[ ᭑᭙19B]
᭑᭙
ᬲᭂᬤᬶᬄᬓᬗᭂᬦ᭄᭞ᬦᬶᬮᬸᬄᬮᬸᬢᬸᬂᬧᬤᬶᬤᬶᬬᬶᬦ᭄᭞ᬳᬾᬮᬶᬂᬭᬶᬂᬲᬲᬦᬓ᭄᭞ᬤᬾᬦᬶᬂᬢ᭄ᬯᬭᬳᬤᬳᭀᬃᬣᬶ᭞ᬳᬶᬲ᭄ᬮᬶᬓ᭄ᬱᬓᬶᬚᬫᬕᭂᬦᬄ᭟᭔᭟ᬧᭂᬢᭂᬂᬍᬫᬄᬫᬦᬸᬮᬫᬾᬧᬂᬓᬧᬗ᭄ᬕᬶᬄ᭞ᬢᬦ᭄ᬫᬭᬶᬬᬳᭀᬲᬄ᭞ᬤᬤᬶᬰᬶᬱ᭄ᬬᬮᬶᬦ᭄ᬢᬂᬫᬶᬲ᭄ᬓᬶᬦ᭄᭞
ᬬᬾᬄᬧᬦᭀᬦ᭄ᬢᬦ᭄ᬧᬧᭂᬕᬢᬦ᭄᭟᭕᭟ᬳᬸᬤᬸᬄᬫᬥᬾᬤᬶᬚᬳᬤᬶᬦᬦᬾᬫᬗ᭄ᬓᬶᬦ᭄᭞ᬬᬦ᭄ᬓᬧᬵᬯᬸᬲ᭄ᬧᭂᬚᬄ᭞ᬫᬦᬶᬗ᭄ᬕᬮᬶᬦ᭄ᬳᭂᬫ᭄ᬩᭀᬓ᭄ᬚᬦᬶ᭞ᬤᭀᬂᬚ᭄ᬯᬳᬧᬂᬳᬾᬗ᭄ᬕᬮ᭄᭟᭖᭟ᬩᬺᬩ᭄ᬬᬕ᭄ᬩᬺᬩ᭄ᬬᬸᬕ᭄ᬚ᭄ᬭᭀᬮᬸᬢᬸᬂᬲᬫ᭄ᬩᬶᬮ᭄ᬗᬮᬶᬫ᭄ᬮᬶᬫ᭄᭞ᬜᬾ
ᬦ᭄ᬲᬾᬓᬸᬤᬳᭀᬮᬲ᭄᭞ᬯᬶᬥᬶᬦᬾᬚ᭄ᬯᬢ᭄ᬯᬭᬳᬾᬮᬶᬂ᭞ᬤᬾᬯᬳᬦ᭄ᬢᬸᬧᬥᬳᭂᬗ᭄ᬲᬧ᭄᭟᭗᭟ᬫᬤᬩ᭄ᬤᬩᬦ᭄ᬦᬶᬯᬦᬭᬶᬦᬦᬾᬫᬗ᭄ᬓᬶᬦ᭄᭞ᬚᬕᬫᬗ᭄ᬮᬮᬦᬵ᭞ᬫᬫ᭄ᬯᬢᬂᬬᬳᬶᬲ᭄ᬮᬶᬓ᭄ᬱᬶᬓ᭄᭞ᬫᬕᬦ᭄ᬢᬸᬂᬭᬶᬂᬘᬶᬢᬾᬗ᭄ᬤ᭄ᬭᬶᬬ᭟᭘᭟
ᬧᬸᬧᬸᬄᬲᬶᬦᭀᬫ᭄᭟ᬭᬶᬂᬭᬶᬗ᭄ᬧᬜ᭄ᬘᬫᬶᬬᬫᬚᬮᬦ᭄᭞ᬮᬗ᭄ᬓᬸᬂᬫᬭᬶᬂᬢᭂᬧᬶᬲᬶᬭᬶᬂ᭞ᬲᬄᬲᬓᬶᬂᬚᬕᬢ᭄ᬫᬬᬸᬭ᭞ᬕᬕᬯᬦᬾᬲᬫ᭄ᬧᬸᬦ᭄ᬧᬲ᭄ᬢᬶ᭞ᬧᬫᬃᬕ᭄ᬕᬶᬦᬾᬤᬩ᭄ᬤᬩ᭄ᬳᬭᬶᬲ᭄᭞ᬫᬜᬸᬲᬸᬧ᭄ᬓᬕᬸᬦᬸᬂᬕᬸᬦᬸᬂ᭞ᬫᬾᬄᬦᬫ᭄ᬧᬶᬗ᭄ᬤᬲᬼᬫᬳᬂ᭟ᬲᬫᬶ
[ ᭒᭐ 20A]
ᬭᬡᬦᬾᬗᬲᬶᬃᬲᬶᬃ᭞ᬢᬸᬃᬫᬓᭂᬩ᭄ᬬᬸᬃ᭞ᬫᬫ᭄ᬯᬢ᭄ᬕᬡ᭄ᬥᬦᬶᬂᬓᬸᬫᬸᬤᬵ᭟᭑᭟ᬲᬲᬫ᭄ᬧᬸᬦ᭄ᬢᬢᬲ᭄ᬭᬳᬶᬦ᭞ᬳᬸᬫᬸᬂᬬᬲ᭄ᬯᬭᬦᬶᬂᬧᬓ᭄ᬱᬶ᭞ᬫᬳᬶᬦᬩ᭄ᬜᬧᬲᬂᬧ᭄ᬭᬧ᭄ᬢᬵ᭞ᬫᬜᬸᬫ᭄ᬩᬸᬗᬂᬲᬃᬯ᭄ᬯᬲᬭᬶ᭞ᬦᬶᬯᬦᬭᬶᬲᬤᬳᬭᬶᬲ᭄᭞ᬫᬭᬶᬂᬭᬦᬸᬬᬫᬦᬸᬚᬸ᭞
ᬫᬭᬭᬾᬬᬦ᭄ᬲᬾᬭᬶᬂᬳᬗ᭄ᬲᭀᬓ᭞ᬓᬓᬶᬮᬶᬢ᭄ᬕᬥᬸᬂᬫᭂᬮᬢᬶ᭞ᬳᬫ᭄ᬩᬸᬳᬭᬸᬫ᭄᭞ᬫᬶᬦᬩ᭄ᬗᬯᬾᬓᬢᬸᬭᬶᬤᬦ᭄᭟᭒᭟ᬮᬸᬄᬮᬸᬢᬸᬂᬬᬕᬤᬶᬂᬜᬮᬂ᭞ᬮᬢᬶᬦ᭄ᬜᬦᬾᬋᬗᬢ᭄ᬫᬦᬶᬲ᭄᭞ᬮᬮᬢᬦᬾᬢᬶᬦᬗ᭄ᬓᭂᬩᬦ᭄᭞ᬭᬫ᭄ᬩᬸᬢᬾᬤᭂᬫᭂᬤᭂᬫ᭄ᬢᬸᬃ
ᬯᬶᬮᬶᬲ᭄᭞ᬘᬘᬶᬗᬓᬾᬳᬸᬍᬫᬦᬶᬲ᭄᭞ᬢᬦ᭄ᬫᬭᬶᬫᬦᬸᬤᬸᬢ᭄ᬓᬬᬸᬦ᭄᭞ᬜᬦ᭄ᬤᬂᬳᬗ᭄ᬕᭀᬦ᭄ᬕᬕᬶᬢᬬᬦ᭄᭞ᬯᭂᬦ᭄ᬢᬶᬲᬾᬫᬫᬸᬥᬓ᭄ᬕᬥᬶᬂ᭞ᬯᬚᬚᬸᬚᬸᬃ᭞ᬫᬗᬲᭀᬭᬂᬘᬮᬶᬂᬓᬶᬥᬂ᭟᭓᭟ᬓᬭᬫ᭄ᬭᭀᬲ᭄ᬦᬓᬧᬜ᭄ᬚᬂ᭞ᬲᬸᬲᬸᬕᭂᬫᬸᬄᬜᭀ
ᬢᭀᬂᬕᬥᬶᬂ᭞ᬥᬥᬯᬶᬥᬂᬫᬗᬸᬭᬗ᭄ᬓ᭞ᬫᬶᬢᬸᬚᬗ᭄ᬕᬦᬾᬳᬧᭂᬓᬶᬓ᭄᭞ᬢᬃᬚ᭄ᬚᬦᬾᬮᬜ᭄ᬘᬧ᭄ᬫᬳᬶᬗᬶᬤ᭄᭞ᬗᬡ᭄ᬥᬧᬂᬢᬚᬶᬫᬕᭂᬭᬸᬲ᭄᭞ᬮᬫ᭄ᬩᬾᬦᬾᬜᬮᬂᬗᬢᬶᬭᬄ᭞ᬳᬲᬶᬂᬲᭀᬮᬄᬗᬢᬾᬳᬰ᭄ᬭᬶ᭞ᬲᭂᬫᬸᬋᬗᬸᬢ᭄᭞ᬩᬶᬱᬗᬚᭀᬳᬂᬢᬸᬭᬶᬤ᭟
