[ ᭒᭓ 23B]
᭒᭓
ᬭᬶᬂᬭᬶᬂᬧᬫᬺᬫᬦ᭄᭞ᬫᬦ᭄ᬭᬕ᭄ᬬᬦᬂ᭞ᬧᬗᬦ᭄ᬓᬶᬦᬸᬫ᭄ᬲᬳᬶᬲᬳᬶ᭞ᬳ᭄ᬤᬓᬾᬲᬫ᭄ᬧᬾᬳᬸᬤᬸᬳᬂ᭟᭒᭟ᬥᬂᬥᬂᬮᬭᬳᬗ᭄ᬕᭀᬦ᭄ᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬲᬳᬶᬲᬳᬶ᭞ᬭᬶᬧᭂᬥᭂᬫᬦ᭄ᬤᬾᬯ᭞ᬳᬶᬮᬸᬢᬸᬂᬯ᭄ᬭᬸᬄᬦ᭄ᬢᭀᬳᬤᬦᬾ᭞ᬤ᭄ᬯᬦᬶᬂᬚᬢᬶᬲᬸᬫᬳᬸᬃ᭞
ᬫᬗ᭄ᬕᭂᬄᬲᬲᬶᬫ᭄ᬩᬶᬂᬭᬶᬂᬕᬸᬫᬶ᭞ᬤᬤᬶᬧ᭄ᬭᬢᬶᬤᬃᬰᬡ᭞ᬢᬶᬢᬶᬜᬦ᭄ᬤ᭄ᬤᬂᬢᬶᬦᬹᬢ᭄᭞ᬲᭀᬮᬳᬾᬭᬶᬂᬚᬦᬮᭀᬓ᭞ᬢ᭄ᬯᬄᬢᭂᬢᭂᬧᬂ᭞ᬧᬘᬂᬢᬸᬭᬸᬦᬦ᭄ᬭᬶᬂᬯ᭄ᬯᬂᬳᬶᬲ᭄ᬢ᭄ᬭᬶ᭞ᬳᬲᬶᬂᬕᬯᬾᬦᬫᬫᭂᬮᬄ᭟᭓᭟ᬦᬶᬯᬦᬭᬶᬓᭂᬜᬶᬂᬫᬜᬳᬸᬭᬶᬦ᭄᭞ᬰᬶᬮ
ᬲᭀᬮᬄ᭞ᬲᭀᬮᬄᬳᬲᬦᬾᬫᭂᬮᬄ᭞ᬤᬸᬓᬸᬄᬲᬸᬥᬃᬫ᭄ᬫᬶᬳᬸᬚᬭᬾ᭞ᬲᬸᬯᬸᬤ᭄ᬘᭂᬦᬶᬂᬫᬵᬤᬦ᭄ᬮᬸᬢᬸᬂ᭞ᬮᬸᬢᬸᬂᬢᭂᬕᭂᬲ᭄ᬜᬦᬾᬫᭀᬗ᭄ᬲᬶᬮ᭄᭞ᬭᬸᬲᬸᬄᬭᬸᬲᬶᬢ᭄ᬬᬲᬢᬢ᭞ᬮᬓ᭄ᬱᬡᬦᬾᬩᬶᬗᬸᬂ᭞ᬢ᭄ᬯᬄᬳᬤᬦᬾᬳᬸᬢ᭄ᬢᬫ᭞ᬧᬶᬋᬂᬤᬾᬯ᭞ᬲᬲᬶ
ᬫ᭄ᬗᬶᬗᬾᬲᬦᬾᬧᬱ᭄ᬝᬶ᭞ᬲᬯᬶᬓᬸᬓᬾᬄᬦᭂᬫᬸᬤᬸᬄᬓ᭟᭔᭟ᬗᬫᬮᬶᬳᬶᬦ᭄ᬤᬦᬾᬦᬶᬯᬦᬭᬶ᭞ᬢᬢᬦ᭄ᬯᬦᭂᬄ᭞ᬢᬶᬢ᭄ᬬᬂᬫᬶᬭᬕᬶᬤᬾᬯ᭞ᬢ᭄ᬮᬲᬂᬚ᭄ᬯᬧᬶᬢᬸᬢᬸᬭᬾ᭞ᬫᬃᬕ᭄ᬕᬦᬾᬦᭀᬭᬧᬵᬢᬹᬢ᭄᭞ᬫᬗ᭄ᬤᬲᬫ᭄ᬧᬸᬦ᭄ᬳᬶᬯᬂᬫᬃᬕ᭄ᬕᬶ᭞ᬢᬶᬢ᭄ᬬᬂ
[᭒᭔ 24A]
ᬓᬦ᭄ᬬᬓᬫᬸᬥᬵᬦ᭄᭞ᬲᬶᬦᬄᬲᬮᬄᬧᬗ᭄ᬕᬸᬄ᭞ᬲ;ᬳᬯᬲᬾᬧᬘᬂᬫᬫᬃᬕ᭄ᬕ᭞ᬲᬃᬯ᭄ᬯᬶᬫᬦᬶᬲ᭄᭞ᬤᬸᬓᬸᬄᬲᬸᬥᬃᬫ᭄ᬫᬶᬜᬯᬸᬭᬶᬦ᭄᭞ᬕᬸᬫᬦ᭄ᬢᬶ᭞ᬳᬧᬶᬤᬃᬣ᭟᭕᭟ᬧᬸᬧᬸᬄᬕᬶᬦᬦ᭄ᬢᬶ᭟ᬲᭀᬮᬄᬮᬸᬢᬸᬂᬤᬳᬢ᭄ᬭᬸᬲᬸᬄ᭞ᬫᬜᭂᬭᬂᬫᭂᬓᬲᬮᬄ
ᬤᬮᬶᬄ᭞ᬮᬯᬢ᭄ᬳᬶᬩᬦᬾᬓᬤᬾᬦ᭞ᬮ᭄ᬬᬓ᭄ᬮ᭄ᬯᬫᬗᬚᬓᬲᬶᬄ᭞ᬫᬭᬧᬳᭂᬓ᭄ᬤᬸᬓᬸᬄᬤᬶᬫᬦ᭄᭞ᬘᬸᬗᬸᬄᬦᬾᬫᬓᭂᬧᬸᬕ᭄ᬗᭂᬮᬶᬂ᭟᭑᭟ᬳᬤᬸᬄᬳᬤᬸᬄᬬᬚ᭄ᬭᭀᬮᬸᬢᬸᬂ᭞ᬲᬓᬶᬢ᭄ᬜᬦᬾᬢᬶᬤᭀᬂᬕᬶᬕᬶᬲ᭄᭞ᬤᬶᬓᬾᬢᭀᬦᬾᬜᬾ
ᬦ᭄ᬲᭂᬮ᭄ᬲᭂᬮᬂ᭞ᬢ᭄ᬯᬄᬤᬾᬯᬾᬓᬾᬩᬶᬗᬸᬂᬧᬮᬶᬂ᭞ᬳᬸᬧᬫᬫᭂᬢᬾᬓᬶᬦ᭄ᬩᬶᬦ᭄ᬢᬂ᭞ᬢᭀᬦ᭄ᬤᬾᬦ᭄ᬤᬰᬲᬸᬩᬧᬮᬶᬂ᭟᭒᭟ᬚᬦ᭄ᬫᬦᬾᬳᬓᬾᬳᬦ᭄ᬩᬶᬗᬸᬂ᭞ᬧᬓᬃᬤ᭄ᬥᬶᬦᬾᬲᬸᬫᬩᬄᬲᬳᬶ᭞ᬳᬦᬓ᭄ᬩᬸᬤᬸᬄᬦ᭄ᬢᭀᬳᬤᬦᬵ᭞ᬓᬤᬾᬯᬦ᭄ᬤᬾᬯᬦ᭄ᬬ
ᬧᬮᬶᬂ᭞ᬗᬸᬮᬄᬢᬸᬭᬸᬢ᭄ᬲᬸᬃᬬ᭄ᬬᬓ᭄ᬱᬸᬃᬬ᭄ᬬᬓ᭄᭞ᬢ᭄ᬯᬭᬜᬢᭂᬕᭂᬲ᭄ᬫᬶᬦᭂᬳᬶᬦ᭄᭟᭓᭟ᬳᬦ᭄ᬤᬶᬬᬂᬢᬶᬗ᭄ᬓᬄᬳᬦᬓ᭄ᬢᭂᬤᬸᬦ᭄᭞ᬳᬶᬮᬸᬢᬸᬂᬬᬚᭂᬚᭂᬄᬕᬢᬶ᭞ᬓᬤᬾᬦᬲᬚᬓ᭄ᬭᬗ᭄ᬲᬸᬓᬦ᭄᭞ᬳᬦᬯ᭄ᬭᬸᬄᬓᬩ᭄ᬮᭀᬕ᭄ᬩᭂᬮᭀᬕᬶᬦ᭄᭞ᬢᬸᬦ᭄ᬤᬾ
