[᭓᭑ 31B]
᭓᭑
ᬧᬸᬧᬸᬄᬕᬶᬦᬦ᭄ᬢᬶ᭟ᬮᬸᬄᬮᬸᬢᬸᬂᬭᬭᬶᬲ᭄ᬫᬯᬸᬯᬸᬲ᭄᭞ᬳᬤᬶᬫᬥᬾᬦᬦᬾᬚᬦᬶ᭞ᬤ᭄ᬯᬦᬶᬂᬫᬧᬕᬸᬭ᭄ᬯᬦ᭄᭞ᬭᬶᬂᬳᬶᬤᬲᬤ᭄ᬥᬓᬲᬶᬤ᭄ᬥᬶ᭞ᬳᬶᬲᭂᬂᬳᬗ᭄ᬕᭀᬦ᭄ᬘᬘᬗ᭄ᬓᬶᬫᬦ᭄᭞ᬳᬶᬫᬥᬾᬭᬭᬶᬲ᭄ᬗᬢᬸᬭᬶᬦ᭄᭟᭑᭟ᬦᬸᬚᬸᬓᬭᬸᬗᬾᬗᬗ᭄ᬕᬸᬃ᭞ᬓᬕᬾᬢ᭄ᬳᬤᬫᬗᬭ
ᬳᬶᬤ᭄᭞ᬦᬾᬚᬦᬶᬧᬘᬂᬮ᭄ᬯᬲ᭄᭞ᬢᭀᬂᬤᬤᬶᬧᬘᬂᬧᬶᬯᬮᬶᬦ᭄᭞ᬢᬸᬭᬄᬚᬦᬶᬘᬭᬚ᭄ᬯ᭞ᬳᬧᬂᬚᬮᬦ᭄ᬧᬺᬚᬦᬶ᭟᭒᭟ᬢᬸᬃᬫᬚᬮᬦ᭄ᬓᬢᬮᬜ᭄ᬚᬸᬃ᭞ᬲᬸᬩᬦᬾᬚᭀᬄᬫᬭᬳᬾᬮᬶᬂ᭞ᬢᬓᬶᬮᬦᬾᬦᬸᬤᬶᬚᬸᬫᬄ᭞ᬜᬾᬜ᭄ᬚ᭄ᬯᬢᬸᬦ᭄ᬤᬾᬦ᭄ᬗᬮᬶᬧᭂᬢᬶᬦ᭄᭞
ᬯᬶᬭᬾᬄᬳᬯᬓᬾᬧᬤᬶᬤ᭄ᬬᬦ᭄᭞ᬜᬾᬦ᭄ᬤᬶᬢᬸᬧᬘᬂᬢᬕᬶᬳᬶᬦ᭄᭟᭓᭟ᬓᬤᬸᬭᬸᬲ᭄ᬩᬲᬗᬾᬲᭂᬤᬸᬓ᭄᭞ᬜᭂᬮ᭄ᬲᭂᬮ᭄ᬳᬯᬓ᭄ᬧᬤᬶᬤ᭄ᬬᬦ᭄᭞ᬜᬾᬦ᭄ᬳᬦᬓᬾᬲᭂᬮ᭄ᬲᭂᬮᬂ᭞ᬳᬯᬓ᭄ᬫᬸᬮᬢᬦ᭄ᬧᬓᬾᬃᬢ᭄ᬢᬶ᭞ᬳᬾᬮᬶᬂᬕᭂᬮᬳᬾᬦᬸᬚᬸᬫᬄ᭞ᬳᬾᬦ᭄ᬢᭀᬓ᭄ᬭᬡ
ᬧᭂᬢᭂᬂᬧᬮᬶᬂ᭟᭔᭟ᬫᬚᬮᬦ᭄ᬬᬧᬢᬶᬳᭂᬦ᭄ᬢᬸᬮ᭄᭞ᬓᬕᬾᬢ᭄ᬳᬤᬫᬦᬓᭀᬦᬶᬦ᭄᭞ᬳᬦᬓ᭄ᬘᭂᬭᬶᬓ᭄ᬓᬮᬶᬦ᭄ᬢᬂᬢ᭄ᬯ᭞ᬤᬶᬢᬸᬓᬾᬯᭂᬄᬫᬜᬳᬸᬢᬶᬦ᭄᭞ᬓᬾᬦ᭄ᬓᬾᬜ᭄ᬚᬦᬶᬩᬦ᭄ᬗᭀᬭᬳᬂᬫ᭄ᬢᬦ᭄ᬯᭂᬭᬸᬄᬦᬾᬧᬘᬂᬳᬸᬗ᭄ᬲᬶ᭟᭕᭟
[ ᭓᭒ 32A]
ᬳ᭄ᬦ᭄ᬢᭀᬳᬸᬧᬳᬾᬤᭂᬫᭂᬦ᭄ᬓᬚᬸᬫ᭄᭞ᬳᬯᬓ᭄ᬢᬶᬯᬲ᭄ᬗᬓᬸᬲᬸᬕᬶᬄ᭞ᬩᬦᬾᬮ᭄ᬬᬸᬫᬗᭂᬮᬄᬚᬶᬦᬄ᭞ᬓᬤᬾᬦ᭄ᬳᭂᬦ᭄ᬢᭀᬓᬕ᭄ᬬᬦ᭄ᬍᬯᬶᬄ᭞ᬦᬾᬚᬢᬶᬫᬵᬤᬦ᭄ᬓᬲᬸᬓᬦ᭄᭞ᬢ᭄ᬯᬭᬓ᭄ᬦᬬᬚ᭄ᬯᬂᬫᬮᬶᬂ᭟᭖᭟ᬦᬗ᭄ᬳᬶᬂᬕᭂᬦᬄᬜᬦᬾᬓᬾᬬᬸᬄ᭞ᬳᬭᬂᬫᬵᬦᬸᬱᬦᬾ
ᬳᬸᬦᬶᬂ᭞ᬳᬦᬓ᭄ᬫᭂᬗ᭄ᬓᭂᬩ᭄ᬲᬸᬩᬗᭂᬦᬄ᭞ᬳᬦᬾᬧᬸᬬᬸᬂᬓᬤᬾᬦ᭄ᬫᬶᬲᬶ᭞ᬤ᭄ᬯᬦᬶᬂᬳᬩᭂᬢ᭄ᬭᬶᬂᬓᬲᬸᬕ᭄ᬬᬦ᭄᭞ᬓᬤᬾᬦ᭄ᬤᬤᬶᬳᬩᬫᬢᬶ᭟᭗᭟ᬤᬶᬫᬢᬶᬦᬾᬬᬚ᭄ᬭᭀᬮᬸᬢᬸᬂ᭞ᬢᬶᬤᭀᬂᬕᭂᬮᬄᬤᬤᬶᬳᬗ᭄ᬓᭂᬦᬶᬦ᭄᭞ᬦᬾᬚᬢᬶᬫᬵᬤᬦ᭄ᬓᬫᭀᬓ᭄ᬱᬦ᭄᭞ᬦ᭄ᬢᭀ
ᬜᬦ᭄ᬤᬶᬂᬳᬩᬫᬸᬮᬶᬄ᭞ᬬᬦ᭄ᬓᬲᬸᬓᬦᬾᬤᬶᬧᬤᬵ᭞ᬳᬃᬣᬦᬾᬫᬮᬸᬳᬃᬣᬶᬦᬶᬦ᭄᭟᭘᭟ᬓ᭄ᬭᬡᬓᬾᬯᭂᬄᬗᭂᬮᬄᬧᬶᬧᬶᬲ᭄ᬮᬶᬬᬸ᭞ᬤᬶᬧᬸᬍᬲᬾᬢ᭄ᬯᬭᬳᬾᬮᬶᬂ᭞ᬢ᭄ᬯᬭᬩᬸᬯᬸᬂᬬᬚ᭄ᬯᬂᬳᬦᬓ᭄᭞ᬬᬦ᭄ᬗᭂᬫ᭄ᬩᬦ᭄ᬓᬲᬸᬕ᭄ᬬᬦᬼᬯᬶᬄ᭞ᬲᬚᬕᬫ᭄ᬧᬂᬜᬓᬮᬶᬦ᭄ᬢᬂ᭞ᬩᬦᬾᬓᭂ
ᬢᬶᬮ᭄ᬢᬶᬤᭀᬂᬕᬶᬕᬶᬲ᭄᭟᭙᭟ᬓᬮᬶᬧᬸᬢ᭄ᬩᬦ᭄ᬢᬸᬢᬸᬭᬾᬮ᭄ᬬᬸ᭞ᬚᬢᬶᬦ᭄ᬜᬦᬾᬫᬫ᭄ᬭᬸᬓ᭄ᬢᬓᬶᬮ᭄᭞ᬳᭂᬗ᭄ᬓᬂᬢᭀᬂᬳᬤᬳᬶᬲᬶᬦ᭄ᬜ᭞ᬓ᭄ᬭᬸᬕ᭄ᬫᬫᬸᬜᬶᬧ᭄ᬮᬳᬶᬩᬶᬦ᭄᭞ᬫᬲᬓᬾᬬᬩᬶᬱᬦᬥᬄ᭞ᬳᬾᬦᬸᬚᭀᬄᬩᬓᬢ᭄ᬧ᭄ᬮᬳᬶᬩᬶᬦ᭄᭟᭑᭐᭟ᬳᬗ᭄ᬓᬩ᭄ᬳᬗ᭄ᬓᬩ᭄
