[ ᭒᭘ 28B]
᭒᭘᭞
ᬲᬵᬫ᭄ᬧᬸᬦ᭄ᬫᬗ᭄ᬮᬯᬸᬢ᭄᭞ᬮᬯᬸᬢᬵᬫᬧᬯᬲᬦ᭄᭞ᬗᭂᬦᬄᬧᬋᬓᬦ᭄ᬬᬵᬫᭂᬤᭂᬫ᭄ᬫᬤᬸᬕ᭄ᬤᬸᬕ᭄᭞ᬓᬳᬸᬜ᭄ᬚᬮ᭄ᬮᬯᬸᬢ᭄ᬓᬶᬲᬶᬤᬂ᭞ᬓᬧ᭄ᬢᬂᬤᬶᬯᬗᬦ᭄ᬓᭀᬭᬶ᭟ᬲᬢ᭄ᬫᬓᬵᬫᬢᬶᬫᬓ᭄ᬚᬂ᭞ᬧᬋᬓᬦᬾᬫᬲᬄᬲᬄᬧᬕᬸᬮᬶᬦ᭄ᬢᬶᬓ᭄᭞ᬳᬤ
ᬫᬢᬍᬂᬩᬦ᭄ᬢᬸᬦ᭄ᬤᬸᬦ᭄᭞ᬳᬤᬜᬤᬶᬳᬶᬦ᭄ᬩᬜ᭄ᬘᬂ᭞ᬦᬾᬮᬘᬸᬭᬦ᭄ᬤᬶᬩᬢᬶᬲᬾᬬᬫᬜᬶᬗ᭄ᬓ᭄ᬭᬸᬂ᭞ᬤᬤᬶᬫᬮᬶᬧ᭄ᬢᬦ᭄ᬫᬸᬮ᭄ᬬᬦ᭄᭞ᬲᬗ᭄ᬓᬮᬶᬄᬩ᭄ᬯᬶᬦ᭄ᬫᬯᬮᬶ᭟ᬮᬯᬸᬢ᭄ᬫᬗᭂᬚᬂᬓᬤᬸᬢᬦ᭄᭞ᬫᬗᭂᬭᬾᬕᬂᬮᬗ᭄ᬲᬾᬬᬫᬓᬓᬮᬶᬄ᭞ᬫ᭄ᬦᬾᬓ᭄ᬢ᭄ᬯ
ᬭᬲᬶᬕᬘᬶᬕᬸᬦ᭄᭞ᬲᭀᬢᬦᬶᬂᬚᬬᬾᬂᬢᬶᬮᬫ᭄᭞ᬮᬯᬸᬢ᭄ᬗᭂᬦᬄᬩᬸᬮᬦᬾᬤᬤ᭄ᬯᬫᬧᬸᬦ᭄ᬤᬸᬄ᭞ᬗᬮᬾᬮᬫ᭄ᬮᭀᬓ᭄ᬕᬸᬫᬶᬯᬂ᭞ᬧ᭄ᬤᭂᬫᬾᬦᬕᬓᬧᬸᬮᬶᬃ᭟ᬳᬶᬩᬶᬦ᭄ᬤᬵᬃᬦᭀᬮᬶᬄᬳᬶᬚᬾᬗ᭄ᬕᭂᬮᬃ᭞ᬦᬄᬓᬾᬚ᭄ᬫᬓ᭄ᬲᬸᬭᬸᬂᬲᬸᬩᬵᬳᬸᬩᬸ
ᬓ᭄᭞ᬦᬄᬓ᭄ᬫᬵᬳᬩᬲᬶᬓᬯᬸᬄ᭞ᬳᬶᬢᬸᬚᬢᭀᬗᭀᬲ᭄ᬳᬶᬤᬵ᭞ᬚᬮᬄᬮᬯᬸᬢ᭄ᬫᬓᬓᬭᬂᬳᬢᬸᬅ᭄ᬩᬕᬸᬲ᭄᭞ᬓ᭄ᬜᭂᬫ᭄ᬳᬶᬚᬾᬗ᭄ᬕᭂᬮᬃᬫᬦ᭄ᬫᬓ᭄᭞ᬓᬲᬸᬭᬸᬂᬮᬯᬸᬢ᭄ᬓᬲᬗ᭄ᬓᬶᬮ᭄᭟ᬢ᭄ᬓᭂᬤᬶᬢᬸᬓᬧᬺᬫᬵᬂ᭞ᬓᬳᬸ
[ ᭒᭙ 29A]
ᬬᬗᬶᬦᬶᬸᬦ᭄ᬦᬤᬸᬦ᭄ᬤᬸᬦ᭄ᬩᬳᬦ᭄ᬧᬶᬧᬶ᭞ᬧ᭄ᬲᬸᬫᬸᬜᬶᬦ᭄ᬜᬦᬾᬗᬸᬜᬹᬃ᭞ᬗᭂᬲᭀᬃᬳᬮᬸᬲ᭄ᬫᬗᬲᬩ᭄᭞ᬫᬗᬺᬋᬫᬶᬄᬩᬦ᭄ᬓᬶᬤᬹᬂᬗᬫᬸᬮᬸᬄᬋᬫ᭄ᬧᬸᬄ᭞ᬧᬳᬸᬢ᭄ᬩᬦ᭄ᬢᭂᬫ᭄ᬩᬂᬤᬤᬓ᭄᭞ᬗᬫᬦᬶᬲ᭄ᬫᬗᬭᬶᬳᬭᬶᬄ᭟ᬤᬤᬶᬫᬫᬜ᭄ᬘᬸᬢ᭄ᬳᬸᬧᬬᬵ
᭞ᬮᬯᬸᬢ᭄ᬕᭂᬮᬸᬕᬸᬲ᭄ᬢ᭄ᬬᬵᬬᬸᬩᬗᬸᬦ᭄ᬜ᭄ᬚᭂᬭᬶᬢ᭄᭞ᬫᬢᬶᬢ᭄ᬬᬂᬤᬾᬯᬭᬢᬸ᭞ᬳᬭᬸᬄᬳ᭄ᬜᬾᬦ᭄ᬦᬾᬦᬾᬦᬦ᭄᭞tᬓᬕᬮᬓ᭄ᬩᬶᬓᬲᬾᬢᬦ᭄ᬲᬶᬕᬲᬶᬕᬸᬦ᭄᭞ᬓ᭄ᬜᭂᬫ᭄ᬳᬶᬚᬾᬗ᭄ᬕᭂᬮᬃᬫᬦᬶᬩᬮ᭄᭞ᬗᬺᬋᬫᬶᬄᬫᬗᬰᬶᬄᬳᬰᬶᬄ᭟ᬢ᭄ᬬᬂ
ᬭᬢᬸᬳᬢ᭄ᬫᬵᬚᬶᬯ᭄ᬯ᭞ᬧᬜ᭄ᬚᬓ᭄ᬳᬶᬤᬵᬳᬶᬫᬸᬗᬮ᭄ᬳᬶᬧᬸᬦ᭄ᬫᬗᬶᬮ᭄᭞ᬢ᭄ᬓᬫᬋᬓ᭄ᬳᬦᬓᬕᬸᬂ᭞ᬚᬕᬦᬸᬦᬲ᭄ᬮᬸᬗ᭄ᬲᬸᬭᬦ᭄᭞ᬕᬸᬲ᭄ᬢᬶᬳᬬᬸᬢ᭄ᬓᬋᬗᭂᬢ᭄ᬮᬯᬸᬢ᭄ᬗᬫᬸᬓ᭄᭞ᬩᬳᬦ᭄ᬧᬮᬶᬗᬾᬓᬮᬶᬯᬢ᭄᭞ᬚᭂᬚᭂᬳᬾᬢᬦ᭄ᬲᬶᬧᬶᬲᬶ
ᬧᬶ᭟ᬫᬗᬲ᭄ᬕᬲ᭄ᬢᬸᬃᬫᬦᬸᬮᬸᬤᬂ᭞ᬲᬫ᭄ᬩᬶᬮ᭄ᬗᭂᬢᭀᬃᬲᬶᬕ᭄ᬲᬶᬕᭂᬦ᭄ᬤᬤᬶᬗ᭄ᬮᬶᬂ᭞ᬳᬶᬚᬾᬗ᭄ᬕᭂᬮᬃᬮᬯᬸᬢ᭄ᬫᬜᬳᬸᬧ᭄᭞ᬗᬩᬶᬦ᭄ᬫᬗᬸᬲᬧ᭄ᬳᬸᬲᬧ᭄᭞ᬗᬸᬓᬸᬢ᭄ᬳᬸᬓᬸᬢ᭄ᬫᬧᬰᬶᬄᬳᬶᬦ᭄ᬭᬢᬸᬳᬬᬸ᭞ᬤᬅ᭄ᬢᬦ᭄ᬤ᭄ᬭᬸᬄᬳᬢ᭄ᬫᬵᬚᬶᬯᬶᬢ᭄ᬣᬵ᭞ᬯᬶ
Kaca:Bali-lontar-gaguritan-smara-ratih-300ppi.pdf/29
Kaca puniki sampun kauji-wacén
