[ ᭑᭕ 15B]
᭑᭕᭞
ᬤᬦᬶᬦ᭄᭞ᬫᬲ᭄ᬮᬸᬢ᭄ᬫᬬᭃᬂ᭞ᬫᬲᬲᭂᬫ᭄ᬩᬃᬭᬢ᭄ᬦᬤᬶ᭟ᬲᬢᭀᬢ᭄ᬓᬵᬧᬋᬓ᭄ᬘ᭄ᬭᬶᬓ᭄ᬗᬾᬗ᭄ᬕᬮᬂᬳᬶᬆᬳᬶᬯᬶᬭᬧᬢᬶ᭞ᬜᬾᬗ᭄ᬓᬶᬓ᭄ᬫᬢᬸᬃᬜᬸᬫ᭄ᬩᬄ᭞ᬭᬵᬢᬸᬫᬶᬚᬶᬮ᭄ᬳᭂᬮᬶᬲᬂ᭞ᬧᬗᬦ᭄ᬤᬶᬓᬦ᭄ᬳᬚᬶᬦ᭄ᬕᬸᬲ᭄ᬢᬶ᭞ᬚᬕᬵᬓᬯ᭄ᬤᬮ᭄᭞ᬧᬋᬓ᭄ᬭ
ᬓᬦ᭄ᬳᬶᬕᬸᬲ᭄ᬢᬶ᭟ᬮᬯᬸᬢ᭄ᬜᬸᬫ᭄ᬩᬄᬫᬧᬫᬶᬢ᭄ᬢ᭄ᬓᬾᬦ᭄ᬜᬫᬜ᭞ᬫᬘ᭄ᬩᬸᬃᬗᬶᬲᬶᬳᬸᬢᬶᬓ᭄᭞ᬫᬗᬾᬭᭀᬲ᭄ᬮᬜ᭄ᬘᬶᬗᬦ᭄᭞ᬗᭂᬜᬶᬢ᭄ᬭᭀᬓᭀᬫᬢᬦ᭄ᬤᬂ᭞ᬓᬫ᭄ᬧᬾᬓᬾᬳᬩ᭄ᬮᬄᬗᭂᬦ᭄ᬤᬶᬄ᭞ᬫᬩᬸᬘᬸᬳ᭄ᬫᬵᬲ᭄᭞ᬢᬾᬓᭀᬃᬮᬶᬫᭀᬮ
ᬲ᭄ᬗᬶᬭᬶᬂ᭟ᬓᬘᬭᬶᬢᬕᬸᬲ᭄ᬢᬶᬕ᭄ᬤᬾᬢ᭄ᬭᬂᬚᬕᬢ᭄᭞ᬗᭂᬲᬾᬗᬶᬦ᭄ᬕᬸᬲ᭄ᬢᬶᬳᬶᬲ᭄ᬢ᭄ᬭᬶ᭞ᬗᬦ᭄ᬤᬶᬓᬬᬂᬦᬩ᭄ᬤᬩ᭄᭞ᬧᬘᬂᬫᬜᬧᬜᬦᬦ᭄᭞ᬩᬲ᭄ᬢᬸᬫ᭄ᬩᬾᬦ᭄ᬳ᭄ᬬᬂᬢ᭄ᬓᬫᬳᬶ᭞ᬦ᭄ᬢᭀᬧᬦᬓ᭄ᬳᬶᬤᬵ᭞ᬫᬲᬶᬄᬧ᭄ᬲᬸᬚᬕ᭄ᬚᬕᬶᬦ᭄᭟ᬫᬲᬮᬶᬦ
ᬦ᭄ᬕᬸᬲ᭄ᬢᬶᬕ᭄ᬥᬾᬢ᭄ᬭᬂᬚᬕᬢ᭄᭞ᬫᬯᬲ᭄ᬢ᭄ᬭᬕᬕᬸᬮᬸᬂᬧᬸᬢᬶᬄ᭞ᬓᬫ᭄ᬧᬸᬄᬘᬾᬮᬾᬕᬤᬵᬂ᭞ᬫᬲ᭄ᬓᬵᬃᬧᬸᬘᬸᬓ᭄ᬩᬭᬓ᭄᭞ᬳᬶᬭᬶᬗᬂᬲᬤᬸᬳᬓᬢᬶᬄ᭞ᬭᬭᬶᬲ᭄ᬓᬯ᭄ᬤᬮ᭄᭞ᬤᬶᬓᬦ᭄ᬢᭀᬃᬤᬦᬾᬗᬦ᭄ᬢᬶ᭟ᬢᬹᬃᬫᬓ᭄ᬩᬢ᭄ᬮ
[ ᭑᭖ 16A]
ᬦ᭄ᬢᬦᬫ᭄ᬧᬶᬂᬧᬧᬶᬥᬸᬳᬦ᭄᭞ᬕᬸᬲ᭄ᬢᬶᬕ᭄ᬤᬾᬫᬮᬶᬗ᭄ᬕᬶᬄ᭞ᬧᬋᬓᬦᬾᬗᬫ᭄ᬩ᭄ᬬᬵᬃ᭞ᬢ᭄ᬓᬧᬋᬳᬶᬮᬸᬓᬵᬃ᭞ᬦᬸᬦᬲᬂᬩᬱᬦᬾᬚᬦᬶ᭞ᬓᬧᬗᬦ᭄ᬤᬶᬓᬬᬂ᭞ᬕᬸᬲ᭄ᬢᬶᬦᬸᬦᬲ᭄ᬫᬗ᭄ᬭᬭᬶᬲ᭄᭟ᬫᬫᭂᬲ᭄ᬯᬂᬳᬶᬮᬸᬓᬵᬃᬬᬓᬩᬜ᭄ᬘᬶᬗᬄ᭞ᬫᭂᬧᭂᬓ᭄ᬗᭂᬳᭂᬤ᭄ᬫᬵ
ᬫᬸᬜᬶ᭞ᬗᬶᬭᬶᬂᬫᬧᬸᬭᬶᬬᬦ᭄᭞ᬳᬶᬩᬶᬦ᭄ᬤᬃᬜ᭄ᬫᬓ᭄ᬦᬦ᭄ᬤᬦ᭄᭞ᬧ᭄ᬲᬸᬫᬸᬜᬶᬦ᭄ᬜᬦᬾᬫᬦᬶᬲ᭄᭞ᬩᬋᬂᬳᬶᬚᬾᬗ᭄ᬕᭂᬮᬃ᭞ᬓᬾᬦᬓ᭄ᬳᬚᬶᬦ᭄ᬳᬶᬕᬸᬲ᭄ᬢᬶ᭟ᬲᬯᬸᬃᬕᬸᬬᬸᬳᬶᬮᬓᬵᬃᬓ᭄ᬜᭂᬫ᭄ᬫᬦᬶᬫ᭄ᬩᬮ᭄᭞ᬓᬾᬦᬓ᭄ᬳᬚᬶᬦ᭄ᬳᬶᬕᬸᬲ᭄ᬢᬶ᭞ᬭᬭᬶᬲ᭄ᬗᬧᬸ
ᬭᬶᬬᬂ᭞ᬢ᭄ᬓᬬᬫᬩᬭᬗᬦ᭄᭞ᬫᬘ᭄ᬩᬸᬃᬕᬸᬲ᭄ᬢᬶᬢ᭄ᬭᬂᬕᬸᬫᬶ᭞ᬳᬕᬸᬲ᭄ᬫ᭄ᬦᬾᬓᬦ᭄᭞ᬤᬶᬦᬶᬳᬕᬸᬲ᭄ᬫᬮᬶᬗ᭄ᬕᬶᬄ᭟ᬦᬸᬦᬲ᭄ᬮᬸᬕ᭄ᬭᬫᬗᬓ᭄ᬳ᭄ᬬᬫᬓᬤᬤ᭄ᬯ᭞ᬕᬸᬲ᭄ᬢᬶᬕ᭄ᬥᬾᬢ᭄ᬭᬂᬕᬸᬫᬶ᭞ᬓ᭄ᬜᭂᬫ᭄ᬫᬗᬦ᭄ᬤᬶᬓᬵ᭞ᬦᬧᬶᬭᬢᬸᬢᬸᬫ᭄ᬩᬾᬦ᭄ᬲᬦ᭄᭞ᬧᬦᬓ᭄ᬢ᭄ᬬ
ᬗᬾᬫᬭᬶᬓᬶ᭞ᬳᬧᬲᬶᬳᬤᬵ᭞ᬧᬘᬂᬦ᭄ᬤᬶᬓᬬᬂᬕᬸᬲ᭄ᬢᬶ᭟ᬤᬫᬚᬗ᭄ᬓᬵᬦ᭄ᬤᬶᬓᬬᬂᬢ᭄ᬓᬾᬦ᭄ᬳᬶᬩᬧᬵ᭞ᬫᬶᬯᬄᬓᬾᬦ᭄ᬭᬳᬶᬗᬸᬲ᭄ᬢᬶ᭞ᬢᭀᬳᬶᬧᬸᬦ᭄ᬳᬶᬮᬸᬓᬃ᭞ᬩᬭᬂᬦᬾᬓᬤᬶᬩᬭᬂ᭞ᬓᬵᬃᬲᬬᬂᬬᬕ᭄ᬮᬄᬕᬸᬲ᭄ᬢᬶ᭞ᬳ᭄ᬤᬫᬚᬗ᭄ᬓᬵ᭞ᬓᬾᬯ
Kaca:Bali-lontar-gaguritan-smara-ratih-300ppi.pdf/16
Kaca puniki sampun kauji-wacén
