[ ᭒᭖ 26B]
᭒᭖
ᬳᬶᬰ᭄ᬯᬭᬮᬦ᭄ᬩ᭄ᬭᬳ᭄ᬫᬵᬯᬶᬱ᭄ᬡᬸ᭞ᬬᬾᬦ᭄ᬲᬸᬩᬫᬗᬶᬗᭂᬃᬤᬶᬭᬶ᭞ᬳᭂᬦ᭄ᬢᭀᬫᬵᬤᬦ᭄ᬳᬢᬫᬬᬦ᭄᭞ᬤᬤᬶᬩᭂᬦᭂᬓ᭄ᬬᬤᬸᬫᬤᬶ᭞ᬜᬦ᭄ᬤᬂᬩ᭄ᬯᬢᬂᬳᬧᬂᬢᬯᬂ᭞ᬧᭂᬮᬚᬳᬶᬦ᭄ᬗᬫᭀᬂᬤᬶᬭᬶ᭟᭒᭔᭟ᬩᬬᬸᬰᬩ᭄ᬤᬳᬶᬥᭂᬧ᭄ᬳᬶᬓᬸ᭞ᬦ᭄ᬢᭀ
ᬢᬓᭀᬦᬶᬦ᭄ᬲᬳᬶᬲᬳᬶ᭞ᬓᬾᬦ᭄ᬓᬾᬜ᭄ᬚᬦᬶᬩᬦᬓᭀᬦᬂ᭞ᬳᬲᬶᬂᬢᬓᭀᬦᬶᬦ᭄ᬫᬚᬶᬜ᭄ᬚᬶᬦ᭄᭞ᬦᬾᬫᬢᬓᭀᬦ᭄ᬢ᭄ᬯᬭᬩᬶᬲ᭞ᬦᬾᬢᬓᭀᬦᬶᬦ᭄ᬍᬗᭂᬄᬜᬳᬸᬢᬶᬦ᭄᭟᭒᭕᭟ᬳᬶᬮᬸᬢᬸᬂᬦᭂᬗᬶᬮ᭄ᬫᬢᬸᬢᬸᬃᬫ᭄ᬳᬗᭀᬩ᭄ᬳᬢᬶᬫᬗᭂᬦᭂ
ᬳᬶᬦ᭄᭞ᬳᬲᬶᬂᬚᭂᬫᬓ᭄ᬧᬥᬍᬧᬲ᭄᭞ᬢᬸᬲᬶᬂᬢᬳᬸᬫᬮᬸᬓᬸᬭᬶ᭞ᬳᬶᬲᬶᬦ᭄ᬢᭂᬮᬸᬦᬾᬗ᭄ᬕᬸᬮᬸᬩᬂ᭞ᬢᭂᬮᬸᬭᬸᬫ᭄ᬧᬸᬳᬾᬫᬫᬹᬃᬢ᭄ᬢᬶ᭟᭒᭖᭟ᬳᬤᬩ᭄ᬯᬶᬦ᭄ᬲᬶᬯᬢᭂᬮᬸ᭞ᬳᭂᬦ᭄ᬢᭀᬦ᭄ᬦᬾᬜᬦ᭄ᬤᬂᬳᬱ᭄ᬞᬶᬢᬶ᭞ᬳᭂᬤᬸᬫ᭄ᬧᬶᬮᬶᬄᬦᬾᬢᬢᬶᬕ᭞ᬤᬕᬶᬂ
ᬜᬰᬶᬯᬲᬫᭂᬃᬢ᭄ᬢᬶ᭞ᬳᬮᬶᬄᬫᬭᬶᬂᬮᬸᬤ᭄ᬭᬢᬢ᭄ᬯ᭞ᬭᬶᬂᬩᬸᬤ᭄ᬥᬲᬫᭂᬃᬢ᭄ᬢᬶᬦᬾᬫᬮᬶᬄ᭟᭒᭗᭟ᬦᬶᬱ᭄ᬞᬫᬥ᭄ᬬᭀᬢ᭄ᬢᬫᬦ᭄ᬳᬶᬧᬸᬦ᭄᭞ᬧᬶᬤᬕᬶᬂᬜᬦᬾᬲᬸᬚᬢᬶ᭞ᬳᬯᬲ᭄ᬤᬾᬯᬓᬾᬢᭀᬳᬯᬲ᭄᭞ᬮᬫᬸᬜ᭄ᬚᬢᬶᬫ᭄ᬮᬚᬳᬗ᭄ᬤᬶᬭᬶ᭞ᬫᬮᬶᬄ
[ ᭒᭗ 27A]
ᬯᬾᬦ᭄ᬢᭂᬦ᭄ᬭᬶᬂᬳᬸᬧᬫ᭞ᬲᬢ᭄ᬭᬶᬬᬯᬾᬱ᭄ᬬᬩ᭄ᬭᬳ᭄ᬫᬡᬢ᭄ᬯᬶ᭟᭒᭘᭟ᬚ᭄ᬭᭀᬤᬸᬓᬸᬄᬢᭂᬕᭂᬲ᭄ᬫᬢᬸᬢᬸᬃ᭞ᬳ᭄ᬤᬕᭂᬫ᭄ᬩᬳ᭄ᬤᬕᬸᬜ᭄ᬚᬶᬄ᭞ᬲᬮᬄᬤᬮᬶᬄᬓᬾᬢᭀᬤᭀᬬᬦ᭄᭞ᬬᬫ᭄ᬮᬚᬄᬢᬦ᭄ᬧᭂᬦᬩᬶ᭞ᬓᬤᬸᬭᬸᬲ᭄ᬩᬓᬢ᭄ᬭᬗ᭄ᬲᬸᬓᬂ᭞ᬲᭂᬗ᭄ᬓᬤᬾᬯᬫᬗ᭄ᬮᬶ
ᬧᭂᬢᬶᬦ᭄᭟᭒᭙᭟ᬰᬶᬯᬦᬶᬱ᭄ᬞᬯᬱ᭄ᬞᬦ᭄ᬳᬶᬧᬸᬦ᭄᭞ᬩᬦ᭄ᬢᬸᬯᬭᬦᬾᬗᭂᬮᬄᬲᬳᬶ᭞ᬓᬮᬶᬗ᭄ᬓᬾᬫᬢᬓᬶᬤᭂᬫᬂ᭞ᬲᬲᭀᬮᬳᬦ᭄ᬫᬧᬶᬳᬸᬦᬶᬂ᭞ᬓᬕᬸᬡᬦ᭄ᬫᬢᬦᬾᬤᬤ᭄ᬯ᭞ᬲᬫᬢᭂᬓᬾᬦ᭄ᬫᬳᬦ᭄ᬢᬶᬬᬂ᭟᭓᭐᭟ᬬᬾᬦᬶᬂᬳᭂᬦ᭄ᬢᭀᬓᬤᬸᬂᬓᬕᬸᬕᬸ᭞
ᬳᬤᭀᬄᬧᬘᬂᬫᬧᬶᬓᭀᬮᬶᬄ᭞ᬤᬾᬦᬶᬂᬲᬶᬦᬄᬗᬯᬕ᭄ᬳᬯᬕ᭄᭞ᬫᬫᬶᬦᭂᬳᬶᬦ᭄ᬢᬦ᭄ᬧᬲᬓ᭄ᬱᬶ᭞ᬫᬗᬸᬕᬸᬓᭂᬘᬧ᭄ᬭᬶᬂᬭᭀᬦ᭄ᬢᬮ᭄᭞ᬫᬸᬮᬬᬧᬓᬃᬤ᭄ᬥᬶᬜ᭄ᬚᬦ᭄ᬫᬶ᭟᭓᭑᭟ᬳᬕᬫᬦ᭄ᬯᬾᬱ᭄ᬬᬧᬸᬦᬶᬓᬸ᭞ᬳᬦᬓ᭄ᬦᬶᬱ᭄ᬞᬬᬲᬸᬚᬢᬶ᭞ᬤᬕᬶᬂᬜᬦᬾᬲᬦᬾᬫᬥ᭄ᬬ᭞
ᬳᬕᬫᬦ᭄ᬲᬢ᭄ᬭᬶᬬᬦᬾᬚᬢᬶ᭞ᬢ᭄ᬯᬄᬮᬸᬤ᭄ᬭᬢᬢ᭄ᬯᬧᬸᬦᬶᬓ᭞ᬫᭂᬦᬾᬓ᭄ᬢᬸᬯᬸᬦ᭄ᬫᬲᬶᬄᬤᬤᬶ᭟᭓᭒᭟ᬮᬓ᭄ᬱᬦᬦᬾᬢᬦ᭄ᬧᬳᬶᬢᬸᬂ᭞ᬜᬩ᭄ᬭᬦ᭄ᬤᬶᬦᬜᬸᬫ᭄ᬩᬄᬯᬶᬥᬶ᭞ᬢ᭄ᬯᬭᬳᭂᬗ᭄ᬲᬧ᭄ᬭᬶᬂᬕᬕᬫᬦ᭄᭞ᬫᬜᬸᬗ᭄ᬓᭂᬫᬶᬦ᭄ᬳᬤᬤᬶᬦᬶ᭞ᬬᬤᬶᬜ᭄ᬘᬾ
Kaca:Bali-lontar-gaguritan-sliksik-250ppi.pdf/27
Kaca puniki sampun kauji-wacén
