[ 10B]
᭑᭐
ᬳᭂᬦ᭄ᬢᭀᬳᬶᬗᭂᬃᬳᬧᬂᬧᬱ᭄ᬞᬶ᭟᭑᭐᭟ᬳᭂᬦ᭄ᬢᭀᬤᬬᬲᬦᬾᬢᬸᬳᬸ᭞ᬳᬶᬫ᭄ᬩᬬᬂᬳᬓ᭄ᬱᬭᬫᬮᬶᬄ᭞ᬳᬸᬮᬸᬯᭂᬮᬲ᭄ᬓᬤᬗᬦ᭄ᬜ᭞ᬘᬭᬓᬤᬢᬦᬾᬲᬫᬶ᭞ᬳᬦᬾᬚᬢᬶᬓᬫᬸᬮᬦ᭄ᬜ᭞ᬳᬶᬗᬸᬦ᭄ᬜᬳᬓ᭄ᬱᬭᬲᬫᬶ᭟᭑᭑᭟ᬰᬲ᭄ᬢ᭄ᬭᬕᬫ᭄ᬩᬃ
ᬧᭂᬮᬸᬦ᭄ᬳᬶᬧᬸᬦ᭄᭞ᬧᭂᬗᭂᬢ᭄ᬮᬮᬶᬲᬳᬶᬲᬳᬶ᭞ᬗᬸᬤᬳᭂᬦ᭄ᬢᭀᬓᬾᬲᬸᬭᬸᬧᬂ᭞ᬳᬩᭀᬢ᭄ᬧᬶᬲᬦ᭄ᬓᬾᬦᬾᬘᬳᬶ᭞ᬬᬦ᭄ᬳᬸᬗ᭄ᬕᬸᬳᬂᬭᬶᬂᬳᬸᬧᬫ᭞ᬬᬸᬬᬸᬜᬼᬧᬂᬓᭂᬩᭀᬳᬸᬧᬫᬶ᭟᭑᭒᭟ᬫᬥᬾᬳᬸᬗᬹᬫᬢᬸᬃᬳᬮᬸᬲ᭄᭞ᬫᬗ᭄ᬤᬢᬶᬢ᭄ᬬᬂᬲᬸ
ᬯᬸᬤ᭄ᬧᬮᬶᬂ᭞ᬦᬸᬦᬲ᭄ᬢᬶᬢ᭄ᬬᬂᬧᬗᬚᬭᬦ᭄᭞ᬢᬢ᭄ᬯᬤᬾᬯᬦᬾᬲᬸᬚᬢᬶ᭞ᬩ᭄ᬭᬳ᭄ᬫᬯᬶᬱ᭄ᬡᬸᬮᬦ᭄ᬳᬶᬰ᭄ᬯᬭ᭞ᬰᬶᬯᬕᬸᬭᬸᬮᬦ᭄ᬪᬣᬭᬶ᭟᭑᭓᭟ᬳᬶᬤᬰᬶᬯᬳᬮᭀᬦ᭄ᬫᬯᬸᬯᬸᬲ᭄᭞ᬓᬾᬦᬾᬚᬢᬶᬦ᭄ᬜᬦᬾᬘᭂᬦᬶᬂ᭞ᬲᬫᬶᬤᬤᬶᬬᬦ᭄ᬳᬸᬘᬧᬂᬚᬢᬶ
ᬦ᭄ᬜᬦᬾᬢᬦ᭄ᬧᬪᬸᬓ᭄ᬢᬶ᭞ᬩ᭄ᬭᬳ᭄ᬫᬯᬶᬱ᭄ᬡᬸᬮᬦ᭄ᬳᬶᬰ᭄ᬯᬭ᭞ᬦᬶᬓᬵᬫᬸᬓ᭄ᬬᬦᬶᬂᬧᬧᬢᬶᬄ᭟᭔᭟ᬫᬦᬸᬱᬦᬾᬧᬶᬦᬶᬄᬮᬸᬳᬸᬃ᭞ᬤᬾᬯᬪᬣᬭᬦᬢᬓᬶᬦ᭄᭞ᬓᬮᬪᬸᬢᬧᬥᬦᭂᬫ᭄ᬩᬄ᭞ᬳᭂᬚᬶᬫ᭄ᬲᬾᬢᬦ᭄ᬢᬦᬦᬯᬦᬶ᭞ᬳᬦ᭄ᬢᬸᬤᭂᬗᭂᬦ᭄ᬧᬥᬳᬮᬄ᭞
[ 11A]
ᬳᬶᬫᬦᬸᬱᬗᬫᬺᬢᬦᬶᬦ᭄᭟᭑᭕᭟ᬫᬦᬸᬱᬦᬾᬳᬓᬾᬳᬦ᭄ᬩᬶᬗᬸᬂ᭞ᬢᬢᬓᬦᬾᬲᬸᬫ᭄ᬩᬄᬲᬳᬶ᭞ᬚᬦ᭄ᬫᬩᬸᬤᬸᬄᬦ᭄ᬢᭀᬳᬤᬦ᭞ᬓᬤᬾᬯᬦ᭄ᬤᬾᬯᬦ᭄ᬬᬧᬮᬶᬂ᭞ᬢᬸᬮᬾᬦ᭄ᬤᭂᬫᭂᬦ᭄ᬲᬸᬬ᭄ᬬᬓ᭄ᬱᬸᬃᬬ᭄ᬬᬓ᭄᭞ᬢ᭄ᬯᬭᬬᬢᭂᬕᭂᬲ᭄ᬫᬶᬦᭂᬳᬶᬦ᭄᭟᭑᭖᭟
ᬓᬾᬯᭂᬄᬚᬢᬶᬬᬦ᭄ᬲ᭄ᬯᬾᬩᬶᬗᬸᬂ᭞ᬫᬜᬤ᭄ᬫᬢᬦ᭄ᬢᬳᬸᬤᬶᬭᬶ᭞ᬬᬦ᭄ᬳᬗ᭄ᬕᬦᬶᬂᬳᬦᬓ᭄ᬮ᭄ᬯᬲ᭄᭞ᬢ᭄ᬯᬭᬢᬳᬾᬦ᭄ᬦᬯᬂᬫᬸᬮᬶᬄ᭞ᬳᬦ᭄ᬤᬾᬬᬂᬧᬓ᭄ᬱᬶᬫᬗᬸᬫ᭄ᬩᬂ᭞ᬢ᭄ᬯᬭᬢᬳᬸᬲᬗ᭄ᬓᬦ᭄ᬫᬸᬮᬶᬄ᭟᭑᭗᭟ᬗᬃᬣᬶᬢᬶᬢ᭄ᬬᬂᬤᬾᬯᬭᬢᬸ᭞
ᬳᬢᬸᬃᬜᬦᬾᬫᬥᬾᬢᬗ᭄ᬳᬶ᭞ᬢᬶᬢ᭄ᬬᬂᬦᬸᬦᬲ᭄ᬧᬗᬯᬲ᭄ᬯᬲ᭄᭞ᬲᬤᬸᬭᬸᬗᬾᬫᬗ᭄ᬤᬳᬸᬦᬶᬂ᭞ᬲᬂᬧᬦ᭄ᬤ᭄ᬬᬭᬭᬶᬲ᭄ᬳᬗᬸᬘᬧ᭄᭞ᬳᭀᬮᬄᬧᬸᬢᭂᬃᬩᬢᬸᬦᬾᬘᭂᬦᬶᬂ᭟᭑᭘᭟ᬧᬸᬧᬸᬄᬧᬗ᭄ᬓᬸᬃ᭟ᬳᬦᬓ᭄ᬯᭀᬂᬤᬤᬶᬲᬫ᭄ᬩᬸᬗᬂ᭞
ᬳᬶᬫᬵᬦᬸᬱᬢᬦ᭄ᬯᭂᬦᬶᬂᬳ᭄ᬬᬗᬯ᭄ᬭᬸᬳᬶᬦ᭄᭞ᬬᬾᬦᬶᬂᬢ᭄ᬯᬭᬳᬦᬓ᭄ᬧᬸᬢᬸᬲ᭄᭞ᬫᬲᬳ᭄ᬬᬧᬘᬂᬲᬶᬤ᭄ᬥ᭞ᬦᬾᬲᬸᬚᬢᬶᬧᬭᭀᬓᬶᬂᬦᬬᬮᬦ᭄ᬩᬬᬸ᭞ᬮ᭄ᬯᬶᬃᬦᬶᬂᬓ᭄ᬭᬶᬲ᭄ᬫᬜ᭄ᬚᬶᬂᬳᬸᬭᬗ᭄ᬓ᭞ᬲᭂᬗ᭄ᬓᬫᬜ᭄ᬚᬶᬂᬳᬸᬭᬗ᭄ᬓᬭᬶᬂᬓ᭄ᬭᬶᬲ᭄᭟᭑᭟ᬩᬢᬸᬦᬾᬤᬶᬫᭂ
Kaca:Bali-lontar-gaguritan-sliksik-250ppi.pdf/11
Kaca puniki sampun kauji-wacén
