[ ᭑᭖ 16B]
᭑᭖᭞
ᬭᬩᬧᬵᬗᬶᬲᬶ᭟ᬮᬯᬸᬢ᭄ᬫᭂᬧᭂᬲ᭄ᬓ᭄ᬜᭂᬫ᭄ᬫᬳᬢᬹᬃᬳᬶᬩᬶᬦ᭄ᬤᬃ᭞ᬫᬸᬜᬶᬦᬾᬗᭂᬲᭀᬃᬫᬦᬶᬲ᭄᭞ᬭᬢᬸᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬧᬘᬂᬧᬫᬶᬢᬂᬢᬶᬢ᭄ᬬᬂ᭞ᬭᬶᬂᬮᬶᬗ᭄ᬕᬶᬄᬘᭀᬓᭀᬃᬳᬶᬕᬸᬲ᭄ᬢᬶ᭞ᬦᬵᬗ᭄ᬳᬶᬂᬧᬸᬗ᭄ᬓᬸᬭᬦ᭄᭞ᬬᬦ᭄ᬢᬶᬢ᭄ᬬᬂᬓᬭᬶᬉ
ᬭᬶᬧ᭄᭟ᬲᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬦ᭄ᬤᬯ᭄ᬕᬂ᭞ᬫᬫᬶᬢᬂᬫᬗᬦ᭄ᬢᭂᬦᬶᬦ᭄᭞ᬧᬓ᭄ᬱᬶᬦᬾᬦᬾᬧ᭄ᬝᬓ᭄᭞ᬫᬶᬯᬄᬦᬾᬓ᭄ᬮᬯᬸᬩᬭᬓ᭄᭞ᬓᭀᬘᬧ᭄ᬘᬃᬘ᭄ᬙᬦ᭄ᬳᬶᬧᬸᬦ᭄ᬩᭂᬘᬶᬓ᭄᭞ᬫᬦᬯᬶᬢᬶᬢ᭄ᬬᬂᬧᭀᬮᬶᬄᬗᬺᬋᬄᬳᬲᬶᬓᬶ
᭞ᬭᬭᬶᬲ᭄ᬭᬯᬸᬄᬕᬸᬲ᭄ᬢᬶᬳᬶᬲ᭄ᬢ᭄ᬭᬶᬧᬘᬂᬜᬧᬵ᭞ᬳᬶᬭᬶᬗᬂᬲ᭄ᬤᬄᬍᬯᬶᬄ᭞ᬓᭂᬫ᭄ᬧᬸᬧᬗᭂᬢᬾᬳᬦ᭄᭞ᬫᬥᬸᬮᬸᬃᬲᬲᬗᬦᬦ᭄᭞ᬩᭀᬓᭀᬭᬾᬫᬓ᭄ᬚᬂᬓᬸᬦᬶᬂ᭞ᬳᭂᬫ᭄ᬧᬸᬓ᭄ᬩᬦ᭄ᬲᭀᬘᬵ᭞ᬫᬩᬺᬤ᭄ᬢᬸᬳᬸᬳᬰ᭄ᬭᬶ᭟
ᬲᭀᬭᭀᬄᬢ᭄ᬮᬸᬂᬤᬱᬦᬾᬢ᭄ᬓᬫᬗᬩᬵ᭞ᬓ᭄ᬜᭂᬫ᭄ᬳᬶᬦᬵᬕᬲᬭᬶ᭞ᬳᬶᬚᬾᬗ᭄ᬕᭂᬮᬃᬫᬮᬶᬳᬢ᭄᭞ᬫᬯᬗ᭄ᬲᬶᬢ᭄ᬩᬦ᭄ᬓᭂᬫᬶᬓᬦ᭄᭞ᬳᭂᬦ᭄ᬢᭀᬳᬧᬳᬩᬦ᭄ᬜᬳᬶ᭞ᬳᬧᬵᬳᬶᬲᬶᬜ᭞ᬧ᭄ᬤᬲ᭄ᬧᬘᬂᬓᬾᬤ᭄ᬩᭂᬮᬶ᭟
[ ᭑᭗ 17A]
ᬫᬗᬾᬗ᭄ᬕᬮᬂᬫᬘ᭄ᬩᬸᬃᬬᬵᬳᬓᬤᬤ᭄ᬯ᭞ᬧᬢᬸᬄᬫᬸᬜᬶᬜᬫᬦᬶᬲ᭄᭞ᬳᬢᬸᬩᬶᬩᬶᬅ᭄ᬕᭂᬮᬶᬲᬂ᭞ᬫᬳᬩᭂᬢ᭄ᬓ᭄ᬜᭂᬫ᭄ᬦᬦ᭄ᬤᬦ᭄᭞ᬢᬦ᭄ᬓᭂᬧᬫᬧᬳᬸᬢ᭄ᬕᬢᬶ᭞ᬓᬮᬶᬲ᭄ᬩᬳᬜ᭞ᬫᬩᬶᬓᬲ᭄ᬕᬢᬶᬫᬫᬸᬜᬶ᭟ᬕᬸᬲ᭄ᬢᬶᬳᬶᬲ᭄ᬢ᭄ᬭᬶ
ᬓ᭄ᬜᭂᬫ᭄ᬤᭂᬫᭂᬦᬾᬓᬮᬶᬯᬢ᭄᭞ᬜᬶᬗᬓ᭄ᬢ᭄ᬭᬸᬡᬦᬾᬧᬲ᭄ᬢᬶ᭞ᬫᬓᬤᬤ᭄ᬯᬜᬜᬧ᭄᭞ᬓ᭄ᬦᭂᬳᬾᬘᬸᬮᬸᬓ᭄ᬧᬶᬲᬦ᭄᭞ᬦᬸᬤᬸᬓ᭄ᬫᬦ᭄ᬢᬸᬫᬓᬵᬓᬮᬶᬄ᭞ᬩᬳᬦᬾᬕᭂᬢᬃ᭞ᬓ᭄ᬜᬸᬂᬫᬦᬶᬲ᭄ᬢᬦ᭄ᬲᬶᬧᬶ᭟ᬧᬤᬫ᭄ᬦᬾᬓ᭄ᬫᬦ᭄ᬕᬓ᭄ᬭᬭᬶᬲ᭄ᬫᬦᭂᬫᬦ᭄᭞
ᬯᬂᬚ᭄ᬭᭀᬦᬾᬧᬤᬧᬮᬶᬂ᭞ᬲᬩᭂᬦ᭄ᬫᬩ᭄ᬬᬸᬬᬸᬯᬦ᭄᭞ᬫᬦ᭄ᬤᭂᬮᭀᬲᬶᬂᬲᬶᬂᬚᬮᬦ᭄᭞ᬳᬤᬫᬳᭂᬗ᭄ᬓᭂᬩ᭄ᬫᬗᬶᬦ᭄ᬢᬶᬧ᭄᭞ᬫᬗ᭄ᬤᬾᬦᬾᬧ᭄ᬤᬲ᭄᭞ᬢ᭄ᬓᬾᬦᬾᬩᬕᬸᬲ᭄ᬕᬢᬶ᭟ᬕᬸᬲ᭄ᬢᬶᬳᬶᬲ᭄ᬢ᭄ᬭᬶᬓ᭄ᬜᭂᬫ᭄ᬫᬫᬸᬜᬶᬦ᭄ᬤᭂᬲᭂᬓᬂ᭞ᬗᬚ᭄ᬗᬂᬲ᭄ᬤᬄᬕᬸᬲ᭄ᬢᬶ᭞
ᬦᬵᬗ᭄ᬳᬶᬂᬳᬫ᭄ᬧᬸᬭᬬᬂ᭞ᬳᬶᬩᬶᬩᬶᬅ᭄ᬦᬶᬱ᭄ᬝᬵᬧᬶᬲᬦ᭄᭞ᬓᬾᬦᬓᬂᬓᬬᬸᬦ᭄ᬳᬶᬕᬸᬲ᭄ᬢᬶ᭞ᬢ᭄ᬕᬮ᭄ᬫᬮᬓᬂ᭞ᬳᬸᬧᬫᬶᬜᬳᬶᬭᬶᬓᬶ᭟ᬫᬗᬦ᭄ᬤᬶᬓᬵᬤᬦᬾᬕᬸᬲ᭄ᬢᬶᬢ᭄ᬭᬂᬚᬕᬢ᭄᭞ᬳᬶᬗ᭄ᬕᬶᬄᬤᬸᬭᬸᬲᬂᬕᬸᬲ᭄ᬢᬶ᭞ᬫᬗᬚᭂᬗᬂᬲ᭄ᬤᬄ᭞ᬮᬸᬯ
Kaca:Bali-lontar-gaguritan-smara-ratih-300ppi.pdf/17
Kaca puniki sampun kauji-wacén
