Kaca:Bali-lontar-gaguritan-sipta-agama-350ppi.pdf/5

Saking Wikisource
Kaca puniki sampun kauji-wacén

[᭔ 4B]

ᬬᬯᬶᬓᬸ᭞ᬤᭀᬂᬪᬸᬢᬓᬮᬧᬶᬲᬘ᭞ᬧᬶᬦᭂᬄᬚᬦᬶ᭞ᬤᭀᬂᬤᬾᬯᬪᬝᬵᬭᬲᬂᬗ᭄ᬬᬂ᭟ᬩᭀᬬᬓᬯᬄᬢᬶᬤᭀᬂᬰ᭄ᬯᬃᬕ᭄ᬕ᭞ᬩᭀᬬᬳᬶᬤᬸᬧ᭄ᬢᬶᬤᭀᬂᬫᬢᬶ᭞ᬳᬦᬾᬚᬢᬶᬢ᭄ᬯᬳᬕᬫ᭞ᬗᭂᬫ᭄ᬧᬸ
ᬳᬯᬦ᭄ᬫᬓᬳᬸᬓᬸᬤ᭄᭞ᬳᭂᬦ᭄ᬢᭀᬳᬧᬂᬢ᭄ᬭᬂᬢᬯᬂ᭞ᬤᬸᬗᬸᬮᬶᬢᬶᬦ᭄᭞ᬳᭂᬦ᭄ᬢᭀᬦᬾᬜᬦ᭄ᬤᬂᬲ᭄ᬓᭂᬦᬂ᭟ᬳᬧᬦ᭄ᬳᬶᬤᬳ᭄ᬬᬂᬅᬕᬫ᭞ᬤᬸᬗ᭄ᬓᭂᬫᬶᬦ᭄ᬲᬳᬶᬤᬸᬧ᭄ᬫᬢᬶ᭞ᬓᬦ᭄ᬢᬶᬦᬸᬫᬶᬢᬶᬲᬦ᭄᭞ᬫᬶᬢᬸᬤᬸ᭠
ᬳᬂᬳᬮᬳᬬᬸ᭞ᬧᬤᬗᬩᬓᬃᬫ᭄ᬫᬧᬮ᭞ᬕ᭄ᬟᬾᬘ᭄ᬦᬶᬓ᭄᭞ᬳᭂᬦ᭄ᬢᭀᬳᬦᬾᬓᬧᬸᬧ᭄ᬯᬂ᭟ᬦᬶᬩᬮᬶᬲᬤ᭄ᬟᬦᬢᬶᬃᬢ᭄ᬢ᭞ᬲᬧᬓᬶᬃᬢ᭄ᬢᬶᬕᬫᬲᬫᬶ᭞ᬫᬓᬧᬫᬸᬢᬸᬲᬶᬂᬬᬤ᭄ᬜ᭞ᬲᬮ᭄ᬯᬶᬃᬓᬃᬬ᭄ᬬᬦᬾᬧᬸᬦᬶᬓᬸ᭞
ᬳᬕᬸᬗᬮᬶᬢ᭄‌ᬲᬸᬓᬤᬸᬓ᭞ᬧᬢᬶᬳᬸᬭᬶᬧ᭄᭞ᬓᬧᬸᬢᬸᬲᬂᬩᬳᬦ᭄‌ᬢᬶᬃᬢ᭄ᬢ᭟ᬢᬶᬃᬢ᭄ᬢᬦᬾᬚᬢᬶᬧ᭄ᬤᬲᬂ᭞ᬳᬮᬢ᭄ᬲᬳᬶᬫᬳ᭄ᬦᬶᬂᬳ᭄ᬦᬶᬂ᭞ᬦᬸᬦᬲ᭄ᬢᬶᬃᬢ᭄ᬢᬧᬩᬺᬲᬶᬳᬦ᭄᭞ᬗᬮᬸᬓᬢ᭄ᬫᬮᬲᬸᬫᬧᬸᬢ᭄᭞
[᭕ 5A]
ᬲᬓᬋᬧᬾᬫᬧᬶᬦᬸᬦᬲ᭄᭞ᬓᬮᬸᬕ᭄ᬭᬳᬶᬦ᭄᭞ᬅᬗᬶᬂᬓᬾᬳᬶᬤᬢᬢᬲᬂ᭟ᬓᬾᬦ᭄ᬓᬾᬦ᭄ᬳᬩᭂᬢᬾᬦᬢᬲᬂ᭞ᬳᬧᬂᬢᬯᬂᬳᬶᬤᬚᬦᬶ᭞ᬤᬤᬶᬢᬗ᭄ᬓᬶᬮᬶᬦ᭄ᬳᬧᬢ᭄ᬯᬭ᭞ᬳᬯᬓᬾᬮᬶᬯᬢ᭄
ᬓᭀᬮᬕ᭄᭞ᬳᬶᬤᬫᬮᬶᬗ᭄ᬕᬅᬕᬫ᭞ᬧᬵᬢᬹᬢ᭄ᬚᬦᬶ᭞ᬅᬕᬫᬦᬾᬳᬧᬂᬢᬯᬂ᭟ᬳᬧᬦ᭄ᬅᬕᬫᬦᬾᬮᬶᬗ᭄ᬕ᭞ᬮᬶᬗ᭄ᬕᬦ᭄ᬳᬶᬤᬲᬂᬗ᭄ᬬᬂᬯᬶᬤ᭄ᬟᬶ᭞ᬤᬾᬯᬪᬝᬵᬭᬫᬓᭂᬚᬂ᭞ᬕᬦ᭄ᬤᬭ᭄ᬯ
ᬋᬱᬶᬫᬓᬸᬫ᭄ᬧᬸᬮ᭄᭞ᬓᬮᬪᬸᬢᬮᬦ᭄ᬫᬵᬦᬸᬱ᭞ᬧᬥᬫᬜ᭄ᬚᬶᬂ᭞ᬓᬯᭂᬗ᭄ᬓᬸᬩᬳ᭠ᬦ᭄ᬅᬕᬫ᭟ᬳᬶᬦ᭄ᬤᬸᬥᬃᬫ᭄ᬫᬫᬉᬢ᭄ᬢᬫ᭞ᬳᬦᬾᬢᬸᬲᬶᬂᬫᬶᬲᬶᬧᬮᬶᬂ᭞ᬢᬸᬲᬶᬂᬚᬫᬮᬶᬗ᭄ᬕᬶᬦ᭄ᬦ
ᬯᬓ᭄᭞ᬦᬾᬫᬤᬦ᭄ᬅᬕᬫᬘᬫ᭄ᬧᬸᬃ᭞ᬅᬤᬢ᭄ᬅᬕᬫᬢᬦ᭄ᬲᬶᬦᬄ᭞ᬤᬤᬶᬧᬮᬶᬂ᭞ᬅᬤᬢᬾᬲᬸᬗ᭄ᬓᭂᬫᬶᬦ᭄ᬧᭂᬲᬦ᭄᭟ᬅᬕᬫᬦᬾᬳᬦᬾᬢ᭄ᬭᬂ᭞ᬦᬾᬓᬃᬱᬦ᭄ᬳᬦ᭄ᬢᬸᬓ᭄