Kaca:Bali-lontar-gaguritan-smara-ratih-300ppi.pdf/28

Saking Wikisource
Kaca puniki sampun kauji-wacén

[ ᭒᭗ 27B]
᭒᭗᭞
ᬬᭂᬧ᭄ᬫᬓ᭄ᬢᬂ᭞ᬮᬾᬦ᭄ᬤᬍᬫᬦᬾᬲᬫᬶ᭞ᬫᬘᭂᬧᭀᬮ᭄ᬫᬓ᭄ᬚᬂ᭞ᬗᬸᬬᬸᬓ᭄ᬩᬸᬓᬵᬧ᭄ᬭᬮᬶᬡᬵ᭞ᬳᬢ᭄ᬫᬵᬦ᭄ᬜᬦᬾᬬᬮ᭄ᬯᬲ᭄ᬫᬮᬮᬶ᭞ᬳᭀᬜᬓᬚᬭᬄ᭞ᬓ᭄ᬦᬬᬵᬫᬦ᭄ᬢ᭄ᬭᬲᬶᬤ᭄ᬥᬶ᭟ᬢᬤᬗᬫᬄᬫᬘ᭄ᬩᬸᬕ᭄ᬫᬦᭂᬧᬾᬦ᭄ᬲᬳᬂ᭞ᬲᬫ᭄ᬩᬶᬮ᭄ᬫᬫᬜ᭄ᬚᭂᬃᬳᬸᬩᬶ᭞ᬳ
ᬢ᭄ᬫᬵᬦ᭄ᬜᬦᬾᬳᬶᬮᬂ᭞ᬳᬤᬧᬮᬶᬂᬫᬕᬫ᭄ᬕᬫ᭄᭞ᬧᬢᬶᬲᭀᬦ᭄ᬤᭀᬮ᭄ᬫᬜ᭄ᬚᭂᬃᬲᭂᬧᬶᬢ᭄᭞ᬧᬸᬍᬲ᭄ᬫᬓ᭄ᬚᬂ᭞ᬩᬩᬃᬓ᭄ᬬᬧ᭄ᬢᬦ᭄ᬲᬶᬧᬶ᭟ᬳᬤᬦ᭄ᬕᬓ᭄ᬲᬸᬩᬳᬶᬧᬶᬢ᭄ᬫᬳᬶᬩᬸᬓᬦ᭄᭞ᬫᬫᬸᬜᬶᬚ᭄ᬭᬢ᭄ᬚ᭄ᬭᬶᬢ᭄᭞ᬬᬳᬲᬵᬓᬢᬸᬄᬢᬄ᭞ᬳᬤᬳᬶᬧᬶᬢ᭄ᬫᬚᬮ
ᬦ᭄᭞ᬳᬤᬦ᭄ᬮᬶᬓ᭄ᬱᬸᬩᬗᬶᬧᬶ᭞ᬳ᭄ᬦᬸᬫᬗᬓ᭄᭞ᬗᬸᬬᬸᬓ᭄ᬳ᭄ᬬᬳᬸᬗ᭄ᬕᬢ᭄ᬳᬸᬗ᭄ᬕᬶᬢ᭄᭟ᬳᬤᬫ᭄ᬭᬱᬵᬮ᭄ᬯᬲ᭄‌ᬫ᭄ᬚᬸᬓᬓᬬᭂᬳᬦ᭄᭞ᬤᬤᬶᬬᬵᬢᬸᬗ᭄ᬕᬂᬢᬸᬗ᭄ᬕᬶᬂ᭞ᬧᬮᬶᬂᬬᬵᬫᬕᬳᬂ᭞ᬫᬘ᭄ᬩᬸᬕ᭄ᬲᬶᬂᬲᬶᬂᬚᬮᬦ᭄᭞ᬢ᭄ᬯᬭᬵᬳᬶᬗᭂᬢ᭄‌‌ᬢ᭄ᬓᬾᬦ᭄ᬳᭂᬲᬶᬂ᭞ᬓ᭄ᬦᬳᬸᬧᬬᬵ
ᬫᬳᬩᬾᬭᬯᬍᬯᬶᬄ᭟ᬮᬯᬸᬢ᭄ᬜᭂᬍᬕ᭄ᬳᬶᬚᬾᬗ᭄ᬕᭂᬮᬃᬳᬚᬓ᭄ᬳᬶᬩᬶᬦ᭄ᬤᬃ᭞ᬗᬯᬲ᭄ᬘᬬᬦᬾᬲᬫᬶ᭞ᬲᬶᬂᬗᬤᬓᭂᬲᭂᬳᬦ᭄᭞ᬓᬬᬸᬦᭀᬗᭀᬲ᭄ᬫᬓ᭄ᬚᬂ᭞ᬲ᭄ᬬᭂᬧ᭄ᬢ᭄ᬯᬭᬵᬤᬗᬭᬶᬲᬶᬓ᭄᭟ᬲᬶᬋᬧ᭄ᬫᬓ᭄ᬚᬂ᭞ᬢ᭄ᬯᬭᬵᬳᬤᬫᬓ᭄ᬩᬶᬃ᭟ᬮᬯᬸ
[ ᭒᭘ 28A]
ᬢ᭄ᬦᭀᬮᬶᬄᬦᬄᬚᬮᬄᬚᬦᬶᬓᬚ᭄ᬭᭀᬯᬦ᭄᭞ᬲᬭᬶᬳᬢᭂᬳᬂᬩ᭄ᬮᬶ᭞ᬓᬚᬚᬦᬶᬳᬫ᭄ᬩᬄ᭞ᬳᬶᬲᬸᬮᬰᬶᬄᬫᬜᬸᬫ᭄ᬩᬄ᭞ᬳᬶᬭᬶᬓᬶᬭᬢᬸᬫᬵᬃᬕ᭄ᬕᬶᬦᬶᬦ᭄᭞ᬮᬯᬸᬢ᭄‌‌ᬗᬾᬩ᭄ᬭᬲᬂ᭞ᬫᬢ᭄ᬮᬶᬓᭂᬲ᭄ᬳ᭄ᬬᬫᬫᬵᬃᬕ᭄ᬕᬶ᭟ᬕᬕᬜ᭄ᬘᬗᬦ᭄ᬧᬚᬮᬦᬾᬗᬚ᭄ᬭᭀᬯᬂ᭞
ᬳᬧᬦ᭄ᬳ᭄ᬬᬲᬩᬾᬂᬯ᭄ᬗᬶ᭞ᬢ᭄ᬯᬭᬦᬯᬂᬮᬶᬓᬤ᭄᭞ᬩᬦ᭄ᬕᬦᬮᬾᬫᬫ᭄ᬭᬢ᭄᭞ᬳᭂᬦ᭄ᬢᭀᬢ᭄ᬯᬄᬬᬫᬦᬸᬦ᭄ᬤᬸᬦᬶᬦ᭄᭞ᬩ᭄ᬘᬢ᭄ᬫᬚᬮᬦ᭄᭞ᬢ᭄ᬓᭂᬦ᭄ᬤᬶᬚ᭄ᬭᭀᬯᬦ᭄ᬚᬦᬶ᭟ᬳᬶᬗ᭄ᬕᬶᬄᬭᬢᬸᬧᬸᬦᬶᬓᬵᬭᬶᬂᬕ᭄ᬤᭀᬂᬓᬫᬵᬃ᭞ᬦᬗᬶᬂᬲᬵᬫ᭄ᬧᬸᬦ᭄ᬫᬓᬜ᭄ᬘᬶᬂ᭞ᬓᭀᬭᬶᬦᬾ
ᬚᬸᬫᬳᬦ᭄᭞ᬧᬋᬓᬦ᭄ᬲᬶᬬᭂᬧᬶᬲᬦ᭄᭞ᬤᭀᬕ᭄ᬤᭀᬕ᭄ᬢᬶᬢ᭄ᬬᬂᬲᬫᬶᬦᭂᬗᬶᬮ᭄᭞ᬓ᭄ᬜᭂᬫ᭄ᬳᬶᬩᬶᬦ᭄ᬤᬃ᭞ᬚᬾᬗ᭄ᬕᭂᬮᬃᬚᬮᬄᬚᬕ᭄ᬚᬕᬶᬦ᭄᭟ᬗᬫ᭄ᬦᬾᬓᬂᬳᬶᬚᬾᬗ᭄ᬕᭂᬮᬃᬬᬵᬕᬕ᭄ᬮᬶᬲᬦ᭄᭞ᬫᬗᬄᬕᬄᬓᬜ᭄ᬘᬶᬂᬓᭀᬭᬶ᭞ᬦᬄᬫᬯᬸᬢᬂᬳᬶᬤᬵ᭞ᬳᬸ
ᬦᬸᬲ᭄ᬚᬦᬶᬳᬾᬗ᭄ᬕᬮᬃ᭞ᬳᬶᬚᬾᬗ᭄ᬕᭂᬮᬃᬜᬳᬸᬢᬶᬦ᭄ᬳᬶᬗ᭄ᬕᬶᬄ᭞ᬮᬯᬸᬢ᭄ᬫᬗᬼᬓᬲ᭄᭞ᬗᬽᬕ᭄ᬗᬋᬧᬶᬦ᭄ᬓᭀᬭᬶ᭟᭐᭟᭚ᬧᬗ᭄ᬓᬸᬃ᭝ᬧᬗ᭄ᬓᬸᬃᬤᬤᬶᬫᬩ᭄ᬭᬶᬬᬕ᭄᭞ᬳᬾᬗ᭄ᬕᬮ᭄ᬓᭂᬮᬾᬲ᭄ᬳᬶᬬᬵᬳᬶᬓᬜ᭄ᬘᬶᬂᬓᭀᬭᬶ᭞ᬲᬂᬓᬮᬶᬄ