Kaca:Bali-lontar-gaguritan-smara-ratih-300ppi.pdf/22

[ ᭒᭑ 21B]
᭒᭑᭞ᬗ᭄ᬕᭀᬦ᭄ᬳ᭄ᬬᬂᬫᬍᬲ᭄ᬦᬯᬸᬃᬳᬸᬢᬂ᭞ᬫᬳᬵᬩᬭᬵᬢᬦ᭄ᬲᬶᬧᬶ᭞ᬩᬦ᭄ᬳ᭄ᬬᬂᬦᬶᬗᭂᬳᬂ᭞ᬓᬾᬦ᭄ᬜᬳᬶᬫᬓᬤᬤ᭄ᬯ᭞ᬧᬗᬶᬤᬶᬄᬳ᭄ᬬᬂᬳᬩ᭄ᬲᬶᬓ᭄᭞ᬜᬳᬶᬗᭀᬤᬕᬂ᭞ᬳᬸᬭᬶᬧ᭄ᬳ᭄ᬬᬗᬾᬚᬦᬶ᭟ᬬᬤᬶᬦ᭄ᬫᬢᬶᬬᬤᬶᬦ᭄ᬳᬶᬤᬸᬧ᭄ᬳ᭄ᬬᬂᬍ
ᬕᬵ᭞ᬓᬾᬯᬮᬩᬳᬦ᭄ᬜᬳᬶ᭞ᬲᬬᬂᬫᬓᬤᬤ᭄ᬯ᭞ᬜᬳᬶᬓᬸᬫᬦ᭄ᬤᭂᬮ᭄ᬳ᭄ᬬᬂ᭞ᬫᬜ᭄ᬚᬮᬦᬶᬦ᭄ᬩᬸᬓᬵᬚᬦᬶ᭞ᬧᬘᬂᬗ᭄ᬯᭂᬓᬲᬂ᭞ᬢ᭄ᬓᬾᬦ᭄ᬭᬢᬶᬳᬾᬤᬶᬦᬶ᭟ᬲᬓᬾᬯᬮᬳ᭄ᬬᬂᬫᬫᬸᬜᬶᬳᬧᬶᬲ᭄᭞ᬳᬧᬩᬸᬤᬶᬬᬂᬜᬳᬷ᭞
ᬤᬵᬧᬶᬲᬦ᭄ᬫᬚᬗ᭄ᬓᬵ᭞ᬳᬕᬶᬄᬢ᭄ᬓᬾᬦᬶᬂᬳ᭄ᬬᬂᬲᬤᬜᬤᬶᬓᬭᬂᬗᬱ᭄ᬝᬶ᭞ᬜᬳᬶᬗᭀᬤᬕᬂ᭞ᬢᬸᬢ᭄ᬧᬥᬗᬾᬳᬓᬢᬶᬄ᭟ᬩ᭄ᬯᬶᬦ᭄ᬳᭂᬦ᭄ᬢᭀᬜᬫᬦ᭄ᬜᬳᬶᬦᬾᬳᬶᬚᬾᬗ᭄ᬕᭂᬮᬃ᭞ᬤᬵᬫᬶᬦᬬᬂᬗᭀᬮᬲᬶᬦ᭄᭞ᬧᬢᬸᬳᬂᬓᬾ
ᬦ᭄ᬳ᭄ᬬᬂ᭞ᬤᬸᬤᬸᬓ᭄ᬚᬳᬗ᭄ᬕᭀᬦ᭄ᬧᬦᬓ᭄᭞ᬭᬾᬄᬳᬶᬬᬵᬢ᭄ᬯᬭᬤᬵᬫᬳᬶ᭞ᬢ᭄ᬬᬂᬢᬸᬦ᭄ᬤᬾᬦᬗᬵ᭞ᬫᬫᬸᬜᬶᬳ᭄ᬓᬾᬦ᭄ᬜᬳᬶ᭟ᬲᬸᬓ᭄ᬱ᭄ᬫᬦ᭄ᬜᬧᬢᬸᬄᬩᬸᬓᬵᬓ᭄ᬦᭂᬄᬳ᭄ᬬᬂ᭞ᬜᬤ᭄ᬬᬵᬗᬢᬸᬭᬂᬳᬸᬭᬶᬧ᭄᭞ᬦᬸᬦᬲ᭄ᬫᬫᬋᬓᬦ᭄
[ ᭒᭒ 22A]
᭞ᬓᬾᬢᭀᬜᬳᬶᬳᬢᬹᬭᬂ᭞ᬧᬯ᭄ᬓᬲ᭄ᬳ᭄ᬬᬂᬦᬾᬚᬦᬶ᭞ᬳ᭄ᬓᬾᬦᬶᬂᬳᬶᬤᬵ᭞ᬢ᭄ᬯᬬᬸᬅ᭄ᬫᬓᬓᬮᬶᬄ᭟ᬓᬾᬢᭀᬳᬸᬕᬶᬳᬶᬗᭂᬢᬂᬜᬳᬶᬳᬢᬹᬭᬂ᭞ᬳ᭄ᬬᬂᬫᬦᬸᬦᬲ᭄ᬳᬸᬭᬶᬧ᭄᭞ᬫᬗᬢᬸᬭᬂᬳᬯᬓ᭄᭞ᬤᬓᬅ᭄ᬧᬶᬂᬓᬸᬤᬂᬲᬢᬓ᭄᭞
ᬫᬲᬩ᭄ᬮᭀᬕ᭄ᬜᬳᬶᬩ᭄ᬯᬶᬦ᭄᭞ᬤᬶᬢᬸᬗᬢᬹᬭᬂ᭞ᬦᬾᬤᬸᬮᬸᬭᬶᬦ᭄ᬜᬢᬸᬮᬶᬲ᭄᭟ᬳᬦ᭄ᬢᬶᬫᬮᬸᬬᬂᬦᬶᬮᬶᬲ᭄ᬳᬓ᭄ᬮᬶᬜᭂᬗᬦ᭄᭞ᬢᬦ᭄ᬘᬭᬶᬢᬲᬸᬩᬦᬸᬮᬶᬲ᭄᭞ᬫᬳᬸᬲᬧ᭄ᬩᬦ᭄ᬳᬫ᭄ᬩᭂᬃ᭞ᬫᬓᬧᬸᬢᬸᬲᬸᬢ᭄ᬭᬕᬥᬂ᭞ᬩᬸᬗ᭄ᬓᬸᬮ᭄ᬲᭂᬩᬶᬢᬦ᭄ᬧᬜ᭄ᬚᬮᬶᬦ᭄᭞ᬤᬤᬶ
ᬢᬮᬶᬜ᭞ᬤᬤ᭄ᬯᬗᬢᬸᬭᬂᬢᬸᬮᬶᬲ᭄᭟ᬫᬧᬗᬫᭂᬃᬳᬶᬭᬗ᭄ᬕᬢᬸᬱ᭄ᬝᬵᬫ᭄ᬮᬤ᭄ᬧ᭄ᬭᬡ᭄ᬦᬵ᭞ᬫᬦ᭄ᬢ᭄ᬭᬜᬢ᭄ᬯᬄᬳᬶᬓᬶᬓᬶᬢ᭄᭞ᬦᬗ᭄ᬳᬶᬂᬳᬳᬾᬂᬳᭀᬲᬦ᭄ᬫ᭄ᬲᬸᬩᬫᬶᬮᬶᬄᬫᬸᬯᬾᬤᬵᬂ᭞ᬲᬣᬸᬧᬲ᭄ᬕᬸᬦᬜᬍᬯᬶᬄ᭞ᬧᬳᬶᬘᬦ᭄ᬳᬶᬤᬵ᭞ᬪᬕᬯᬦ᭄ᬚᬦ᭄ᬫᬵᬤ
ᬕ᭄ᬦᬶ᭟ᬲᬸᬩᬧ᭄ᬭᬕᬢ᭄ᬫᬶᬯᬄᬲᬵᬳᬧᬢᬸᬤᬸᬳᬵ᭞ᬳᬦᬸᬢᬶᬂᬧᬲᬸᬧᬢᬶ᭞ᬢᬸᬢ᭄ᬩᬚ᭄ᬭᬓᬬᬜ᭞ᬲᬤᬵᬦᬍᬗᬶᬲ᭄ᬚᭂᬩᬤ᭄᭞ᬓᬾᬯᬮᬵᬲᬸᬩᬫᬗ᭄ᬭᬜ᭄ᬚᬶᬂ᭞ᬩᬓᬢ᭄ᬳᬤᭂᬓᬵ᭞ᬲᬶᬂᬢ᭄ᬯᬭᬵᬳᬸᬬᬂᬧᬮᬶᬂ᭟ᬮᬯᬸᬢ᭄ᬓᬵᬲᬸᬩ