[᭓᭗ 37B]
᭓᭗
ᬕᬫᬢ᭄ᬭᬾᬓᬢ᭄᭞ᬫᬦᬶᬭᬸᬕᬫᬳᬭᬩᬶ᭟᭖᭓᭟ᬢᭂᬕᭂᬲᬾᬢᬭᬾᬓᬢ᭄ᬳᬶᬓᬸ᭞ᬢ᭄ᬯᬶᬫᬦᬭᬶᬦ᭄ᬳᬲᬶᬮ᭄ᬳᬲᬶᬮ᭄᭞ᬢᭂᬕᭂᬲᬾᬳᬕᬫᬳᬭᬩ᭄᭞ᬳᭂᬜ᭄ᬘᬾᬦ᭄ᬩᭂᬦᭂᬄᬳᭂᬜ᭄ᬘᬾᬦ᭄ᬳᬶᬯᬂ᭞ᬫᬺᬩᬸᬢ᭄ᬧᭂᬢᬤᭂᬫᭂᬦ᭄ᬗᬸᬫᬶᬓ᭄᭟᭖᭔᭟
ᬬᬾᬦ᭄ᬯᬸᬲ᭄ᬭᬸᬲᬓ᭄ᬕᬫᬦ᭄ᬳᬶᬧᬸᬦ᭄᭞ᬓ᭄ᬭᬸᬲᬓᬦᬾᬢᭀᬂᬓᬧᬗ᭄ᬕᬶᬄ᭞ᬢ᭄ᬯᬶᬭᬸᬲᬓ᭄ᬧᬗᬃᬣ᭄ᬬᬦ᭄ᬜ᭞ᬮ᭄ᬬᬸᬦᬦ᭄ᬗᬸᬕᬸᬫᬲᬮᬶᬦ᭄ᬲᬳᬶ᭞ᬦᬾᬚᬢᬶᬢᭂᬍᬗᬂᬤᬶᬫᬦᬄ᭞ᬭᬶᬂᬧᬗᬗ᭄ᬕᭀᬬᬫᬘᬶᬭᬶ᭟᭖᭕᭟ᬭᬶᬂᬮᬯᬗᬦ᭄ᬲ᭄ᬯᬃᬕ᭄ᬕᬦ᭄ᬳᬶᬧᬸᬦ᭄᭞ᬯᬾᬦ᭄ᬢᭂᬜ᭄ᬘᬶᬭᬶᬲ᭄ᬯᬭᬦ᭄ᬢᬸᬮᬶᬲ᭄᭞ᬮᬳᬶᬮᬳᬵ
ᬮᬳᬶᬮᬸᬮ᭄ᬮᬄ᭞ᬫᬸᬳᬫ᭄ᬫᬤ᭄ᬭᬲᬸᬮᬸᬮ᭄ᬮᬳᬶ᭞ᬲᬸᬧᬸᬦᬶᬓᬵᬧᬶᬢᭂᬕᭂᬲ᭄ᬜ᭞ᬳᬕᬫᬫᬸᬳᬫ᭄ᬫᬤ᭄ᬦᬩᬶ᭟᭖᭖᭟ᬢᭂᬕᭂᬲᬚᬲ᭄ᬯᬭᬦ᭄ᬳᬶᬧᬸᬦ᭄᭞ᬳᬶᬲᬶᬦᬾᬳᬤᬤᬶᬩᬶᬩᬶᬄ᭞ᬤᭂᬫᭂᬦ᭄ᬳᬢᬶᬦᬾᬦᬸᬢᬸᬭᬂ᭞ᬫᭂᬢᬸᬭᬶᬂᬢᬸᬓ᭄ᬢᬸᬓᬶᬂᬚ᭄ᬤᬫᬶ᭞ᬳᭂᬦ᭄ᬢᭀᬲ᭄ᬯᬂᬢ᭄ᬯᬄᬯᬋᬕᬂ᭞ᬭᬸᬭᬸᬗᬦᬾᬗᬮᬶᬄ
ᬪᬸᬓ᭄ᬢᬶ᭟᭖᭗᭟ᬬᬦ᭄ᬮᬶᬬᬸᬢᭀᬢᭀᬲᬶᬂᬭᬲᬸᬮ᭄᭞ᬫᬜᬸᬫᬂᬢᬸᬮᬶᬲ᭄ᬤᬶᬭᬶ᭞ᬫᬭᬶᬂᬮᬯᬗᬦ᭄ᬲ᭄ᬯᬃᬕ᭄ᬕᬦ᭄ᬜ᭞ᬦᬶᬓᬲᭀᬮᬄᬢᬦ᭄ᬧᬲᬶᬭᬶᬂ᭞ᬓᭂᬦᬳᬸᬧᬬᬦᬶᬂᬭᬹᬧ᭞ᬢᭀᬦ᭄ᬤᬾᬦ᭄ᬧᬤᬲ᭄ᬲᬸᬩᬳᬃᬣᬶ᭟᭖᭘᭟ᬫᬶᬢᬸᬭᬸᬢ᭄ᬳᬕᬫᬦ᭄ᬳᬶᬧᬸᬦ᭄᭞ᬫᭂᬢᬸᬦᬾᬳᬶᬗᬦ᭄ᬤᬶᬩᬶᬩᬶᬄ᭞
[ ᭓᭘ 38A]
ᬩᬮᬶᬚᬯᬤᬾᬯᬪᬝᬵᬭ᭞ᬳᬶᬰᬭᭀᬳᭀᬮᬄᬯᬮᬡ᭄ᬥᬶ᭞ᬘᬶᬡᬳᬕᬫᬩ᭄ᬭᬳᬮ᭞ᬦᬶᬓᬢ᭄ᬯᬄᬧᬾᬓᭀᬂᬧᬶᬦᬸᬚᬶ᭟᭖᭙᭟ᬢᭂᬕᭂᬲ᭄ᬫᬶᬢᬸᬭᬸᬢ᭄ᬤᬸᬳᬸᬃᬳᬶᬧᬸᬦ᭄᭞ᬳᬕᬫᬫᬶᬢᬸᬭᬸᬢ᭄ᬮᬸᬳᬸᬭᬶ᭞ᬦᬤ᭄ᬬᬦ᭄ᬕᬸᬦ᭄ᬤᬸᬮ᭄ᬗᬗ᭄ᬕᭀᬲᬹᬃᬪᬦ᭄᭞ᬬᬾᬦ᭄ᬲ᭄ᬯᬭᬬᬂᬢᭀᬂᬫᬫᬸᬜᬶ᭞
ᬫᬫᬸᬚᬬᬲᬓᬶᬂᬳᬃᬱ᭞ᬤᬸᬤᬸᬳᬸᬫᬢ᭄ᬭᬲᬸᬮ᭄ᬦᬩᬶ᭟᭗᭐᭟ᬲᬸᬓᬢ᭄ᬤᬤᬶᬳᭂᬫ᭄ᬩᭀᬓ᭄ᬩᬶᬗᬸᬂ᭞ᬗᬦ᭄ᬢᭂᬦᬂᬧ᭄ᬭᬸᬧᬬᬦ᭄ᬚᬶᬦᬶᬲ᭄᭞ᬚᬤ᭄ᬫᬾᬲ᭄ᬢ᭄ᬭᬶᬗᬗ᭄ᬕᭀᬫᬗ᭄ᬓᬦ᭞ᬧᬗᬓᬸᬦᬾᬓᬵᬚᬶᬳᬾᬲ᭄ᬢ᭄ᬭᬶ᭞ᬗᬭᬸᬭᬸᬗᬂᬗ᭄ᬯᬗᬸᬦ᭄ᬢᬯᬄ᭞ᬗᬚᬓ᭄ᬱᬂᬲᬭᬗᬤᬸᬯᬶᬯᬶ᭟᭗᭑᭟ᬳᬕᭂᬩᭀᬕ᭄
ᬲᬹᬃᬪᬦᬾᬓᬓᬹᬂ᭞ᬓ᭄ᬮᬫ᭄ᬩᬶᬚᬸᬩᬄᬓᬮᬸᬂᬢᬲ᭄ᬩᬶᬄ᭞ᬫᬶᬍᬄᬗᬩᬫᬢᬕ᭄ᬮᬧ᭄᭞ᬓᭀᬘᬧ᭄ᬮᬸᬳᬸᬭᬶᬂᬳᬯᬶᬥᬶ᭞ᬦᭂᬢᭂᬧᬂᬲᬶᬫᬦ᭄ᬓᬵᬕᬸᬗᬦ᭄᭞ᬦ᭄ᬢᭀᬰᬶᬫᬦᬾᬗᬗ᭄ᬕᭀᬫ᭄ᬯᬦᬶ᭟᭗᭒᭟ᬩᬮᬶᬚᬯᬲᬦᬾᬢᬸᬳᬸ᭞ᬧᬗᬗ᭄ᬕᭀᬮᬫᬶᬢ᭄ᬯᬶᬓᬾᬮᬶᬗᬶᬦ᭄᭞ᬬᬦᬶᬂᬗᬗ᭄ᬕᭀᬘᬭᬳ
ᬭᬩ᭄᭞ᬤᬸᬤᬸᬢᬢᬚᬯᬩᬮᬶ᭞ᬧᬸᬦᬶᬓᬢᬢᬲᬶᬮᬶᬳᬦ᭄᭞ᬫᬢᭂᬗ᭄ᬓᬸᬮᬸᬓ᭄ᬗᬗ᭄ᬕᭀᬗᬃᬪᬶ᭟᭗᭓᭟ᬫᬾᬯᭂᬄᬬᬦ᭄ᬤᭂᬲᭂᬓ᭄ᬧᬸᬦᬶᬓᬸ᭞ᬭᬶᬂᬦᬭᬯᬸᬲ᭄ᬩᬸᬤ᭄ᬥᬩᬸᬤ᭄ᬥᬶ᭞ᬚᬯᬩᬮᬶᬗᬗ᭄ᬕᬾᬯ᭄ᬮᬡ᭄ᬥ᭞ᬧᬸᬦᬶᬓᬢᬍᬃᬳᬸᬢ᭄ᬢᬫᬶ᭞ᬮᬓ᭄ᬱᬡᬧᭂᬢᭂᬂ
Kaca:Bali-lontar-gaguritan-sliksik-250ppi.pdf/38
Kaca puniki sampun kauji-wacén
