Kaca:Bali-lontar-gaguritan-sipta-agama-350ppi.pdf/6

Saking Wikisource
Kaca puniki sampun kauji-wacén

[᭕ 5B]

ᬳ᭄ᬬᬂᬯᬶᬤ᭄ᬟᬶ᭞ᬓᬳᬗ᭄ᬓᭂᬦᬶᬦ᭄‌ᬢᬸᬃᬓᬢ᭄ᬭᬶᬫ᭞ᬤᬲᬃᬜᬦᬶᬃᬫ᭄ᬫᬮᬳᬶᬓᬸ᭞ᬭᬳᬬᬸᬢ᭄ᬫᬸᬯ᭄ᬓᬲᬦ᭄᭞ᬳ᭄ᬦᬶᬂᬲᬸᬘᬶ᭞ᬳᭂᬦ᭄ᬢᭀᬳᬮᬶᬄᬢᬸᬃᬧᬕᭂᬳᬂ᭟ᬲᬓᬶᬂᬯᬭᬄᬳ᭄ᬬᬂᬲᬸᬓ᭄ᬱ᭄ᬫ᭞ᬳᬦᬾᬫᬵ
ᬤᬦ᭄ᬚᬢ᭄ᬫᬚᬢᬶ᭞ᬦᬾᬫᬵᬦᬹᬢ᭄ᬫᬤᬦ᭄ᬫᬵᬦᬸᬱ᭞ᬬᬦᬶᬂᬚᬢ᭄ᬫᬦᬾᬯᬸᬲ᭄‌ᬯ᭄ᬭᬸᬄ᭞ᬢᬢᬲ᭄ᬭᬶᬂᬓᬮᬶᬗᬦ᭄ᬦᬯᬓ᭄᭞ᬩᬸᬓᬚᬦᬶ᭞ᬲᬩ᭄ᬤᬩᬬᬸᬇᬥᭂᬧ᭄‌ᬢᬸᬱ᭄ᬝ᭟ᬳᬶᬤᬸᬧ᭄ᬫᬢᬶᬲᬸᬩᬲᬶᬦᬄ᭞ᬤᬾ
ᬯᬪᬝᬵᬭᬢ᭄ᬭᬂᬲᬫᬶ᭞ᬕᬸᬫᬶᬳᬮᬸᬲ᭄‌ᬕᬸᬫᬶᬓᬲᬃ᭞ᬳᬯᬓ᭄ᬓᬲᬃᬳᬯᬓ᭄ᬓᬮᬸᬲ᭄᭞ᬳᭂᬦ᭄ᬢᭀᬲᬸᬩᬧᬥᬲᬶᬦᬄ᭞ᬓᬳᬸᬦᬶᬗᬶᬦ᭄᭞ᬢᬢᬲ᭄ᬢᭂᬓᬾᬦ᭄ᬢᬸᬮᬶᬲᬯᬓ᭄᭟ᬢᬸᬮᬶᬲᬾᬫᬸᬗ᭄ᬕᬄᬤᬶ
ᬳᬯᬓ᭄᭞ᬫᬵᬯᬓ᭄ᬧᬦᬸᬕ᭄ᬭᬳᬦ᭄ᬯᬶᬤ᭄ᬟᬶ᭞ᬢ᭄ᬭᬗᬾᬤᬤᬶᬫᬵᬦᬸᬱ᭞ᬳᬧᬂᬢᬸᬲᬶᬂᬧᬤᬢᬦ᭄ᬤ᭄ᬭᬸᬄ᭞ᬧᬦᬸᬕ᭄ᬭᬳᬦ᭄ᬤᬤᬶᬚᬢ᭄ᬫᬬᬫᬢᬸᬮᬶᬲ᭄᭞ᬲᬸᬩᬉᬫᬸᬗ᭄ᬕᬸᬄᬤᬶᬳᬯᬓ᭄᭟ᬮᬫᬸᬦ᭄ᬳᭂᬦ᭄ᬢᭀ
[᭖ 6A]
ᬢᭀᬦ᭄ᬤᬾᬦ᭄ᬲᬶᬦᬄ᭞ᬢ᭄ᬭᬂᬢᬯᬂᬫᬓᬲᬫᬶ᭞ᬢᬸᬮᬶᬲ᭄ᬳᬯᬓᬾᬫᬗ᭄ᬚᬦ᭄ᬫ᭞ᬳᬧᬦ᭄ᬓᬾᬢᭀᬦᬾᬢᬸᬫᬸᬯᬸᬄ᭞ᬕᬬᬲᬶᬦᬄᬪᬸᬢᬲᬫᬃ᭞ᬫᬦᬸᬫᬤᬶ᭞ᬩᭀᬬᬫᬵᬦᬸᬱᬳᬤᬦ᭄ᬜ᭟
ᬳᬧᬓᬾᬢᭀᬫᬕᬭᬧᬦ᭄᭞ᬳᬧᬧᭀᬮᬳᬾᬫᬗᬚᬶ᭞ᬫᬚᬧᬫᬶᬯᬄᬫᬫᬦ᭄ᬢ᭄ᬭ᭞ᬲᬕᬸᬦᬦᬾᬧᬥᬍᬩᬸᬃ᭞ᬤᬾᬦᬶᬂᬳᬯᬓᬾᬦᬸᬫᬮ᭞ᬭᬕᬤᭂᬓᬶᬮ᭄᭞ᬲᬢᬸᬯᬸᬳᬾ
ᬦᬶᬓᬸᬮ᭄ᬤᭀᬲ᭟ᬫᬓ᭄ᬦᭂᬄᬩᬦᬓ᭄ᬢᬶᬭᬶᬂᬤᬾᬯ᭞ᬭᬶᬂᬪᬝᬵᬭᬧᬥᬲᬫᬶ᭞ᬅᬕᬫᬦᬾᬢᬹᬢ᭄‌ᬧᭂᬤᬲᬂ᭞ᬳᬧᬂᬳ᭄ᬤᬲᬫᬃᬲᬭᬸ᭞ᬗᬗ᭄ᬕᭀᬦ᭄ᬅᬕᬫᬉᬢ᭄ᬢᬫ᭞ᬳᬧᬂᬧᬲ᭄ᬢᬶ᭞ᬢᬶᬦᬗᬂᬢ᭄ᬓᬾ
ᬦ᭄ᬦᬾᬦᬯᬶ᭟ᬳᬧᬦ᭄ᬤᬶᬢᬸᬢ᭄ᬭᬂᬲᬶᬦᬄ᭞ᬳ᭄ᬦᬶᬂᬧᬸᬢᭂᬓ᭄ᬅᬕᬫᬾᬓᬶ᭞ᬤᬾᬯᬪᬝᬵᬭᬦᬾᬲᬶᬦᬄ᭞ᬦ᭄ᬓᭂᬢ᭄‌ᬳᬯᬓᬾᬲᬢᬸᬯᬸᬓ᭄᭞ᬲᬫᬶᬲᬤᬕᬶᬗᬶᬂᬳᬯᬓ᭄᭞ᬦᬄᬳᬶᬗᭂᬢᬶᬦ᭄᭞