[ ᭒᭗ 27B]
᭒᭗
ᬤ᭄ᬥᬢ᭄ᬯᬭᬳᭀᬩᬄ᭞ᬳᬚᬸᬫ᭄ᬳᬚᬸᬫ᭄ᬢ᭄ᬯᬭᬳᬶᬫ᭄ᬩᬶᬄ᭟᭓᭓᭟ᬢ᭄ᬯᬶᬦᬾᬧᬶᬗᬶᬢ᭄ᬓᬕᬸᬕᬸ᭞ᬫᬸᬮᬰᬰᬡᬦ᭄ᬲᬢ᭄ᬭᬶᬬᬚᬢᬶ᭞ᬲᭂᬩᭂᬮ᭄ᬓᬦ᭄ᬤᭂᬮ᭄ᬢ᭄ᬯᬭᬳᬤ᭞ᬮᬸᬗ᭄ᬲᬸᬭᬦᬾᬫᬲᬶᬄᬲᬸᬘᬶ᭞ᬤᬾᬦᬶᬂᬩᬗ᭄ᬓᬾᬫᬘᬶᬧ᭄ᬮᬓᬦ᭄᭞ᬩᬦᬾᬫᬓ᭄ᬱ
ᬩᬗ᭄ᬓᬾᬲᬳᬶ᭟᭓᭔᭟ᬬᬾᬦᬶᬂᬰᬶᬯᬫᬸᬮᬗᬸᬕᬸ᭞ᬫᬓᭂᬚᬂᬓᬸᬘᬧᬂᬧᬶᬗᬶᬢ᭄᭞ᬫᬩ᭄ᬭᬢᬲᬸᬩᬲᬢᬢ᭞ᬢᬸᬮᬾᬦ᭄ᬬᬗᭂᬦ᭄ᬢᬤᬶᬭᬶ᭞ᬤᬾᬯᬾᬓᬾᬲᬳᬶᬳᭀᬮᬳ᭞ᬧ᭄ᬭᬤᬾᬦᬾᬬᬜᬸᬯᬸᬦ᭄ᬧᬶᬗᬶᬢ᭄᭟᭓᭕᭟ᬢ᭄ᬯᬄᬫᬮᬸᬮᬸᬤ᭄ᬭᬦᬾᬗ
ᬫᬸᬂ᭞ᬩᬳᬦᬾᬬᬲᬸᬩᬲᬸᬘᬶ᭞ᬯ᭄ᬬᬤᬶᬦ᭄ᬳᬩᭀᬢ᭄ᬫᬲᬶᬄᬤᬗᬦ᭄᭞ᬧᬧᬶᬦᭂᬳᬾᬲᬸᬩᬧᬲ᭄ᬢᬶ᭞ᬢᬳᬸᬢᭂᬓᬾᬦ᭄ᬧᬶᬘ᭄ᬘᬦ᭄ᬤᬾᬯ᭞ᬩᬶᬱᬦᬸᬦᬲ᭄ᬓᬧᬶᬦ᭄ᬯᬶᬤ᭄ᬥᬶ᭟᭓᭖᭟ᬦᬶᬮᬸᬄᬮᬸᬢᬸᬂᬚᬦᬶᬩᬗᬸᬦ᭄᭞ᬩᬸᬗ᭄ᬓᬸᬢ᭄ᬓᭂᬤᬾᬓ᭄ᬫᬗᬸᬭᬶᬓ᭄ᬕᬶᬓ᭄᭞ᬲᬶᬂᬮ᭄ᬬᬢᬶᬦ᭄ᬫ
ᬓᭂᬚᬂᬢᬯᬄ᭞ᬲᬫᬃᬲᬫᬃᬲᬭᬹᬲᬫᬶ᭞ᬲᬮᬄᬩᭂᬦᭂᬄᬲᬸᬩᬳᬤ᭞ᬦᬗᬶᬂᬲᭂᬗ᭄ᬓᬩ᭄ᬯᬶᬦ᭄ᬳᬩᭂᬤᬶᬓ᭄᭟᭓᭗᭟ᬚ᭄ᬭᭀᬮᬸᬢᬸᬂᬤᬶᬢᬸᬫᬕᬺᬩ᭄ᬬᬸᬕ᭄᭞ᬫᬲᭂᬲ᭄ᬬᭂᬧ᭄ᬮᬦ᭄ᬢᬲ᭄ᬫᬗᬶᬧᬶ᭞ᬩᬸᬓᬳᬤᬫᬢᬸᬤᬸᬳᬂ᭞ᬜᭀᬦ᭄ᬢᭀᬮ᭄ᬩᬗᬸᬦ᭄ᬢᬸᬃᬫ
[ ᭒᭘ 28A]
ᬦᭂᬗᬶᬮ᭄᭞ᬓᭂᬦᭂᬄᬜᬦᬾᬫᬗᬫ᭄ᬩᬭ᭞ᬢᬳᬸᬭᬶᬂᬭᬱᬦᬶᬂᬧᬶᬗᬶᬢ᭄᭟᭓᭘᭟ᬩᬸᬤ᭄ᬥᬲᬫᭂᬃᬢ᭄ᬢᬶᬓᬯᬸᬯᬸᬲ᭄᭞ᬳᬶᬤᬸᬓᬸᬄᬭᬭᬶᬲ᭄ᬜᬳᬸᬭᬶᬦ᭄᭞ᬳᭂᬦ᭄ᬢᭀᬲᬸᬩᬚᬮᬦ᭄ᬫᭀᬓ᭄ᬱ᭞ᬲᬫᬢᭂᬓᬾᬦ᭄ᬲᬹᬦ᭄ᬬᬲᬫᭂᬃᬢ᭄ᬢᬶ᭞ᬤᬾᬦᬶᬂᬦ᭄ᬢᭀ
ᬦᬾᬳᬸᬢ᭄ᬢᬫ᭞ᬕᬫᬦ᭄ᬲᬂᬩ᭄ᬭᬳ᭄ᬫᬡᬚᬢᬶ᭟᭓᭙᭟ᬦᬭᬦᬾᬳᬓᬾᬳᬦ᭄ᬩᬶᬗᬸᬂ᭞ᬢ᭄ᬯᬭᬗᬶᬗᭂᬢᬶᬦ᭄ᬫᬮᬸᬓᬸᬭᬶ᭞ᬗᬕᭂᬫ᭄ᬕᬫᬧᬥᬕᬯᬂ᭞ᬳᬾᬗ᭄ᬕᬮᬦ᭄ᬫᬋᬓᬓ᭄ᬚᬸᬮᬶᬕ᭄᭞ᬳᬦ᭄ᬤᬾᬬᬂᬲᬸᬦ᭄ᬤᬭᬶᬩᭂᬮᬄ᭞ᬳᬸᬬᬸᬢ᭄ᬫᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭟᭔᭐᭟
ᬮᬸᬄᬮᬸᬢᬸᬂᬦᬶᬫ᭄ᬩᬂᬕᬸᬫᬶᬢᬢ᭄ᬮᬸ᭞ᬦᬾᬧᬢᬸᬢ᭄ᬧᬘᬂᬕᭂᬦᬳᬶᬦ᭄᭞ᬫᬭᬶᬂᬲᬂᬫ᭄ᬭᬕᬳᬸᬢ᭄ᬢᬫ᭞ᬭᬶᬂᬩ᭄ᬭᬳ᭄ᬫᬗ᭄ᬲᬲᬢ᭄ᬭᬶᬬᬕᬸᬲ᭄ᬢᬶ᭞ᬭᬶᬂᬩᬸᬤ᭄ᬥᬮᬸᬤ᭄ᬭᬫ᭄ᬯᬂᬰᬶᬯ᭞ᬮᬸᬄᬯᬦᬭᬶᬳᬧᬂᬳᬸᬦᬶᬂ᭟᭔᭑᭟ᬲᬫᬶᬜᬦ᭄ᬤᬂᬲᭂᬫ᭄ᬩᬄᬲᬸᬳᬸᬦ᭄᭞ᬦᬾᬢᬢᬶᬕᬩᬕᬶᬩᬕᬶ᭞
ᬤᬾᬦᬶᬂᬢᭀᬂᬤᬤᬶᬩᭂᬮᬲᬂ᭞ᬤᬶᬭᬕᬦᬾᬚ᭄ᬯᬫᬢᬶᬦ᭄ᬤᬶᬄ᭞ᬓᬸᬮᬶᬢ᭄ᬤᬕᬶᬂᬓᬮᬶᬄᬢᬸᬮᬂ᭞ᬦ᭄ᬢᭀᬩᭂᬓᭂᬮ᭄ᬫᬸᬮᬤᬸᬫᬤᬶ᭟᭔᭒᭟ᬯᬾᬱ᭄ᬬᬦᬾᬳᬸᬜᬬᬂᬫᬮᬸ᭞ᬓᬚ᭄ᬭᭀᬦ᭄ᬲᬢ᭄ᬭᬶᬬᬲᬳᬶ᭞ᬲᬓᬶᬂᬧᬵᬢᬹᬢ᭄ᬫᬦᬦ᭄ᬤᬦᬂ᭞ᬧᬂᬲᬶᬤ᭄ᬥᬦᭂᬫᬸᬧᬶ
Kaca:Bali-lontar-gaguritan-sliksik-250ppi.pdf/28
Kaca puniki sampun kauji-wacén
