[᭖ 6B]
᭖
ᬳᬦᬾᬩᬓᬮ᭄ᬜᬦ᭄ᬤᬂᬲᭂᬫ᭄ᬩᬄ᭟ᬳᬧᬂᬳ᭄ᬤᬜᭂᬫ᭄ᬩᬄᬗᬯᬕ᭄᭞ᬲᭂᬫ᭄ᬩᬳᬾᬧᬢᬶᬲᬸᬭᬸᬧᬶᬦ᭄᭞ᬳᬧᬦ᭄ᬧᬦᬸᬚᬸᬦᬾᬗᬯᬕ᭄᭞ᬗᬦ᭄ᬤᭂᬮᬂᬫᬦ᭄ᬢ᭄ᬭᬫᬫᬸᬧᬸᬢ᭄᭞ᬬᬤᬶᬦ᭄ᬫᬦ᭄ᬢ᭄ᬭᬦᬾᬳ᭠
ᬦ᭄ᬤᭂᬮᬂ᭞ᬬᬦ᭄ᬦᬸᬧᬮᬶᬂ᭞ᬫᬦ᭄ᬢ᭄ᬭᬦᬾᬢᬸᬲᬶᬂᬫᬩᬳᬦ᭄᭟ᬳᬧᬦ᭄ᬳᬶᬥᭂᬧᬾᬦᬸᬕᬫᬂ᭞ᬤᬤᬶᬧᬧᬮ᭄ᬧᬧᬓ᭄ᬤᬮᬶᬄ᭞ᬓᬮᬪᬸᬢᬲᭂᬗ᭄ᬕᬸᬄᬤᬾᬯ᭞ᬧᬧᬶᬦ᭄ᬤᬦᬾᬤᬦ᭄ᬢᬸᬳᬸ᭞ᬳᬶᬤᬲᬗ᭄ᬬᬂᬫ
ᬳᬮᬶᬗᬦ᭄᭞ᬮᬶᬦ᭄ᬢᬂᬮᬶᬘᬶᬦ᭄᭞ᬢᬦ᭄ᬮᬾᬤᬂᬭᬶᬂᬦᬾᬓᬫᬮᬦ᭄᭟ᬩ᭄ᬭᬵᬳ᭄ᬫᬦᬓ᭄ᬱᬢ᭄ᬭᬶᬬᬯᬾᬱ᭄ᬬ᭞ᬲᬸᬤᬺᬧᬥᬓᬮᬸᬕ᭄ᬭᬳᬶᬦ᭄᭞ᬧᬧᬵᬢᬹᬢ᭄ᬫ᭄ᬯᬂᬓᬥᬃᬫ᭄ᬫᬦ᭄᭞ᬰᬰᬦᬗᬯᬾᬭᬳᬬᬸ᭞
ᬧᬥᬫᬢᬶᬗ᭄ᬓᬄᬤᬶᬳᬶᬸᬯᬶᬸᬓᬶᬸ᭄᭞ᬚᬕᬢ᭄᭞ᬧᬥᬗᬾᬲ᭄ᬢᬶ᭞ᬤᬤᬶᬫᬗ᭄ᬓᬸᬦᬶᬂᬦᬕᬭ᭟ᬫ᭠ᬫᬗ᭄ᬓᬸᬲᬗ᭄ᬳ᭄ᬬᬂᬅᬕᬫ᭞ᬫᬶᬓᬸᬓᬸᬳᬂᬳᬶᬤᬸᬧ᭄ᬫᬢᬶ᭞ᬗᬫᭀᬂᬢᬢᬰᬶᬮᬓ᭄ᬭᬫ᭞ᬢ᭄ᬓᬾᬦᬶᬂᬘ
[᭗ 7A]
ᬭᬮᬦ᭄ᬮᬓᬸ᭞ᬳᬗᬶᬂᬳᬧᬂᬧᬥᬦᬯᬂ᭞ᬫᬗᬶᬗᭂᬢᬶᬦ᭄᭞ᬧᬧᬵᬢᬹᬢᬾᬫᬭᬶᬂᬭᬕ᭄ᬕ᭞ᬫᬭᬶᬂᬳᬸᬮᬸᬲᬂᬩ᭄ᬭᬵᬳ᭄ᬫᬦ᭞ᬓ᭄ᬱᬢ᭄ᬭᬶᬬᬢᬗᬦ᭄ᬓᬮᬶᬄ᭞ᬯᬾᬱ᭄ᬬᬳᬶᬦᬸᬘᬧ᭄ᬭᬶᬂᬕᬃᬩ᭄ᬪ᭞ᬲᬸᬤ᭄ᬭᬲᬸ᭠
ᬢᬸᬕ᭄ᬦᬳᬶᬧᬸᬦ᭄᭞ᬳᭂᬦ᭄ᬢᭀᬫᬵᬤᬦ᭄ᬓᬰᬸᬰᬶᬮᬦ᭄᭞ᬦᬾᬕᬸᬫᬦ᭄ᬢᬶ᭞ᬧᬲᬸᬓ᭄ᬯ᭄ᬢᬸᬭᬶᬂᬅᬕᬫ᭟ᬩ᭄ᬭᬵᬳ᭄ᬫᬦᬦᬰᬶᬯᬮᬮᬶᬫ᭞ᬳᬍᬢᬦ᭄ᬜᬦᬾᬯᬶᬮᬗᬶᬦ᭄᭞ᬢᬫ᭄ᬦᬸᬄᬮᬦ᭄ᬫᬦ᭄ᬯᬪ᭞ᬓ᭄ᬦᬶᬢᬾᬦ᭄
ᬳ᭄ᬫᬲ᭄ᬧᬸᬦᬶᬓᬸ᭞ᬫᬶᬯᬄᬅᬦ᭄ᬢᬧᬦ᭄ᬧᬸᬦᬶᬓ᭞ᬧᬜ᭄ᬘᬋᬱᬶ᭞ᬧᬜ᭄ᬘᬾᬦ᭄ᬤ᭄ᬭᬶᬬᬳ᭄ᬬᬂᬅᬕᬫ᭄ᬫ᭟ᬧᬫᬶᬚᬶᬮᬦ᭄ᬧᬜ᭄ᬘᬢᬶᬃᬢ᭄ᬢ᭞ᬲᬧ᭄ᬢᬢᬶᬃᬢ᭄ᬢᬦᬶᬓᬫᬮᬶᬄ᭞ᬧᬗ᭄ᬮᬸᬓᬢᬦ᭄ᬧᬩᭂᬃᬲᬶᬳᬦ᭄᭞ᬧᬯᬶᬦ᭄ᬢᭂᬦᬦ᭄ᬅ
ᬕᬫᬾᬢᬸ᭞ᬧᬜᭂᬧᬸᬳᬦ᭄ᬧᬫᬭᬶᬰᬸᬤ᭄ᬟ᭞ᬢᬶᬃᬢ᭄ᬢᬳ᭄ᬦᬶᬂ᭞ᬧᬗᭂᬦ᭄ᬢᬲ᭄ᬫᬮᬦᬶᬂᬧ᭄ᬚᬄ᭟ᬳᬤᬯᬗ᭄ᬰᬮᬮᬸᬕ᭄ᬭᬳᬦ᭄᭞ᬲᬓᬶᬂᬲᬂᬳᬫᬯᬕᬸᬫᬶ᭞ᬳᬤᬲᬓᬶᬂᬓᬶᬃᬢ᭄ᬢᬶᬬᬰ᭞ᬓᬯᬲ᭄ᬢᬸᬳᬦ᭄ᬢᬸᬓ᭄
Kaca:Bali-lontar-gaguritan-sipta-agama-350ppi.pdf/7
Kaca puniki sampun kauji-wacén
