Kaca:Bali-lontar-gaguritan-smara-ratih-300ppi.pdf/14

Saking Wikisource
Kaca puniki sampun kauji-wacén

[ ᭑᭓ 13B]
᭑᭓᭞
ᬚᭀᬕ᭄ᬧᬫᬺᬫᬦ᭄᭞ᬫᬳᬶᬜᬳᬶᬦᬵᬕᬲᬭᬶ᭞ᬩᬋᬂᬓᬾᬦ᭄ᬳᬶᬲᬸᬮᬰᬶᬄ᭞ᬩᬶᬄᬳᭂᬜᬾᬦ᭄ᬳᭂᬦ᭄ᬢᭀᬦᬾᬩᬳᬸ᭞ᬩᬚᬶᬕᬭᬾᬓᬮᬶᬯᬢ᭄᭞ᬫᬮ᭄ᬬᬢ᭄ᬫᬢᬸᬂᬢᬸᬂᬓ᭄ᬜᬶᬃ᭞ᬮᬯᬢ᭄ᬩᬸᬦ᭄ᬢᬸᬓ᭄‌ᬭᬶᬜᬭᬸᬫᬦᭀᬮᬶᬄᬧᬋᬓᬦ᭄᭟ᬕᬶᬮᬲᬦ᭄ᬳ᭄ᬬᬂ
ᬫᬮᬶᬬᬢ᭄᭞ᬧᬧᬲᬵᬮᬯᬸᬢ᭄ᬫᬓ᭄ᬢᬶᬢ᭄᭞ᬳᬮᬶᬲᬾᬢᬚᭂᬧ᭄ᬫᬩ᭄ᬗᬤ᭄᭞ᬭᬱᬵᬦᭂᬩᭂᬓ᭄ᬳᬸᬮᬸᬦᬢᬶ᭞ᬫᬢᬦᬾᬳᬫ᭄ᬩᬸᬮ᭄ᬢᬢᬶᬢ᭄᭞ᬜᭃᬜᭃᬃᬭᬱᬵᬗᭂᬫᬸᬫᬥᬸ᭞ᬓ᭄ᬜᭂᬫᬾᬫᭂᬫ᭄ᬩᬄᬕᬸᬮᬵ᭞ᬳᬄᬜᬦ᭄ᬤᬂᬳ᭄ᬫᬵᬲᬶᬦ᭄ᬫᬢᬶ᭞ᬕᬸᬲ᭄ᬢᬶᬳᬬᬸᬳᬦᭀ
ᬫ᭄ᬫᬲᬳᬸᬢ᭄ᬫᬦᬶᬫ᭄ᬩᬮ᭄᭟ᬢᭀᬦᬾᬫᬚᬸᬚᬸᬓ᭄ᬤᬸᬭᬶᬬᬦ᭄᭞ᬲ᭄ᬩᭂᬗᬾᬩᬸᬓᬵᬜᭀᬘᬧᬶᬦ᭄᭞ᬫᬳᬶᬭᬶᬡ᭄ᬦᬕᬶᬄᬕᬧ᭄ᬕᬧᬦ᭄᭞ᬧᬤᬍᬫ᭄ᬓᬳᬶᬫᬸᬘᬶᬗᬶᬦ᭄᭞ᬓ᭄ᬜᭂᬫ᭄ᬳᬶᬦᬵᬕᬲᬭᬶ᭞ᬳᬶᬲᬸᬮᬰᬶᬳ᭄ᬜᬸᬫ᭄ᬩᬄᬫᬢᬸᬃ᭞ᬢᬦ᭄ᬯᬾᬦ᭄ᬢᭂᬦ᭄ᬥᬦᬵ
ᬧᬧᬵ᭞ᬩ᭄ᬘᬶᬓᬦ᭄ᬭᬢᬸᬳᬶᬘᬾᬦᬶᬦ᭄᭞ᬢᬶᬢ᭄ᬬᬂᬭᬢᬸᬦ᭄ᬤᬶᬓᬬᬂᬫᬓ᭄ᬢᬫᬭᬶᬓᬵ᭟ᬓ᭄ᬜᬶᬂᬕᬸᬲ᭄ᬢᬶᬳᬬᬸᬗᬓ᭄᭞ᬗᬸᬭᬸᬢ᭄ᬳᬸᬭᬸᬢ᭄ᬳᬶᬲᬸᬮᬰᬶᬄ᭞ᬦᬄᬓ᭄ᬫᬵᬜᬳᬶᬫᬚᬮᬦ᭄᭞ᬳᬩᬬᬂᬭᭀᬓᭀᬳᬓᬢᬶᬄ᭞ᬢ᭄ᬓᬾᬦ᭄ᬩᬲᬾ
[ ᭑᭔ 14A]
ᬳᬩ᭄ᬲᬶᬓ᭄᭞ᬢᭀᬳᬸᬤᭂᬗᬾᬲᬸᬢᬺᬤᬥᬹ᭞ᬦᬾᬳᬗ᭄ᬕᭀᬦ᭄ᬢ᭄ᬬᬂᬩᬸᬲᬦ᭄᭞ᬤᬾᬄᬚ᭄ᬫᬓ᭄ᬳᬸᬲᬧᬶᬦᬼᬗᬶᬲ᭄᭞ᬕᬸᬲ᭄ᬢᬶᬳᬬᬸ᭞ᬳᬤᬶᬫᬲᬶᬄᬫᬦᬸᬦ᭄ᬤᬾᬦᬂ᭟ᬳᬦᬵᬕᬲᬭᬶᬫᬚᬮᬦ᭄᭞ᬫᬗᬩᬭᭀᬓᭀᬓᬳᬢᬶᬄ᭞ᬫᬤᬸᬮᬸᬃᬢ᭄ᬓᬾ
ᬦ᭄ᬩᬩᬲᬅ᭄᭞ᬲᭂᬗ᭄ᬓᬸᬩᬾᬦᬾᬓᭂᬢᬸᬦᬶ᭞ᬤᬾᬄᬩ᭄ᬯᬶᬦ᭄ᬳᬸᬲᬧᬶᬦ᭄ᬮᭂᬗᬶᬲ᭄᭞ᬳᬶᬢᬸᬜ᭄ᬚᬸᬂᬓ᭄ᬜᭂᬫ᭄ᬫᬳᬢᬹᬃ᭞ᬜᬳᬦ᭄ᬭᬢᬸᬲᭀᬭᬾᬬᬦ᭄᭞ᬦᬾᬫᬗ᭄ᬓᬶᬦ᭄ᬓᬭᬶᬳᬶᬭᬶᬓᬶ᭞ᬚᬕᬧᬋᬓ᭄ᬳᬦᬓ᭄ᬲᬵᬫ᭄ᬧᬸᬦ᭄ᬫᬤᬩ᭄ᬤᬩᬦ᭄᭟᭐᭟᭚ᬤᬹᬃᬫ᭄ᬫᬵ
᭝ᬯᬂᬚ᭄ᬭᭀᬦᬾᬳᬾᬜ᭄ᬚᬶᬄᬧᬥᬫᬓ᭄ᬭᬸᬡᬵ᭞ᬫᬚᬮᬦ᭄‌ᬧ᭄ᬲᬸᬫᬸᬮᬶᬄ᭞ᬫᬗᬩᬢᬸᬢᬹᬭᬦ᭄᭞ᬳᬤᬩ᭄ᬯᬶᬦᬾᬦᬓᭀᬦᬂ᭞ᬜᬾᬦ᭄ᬧᬲᬾᬗᬦ᭄ᬤᬦᬾᬚᬢᬶ᭞ᬦᬾᬤᬶᬩᬜ᭄ᬘᬶᬗᬄ᭞ᬭᬢᬸᬦᬾᬫᬓᬓᬮᬶᬄ᭞ᬕᬸᬲ᭄ᬢᬶᬩᬕᬸ
ᬲ᭄ᬩᬶᬦ᭄ᬤᬃᬳᭂᬦ᭄ᬢᭀᬦᭂᬤᬸᬳᬸᬭᬦ᭄᭞ᬦᬾᬲᬼᬫ᭄ᬩᬕᬸᬲ᭄ᬕᬢᬶ᭞ᬫᬶᬭᬶᬩ᭄ᬲᬗᬃᬚ᭄ᬚᬸᬦᬵ᭞ᬚᬾᬗ᭄ᬕᭂᬮᬭᬾᬓᬾᬳᬮᬶᬢᬦ᭄᭞ᬦᬾᬭᬫ᭄ᬧᬶᬂᬫᬜᬦ᭄ᬤᬢ᭄ᬕᬤᬶᬂ᭞ᬢᭀᬚᬬᬾᬂᬭᬡᬵ᭞ᬓᬲᬸᬩ᭄‌ᬗ᭄ᬩᭂᬓᬶᬦ᭄ᬕᬸᬫᬶ᭟ᬦᬾᬦᬾᬕ᭄ᬤᬾ