[᭒᭕ 25B]
᭒᭕
ᬤᬶᬢᬸᬢ᭄ᬯᬭᬳᬤ᭞ᬳᬤᬤᬶᬦᬶᬓᬤᬾᬦ᭄ᬢᬸᬲᬶᬂ᭞ᬕ᭄ᬮᬳᬾᬚᬸᬫᬄᬳᬮᬶᬄᬢᬓᭀᬦᬂ᭞ᬧᬧᬓ᭄ᬳᬦᬓᬾᬩ᭄ᬯᬶᬦ᭄ᬤᬸᬮᬶᬲ᭄᭟᭑᭔᭟ᬲᬸᬩᬦᬓᬶᬮ᭄ᬫᬲᬶᬄᬲᭂᬤᬸᬓ᭄᭞ᬢᬓᬶᬮᬦᬾᬢᭂᬕᭂᬦ᭄ᬲᬳᬶ᭞ᬬᬤᬶᬦ᭄ᬳᭀᬮᬶᬄᬩᬸᬲᬦ᭄ᬩᬸᬲᬦ᭄᭞ᬓᬤᬾ
ᬦ᭄ᬲᬚᬩᬶᬲᬦᭀᬮᬶᬄ᭞ᬲᭂᬗ᭄ᬕᬸᬳᬂᬜᬫᬕᬕᬳᬦ᭄᭞ᬦᬾᬗᭂᬦᬄᬓᬤᬾᬦᬵᬳᬶᬮᬶᬤ᭄᭟᭑᭕᭟ᬳᬦᬾᬧᬳᭂᬓ᭄ᬳᬮᬶᬄᬭᬸᬭᬸᬄ᭞ᬚ᭄ᬭᭀᬕᭂᬤᬾᬢᬸᬦ᭄ᬤᬾᬦ᭄ᬗᬶᬢᬸᬗᬶᬦ᭄᭞ᬮᬕᬸᬢᬾᬬᬩᬶᬲᬗᭂᬧᬄ᭞ᬓᬤᬾᬦ᭄ᬩᬶᬲᬫᬶᬢᬸᬢᬸᬭᬶᬦ᭄᭞ᬘᬸᬗᬸᬳᬾ
ᬳᬩᬩ᭄ᬯᬶᬦ᭄ᬢᬓᭀᬦᬂ᭞ᬳᬶᬮᬸᬢᬸᬂᬓᭂᬤᬾᬓ᭄ᬗᬭᬶᬓ᭄ᬕᬶᬓ᭄᭟᭑᭖᭟ᬳᬄᬳᬄᬳᬄᬳᬄᬳᬸᬄᬳᬸᬄᬳᬸᬄᬳᬸᬄ᭞ᬳᬶᬄᬳᬶᬄᬳᬶᬄᬳᬶᬄᬩᬲᬗᬾᬲᬓᬶᬢ᭄᭞ᬦᬾᬲᬸᬓ᭄ᬮᬓᬤᬾᬦ᭄ᬲᬸᬭᬸᬤᬦ᭄᭞ᬤᬶᬚᬗᬮᬶᬄᬢᭀᬬᬳᭂᬦᬶᬂ᭞ᬬᬤᬶᬦ᭄ᬫ
ᬗᬶᬍᬳᬶᬜ᭄ᬚᬕᬢ᭄᭞ᬢᬸᬮᬾᬦ᭄ᬫᬫᬢᬸᬬᬸᬳᬶᬦ᭄ᬤᬶᬭᬶ᭟᭑᭗᭟ᬮᬸᬄᬮᬸᬢᬸᬂᬚᬦᬶᬫᬓᬶᬤᬸᬂ᭞ᬤᬶᬧᭂᬤᭂᬫᬦ᭄ᬕᬸᬮᬓ᭄ᬕᬸᬮᬶᬓ᭄᭞ᬗᬯᬶᬮᬗᬶᬦ᭄ᬤᬕᬶᬂᬚᬕᬢ᭄᭞ᬢᬦᬄᬮᬗᬶᬢ᭄ᬳᬧᬄᬢ᭄ᬭᬶᬡᬶ᭞ᬤᬕᬶᬂᬳᬓᬱᬧᬸᬦᬶᬓ᭞ᬲᬹᬃᬬ᭄ᬬᬰᬰᬶᬄᬮᬦ᭄ᬩᬶᬦ᭄ᬢᬂᬢ᭄ᬭᬶ᭟᭑᭘᭟
[ ᭒᭖ 26A]
ᬢ᭄ᬯᬄᬢᬢᬶᬕᬤᬕᬶᬂᬳᬶᬧᬸᬦ᭄᭞ᬬᬤᬶᬦ᭄ᬫᬭᬶᬂᬳᬯ᭄ᬬᬢ᭄ᬫᬮᬶᬄ᭞ᬳᬫ᭄ᬩᬸᬦ᭄ᬳᬗᬶᬦ᭄ᬫᬶᬯᬄᬳᬸᬚᬦ᭄᭞ᬬᬦ᭄ᬭᬶᬂᬧ᭄ᬭᬣᬶᬯᬶᬦᬾᬫᬮᬶᬄ᭞ᬫᬢᬮᬸᬄᬫᭂᬦ᭄ᬢᬶᬓ᭄ᬫ᭄ᬯᬂᬍᬓᬤ᭄᭞ᬧᬸᬦᬶᬓᬗᬭᬦ᭄ᬢ᭄ᬭᬶᬦᬤᬶ᭟᭑᭙᭟ᬫᬦᬤ᭄ᬬᬂᬲᬤᬕᬶᬂᬳᬶᬧᬸᬦ᭄᭞ᬳᬧᬮ᭄ᬯᬭ
ᬤᬤᬶᬕᬸᬫᬶ᭞ᬗᬫᬺᬢᬦᬶᬦ᭄ᬯᬢᭂᬓ᭄ᬫᬗ᭄ᬓᬶᬳᬦ᭄᭞ᬲᭂᬮᬶᬤ᭄ᬲᬜ᭄ᬚᬲ᭄ᬬᬂᬮᬢ᭄ᬭᬶ᭞ᬓᬢ᭄ᬭᬕ᭄ᬬᬦᬂᬘᬢᬸᬃᬚᬦ᭄ᬫ᭞ᬳᭂᬦ᭄ᬢᭀᬚᬢᬶᬦ᭄ᬦᬾᬢ᭄ᬭᬶᬦᬤᬶ᭟᭒᭐᭟ᬢ᭄ᬭᬶᬕᬸᬡᬦ᭄ᬳᬶᬧᬸᬦ᭄ᬓᬯᬸᬯᬸᬲ᭄᭞ᬭᬶᬂᬤᬕᬶᬂᬧᬲᬭᬾᬫᬮᬶᬄ᭞ᬍᬩᭂᬂᬫᬢᬄᬓᬮᬶᬄᬢᬲᬓ᭄᭞
ᬳᬗ᭄ᬕᭀᬦᬦᬸᬓᬭᬶᬦ᭄ᬧᬶᬧᬶᬲ᭄᭞ᬳᭂᬦ᭄ᬢᭀᬲᬸᬩᬨᬮᬕᬸᬡ᭞ᬤᬤᬶᬳᬃᬱᬲᬫᬶᬫᬶᬦ᭄ᬤ᭄ᬭᬶᬄ᭟᭒᭑᭟ᬯᬾᬦ᭄ᬢᭂᬦ᭄ᬦᬾᬫᬮᬶᬄᬓᬯᬸᬯᬸᬲ᭄᭞ᬲᬫ᭄ᬧᬸᬦ᭄ᬢᬶᬗ᭄ᬕᬃᬫᬭᬶᬂᬪᬹᬫᬶ᭞ᬢ᭄ᬭᬶᬓᬬᬢ᭄ᬯᬶᬯᬱ᭄ᬞᬦ᭄ᬜ᭞ᬳᬧᬶᬬᬾᬄᬢᬢᬶᬕᬳᬗᬶᬦ᭄᭞ᬤ᭄ᬯᬦᬶᬂᬢᬸᬲᬶᬂᬓ᭄ᬯ
ᬗᬦ᭄ᬳᬧ᭞ᬢ᭄ᬭᬶᬪ᭄ᬯᬦᬓᬓᬾᬤᬕ᭄ᬲᬫᬶ᭟᭒᭒᭟ᬢ᭄ᬭᬶᬫᬸᬃᬢ᭄ᬢᬶᬦᬾᬚᬦᬶᬓᬯᬸᬯᬸᬲ᭄᭞ᬲᬫᬶᬯᬦ᭄ᬢᬄᬓᬕᭂᬦᬳᬶᬦ᭄᭞ᬧᭂᬢᭂᬂᬍᬫᬄᬲᬦ᭄ᬤᬶᬓᬮ᭞ᬤᬾᬯᬓᬮᬫ᭄ᬯᬂᬧᭂᬭᬦᬶᬦ᭄᭞ᬬᬦ᭄ᬳᬦᬭᬶᬂᬘᬢᬸᬃᬚᬦ᭄ᬫ᭞ᬫᬯᬱ᭄ᬞᬬᬢᬶᬕᬲᬓ᭄ᬢᬶ᭟᭒᭓᭟
