Kaca:Bali-lontar-gaguritan-smara-ratih-300ppi.pdf/19

[ ᭑᭘ 18B]
᭑᭘᭞
ᬢᬶᬢ᭄ᬬᬂ᭞ᬗᬋᬋᬧ᭄ᬕᬸᬲ᭄ᬢᬶᬳᬶᬭᬶᬓᬶ᭞ᬤᬸᬄᬜᬮᬶᬕ᭄ᬩᬸᬤᬮ᭄᭞ᬲᭀᬭᬾᬲᬵᬫ᭄ᬧᬸᬦ᭄ᬧᬸᬦᬶᬓᬶ᭟ᬳᬶᬗ᭄ᬕᬶᬄᬕᬸᬲ᭄ᬢᬶᬭᬭᬶᬲᬂᬭᬢᬸᬳᬬᬸᬦᬂ᭞ᬲᬲᬗᬦᬦᬾᬳᬶᬗ᭄ᬕᬶᬄ᭞ᬲᬂᬓᬮᬶᬄᬫᬮ᭄ᬬᬢ᭄᭞ᬓ᭄ᬜᭂᬫ᭄ᬮᬯᬸᬢ᭄ᬫᬗ᭄ᬕᬸᬢᬦ᭄᭞ᬫᬲ᭄ᬮᬾᬬᭀᬕ᭄ᬫ
ᬦᬫ᭄ᬧᬶᬯᬗ᭄ᬲᬶᬢ᭄᭞ᬫᬢᬶᬢᬾᬳᬶᬤᬵ᭞ᬩᬋᬂᬧᬥᬫᬓᬶᬓᬶᬢ᭄᭟ᬕᬸᬲ᭄ᬢᬶᬳᬶᬲ᭄ᬢ᭄ᬭᬶᬓ᭄ᬜᭂᬫ᭄ᬮᬯᬸᬢ᭄ᬫᬦᬶᬫ᭄ᬩᬮ᭄᭞ᬓ᭄ᬫᬵᬳᬶᬭᬶᬂᬳᬶᬕᬸᬲ᭄ᬢᬶ᭞ᬮᬯᬸᬢ᭄ᬫᬗᬬᬸᬤᬂ᭞ᬳ᭄ᬢᬾᬄᬧᬤᬵᬫᬲᬯᬦ᭄᭞ᬓᬾᬦ᭄ᬭᭀᬢᬶᬧᬤᬫᬢ᭄ᬩᬶᬄ᭞ᬗᬚ᭄ᬗᬂᬲ᭄ᬥᬄ᭞ᬫᭂᬧᭂᬲ᭄ᬮᬯᬸ
ᬢᬧᬫᬶᬢ᭄᭟ᬕᬸᬲ᭄ᬢᬶᬕ᭄ᬥᬾᬕᬸᬲ᭄ᬢᬶᬳᬶᬲ᭄ᬢ᭄ᬭᬶᬫᬗᬦ᭄ᬤᬶᬓᬵ᭞ᬲᬬᬂᬭᬵᬢᬸᬤᬅ᭄ᬫᬸᬮᬶᬄ᭞ᬳᬶᬦᭂᬧᬶᬦ᭄ᬳᬶᬮᬸᬓᬵᬃ᭞ᬳᬚᬳᬶᬦ᭄ᬳ᭄ᬬᬫᬫᬘᬵ᭞ᬧᬶᬤᬦ᭄ᬳᬶᬧᬸᬦ᭄ᬧᬋᬓ᭄ᬕᬸᬲ᭄ᬢᬶ᭞ᬗ᭄ᬕᬶᬄᬧᬶᬢᬸᬮᬸᬲᬂ᭞ᬕᬸᬲ᭄ᬢᬶᬗᬺᬋᬧ᭄ᬳᬶᬭᬶᬓᬶ᭟ᬲᬵᬫ᭄ᬧᬸᬦ᭄ᬲᬦ᭄ᬤᬾᬕᬸᬲ᭄ᬢᬶᬜ
ᬮᬶᬢ᭄ᬧᬘᬂᬩᬸᬤᬮ᭄᭞ᬳᬶᬩᬶᬦ᭄ᬤᬃᬤᬤᬶᬓ᭄ᬜᬶᬂ᭞ᬫᬦᬸᬦ᭄ᬤᬶᬓ᭄ᬳᬶᬚᬾᬗ᭄ᬕᭂᬮᬃ᭞ᬦᬄᬳᬶᬭᬶᬂᬧᬓᬬᬸᬦᬦ᭄᭞ᬫᬫᬋᬓᬦ᭄ᬲᬸᬩᬤᬶᬦᬶ᭞ᬳᬶᬗᬦ᭄ᬳᬩᬸᬮᬦ᭄᭞ᬤᬶᬦᬶᬫᬦᬸᬦᬲ᭄ᬦᬲᬶ᭟ᬳᬧᬂᬳᬾᬯᭂᬄᬳᬢᬸᬩᬶᬩᬶᬅ᭄ᬫᬗ᭄ᬭᬯᭀᬲᬂ᭞ᬗᬸᬩᬸᬳᬶ
[ ᭑᭙ 19A]
ᬦ᭄ᬫᬸᬗᬮ᭄ᬫᬗᬶᬮ᭄᭞ᬢ᭄ᬯᬭᬩᬶᬱᬵᬗᬯᬄ᭞ᬧᬯᬦᬶᬂᬓᬢᬘᬶᬦᬵ᭞ᬫᬓᬦ᭄ᬢᬶᬤᬹᬃᬢ᭄ᬓᬾᬦᭂᬮᬶᬓ᭄᭞ᬓ᭄ᬦᬾᬓ᭄ᬫᬩ᭄ᬭᬶᬬᬕ᭄᭞ᬧᬦᬗ᭄ᬓᬶᬮᬦᬾᬲᬫᬶ᭟ᬧᬤᬵᬕᬯᭀᬓ᭄ᬳᬚᬓ᭄ᬢᬶᬫ᭄ᬧᬮᬵᬫᬓ᭄ᬚᬂ᭞ᬮᬓᭀᬦ᭄ᬩᬦ᭄ᬤᬦᬾᬫᬦᬶᬲ᭄᭞ᬩᬳᬸᬤ᭄ᬢᬸᬃᬲᬺᬗ᭄ᬕ
ᬭᬵ᭞ᬲᬶᬂᬓᬲᭀᬮᬳᬂᬫ᭄ᬮᬄ᭞ᬤ᭄ᬫᭂᬦ᭄ᬢ᭄ᬬᬂᬫᬗ᭄ᬮᬶᬬᬢᬶᬦ᭄᭞ᬲᬲᭀᬮᬄᬲᭀᬮᬄ᭞ᬢ᭄ᬓᬧᬦ᭄ᬢᭂᬲ᭄ᬩᬶᬦ᭄ᬓᬮᬶᬲ᭄᭟ᬕᬸᬲ᭄ᬢᬶᬕ᭄ᬥᬾᬕᬸᬲ᭄ᬢᬶᬳᬶᬲ᭄ᬢ᭄ᬭᬶᬫᬗᬦ᭄ᬤᬶᬓᬵ᭞ᬤᬶᬦᬶᬩᬋᬂᬳᬶᬬᬤᬶ᭞ᬬᬦ᭄ᬫᭂᬋᬫ᭄ᬫᭂᬋᬫᬦ᭄᭞ᬢ᭄ᬬᬂᬗᬮᬶᬳᬶᬦ᭄ᬳᬶᬤᬵ᭞ᬩᬸᬤᬮ᭄ᬲᬵᬫ᭄ᬧᬸᬦ᭄ᬫᬓᬓᬵ
ᬮᬶᬄ᭞ᬢᬸᬢᬶᬂᬳᬶᬭᬶᬗᬦ᭄᭞ᬳᬶᬮᬸᬓᬵᬃᬫᬗᭂᬦᭂᬫᬶᬦ᭄᭟ᬦᬸᬦᬲ᭄ᬭᬢᬸᬫᬕᬫᭂᬮ᭄ᬳᬶᬲᭂᬗ᭄ᬳᬶᬲᭂᬗᬦ᭄᭞ᬳᬶᬩᬶᬦ᭄ᬤᬃᬜ᭄ᬫᬓ᭄ᬲᬸᬮᬶᬂ᭞ᬳᬶᬚᬾᬗ᭄ᬕᭂᬮᬃᬫᬗᬺᬩᬤ᭄᭞ᬳᬶᬮᬸᬓᬵᬃᬬᬫᬓᬚᬃ᭞ᬢᬩᬸᬄᬲᬸᬩᬦ᭄ᬤᬃᬢᬦ᭄ᬫᬭᬶ᭞ᬦᬾᬓᬕ᭄ᬮᬶ
ᬓᬂ᭞ᬗᬸᬘᬶᬘᬵᬭᬗᬭᬶ᭟ᬓᬳᬦᬸᬢᬂᬋᬩᬤ᭄ᬢᭂᬓᬾᬲᬲᬸᬮᬶᬗᬦ᭄᭟ᬫ᭄ᬮᬤ᭄ᬧ᭄ᬭᬡ᭄ᬦᬗᬰᬶᬳᬰᬶᬄ᭞ᬗᭂᬗ᭄ᬓᬶᬓ᭄ᬗᭂᬮᬤ᭄ᬳᬮᬦ᭄᭞ᬫᬶᬭᬶᬩ᭄ᬫᬲᬲᬫ᭄ᬩᬢᬦ᭄᭞ᬭᬱᬵᬩᬸᬓᬵᬫᬲᬲᬶᬫ᭄ᬩᬶᬂ᭞ᬲ᭄ᬩᬸᬭᬶᬦ᭄ᬢᬦ᭄ᬤᬓ᭄᭞ᬫᬕᬶᬯᬂᬦᬸᬤᬸᬢ᭄ᬳᬢᬶ᭟