[᭑᭕ 15B]
᭑᭕
ᬲᬵᬫ᭄ᬧᬸᬦ᭄ᬫᬳᬤᬸᬓᬦ᭄᭞ᬩᬬᬧ᭄ᬮᬶᬄ᭞ᬭᬕᬢᬸᬬᬸᬄᬢᬦ᭄ᬧᬕᬸᬦ᭟ᬳᬕᬸᬂᬗᬮᬶᬢ᭄ᬧᬗᬩᬾᬦᬦ᭄᭞ᬯᬦ᭄ᬢᬄᬯᬮᬦᬾᬩᬾᬬᬦᬶᬦ᭄᭞ᬢᬦ᭄ᬫᬭᬶᬢ᭄ᬯᬄᬧᬗᬲ᭄ᬓᬭ᭞ᬧᬸᬦᬶᬓᬧᬫᭂᬦᬲᬶᬧᬸᬦ᭄᭞ᬲᬵ
ᬫ᭄ᬧᬸᬦ᭄ᬲᬮᬄᬧᬜᬸᬓ᭄ᬱ᭄ᬫ᭞ᬮᬶᬂᬦᬶᬗᬚᬶ᭞ᬢᬢ᭄ᬯᬕᬫᬦᬾᬋᬲᭂᬧᬂ᭟ᬧᬶᬂᬓᬮᬶᬄᬜᬯᬯᬾᬤᬦ᭞ᬢᬦ᭄ᬧᬥᬯᬳᬶᬧᬸᬦ᭄ᬓᬭᬶ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬓᬮᬯᬲᬦ᭄᭞ᬫᬧᬓᬶᬗ᭄ᬲᬓ᭄ᬮᬫᬶᬲᬵᬫ᭄ᬧᬸᬦ᭄᭞ᬬᬦᬶ
ᬦ᭄ᬫᬮᬶᬄᬧᬘᬂᬕᬕᬄ᭞ᬤᬸᬓ᭄ᬫᬬᬦᬶᬦ᭄᭞ᬢᬦ᭄ᬤᬤᭀᬲ᭄ᬬᬳᬩᬩᬸᬤᬮ᭄᭟ᬭᬶᬂᬲᬾᬢᬺᬓᬭᬶᬕ᭄ᬦᬳᬂ᭞ᬓᬃᬬ᭄ᬬᬧᭀᬦ᭄ᬤᭀᬓᬦ᭄ᬩ᭄ᬘᬶᬓ᭄᭞ᬯᬾᬳᬶᬦ᭄ᬬᬩᬸᬩᬸᬄᬲᬲᬸᬭᬸ᭞ᬢ᭄ᬓᬾᬦ᭄ᬧᬸᬜ᭄ᬚᬸᬗᬦ᭄ᬳᬤᬸ
ᬮᬂ᭞ᬤᬸᬓᬸᬃᬲᬸᬘᬶᬫ᭄ᬭᬾᬓᬕᬸᬮᬸᬂᬥᬚᬸᬫᬸᬯᬂ᭞ᬧᬗᬕᬳᬾᬩᬾᬜ᭄ᬚᬂᬓᬃᬬ᭄ᬬ᭞ᬧᬗᬸᬢᬗᬦᬾᬬᬕᬸᬫᬦ᭄ᬢᬶ᭞ᬧᬸᬦᬶᬓᬗᬭᬦ᭄ᬢᬯᬸᬮᬦ᭄᭞ᬪᬸᬢᬘᬸᬯᬶᬮ᭄ᬳᬭᬦ᭄ᬦᬶᬧᬸᬦ᭄᭞ᬢᬦ᭄ᬯ᭄ᬦᬂᬧᬺᬢᬾᬓᬚᬸᬕ᭟
[᭑᭖ 16A]
ᬬᬦ᭄ᬳᬦ᭄ᬫᬮᬶᬄ᭞ᬫᬮᬧᬶᬲ᭄ᬳᬯᬓ᭄ᬓᬯᬓᬦ᭄᭟ᬧᬗᬯᬓ᭄ᬘᬦᬦᭀᬢ᭄ᬢᬫ᭞ᬫᬚᬕᬯᬸᬫᬥ᭄ᬬᬦᬾᬓᬶ᭞ᬓᬬᬸᬳᬩᬢᭀᬦᬾᬦᬶᬲ᭄ᬢ᭞ᬫᬲᬸᬯᬾᬢ᭄ᬭᬾᬓᬧᬸᬦᬶᬓᬸ᭞ᬢᭂᬓᬾᬦᬶᬂ
ᬰᬵᬲ᭄ᬢ᭄ᬭᬓᬧᬢ᭄ᬬᬦ᭄᭞ᬧᭂᬧᭂᬓ᭄ᬱᬫᬶ᭞ᬲᬳᬸᬧᬓᬭᬦ᭄ᬫᬩᬬ᭟ᬗᬯᬗᬸᬦ᭄ᬭᬾᬓᬯᬱ᭄ᬝᬦ᭄ᬜ᭟ᬭᬶᬂᬳᬸᬫᬄᬯ᭄ᬦᬂᬓᬃᬬ᭄ᬬᬦᬶᬦ᭄᭞ᬧᬺᬢᬾᬓᬓᬳᬶᬭᬶᬂᬰᬯ᭞ᬦᬾᬲᬵᬫ᭄ᬧᬸᬦ᭄ᬓᬳᬸ᭠
ᬘᬸᬧ᭄ᬯᬢᬸ᭞ᬉᬕᬶᬦᬾᬦ᭄ᬢᭂᬦ᭄ᬫᬩᬶᬦᬬᬦ᭄᭞ᬧᬸᬧᬸᬢ᭄ᬲᬫᬶ᭞ᬢᬶᬗ᭄ᬓᬳᬾᬜᬯᬯᬾᬤᬦ᭟ᬯᬾᬦ᭄ᬢᭂᬦ᭄ᬫᬮᬶᬄᬦᬾᬳᬮᬶᬢᬦ᭄᭞ᬢᬶᬗ᭄ᬓᬄᬗᬩᬾᬦ᭄ᬲᬦᬾᬳᬮᬶᬢ᭄᭞ᬧᬥᬗᬦᬹ᭠
ᬢ᭄ᬧᬳᬶᬦ᭄ᬤᬶᬓᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬲᬫᬶᬦᬸᬭᬸᬢ᭄᭞ᬓᬶᬤᬶᬓᬶᬤᬶᬓ᭄ᬉᬧᬓᬭ᭞ᬓᬧᬸᬗ᭄ᬕᬮᬶᬦ᭄᭞ᬲᬦᬾᬤᬤᭀᬲ᭄ᬓᬭᬶᬗ᭄ᬓᭂᬲᬂ᭟ᬫᬗ᭄ᬤᬯᬾᬦ᭄ᬢᭂᬦ᭄ᬉᬧᬓᬭ᭞ᬳᬧ᭠
Kaca:Bali-lontar-gaguritan-sipta-agama-350ppi.pdf/16
Kaca puniki sampun kauji-wacén
