[ ᭓᭒ 32B]
᭓᭒
ᬲᬫ᭄ᬧᬶᬗᬶᬧᬸᬄ᭞ᬫᬲᬓᬾᬧᬘᬂᬜᬾᬗ᭄ᬕᭀᬢᬶᬦ᭄᭞ᬳᬯᬓᬾᬢᬸᬦᬬᬦ᭄ᬤᬬᬵ᭞ᬳᬾᬗ᭄ᬕᬮᬜ᭄ᬚᭂᬚᭂᬄᬫᬗᭂᬮᬶᬂ᭞ᬫ᭄ᬮᬳᬶᬩ᭄ᬫᬗᬮᬶᬄᬳᬮᬶᬂᬗᬦ᭄᭞ᬫᭂᬦᬾᬓ᭄ᬤᬶᬓᬬᬸᬦᬾᬕᬜ᭄ᬚᬶᬄ᭟᭑᭑᭟ᬫᬭᬫᭂᬓᬾᬓᬬᬸᬦᬾᬳᭂᬮᬸᬂ᭞ᬫᬓᬺᬩ᭄ᬬᬸᬓ᭄ᬬᬢᬸᬮᬸᬲ᭄ᬩᭂ
ᬗᬶᬮ᭄᭞ᬢ᭄ᬯᬄᬤᬾᬯᬾᬓᬾᬓ᭄ᬯᬗᬦ᭄ᬧ᭄ᬭᬶᬓ᭄ᬱ᭞ᬢ᭄ᬯᬭᬩᬶᬲᬫᬫᭂᬤᬲᬶᬦ᭄᭞ᬲᭂᬜ᭄ᬚᬢᬦᬾᬫᬮᬸᬕ᭄ᬮᬭᬂ᭞ᬢᬗ᭄ᬓᬶᬲᬶᬦ᭄ᬳᬢᬸᬓ᭄ᬳᬓ᭄ᬱᬶ᭟᭑᭒᭟ᬤᬶᬢᬸᬗ᭄ᬭᬓ᭄ᬕᬓ᭄ᬫᬥᬾᬳᬸᬗᬸ᭞ᬗᭂᬤᬾᬓᬶᬦ᭄ᬳᬦᬓᬾᬩᭂᬗᬶᬮ᭄᭞ᬤᭀᬂᬓᬾᬫᬮᬸᬧᭂᬮᬧᬦᬂ᭞ᬢᭀᬦ᭄ᬤᬾᬦ᭄ᬳᬸᬚᬦ᭄ᬬᬧᬬᬸᬗᬶᬦ᭄᭞
ᬧᬂᬩᭂᬜᬢ᭄ᬯᬭᬳᬸᬚᬦᬦ᭄᭞ᬳᬯᬓᬾᬢ᭄ᬯᬄᬦᬾᬳᬚᬶᬦᬶᬦ᭄᭟᭑᭓᭟ᬗᭂᬦ᭄ᬢᬧ᭄ᬢᬸᬓᬤ᭄ᬧᬗ᭄ᬤᬩᭂᬮᬸᬲ᭄᭞ᬲᬢᭀᬦ᭄ᬤᬾᬦᬾᬚ᭄ᬯᬧᭂᬮᬧᬦᬶᬦ᭄᭞ᬓᬫ᭄ᬩᭂᬦᬾᬫᬮᬸᬘᬶᬗ᭄ᬘᬶᬗᬂ᭞ᬓᬾᬢᭀᬩᬳᬦ᭄ᬫᬓᬃᬤ᭄ᬥᬶᬦᬶᬦ᭄᭞ᬤᬶᬩᭂᬮᬸᬲᬾᬫᬭᬘᬶᬂᬘᬶᬗᬂ᭞ᬜᬾᬜ᭄ᬘᬭᬾᬦ᭄
ᬧᬘᬂᬳᬫ᭄ᬩᬸᬮᬶᬦ᭄᭟᭑᭔᭟ᬩᬭᬫᬳᭂᬮ᭄ᬢ᭄ᬯᬭᬳᬶᬢᬸᬂ᭞ᬤᬤᬶᬢ᭄ᬯᬭᬬᬳᬚᬶᬦᬶᬦ᭄᭞ᬤᬶᬤᬶᬦ᭄ᬢᭀᬳᬗ᭄ᬕᭀᬦ᭄ᬓᬫᬸᬮᬦ᭄᭞ᬓᬲᬡ᭄ᬥᬬᬂᬓᭂᬫᬫᬳᬶ᭞ᬢᭀᬂᬤᬤᬶᬢᭂᬩᬸᬲ᭄ᬩᬵᬦ᭄ᬲ᭄ᬮᬓ᭞ᬳᬧᬳᬗ᭄ᬕᬾᬦ᭄ᬫᬦᭂᬩᬸᬲᬶᬦ᭄᭟᭑᭕᭟ᬩᭂᬓᭂᬮ᭄ᬲᬫᬲ᭄ᬳ
[᭓᭓ 33A]
ᬗ᭄ᬕᭀᬦᭂᬩᬸᬲ᭄᭞ᬩᭂᬦᬂᬳᬗ᭄ᬕᭀᬦ᭄ᬫᭂᬦᬮᬶᬦᬶᬦ᭄᭞ᬦ᭄ᬢᭀᬩᭂᬓᭂᬮ᭄ᬢᬸᬮᬶᬲ᭄ᬢᭂᬮᬄ᭞ᬦᬾᬩᭂᬓᭂᬮᬂᬓᭂᬫᬫᬳᬶ᭞ᬤ᭄ᬯᬦᬶᬂᬳᭂᬦ᭄ᬢᭀᬧᬮᬶᬂᬫᭂᬮᬄ᭞ᬳᬧᬦ᭄ᬳᭂᬦ᭄ᬢᭀᬢᬮᬶᬦ᭄ᬕᬸᬫᬶ᭟᭑᭖᭟ᬲᬚᬳᭂᬦ᭄ᬢᭀᬧᬮᬶᬂᬓᬸᬓᬸᬄ᭞ᬳᬗᬫᭂᬮᬃᬓᭂᬫᬫᬳᬶ᭞ᬬᬤᬶᬦ᭄ᬗᬮᬶᬄ
ᬕᬸᬫᬶᬫᭂᬓᬄ᭞ᬗᭂᬦ᭄ᬢᬧ᭄ᬲᭂᬕᬭᬢᬦ᭄ᬧᬢᭂᬧᬶ᭞ᬚᬕᬫᬫ᭄ᬯᬢᬂᬧᬗᬚ᭄ᬬᬦ᭄᭞ᬦᬸᬗ᭄ᬓᬧ᭄ᬲᭂᬕᬭᬧᬶᬢᬸᬂᬮᬧᬶᬲ᭄᭟᭑᭗᭟ᬕᬸᬫᬶᬭᬹᬫᬾᬫᬃᬕ᭄ᬕᬳᬮᬸᬲ᭄᭞ᬕᬸᬫᬶᬍᬗ᭄ᬓᬫᬦᬲᬭᬶᬦ᭄᭞ᬭᬶᬂᬢᬦᬄᬳᬶᬦ᭄ᬤᬸᬦᬾᬩ᭄ᬯᬢᬂ᭞ᬤ᭄ᬯᬦᬶᬂᬳᭂᬦ᭄ᬢᭀᬜᬦ᭄ᬤᬂᬧᬸᬚᬶ᭞ᬫᬗ᭄ᬤᬾᬫᬗ᭄ᬕᬸᬄ
ᬓᬲᬸᬜᬢᬦ᭄᭞ᬳᭂᬦ᭄ᬢᭀᬢᬦᬄᬧᬮᬶᬂᬲᬸᬘᬶ᭟᭑᭘᭟ᬧᬩᬺᬱᬶᬳᬦ᭄ᬧᬶᬦᬶᬄᬮᬸᬳᬸᬂ᭞ᬓᬳᭂᬫ᭄ᬩᬦ᭄ᬓᬬᬹᬢᬗ᭄ᬳᬶ᭞ᬗᬭᬦ᭄ᬢᬫᬜ᭄ᬘᬓ᭄ᬭᬓᭂᬫ᭄ᬩᬂ᭞ᬧᬲᬶᬭᬫᬦ᭄ᬲᬗ᭄ᬳ᭄ᬬᬂᬭᬢᬶᬄ᭞ᬮᬦ᭄ᬳᬶᬤᬲᬲᬗ᭄ᬳᬬᬂᬲ᭄ᬫᬭ᭞ᬢᬶᬃᬣᬦ᭄ᬜᬦᬾᬮᬶᬦ᭄ᬢᬂᬲᬸᬘᬶ᭟᭑᭙᭟ᬯᬃᬡ᭄ᬦᬲᬗ᭄ᬳ
ᬢᭀᬬᬦ᭄ᬳᬶᬧᬸᬦ᭄᭞ᬫᬶᬤᭂᬃᬳᬶᬤᭂᬃᬲᬃᬯ᭄ᬯᬲᬭᬶ᭞ᬭᬦᬸᬦ᭄ᬜᬫᬥᬕᬶᬂᬓᭂᬫ᭄ᬩᬂ᭞ᬲᬗ᭄ᬳᬓᬸᬫᬸᬥᬦᬾᬲᬫᬶ᭞ᬓᬸᬦᬶᬂᬧᬸᬢᬶᬄᬳᬶᬋᬂᬳᬩᬂ᭞ᬤᬤᬸᬚᬶᬗ᭄ᬕᬪᬶᬭᬸᬫᬮᬶᬄ᭟᭒᭐᭟ᬲᬓᬶᬂᬲᬗᬯᬶᬯᬶᬢ᭄ᬳᬶᬧᬸᬦ᭄᭞ᬫ᭄ᬯᬂᬓᬸᬭᬡ᭄ᬞᬯᬃᬡ᭄ᬦᬦᬾᬓᬶ᭞ᬫᬳᬶᬥᭂᬃᬲᬃᬯ᭄ᬯ
