Kaca:Bali-lontar-gaguritan-smara-ratih-300ppi.pdf/18

Saking Wikisource
Kaca puniki sampun kauji-wacén

[ ᭑᭗ 17B]
᭑᭗᭞
ᬢ᭄ᬗᬸᬮᬧᬶᬦ᭄ᬧᬦᬓ᭄᭞ᬮᬸᬓᬵᬃᬳᭂᬢᬾᬳᬂᬳᬶᬕᬸᬲ᭄ᬢᬶ᭞ᬢᬸᬦ᭄ᬤᬾᬦ᭄ᬗᬾᬗ᭄ᬕᬮᬂ᭞ᬧᬋᬓᬦᬾᬫᬗᬮᬶᬄ᭟ᬮᬯᬸᬢ᭄ᬫᬢᬹᬃᬢᬭᬸᬡᬦᬾᬫᬓᬤᬤ᭄ᬯ᭞ᬫᭂᬧᭂᬲ᭄ᬳᬮᬸᬲ᭄ᬫᬫᬸᬜᬶ᭞ᬓᬸᬓᬸᬦᬾᬫᬗ᭄ᬭᬶᬦᬂ᭞ᬗᬶᬧᭂᬓᬂᬲᬲᬶᬗ᭄ᬓᬸᬭᬦ᭄᭞ᬫᬲ᭄ᬮᬾ
ᬬᭀᬕ᭄ᬫᬜᬶᬦᬾᬫᬦᬶᬲ᭄᭞ᬩᬗ᭄ᬕᬬᬂᬜᬦᬦ᭄᭞ᬢᬶᬢ᭄ᬬᬂᬲ᭄ᬯᬾᬳᬶᬭᬶᬓᬶ᭟ᬮᬯᬸᬢ᭄ᬜᭂᬫᬓ᭄ᬓᬫ᭄ᬧᬾᬓ᭄ᬫᬲ᭄ᬯᬂᬕᬧ᭄ᬕᬧᬦ᭄᭞ᬩᬸᬗ᭄ᬓᬸᬂᬯᬶᬦ᭄ᬢᭂᬦ᭄ᬳᬓᬢᬶᬄ᭞ᬢ᭄ᬓᬾᬦ᭄ᬮᭂᬗᬶᬲ᭄ᬧᬢ᭄ᬧᬢ᭄᭞ᬩᬶᬩᬶᬅ᭄ᬢᬶᬢ᭄ᬬᬂᬗᬢᬸᬭᬂ᭞ᬓᬾᬯᬦ᭄ᬢᭂᬦ᭄ᬫᬢ᭄ᬭᬳᬓᬶᬤᬶᬓ᭄᭞ᬧ᭄ᬭᬘᬶ
ᬳ᭄ᬦᬵᬦ᭄ᬢᬶᬢ᭄ᬬᬂ᭞ᬢᭂᬫ᭄ᬩᬾᬧᬋᬓ᭄ᬭᬶᬂᬩᬶᬩᬶᬅ᭄᭟ᬫᬢᭀᬮᬶᬳᬦ᭄ᬧᬶᬚᬾᬗ᭄ᬕᭂᬮᬃᬫᬲᬶᬄᬫᭂᬲᬸᬯᬂ᭞ᬓᭀᬧᭀᬓᬾᬦᬵᬕᬲᬭᬶ᭞ᬳᭂᬫ᭄ᬧᬸᬓ᭄ᬩᬦ᭄ᬲᬲᭀᬘᬦ᭄᭞ᬩᬶᬩᬶᬅ᭄ᬢᬶᬢ᭄ᬬᬂᬗᬢᬹᬭᬂ᭞ᬫᬓᬲᬤᬦᬶᬂᬩᬓ᭄ᬢᬶ᭞ᬲᬵᬫ᭄ᬧᬸᬦ᭄ᬫᬦᬸᬮᬓ᭄᭞
ᬭᬾᬄᬭᬭᬧᬦᬶᬂᬳᬰᬶᬄ᭟ᬲᬸᬫᬲᬢᬂᬢᬶᬢ᭄ᬬᬂᬳᬶᬭᬶᬓᬶᬫᬋᬓᬦ᭄᭞ᬗᬶᬭᬶᬂᬧᬮᬶᬗ᭄ᬕᬶᬄᬩᬶᬩᬶᬅ᭄᭞ᬫᬓ᭄ᬢᬧᬘᬦᬗᬦ᭄᭞ᬓᬾᬯᬦ᭄ᬢᭂᬦ᭄ᬲᬵᬫ᭄ᬧᬸᬭᬬᬂ᭞ᬲ᭄ᬭᬶᬗᬂᬭᬵᬢᬸᬫᭀᬗᭀᬭᬶᬦ᭄᭞ᬗ᭄ᬳᬶᬂᬧᬶᬢᬸᬮᬸᬲᬂ᭞ᬲ᭄ᬯᬾᬘ᭄ᬙ
[ ᭑᭘ 18A]
ᬦ᭄ᬓᬬᬸᬦ᭄ᬳᬶᬩᬶᬩᬶᬅ᭄᭟ᬳᬭᬄᬕᬸᬲ᭄ᬢᬶᬓᬓᬾᬬᬦ᭄ᬧᬘᬂᬧᬶᬘᬬᬂ᭞ᬕᬫᬦ᭄ᬢᬶᬧᬸᬦ᭄ᬓᬾᬕᬸᬲ᭄ᬢᬶ᭞ᬳᬶᬄᬤᬅ᭄ᬫᬕᬋᬧᬦ᭄᭞ᬩᭀᬬᬵᬚᬲᬧᬸᬦᬶᬓᬵ᭞ᬓᬾᬯᬦ᭄ᬢᭂᬦ᭄ᬭᬢᬸᬳᬶᬲᬶᬓᬶ᭞ᬧᬫᬶᬢᬂᬢᬶᬢ᭄ᬬᬂ᭞ᬓᬾᬦᬓᬬᬸᬦ᭄ᬳᬶᬕᬸᬲ᭄ᬢᬶ᭟ᬳᬭᬄᬩᬶᬩᬶ
ᬅ᭄ᬧᬸᬦᬶᬓᬧᬘᬂᬓᭀᬩ᭄ᬢᬂ᭞ᬭᬭᬶᬲᬂᬲᬵᬫ᭄ᬧᬸᬦ᭄ᬳᬫ᭄ᬩᬶᬮ᭄᭞ᬳᬓᬾᬄᬓᬭᬶᬚᬸᬫᬄ᭞ᬧᬸᬦᬧᬶᬧᬓᬬᬸᬦᬦ᭄᭞ᬢᬶᬢ᭄ᬬᬂᬫᬗᬢᬹᬭᬂᬫᬮᬶᬄ᭞ᬲᬵᬫ᭄ᬧᬸᬦ᭄ᬫᬚᬗ᭄ᬓᬵ᭞ᬳᬶᬩᬶᬦ᭄ᬤᬃᬫᬜᬯᬸᬢᬶᬦ᭄᭟ᬩ᭄ᬘᬶᬓ᭄ᬳᬫ᭄ᬩᬶᬮ᭄ᬳᬓᬾᬬᬦ᭄ᬧᬘᬂᬩᬯᭀᬲᬂ
᭞ᬢᬶᬢ᭄ᬬᬂᬓᬵᬃᬱᬳᬶᬦ᭄ᬫᬮᬶᬄ᭞ᬩᬭᬂᬓᬤᬶᬩᬭᬂ᭞ᬓᬳᬢᬹᬃᬳᬦ᭄ᬢᬸᬓ᭄ᬢᬸᬓ᭄ᬢᬶᬢ᭄ᬬᬂ᭞ᬚᬦ᭄ᬫᬵᬫᬶᬲ᭄ᬓᬶᬦ᭄ᬳᬦ᭄ᬢᬸᬓ᭄ᬩᬶᬩᬶᬅ᭄᭞ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂ᭞ᬗᬶᬂᬳᬫ᭄ᬧᬸᬭᬵᬬᬂᬩᬶᬩᬶᬅ᭄᭟ᬫᬢᭀᬮᬶᬳᬦ᭄ᬕᬸᬲ᭄ᬢᬶᬕ᭄ᬥᬾᬢ᭄ᬭᬂᬚᬕᬢ᭄᭞ᬩᬶᬄᬳᬶᬩᬜ᭄ᬫᬓ᭄ᬓᭂ
ᬤᬶᬲ᭄᭞ᬧ᭄ᬲ᭄ᬯᬂᬫᬓ᭄ᬚᬂ᭞ᬬᬾᬦ᭄ᬳᭂᬗ᭄ᬓᬾᬦ᭄ᬓᬲ᭄ᬦᭂᬗᬦ᭄᭞ᬧᬳᭂᬓᬂᬤᬾᬄᬳᬩᬫᬳᬶ᭞ᬤᬶᬢᬸᬳᬢᬸᬭᬂ᭞ᬚ᭄ᬯᬂᬫᬓ᭄ᬚᬂᬕᬸᬲ᭄ᬢᬶ᭟ᬫᬩ᭄ᬭᬶᬬᬸᬓ᭄ᬳᬶᬮᬸᬓᬵᬃᬓ᭄ᬜᭂᬫᬦᬶᬫ᭄ᬩᬮ᭄᭞ᬧ᭄ᬲᬸᬫᬸᬜᬶᬜᬫᬦᬶᬲ᭄᭞ᬭᬢᬸᬧᬶᬢᬸᬮᬸᬲᬂ᭞ᬲ᭄ᬯᬾᬘᬦ᭄ᬕᬸᬲ᭄ᬢᬶᬭᬶᬂ