Kaca:Bali-lontar-gaguritan-sipta-agama-350ppi.pdf/3

Saking Wikisource
Kaca puniki sampun kauji-wacén

[᭒ 2B]

ᬦᬦ᭄᭟ᬧᬮᬶᬗᬾᬫᬗᬩᬫᬮ᭞ᬮᬮᬶᬫᬫᬮᬦᬾᬤᬤᬶ᭞ᬳᬧᬶᬲᬦ᭄‌ᬬᬫᬮᬶᬂᬭᬕ᭞ᬧᬶᬦ᭄ᬤᭀᬦᬾᬬᬫᬮᬶᬂᬳ᭄ᬮᬸᬄ᭞ᬧᬶᬂᬢᭂᬮᬸᬦᬾᬫᬮᬶᬂᬩᬾᬕᬮ᭄᭞ᬧᬶᬂᬧᬢ᭄ᬫᬮᬶᬄ᭞ᬫᬮᬶᬂᬩᭀ
ᬢᭀᬄᬢᭀᬳᬤᬦ᭄ᬜ᭟ᬓᬧᬶᬂᬮᬶᬫᬦᬾᬳᬸᬘᬧᬂ᭞ᬚᬢ᭄ᬫᬦᬾᬗᬫᬮᬶᬂᬕᬸᬲ᭄ᬢᬶ᭞ᬳᭂᬦ᭄ᬢᭀᬫᬮᬘᬾᬮᬮᬶᬫ᭞ᬤᬶᬳᬯᬓᬾᬬᬫᬦᬸᬫ᭄ᬧᬸᬮ᭄᭞ᬮᬫᬸᬦ᭄ᬳᭂᬦ᭄ᬢᭀᬢ᭄ᬯᬭᬳᬶᬮᬂ᭞ᬲᬶᬦᬄ
ᬚᬢᬶᬳᬯᬓᬾᬦᭂᬫᬸᬲᬗ᭄ᬲᬭ᭟ᬳᬧᬦ᭄‌ᬳ᭄ᬦᬸᬫᬯᬓ᭄ᬫᬮ᭞ᬍᬢᬸᬳᬾᬬᬢᬶᬤᭀᬂᬕᬶᬕᬶᬲ᭄᭞ᬲᬢᬫ᭄ᬧᬓ᭄ᬕᬳᬾᬦᬾᬫᬮ᭞ᬳᬧᬦ᭄ᬧᬥᬳ᭄ᬦᬸᬢᬸᬫᬸᬃ᭞ᬫᬯᬦᬦ᭄‌ᬦᭂᬫᬸᬲᬗ᭄ᬲᬭ᭞
ᬤᬾᬦᬶᬂᬤ᭄ᬓᬶᬮ᭄᭞ᬫᬯᬦᬦ᭄‌ᬦᭂᬫᬸᬲᬗ᭄ᬲᬭ᭟ᬢᬸᬳᬸᬲᬚᬢᬸᬲᬶᬂᬳᬶᬮᬂ᭞ᬳᬸᬮᬶᬳᬯᬓᬾᬧᬤᬶᬤᬶ᭞ᬓᬾᬦ᭄ᬓᬾᬦ᭄ᬳᬩᭂᬢᬾᬩᬶᬮᬗᬂ᭞ᬫᬮᬦᬾᬲᬸᬩᬗᬮᬶᬧᬸᬢ᭄᭞ᬮᬸᬤᬶᬦ᭄‌ᬬᬢ᭄ᬯ
[᭓ 3A]
ᬭᬢᬯᬂ᭞ᬫᬗᬶᬗᭂᬢᬶᬦ᭄᭞ᬯᬶᬭᬾᬄᬫᬜᬸᬲᬸᬧ᭄ᬤᬶᬳᬯᬓ᭄᭟ᬩᬸᬓᬫᬤᬸᬢ᭄ᬓᬾᬦ᭄ᬕᬸᬮ᭞ᬩᬸᬓᬳᭂᬫ᭄ᬧᭂᬳᬦᬾᬦ᭄‌ᬍᬗᬶᬲ᭄᭞ᬲᬸᬓᭂᬄᬩᬓᬮ᭄ᬫᬫᬮᬲᬂ᭞ᬤᬶᬳᬚᬓᬾᬬᬗᬮᬶᬧᬸᬢ᭄᭞
ᬓᬾᬢᭀᬚᬢᬶᬳᬸᬧᬫᬦ᭄ᬜ᭞ᬦᬳᬶᬗᭂᬢᬶᬦ᭄᭞ᬳᬧᬂᬜᬶᬤᬬᬂᬫᬮᬲᬂ᭟ᬧᬵᬢᬹᬢ᭄‌ᬧᭂᬲᬦ᭄‌ᬢ᭄ᬯᬄᬧᬮᬲᬂ᭞ᬳᬧᬂᬧᬤᬢ᭄ᬭᬂᬚᬢᬶ᭞ᬳᬯᬓᬾᬚᬢᬶᬧᬂᬲᬶᬦᬄ᭞ᬳᬧᬂᬳ᭄ᬤᬲᬭᬸᬓᬸ
ᬫᬸᬃ᭞ᬍᬢᬸᬳᬾᬫᬲᬶᬄᬲᬶᬦᬳᬂ᭞ᬳᬧᬂᬧᬲ᭄ᬢᬶ᭞ᬢᬸᬲᬶᬂᬩ᭄ᬯᬶᬦ᭄ᬓᬲᬫᬭᬦ᭄᭟ᬳᬧᬂᬳ᭄ᬤᬓᬲ᭠ᬫᬭᬦ᭄᭞ᬗᬗ᭄ᬕᭀᬅᬖᬫᬦᬾᬚᬦᬶ᭞ᬳᬶᬦ᭄ᬤᬸᬥᬃᬫ᭄ᬫᬓᬳᬸᬘᬧᬂ᭟᭞ᬫᬸᬮᬢᬫᬸᬳᬸᬮᬶᬂᬫᬸᬮ᭞ᬳᬸ
ᬮᬶᬧᬗᬯᬶᬢᬶᬂᬚᬕᬢ᭄᭞ᬓᬬᬂᬚᬦᬶ᭞ᬳᭂᬦ᭄ᬢᭀᬅᬕᬫᬓᬯᬶᬢᬦ᭄᭟ᬳᬤᬳᬸᬘᬧᬦ᭄ᬤᬶᬰᬵᬢ᭄ᬭ᭞ᬳᭂᬦ᭄ᬢᭀᬧᬵᬢᬹᬢ᭄‌ᬧᬮᬚᬳᬶᬦ᭄᭞ᬢᬸᬦᬲᬂᬭᬶᬂᬲᬂᬧᬵᬡ᭄ᬟᬶᬢ᭞ᬳᬧᬳᬦᬾ᭠