[᭑᭖ 16B]
᭑᭖
ᬤᬸᬭᬸᬲ᭄ᬬᬫᬫᬃᬕ᭄ᬕᬶ᭞ᬦᬾᬮᬘᬸᬃᬓᬶᬭᬗᬦ᭄ᬩ᭄ᬭᬦ᭞ᬫᬗ᭄ᬤᬢᬍᬃᬫᬗ᭄ᬕᬶᬄᬧᬵᬢᬹᬢ᭄᭞ᬫᬳᬬᬸᬫᬢᬶᬦᬾᬩ᭄ᬯᬢᬂ᭞ᬫᬗ᭄ᬤᬫᬗ᭄ᬕᬶᬄ᭞ᬭᬳᬢᬸᬚᬮᬦ᭄ᬳᬧᬤᬂ᭟ᬩᬯᬸᬦᬾᬓᬤᬶ᭠
ᬳᬶᬢᬶᬯᬲ᭄᭞ᬫᬗ᭄ᬤᬲᬶᬤ᭄ᬟᬫᬶᬢᬸᬳᬸᬢᬶᬦ᭄᭞ᬢᬢᬅᬕᬫᬳᬶᬦᬸᬘᬧ᭄᭞ᬳᬢᬶᬯᬢᬶᬯᬬᬤᬸᬭᬸᬲ᭄᭞ᬲᬲᭀᬭᬶᬂᬰᬯᬧ᭄ᬭᬢᬾᬦᬾᬓᬓᬮᬶᬄ᭞ᬕᬶᬸᬭᬶᬸᬬᬶᬸᬕᬶᬸᬧᬶᬸᬩ᭄ᬭᬶᬸᬲᬶᬸᬳᬶᬸᬦᬶᬸ᭄᭟
ᬓᬮᬶᬳᬾᬜᬯᬯᬾᬤᬦ᭟ᬬᬦ᭄ᬓᬭᬶᬫᬯᬢᬂᬰᬯ᭞ᬰᬯᬧ᭄ᬭᬦᬯᬬᬂᬩ᭄ᬘᬶᬓ᭄᭞ᬩᬗᬸᬦ᭄ᬮᬾᬬᬳᬲ᭄ᬭᬶᬬᬓᬦ᭄᭞ᬩᬦ᭄ᬢᭂᬦᬾᬓ᭄ᬤᬶᬓ᭄ᬫᬫᬸᬧᬸᬢ᭄᭞ᬲᬚᬶᬢᬃᬧᬦᬧᬸᬦᬶᬓ᭞ᬦᬾᬫᬓᬤᬶ
᭞ᬕᬸᬕᬸᬬᬕᬧᬩᬺᬲᬶᬳᬦ᭄᭟ᬢ᭄ᬩᬾᬦ᭄ᬧᬸᬧᬸᬢ᭄ᬧᬜ᭄ᬚᬂᬳᬶᬮᬂ᭞ᬩᬸᬩᬸᬄᬧᬶᬭᬢᬦᬾᬫᬮᬶᬄ᭞ᬦᬲᬶᬳᬗ᭄ᬓᭂᬩᬾᬧᬸᬦᬶᬓ᭞ᬤᬸᬮᬸᬃᬢᬢᬸᬓᭀᬦ᭄ᬧᬸᬦᬶᬓᬸ᭞ᬢᬶᬧᬢ᭄ᬧᬾᬲᭀᬃᬗᬤᬗᬦᬂ᭞
[᭑᭗ 17A]
ᬮᬦ᭄ᬢᬩᬗ᭄ᬓᬶᬢ᭄᭞ᬘᬭᬸᬦᬶᬲᬫᬜ᭄ᬘᬯᬃᬡ᭄ᬦ᭟ᬳᬾᬢᬾᬳᬶᬂᬰᬯᬧᭂᬧᭂᬓᬂ᭞ᬲᭀᬧᬓᬭᬦᬶᬂᬲᬂᬫᬢᬶ᭞ᬫᬭᬸᬭᬸᬩ᭄ᬢᬸᬃᬫᬳᬗᭂᬦᬦ᭄᭞ᬫ᭄ᬯᬂᬦᬚᬂᬢ᭄ᬓᬾᬦ᭄ᬉᬓᬸᬃ᭞ᬤᬫᬃᬓᬸᬭᬸᬂᬧᬩᬺᬲᬶᬳᬦ᭄᭞
ᬦᬾᬭᬶᬂᬲᬫ᭄ᬧᬶᬂ᭞ᬧᬶᬲᬂᬚᬢᬶᬫ᭄ᬯᬂᬳᬤᭂᬕᬦ᭄᭟ᬲᬲᬬᬸᬢᬾᬧᬥᬫᬵᬤᬦ᭄᭞ᬢᬢᭂᬩᬾᬦᬾᬯᬸᬲ᭄ᬫᬩᬺᬲᬶᬄ᭞ᬢᬢᭂᬩᬾᬦᬾᬯᬸᬲ᭄ᬫᬩᬺᬲᬶᬄ᭟ᬢᬢᬦ᭄ᬫᬶᬮᬸᬧᬦᭂᬩᬲᬦ᭄᭞ᬭᬶᬂᬢᬶᬃᬢ᭄ᬢᬲᬵᬫ᭄ᬧᬸᬦ᭄ᬫᬭᬗ᭄ᬓᬸᬲ᭄᭞ᬯ᭄ᬦᬂᬢᬦ᭄ᬫᬧᬢᬸ
ᬮᬗᬦ᭄᭞ᬯᬤᬄᬫᬮᬶᬄ᭞ᬩᬮᬾᬲ᭄ᬮᬸᬂᬮᬸᬂᬧᬩᬲ᭄ᬫ᭄ᬬᬦ᭄᭟ᬬᬦᬶᬂᬢᬦ᭄ᬓᬭᬶᬫᬰᬯ᭞ᬢᭀᬬᬧ᭄ᬭᬦᬯᬗᭂᬦ᭄ᬢᬶᬦᬶᬦ᭄᭞ᬫᬓᬤᬶᬢᭀᬬᬧᬗᬯᬓ᭄᭞ᬫᬯᬤᬄᬧᬬᬸᬓ᭄ᬳᬩᬸᬗ᭄ᬓᬸᬮ᭄᭞ᬉᬧ
ᬓᬭᬓᬤᬶᬗᭂᬦ᭄ᬢᬲ᭄᭞ᬦᬾᬳᬲᬶᬓᬶ᭞ᬢᬦ᭄ᬫᬤᬕᬶᬂᬋᬘᬤᬦ᭟ᬧᬸᬦᬶᬓᬧᬶᬦᬓᬰᬯ᭞ᬉᬧᬓᬭᬓᬤᬶᬩᬸᬦᬶ᭞ᬬᬦ᭄ᬫᬮᬶᬄᬮᬾᬦᬶᬦ᭄ᬧᬗᬳᬯᬓ᭄᭞ᬗᬗ᭄ᬕᬾᬮᬮᬂᬲᬢᬸᬲ᭄ᬓᬸᬢᬸᬲ᭄᭞
Kaca:Bali-lontar-gaguritan-sipta-agama-350ppi.pdf/17
Kaca puniki sampun kauji-wacén
