[ ᭒᭔ 23B]
᭒᭔᭞
ᬦ᭄᭞ᬧᬘᬂᬗᬢᬹᬭᬂ᭞ᬭᬶᬂᬧᬮᬶᬗ᭄ᬕᬶᬄᬳᬶᬕᬸᬲ᭄ᬢᬶ᭟ᬲᬧᬸᬦᬶᬓᬶᬧᬗᬦ᭄ᬤᬶᬓᬦᬾᬭᬶᬂᬢᬶᬢ᭄ᬬᬂ᭞ᬳᬢᬹᬭᬂᬳ᭄ᬬᬂᬜᬳᬶ᭞ᬩᬋᬂᬓᬾᬦ᭄ᬳᬶᬚᬾᬗ᭄ᬕᭂᬮᬃ᭞ᬦ᭄ᬤᬯ᭄ᬕᬂᬧᬶᬲᬦ᭄ᬧᬶᬲᬦ᭄᭞ᬗᬢᬸᬮᬵᬗᬢᬸᬭᬂᬳᬸᬭᬶᬧ᭄᭞ᬧᬶᬂᬲᬧ᭄ᬝᬵᬩᬭ᭞ᬧᬶᬂᬓ᭄ᬢᬶᬳ᭄ᬬᬂ
ᬦᬸᬫᬤ᭄ᬥᬶ᭟ᬳᬧᭂᬳᬢᬸᬳᬬᬸᬅ᭄ᬗᬗ᭄ᬕᭀᬦ᭄ᬳ᭄ᬬᬂᬧᬜ᭄ᬚᬓ᭄᭞ᬲᬢ᭄ᬦᬸᬤᬸᬓ᭄ᬧᬶᬢᬶᬓ᭄ᬩᭂᬗᬶᬮ᭄᭞ᬳᬫ᭄ᬢᬸᬮ᭄ᬢᭀᬧᬫᬜ᭞ᬜᬸᬧᬢ᭄ᬧᬶᬢ᭄ᬭᬓᬲᬲᬃ᭞ᬗᬸᬭᬶᬧ᭄ᬳᬦᬓ᭄ᬲᬸᬩᬫᬢᬶ᭞ᬓᬾᬢᭀᬳᬢᬸᬭᬂ᭞ᬦᬄᬦᬾᬳᬢᬸᬭᬂᬢᬸᬮᬶᬲ᭄᭟ᬲᬧᬸ
ᬦᬶᬓᬧᬗᬦ᭄ᬤᬶᬓᬦᬾᬭᬶᬂᬢᬶᬢ᭄ᬬᬂ᭞ᬧᬸᬦᬶᬓᬶᬲᬸᬭᬢ᭄ᬳᬶᬗ᭄ᬕᬶᬄ᭞ᬚᬶᬦᬃᬧᬯᬶᬂᬳᬫ᭄ᬩᬃ᭞ᬫᬶᬜᬓ᭄ᬲᬫᬶᬫᬧᬢ᭄ᬧᬢ᭄᭞ᬓᬾᬯᬦ᭄ᬢᭂᬦ᭄ᬕᬢ᭄ᬭᬳᬓᬶᬤᬶᬓ᭄᭞ᬗᬶᬂᬳᬫ᭄ᬧᬸᬭᬬᬂ᭞ᬳᬦ᭄ᬢᬸᬓᬾᬧᬭᬵᬫᬗ᭄ᬓᬶᬦ᭄᭟ᬳᬢᬸᬳᬬᬸᬅ᭄ᬩᭂᬗᭀᬂᬧᬶᬢᬸᬗ
ᬦᬾᬳᬸᬲᬓ᭄᭞ᬗᬤᭂᬓ᭄ᬢᬸᬮᬶᬲᬾᬫᬶᬳᬶᬓ᭄᭞ᬗᬤᭂᬓ᭄ᬢᬸᬮᬶᬲᬾᬫᬶᬳᬶᬓ᭄᭞ᬳᬢ᭄ᬫᬵᬦᬾᬓᬚᬭᬄ᭞ᬓᬕᬄᬕᬄᬮᬯᬸᬢ᭄ᬓᬯᬲ᭄᭞ᬫᬫᬘᬤᬶᬳᬸᬮᬸᬦ᭄ᬦᬢᬶ᭞ᬫᬦᬶᬲ᭄ᬫᬜᬤᬦ᭄᭞ᬓᬸᬫᬫ᭄ᬩᬂᬫᬗᭀᬤᬦᬶᬦ᭄᭟᭐᭟᭚ᬓᬸᬫᬫ᭄ᬩᬂ᭝ᬭᬢᬸᬢ᭄ᬫᬲ᭄
[ ᭒᭔ 24A]
ᬧᬶᬋᬂᬧᬸᬦᬶᬓᬶᬚᬵᬕᬸᬲ᭄ᬢᬶ᭞ᬫᬶᬭᬄᬳᬢᬹᬃᬢᬶᬢ᭄ᬬᬂ᭞ᬳᬶᬧᬧᬤᬮᬶᬤ᭄ᬭᬫᬶᬲ᭄ᬓᬶᬦ᭄᭞ᬢ᭄ᬯᬭᬦᬯᬂᬳᬯᬓ᭄ᬦᬶᬱ᭄ᬝᬵ᭟ᬩᬬᬢᬸᬤᬸᬄᬳ᭄ᬬᬂᬯᬶᬤ᭄ᬥᬶᬲᬸᬩᬫᬜᬢ᭄ᬭᬶ᭞ᬘᬗ᭄ᬓᬅ᭄ᬓᬾᬦᬾᬫᬶᬭᬄ᭞ᬦ᭄ᬫᭂᬦ᭄ᬢ᭄ᬬᬗᬾᬭᬶᬂᬕᬸᬲ᭄ᬢᬶ᭞ᬲᬬᬦ᭄ᬢᭀᬂᬤᬤᬶᬲᬭᬸᬯᬂ᭟ᬧ᭄ᬯᬭ
ᬜᬧᭀᬗᬄᬤᬤᬶᬧ᭄ᬲᬸᬫᬸᬜᬶ᭞ᬳᬸᬮᬗᬦᬾᬫᬫ᭄ᬭᬢ᭄᭞ᬩᬳᬸᬢ᭄ᬬᬂᬗᭂᬦᭀᬢ᭄ᬕᬸᬲ᭄ᬢᬶ᭟ᬧᬮᬶᬂᬢᭀᬂᬤᬤᬶᬢᬸᬗ᭄ᬓᬲᬂ᭟ᬩᬬᬵᬳᬶᬤᬦᬾᬳᬯᬦᬶᬦ᭄ᬢ᭄ᬬᬂᬫᬢᬶ᭞ᬧ᭄ᬥᬲ᭄ᬧᬶᬲᬦ᭄ᬧᬶᬲ᭞ᬩᬦ᭄ᬢ᭄ᬬᬂᬗᭂᬦᬳᬂᬫᬗ᭄ᬓᬶᬦ᭄᭞ᬓ᭄ᬭᬡᬢ᭄ᬬᬂᬫᬗ᭄ᬯ
ᬗ᭄ᬲᬶᬢ᭄ᬣᬂ᭟ᬩᬲ᭄ᬢᭀᬂᬫᬫ᭄ᬧᬸᬄᬢᭀᬂᬩᬶᬱᬵᬢ᭄ᬬᬂᬦᬦ᭄ᬤᬗᬶᬦ᭄᭞ᬳᬭᬄᬳᬭᬸᬄᬫᬶᬭᬄ᭞ᬢᬸᬮᬸᬂᬢ᭄ᬬᬂᬳᬭᬄᬫᬢᬶ᭞ᬲᬶᬂᬲᬶᬤ᭄ᬥᬩᬳᬦ᭄ᬫᬳᬦᬂ᭞ᬲᬓᬶᬢ᭄ᬧᬶᬲᬦ᭄ᬩᬦ᭄ᬳᬶᬩᬸᬓ᭄ᬢ᭄ᬬᬂᬗᬾᬕᬸᬲ᭄ᬢᬶ᭞ᬭᬢᬸᬳᬢ᭄ᬫᬵᬚᬶᬯ᭄ᬯᬵ᭞ᬘᬶᬗᬓᬶᬦ᭄ᬢ᭄ᬭᬂᬢᬶᬸ
ᬫᬵᬲ᭄ᬫᬡᬶᬓ᭄᭞ᬧᬋᬓᬦ᭄ᬭᬢᬸᬲᬗ᭄ᬧᬭᬵ᭟ᬫᬗ᭄ᬭᬦᭂᬳᬶᬦ᭄ᬲᬭ᭄ᬯᬂᬲᬸᬫᬶᬗ᭄ᬓᬶᬦ᭄ᬧᬮᬶᬂ᭞ᬳᬸᬬᬂᬫᬫᬸᬮᬶᬲᬄ᭞ᬳᬶᬗᬸᬄᬩᬸᬗᭃᬂᬍᬂᬍᬂᬕᬢᬶ᭞ᬳᬢ᭄ᬫᬵᬦᬾᬫᬭᬱᬵᬳᬶᬮᬂ᭟ᬲᬧᬸᬦᬶᬓᬵᬳᬢᬹᬃᬢᬶᬬᬗᬾᬤᬶᬢᬸᬮᬶᬲ᭄᭞
Kaca:Bali-lontar-gaguritan-smara-ratih-300ppi.pdf/24
Kaca puniki sampun kauji-wacén
