[ ᭑ 1B]
᭑᭞
᭛᭜᭛ ᬤᬹᬃᬫ᭄ᬫᬵ᭛᭜᭛ᬳᬶᬲᭂᬂᬢᬶᬢ᭄ᬬᬂᬗᬶᬭᬶᬂᬗ᭄ᬕᬯᬾᬕᬕᭂᬦ᭄ᬤᬶᬗᬦ᭄᭞ᬕᬕᬸᬭᬶᬢᬦᬾᬲᬦᬾᬚᬢᬶ᭞ᬳᬦᬾᬂᬭᬚ᭄ᬬᬲᬯᬄ᭞ᬩᬸᬓ᭄ᬢᬜᬢᬢ᭄ᬯᬵᬓ᭄ᬱᬭᬵ᭞ᬧᬭᭀᬓ᭄ᬦᬶᬓᬂᬲ᭄ᬫᬭᬭᬢᬶᬄ᭞ᬗᬶᬧᬶᬤᬃᬢ᭄ᬣ
ᬜ᭞ᬓᬡ᭄ᬤᬩᬦ᭄ᬫᬸᬜᬶᬩᬮᬶ᭟ᬲᬸᬩᬗᬶᬭᬶᬂᬧᬮᬶᬗ᭄ᬕᬶᬄᬳᬶᬤᬵᬧᬥᬡ᭄ᬤ᭞ᬦᬄᬧᭀᬗᬄᬳᬂᬦᬾᬚᬦᬶ᭞ᬫᬗᬧᬸᬲ᭄ᬢᬸᬢᬸᬭᬦ᭄᭞ᬳᬤᬓᬢᬸᬢᬹᬭᬦ᭄ᬜ᭞ᬧ᭄ᬭᬕᬸᬲ᭄ᬢᬶᬭᬶᬂᬩᬜ᭄ᬚᬃᬲᬭᬷ᭞ᬧᬸᬗ᭄ᬕᬯᬢ᭄ᬯ᭞ᬗ᭄ᬕᭂᬮᬄᬳᭀᬓᬵ
ᬳᬩ᭄ᬱᬶᬓ᭄᭟ᬫᬧᭂᬲᬾᬗᬦ᭄ᬤᬦᬾᬕᬸᬲ᭄ᬢᬶᬩᬕᬸᬲ᭄ᬚᬾᬗ᭄ᬕᭂᬮᬃ᭞ᬓᬲᬸᬩ᭄ᬧ᭄ᬭᬚ᭄ᬜᬦ᭄ᬢᬸᬃᬭᬶᬭᬶᬄ᭞ᬫᬦᬶᬲ᭄ᬢᬸᬃᬲᬺᬗ᭄ᬕᬭᬵ᭞ᬤᬦᬵᬕᭀᬬᬳᬸᬧᬫᬵ᭞ᬲᬓᬵᬢ᭄ᬯᬭᬓ᭄ᬯᬗᭂᬲᬶᬂ᭞ᬧᬫᭂᬂᬧᭂᬂᬩᬚᬂ᭞ᬢᬸᬳᬸᬲ᭄ᬤᭂᬂᬗᬬᭀᬦᬶᬦ᭄᭟ᬩᬕᬸ
ᬲ᭄ᬩᬾᬢᬓ᭄᭞ᬩ᭄ᬯᬶᬦ᭄ᬗᬸᬭᬾᬢᬓ᭄᭞ᬮᬶᬮᬶᬬᬳᬾᬘᬮᬶᬭᬶᬂ᭞ᬫᬳᭀᬫ᭄ᬩᬓᬦ᭄ᬕᬸᬮᬵ᭞ᬓ᭄ᬜᭂᬫᬾᬗᬮᬧ᭄ᬢᬶᬯ᭄ᬯᬵ᭞ᬓ᭄ᬫᬶᬓᬦ᭄ᬮᬕᭂᬲ᭄ᬢᬸᬃᬫᬦᬶᬲ᭄᭞ᬜᬸᬜᬸᬃᬩ᭄ᬯᬶᬦ᭄ᬳᬾᬜᭀᬃ᭞ᬩᬶᬲᬫ᭄ᬢᬸᬫ᭄ᬢᬸᬰᬶᬄ᭟ᬗ᭄ᬮᬄᬫᬶᬲᬦ᭄ᬤᬦᬾᬕᬸᬲ᭄ᬢᬶᬩᬕᬸ
[ ᭒ 2A]
ᬲ᭄ᬩᬶᬦ᭄ᬤᬃ᭞ᬢᬭᬸᬡᬵᬓᬭᬂᬗᬲ᭄ᬢᬶ᭞ᬧᬤᬫᭂᬂᬧᭂᬂᬗᬚᬶ᭞ᬩ᭄ᬯᬶᬦ᭄ᬳ᭄ᬬᬳᬤᬸᬢ᭄ᬫᬫᬶᬲᬦ᭄᭞ᬩᬋᬂᬢᬲᬳᬸᬭᬄᬳᬭᬶᬄ᭞ᬫᬓ᭄ᬦᭂᬄᬢᬸᬗ᭄ᬕᬮ᭄᭞ᬗᬳᭀᬭᬂᬧᬢᬶᬳᬸᬭᬶᬧ᭄᭟ᬧᬤᬲᬸᬩ᭄ᬩᬕᬸᬲᬾᬓᬮᭀᬓᬦ᭄ᬢᬭᬵ᭞ᬢᬾᬢᬾᬄᬢᬹᬃᬭᬶᬂᬧ᭄ᬭᬚᬸᬭᬶᬢ᭄
᭞ᬧ᭄ᬭᬚ᭄ᬜᬦ᭄ᬩ᭄ᬯᬶᬦ᭄ᬧᬰ᭄ᬘᬢ᭄᭞ᬢᬹᬭᬶᬂᬗ᭄ᬳᬲ᭄ᬢᬵᬓᭀᬲᬮᬵ᭞ᬚᬦᬦᬸᬭᬕᬵᬢᬦ᭄ᬲᬶᬧᬶ᭞ᬩ᭄ᬯᬶᬦᬾᬲᬱ᭄ᬝᬓᬭ᭞ᬯ᭄ᬭᬸᬄᬧ᭄ᬭᬢᬫᬾᬗ᭄ᬳᬚᬶ᭟ᬓᬘᬭᬶᬢᬳᬶᬚᬾᬗ᭄ᬕᭂᬮᬃᬬᬗᬦ᭄ᬢ᭄ᬬᬂᬮ᭄ᬯᬲ᭄᭞ᬓ᭄ᬫᬵᬓᬓᬭᬂᬗᬱ᭄ᬝᬶ᭞ᬗᬯᬸᬓᬶᬦ᭄ᬧᬋᬓᬦ᭄᭞ᬦᬸᬦ᭄ᬤᬾᬦ
ᬩ᭄ᬤᬩᬂᬚᬭᬦ᭄᭞ᬢᬦ᭄ᬲᬄᬦᬾᬦᬾᬓᬤᬯᬸᬳᬶᬦ᭄᭞ᬬᬳᬶᬕᬵᬃᬚᬶᬢ᭞ᬢ᭄ᬓᬾᬦ᭄ᬳᬶᬢᬜ᭄ᬚᭂᬓ᭄ᬫᭂᬭᬶᬂ᭟ᬗᬶᬢᬢ᭄ᬮᬸᬫᬦ᭄ᬢᬸᬓ᭄ᬘᭂᬓᬾᬦ᭄ᬧᬓᬬᬸᬦᬦ᭄᭞ᬳᬶᬲᬺᬗ᭄ᬕᬭᬵᬢᬦ᭄ᬫᬭᬶ᭞ᬗᬩᬧᬘᬦᬗᬦ᭄᭞ᬩᬋᬂᬳᬶᬭᭀᬬᬦ᭄ᬤᬬᬵ᭞ᬩᬚᬂᬩᬕᬸ
ᬲ᭄ᬭᬶᬭᬶᬄᬭᬶᬭᬶᬄ᭞ᬫᬮᬶᬄᬫᬚᬮᬦ᭄᭞ᬜ᭄ᬚᬮᬦ᭄ᬦᬶᬦᬾᬦᬾᬧᬶᬗᬶᬢ᭄᭟ᬤᬤᬶᬓ᭄ᬜᭂᬫ᭄ᬳᬶᬚᬾᬗ᭄ᬕᭂᬮᬃᬦᬸᬦ᭄ᬳᬶᬓ᭄ᬧᬋᬓᬦ᭄᭞ᬚᬮᬦ᭄ᬮ᭄ᬯᬲ᭄ᬫᬮᬮᬶ᭞ᬲᬶᬖᬲᬾᬜᬦᬦ᭄᭞ᬗᬦ᭄ᬢ᭄ᬬᬂᬗᬦᬸᬢᬂᬋᬩᬤ᭄᭞ᬫᬢᬸᬢᬂᬓ᭄ᬓᬾᬦᬶᬂᬲᬸᬮᬶᬂ᭞
Kaca:Bali-lontar-gaguritan-smara-ratih-300ppi.pdf/2
Kaca puniki sampun kauji-wacén
