[᭗ 7B]
᭗
ᬲᬂᬯᬶᬓᬸ᭞ᬳᭂᬦ᭄ᬢᭀᬦᬾᬯᬗ᭄ᬰᬯᬶᬪᬯ᭞ᬮᬶᬂᬦᬶᬗᬚᬶ᭞ᬩᭀᬬᬚᬓᬸᬮᬯᬗ᭄ᬰᬚ᭟ᬤᬾᬦᬶᬂᬲᬸᬩᬧᬧᬦ᭄ᬢᬬᬦ᭄᭞ᬤᬶᬘᬢᬸᬃᬯᬗ᭄ᬰᬕ᭄ᬦᬳᬶᬦ᭄᭞ᬤᬶᬢᬸᬗᬾᬮᬶᬗᬶᬦ᭄ᬰᬰᬦ᭞ᬰᬸᬰᬶᬮᬤᬃᬫ᭄ᬫᬦᬾ
ᬤᬶᬢᬸ᭞ᬳᬧᬂᬳ᭄ᬤᬓᬢᬦ᭄ᬤ᭄ᬭᬸᬳᬦ᭄᭞ᬫᬗᬶᬗᭂᬢᬶᬦ᭄᭞ᬳᬧᬵᬧᬹᬢᬦ᭄ᬫᬭᬶᬂᬭᬕ᭄ᬕ᭟ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄ᬓᬢᬸᬢᬸᬭᬂ᭞ᬫᬭᬶᬂᬰᬵᬲ᭄ᬢ᭄ᬭᬓ᭄ᬘᬧᬚᬶ᭞ᬲᬶᬧᬢᬾᬤᬤᬶᬫᬵᬦᬸᬱ᭞ᬲᬦᬾᬩ᭄ᬯᬢ᭄ᬋᬋᬄᬤᬸᬫᬸ
ᬦ᭄᭞ᬳᬗ᭄ᬕᬾᬦ᭄ᬤᬭᬃᬓᬳᬶᬦᬶᬗᬦ᭄᭞ᬫᬓᬲᬫᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬗᬯᬕ᭄ᬕᬯᬕ᭄᭟ᬲᬂᬲᬢ᭄ᬭᬶᬬᬳᬮᭀᬦ᭄ᬳᬗᬸᬘᬧ᭄᭞ᬤᬸᬄᬧᬸᬓᬸᬮᬸᬦ᭄ᬲᬂᬋᬱᬶᬅᬤᬶ᭞ᬉᬕᬶᬢᬶᬢ᭄ᬬᬂᬦᬸᬦᬲ᭄ᬧᬶᬲᬦ᭄᭞ᬲ᭄ᬯᬾᬘ᭠
ᬦ᭄ᬳᬶᬭᬢᬸᬦᬾᬫᬸᬧᬸᬢ᭄᭞ᬧᬶᬤᬦ᭄ᬲᬶᬄᬳᬶᬭᬢᬸᬩᬸᬤᬮ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬳᬶᬭᬶᬓᬢᬶᬢ᭄ᬬᬂᬧᬸᬧᬸᬢᬂ᭟ᬲᬂᬋᬱᬶᬅᬤᬶᬳᬗᬸᬘᬧ᭄᭞ᬤᬸᬭᬸᬂᬚᬦ᭄ᬢᭂᬦ᭄ᬢᬶᬢ᭄ᬬᬂᬫᬸᬮᬶᬄ᭞ᬢᬶᬢ᭄ᬬᬂᬓᬭᬶᬦᬮᬃ
[᭘ 8A]
ᬩ᭄ᬭᬢ᭞ᬤᬸᬫᬤᬓ᭄ᬯᬶᬤ᭄ᬟᬶᬦᬾᬳᬲᬸᬂ᭞ᬗᬶᬘᬾᬦ᭄ᬲᬤ᭄ᬬᬓᬭᬳᬬ᭄ᬯᬦ᭄᭞ᬫᬦᬶᬢᬾᬦᬶ᭠ᬦ᭄᭞ᬲᬶᬤ᭄ᬟᬫᬗ᭄ᬕᬸᬳᬂᬓᬕᬸᬦᬦ᭄᭟ᬲᬂᬲᬢ᭄ᬭᬶᬬᬫᬮᬶᬳᬗᬸᬘᬧ᭄᭞ᬳᬤᬸᬮᬸᬃᬳᬢᬸᬭᬾᬫᬦᬶ
ᬲ᭄᭞ᬯᬾᬦ᭄ᬢᭂᬦᬾᬮᬸᬗ᭄ᬲᬸᬭᬂᬢᬶᬢ᭄ᬬᬂ᭞ᬧᬗ᭄ᬕᭂᬮᬦ᭄ᬳᬩᬾᬦ᭄ᬧᬸᬦᬶᬓᬸ᭞ᬫᬸᬂᬧᬸᬂᬭᬢᬸᬳᬶᬤᬮᬾᬤᬂ᭞ᬓᬢᬗ᭄ᬓᬶᬮᬶᬦ᭄᭞ᬫᬗ᭄ᬤᬢᬶᬢ᭄ᬬᬂᬲᬳᬸᬦᬶᬗ᭟ᬤᬤᭀᬲ᭄ᬓᬢᬄᬩᬩᬶᬓᬲᬦ᭄᭞ᬢᬶᬗ᭄ᬓ᭠
ᬳᬾᬓᬤᬶᬳᬶᬭᬶᬓᬶ᭞ᬢᬶᬢ᭄ᬬᬂᬦᬫ᭄ᬩᬶᬢ᭄ᬳᬾᬫᭂᬂᬧᬶᬲᬦ᭄᭞ᬫᬗᬾᬮᬶᬗᬶᬦ᭄ᬳᬶᬯᬂᬧᬵᬢᬹᬢ᭄᭞ᬤᬸᬭᬸᬂᬳᬸᬦᬶᬂᬭᬶᬂᬓᬮᬶᬗᬦ᭄᭞ᬓ᭄ᬘᬧ᭄ᬳᬚᬶ᭞ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭟ᬲᬂᬋᬱᬶᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬯᬾ
ᬦ᭄ᬢᭂᬦ᭄ᬭᬢᬸᬮᬶᬗᬶᬂᬳᬚᬶ᭞ᬭᬶᬂᬬᬫᬢᬢ᭄ᬯᬓᬳᬸᬘᬧ᭄᭞ᬓ᭄ᬭᬫᬗᬩᬾᬦᬾᬧᬸᬦᬶᬓᬸ᭞ᬓᬮᬶᬄᬭᬶᬂᬰᬶᬯᬫᬡ᭄ᬟᬮ᭞ᬢ᭄ᬭᬂᬲᬫᬶ᭞ᬧᬦᬸᬕ᭄ᬭᬳᬦ᭄ᬯᬢᭂᬓ᭄ᬤᬾᬯᬢ᭟ᬫᬸᬗ᭄ᬕᬸᬳᬶᬂᬤᬤᭀᬲ᭄
Kaca:Bali-lontar-gaguritan-sipta-agama-350ppi.pdf/8
Kaca puniki sampun kauji-wacén
