[ ᭒ 2B]
᭒᭞
ᬩ᭄ᬯᬶᬦ᭄ᬳᬤᬮᬾᬦᬦ᭄᭞ᬧᬘᬂᬳᬢᬹᬭᬂᬓᬶᬓᬶᬢ᭄᭟ᬓᬳᬶᬤᬶᬗᭂᬄᬳᭀᬃᬢ᭄ᬣᬦᬗ᭄ᬳᬶᬂᬢᬾᬬᬵᬲᬚᬵ᭞ᬤᬶᬤᬾᬰᬧᬸᬲ᭄ᬧᬲᬭᬶ᭞ᬤᬶᬓᬭᬂᬲᬶᬮᬸᬫᬦ᭄᭞ᬳᬤᬧ᭄ᬭᬕᬸᬲ᭄ᬢᬶᬩ᭄ᬱᬃ᭞ᬳᬶᬕᬸᬲ᭄ᬢᬶᬕ᭄ᬤᬾᬢ᭄ᬭᬂᬪᬹᬫᬶ᭞ᬫᬧᬸᬢᬺᬤᬤ᭄ᬯᬵ᭞ᬳᬬᬸᬳᬦᭀᬫ᭄ᬳᬵ
ᬬᬸᬳᬦ᭄ᬤᬶ᭟ᬧᬧᬰᬶᬳᬾᬯᬶᬤᬦᬶᬂᬰᬶᬄᬯᬶᬤᬦᬶᬂᬭᬵᬢ᭄᭞ᬓᭀᬘᬧ᭄ᬢᭀᬲᬗ᭄ᬳ᭄ᬬᬂᬭᬢᬶᬄ᭞ᬲᬓᬮᬵᬗᬶᬦ᭄ᬤᬵᬭᬢ᭄᭞ᬧᬫᬸᬜᬶᬦ᭄ᬳᬶᬯᭀᬂᬤᬾᬰ᭞ᬢ᭄ᬯᬄᬪᬝᬵᬭᬶᬲᬭᬰ᭄ᬯᬢᬶ᭞ᬫᬶᬦ᭄ᬤᬵᬫᬦᬹᬱᬵ᭞ᬲᬂᬗᭂᬦᭀᬢ᭄ᬳᬸᬬᬂᬧᬮᬶᬂ᭟ᬓᬳᬶᬫ
ᬦ᭄ᬢᬲ᭄ᬦᬄᬓ᭄ᬫᬵᬫᬮᬸᬤᬩ᭄ᬤᬩᬂ᭞ᬲᬸᬭᬸᬤ᭄ᬫᬦ᭄ᬤᬸᬲ᭄ᬫᬲᬶᬲᬶᬕ᭄᭞ᬫᬗᬶᬮᭀᬫᬲᬸᬯᬄ᭞ᬮᬯᬸᬢ᭄ᬫᬩᬩᬢᭂᬓᬦ᭄᭞ᬫᬗ᭄ᬭᬾᬳᬂᬳᬶᬘᬓ᭄ᬭᬫᬮᬶᬂ᭞ᬫᬶᬮᬶᬄᬫᬸᬯᬾᬤᬂ᭞ᬲᬶᬂᬧᬧᬲ᭄ᬫᬲᬵᬮᬸᬤᬶᬄ᭟ᬮᬯᬸᬢ᭄ᬓᭂᬜᬶᬗᬶᬦ᭄ᬤᬬᬗᬦᬸ
ᬢᬂᬭᬭᬲ᭄᭞ᬫᬫᬳᬸᬢᬂᬫᬢᬗ᭄ᬓᬶᬲ᭄᭞ᬲ᭄ᬭᬡᬮᬸᬓᬵᬃᬚᬶᬯ᭄ᬯ᭞ᬕᬶᬕᬶᬦᬾᬧᬸᬢᬶᬄᬧᬢ᭄ᬧᬢ᭄᭞ᬳᬧᬶᬢ᭄ᬲᬼᬫ᭄ᬩᬸᬓᬵᬫᬡᬶᬓ᭄᭞ᬧᬧᬭᬲᬦᬾᬫᬦᭂᬩᭂᬓ᭄ᬳᬸᬮᬸᬦᬢᬶ᭟ᬢᬕ᭄ᬢᬕ᭄ᬜᬦᬾᬫᬜᬤᬦ᭄ᬳᬮᬸᬲ᭄ᬫᬩᭂ
[ ᭓ 3A]
ᬩᭂᬗᬦ᭄᭞ᬭᬲᬵᬗᬸᬳᬸᬢᬂᬗᬢᬶ᭞ᬓᬾᬮᭀᬃᬮᬦ᭄ᬢᬾᬃᬜ᭞ᬫᬲᬶᬳᬶᬕᬕᬓ᭄ᬗᬸᬮᬓ᭄᭞ᬤᬶᬫᬢᬳᬶᬭᬗ᭄ᬕᬵᬃᬲᬭᬶ᭞ᬫᬸᬮᬸᬄᬧᬗᬸᬘᬧ᭄᭞ᬲᬗᬾᬕᬾᬭᬾᬤᬶᬩᬶᬩᬶᬄ᭟ᬫᬲᭂᬲᭂᬳᭂᬢ᭄ᬧᬸᬢᬶᬄᬫᬕᬶᬮᬶᬂᬫᬧ᭄ᬭᬤᬵ᭞ᬫᬶᬲᬶ
ᬦᬵᬕ᭄ᬖᬵᬲᬗ᭄ᬓᬸᬯᬶ᭞ᬤᬶᬢᬗ᭄ᬕᬸᬫᬭᬚᬄ᭞ᬧᬗᬺᬢᬶᬧ᭄ᬭᬡᬵᬚᬶᬯ᭄ᬯ᭞ᬫᬘᬘᬸᬦ᭄ᬳᬸᬓ᭄ᬓᭂᬫ᭄ᬩᬂᬓᬸᬦᬶᬃ᭞ᬧᬗᬲᬶᬄᬳᬢ᭄ᬫᬵ᭞ᬫᬤᬦ᭄ᬳᬶᬕᬚᬄᬍᬘᬶᬂ᭟ᬫᬓᭂᬓᭂᬢᭂᬮ᭄ᬤᬬᬸᬂᬲ᭄ᬭᬳ᭄ᬦᬵᬤᬶᬢᬗ᭄ᬓᬄ᭞ᬕᬸᬡᬜᬓ᭄ᬭᬸᬭᬵᬮᬢᬶ᭞ᬓᬩᬶᬦᬯ᭄ᬯᬵᬧᬶ
ᬲᬦ᭄᭞ᬲᬶᬂᬚᬢᬳᬾᬦ᭄ᬫᬶᬦ᭄ᬤᭀᬯᬂ᭞ᬧᬫᬢᬸᬄᬓᬲᬸᬩ᭄ᬤᬶᬚᬯᬶ᭞ᬧᬩᬳᬂᬭᬚᬵ᭞ᬕᭀᬧ᭄ᬭᬫᬾᬦ᭄ᬓᬫᬶᬲ᭄ᬲᬭᬶᬲ᭄᭟ᬫᬮᬮᬾᬦ᭄ᬢᬾᬃᬘᭂᬫ᭄ᬧᬓᬵᬯᬶᬮᬶᬲ᭄ᬫᬧ᭄ᬭᬤᬵ᭞ᬓᬢᬸᬢ᭄ᬤᭀᬦ᭄ᬗᬯᬶᬃᬳᬯᬶᬃ᭞ᬫᬗᭂᬜᬕᬂᬚᬚᬄ᭞ᬫ
ᬤᬦ᭄ᬤᬶᬕᭂᬜᬸᬃᬚᬶᬯ᭄ᬯ᭞ᬩᬋᬂᬓᬾᬦ᭄ᬳᬶᬫᬘᬦ᭄ᬓᬸᬦᬶᬂ᭞ᬳᬶᬓᬸᬓᬹᬃᬩᬸᬯᬂ᭞ᬫᬲᬤᬦᬵᬓᬫᭀᬦᬶᬂ᭞ᬫᬫᬲᬸᬯᬂᬍᬗᬶᬲ᭄ᬧᬗᬸᬲᬧᬦ᭄ᬳᬯᬓ᭄᭞ᬫᬢᬸᬗ᭄ᬕᬂᬢᬸᬢᬹᬗ᭄ᬢᬗᬶᬲ᭄᭞ᬚᬸᬚᬸᬮᬸᬓᬾᬓᭀᬘᬧ᭄᭞ᬫᬩ᭄ᬭᬾᬄᬩ᭄ᬯᬬᬵ
