᭄ᬦᬄ᭞ᬚᬦ᭄ᬢᭂᬦ᭄ᬋᬩᬸᬢᬦᬶᬂᬧ᭄ᬭᬂ᭞ᬳᬧᬦ᭄ᬲᭀᬢᬦᬶᬂᬧ᭄ᬭᬚᬸᬭᬶᬢ᭄᭞ᬬᬤ᭄ᬬᬦ᭄ᬲᬕᬭᬵ᭞ᬳᬸᬧᬫᬶᬦ᭄ᬳᬶᬧᬸᬦ᭄ᬕᬸᬲ᭄ᬢᬶ᭟ᬢᬶᬢ᭄ᬬᬂᬧᬫᬶᬢ᭄ᬫᬍᬩᭀᬓ᭄ᬧ
ᬤᭂᬫ᭄ᬲᬧᬶᬲᬦ᭄᭞ᬢᬶᬢ᭄ᬬᬂᬗᭀᬩᭀᬓ᭄ᬦᬦ᭄ᬤᬶᬗᬶᬦ᭄᭞ᬲᬲᬶᬤᬲᬶᬤᬬᬦ᭄᭞ᬢᬶᬢ᭄ᬬᬂᬫᬶᬲᬤ᭄ᬬᬧᬶᬲᬦ᭄᭞ᬢᬸᬫ᭄ᬧᬹᬃᬕ᭄ᬭᬸᬩᬸᬕ᭄ᬲᬋᬂᬲᬫᬶ᭞ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂ᭞ᬗᬶᬭᬶᬂᬧᬮᬶᬗ᭄ᬕᬶᬄᬕᬸᬲ᭄ᬢᬶ᭟ᬫᬭᬭᬲᬦ᭄ᬫᬓ᭄ᬚᬂᬜ᭄ᬮᬶᬃᬳᬸᬧᬬᬵ᭞ᬫᬤᬩ᭄ᬤᬩ᭄ᬲᬩ
ᬧᬲ᭄ᬢᬶ᭞ᬭᬾᬄᬧᬥᬯᬶᬤᬕ᭄ᬥᬵ᭞ᬮᬯᬸᬢ᭄ᬫᬮᬮᬾᬩᬗᬦ᭄᭞ᬤᬸᬢ᭄ᬣᬚᬕᬚᬕᬵᬢ᭄ᬮᬶᬓ᭄᭞ᬫᬗ᭄ᬤᬾᬦᬾᬲᬶᬤ᭄ᬥ᭞ᬩᬶᬦ᭄ᬧᭀᬯᬦ᭄ᬢ᭄ᬬᬫᬫᬮᬶᬂ᭟ᬲᬸᬩᬵᬲᬸᬳᬸᬤ᭄ᬭᬭᬲᬦ᭄ᬫᬲᬲᬶᬮᬶᬩᬦ᭄᭞ᬢ᭄ᬓᬢᬾᬄᬫᬫᬮᬢᬶᬦ᭄᭞ᬫᬶᬯᬄᬫᬫᬦᬶᬲ
ᬦ᭄᭞ᬫᬤᬸᬮᬸᬃᬲᬲᬗᬦᬦ᭄᭞ᬦᬲᬶᬩᬾᬫᭂᬫ᭄ᬩᬄᬢᬦ᭄ᬫᬭᬶ᭞ᬳᬶᬦᬸᬫ᭄ᬳᬶᬦᬸᬫᬦ᭄᭞ᬳᬗ᭄ᬕᬸᬃᬳᬭᬓ᭄ᬩ᭄ᬭᬦ᭄ᬤᬶ᭟ᬧᬤᬦᬧᬓ᭄ᬲᬸᬩᬵᬫᬦᬸᬦᬲ᭄ᬮᬸᬗ᭄ᬲᬸᬭᬦ᭄᭞ᬗᬚᭃᬂᬗᬂᬗᬫᬄᬲᬫᬶ᭞ᬲᬫᬢ᭄ᬭᬫᬓ᭄ᬚᬂ᭞ᬮᬯᬸᬢ᭄ᬲᬫᬶᬓᬤᬥᬃ᭞ᬓᬫ᭄ᬩᭂ
Kaca:Bali-lontar-gaguritan-smara-ratih-300ppi.pdf/37
Kaca puniki sampun kauji-wacén
