Kaca:Bali-lontar-gaguritan-sipta-agama-350ppi.pdf/15

Saking Wikisource
Kaca puniki sampun kauji-wacén

[᭑᭔ 14B]
᭑᭔
ᬚᬲ᭄ᬓᬭᬢᬦ᭄ᬓᭀᬚᬃ᭟ᬯᬯᬸᬧᬸᬧᬸᬢ᭄ᬦᭂᬩᬲ᭄ᬅᬢ᭄ᬫ᭞ᬲᬵᬫ᭄ᬧᬸᬦ᭄ᬭᬭᬶᬲ᭄ᬓᬋᬱᬶᬓᬶᬦ᭄᭞ᬯᭂᬳᬂᬓᬓ᭄ᬭᬶᬓ᭄ᬓᬚᬫᬲ᭄᭞ᬲᭀᬧᬓᬭᬦᬶᬂᬧᬫᬦ᭄ᬤᬸᬲ᭄᭞ᬓᬢ᭄ᬓᬦᬶᬂᬧᬧᬬᬲᬦ᭄᭞ᬧᬸᬧᬸᬢ᭄‌ᬲᬫᬶ᭞ᬳᬶ
ᬚᬸᬭᬭᬶᬲ᭄ᬓᬩᬸᬓ᭄ᬢᬶᬬᬂ᭟ᬓᬲᬹᬃᬬ᭄ᬬᬭᬭᬶᬲ᭄ᬓᬧᬶᬢᬺ᭞ᬧᬶᬢᬺᬢᬃᬧ᭄ᬧᬦᬓᬢ᭄ᬭᬧᬶᬦ᭄᭞ᬦᬾᬦ᭄ᬢᭂᬦ᭄ᬢᬦ᭄ᬧᬗᬲ᭄ᬓᬭᬦ᭄᭞ᬓᬤᬶᬦᬾᬳᬶᬦᬸᬘᬳᭀᬯᬯᬸ᭞ᬦᬸᬫᬲ᭄ᬢᬶᬃᬢ᭄ᬢᬧᬩᬺᬲᬶᬳᬶᬦ᭄᭞ᬤ᭄ᬯᬶᬚᬢᬶ᭞ᬫᬕᬸᬦ᭄ᬢᬶᬂᬫ᭄ᬯᬂ
ᬫᬢᬧᬓ᭄᭟ᬫᬦᬶᬮᬄᬭᬶᬂᬧᬦᬸᬦ᭄ᬢᬸᬦᬦ᭄᭞ᬧᬸᬦᬶᬓᬲ᭄ᬭᬶᬂᬫᬫᬃᬕ᭄ᬕᬶ᭞ᬳᬶᬯᬂᬧᬵᬢᬹᬢ᭄‌ᬬᬧᬸᬦᬶᬓ᭞ᬧᬶᬦᭂᬄᬢᬶᬢ᭄ᬬᬂᬲᬓᬶᬂᬓᭀᬮᬸᬕ᭄᭞ᬲᬮᬄᬢᬶᬩᬲᬗ᭄ᬬᬂᬅᬢ᭄ᬫᬶᬸᬯᬾᬤ᭞ᬫᬫᬸᬗ᭄ᬓᬸᬲᬶᬦ᭄᭞ᬩᬵ
ᬦ᭄ᬩᬲᬧᬶᬢᬭᬤᬾᬯ᭟ᬅᬧᬦ᭄ᬓᬭᬶᬅᬢ᭄ᬫᬩᬦ᭄ᬤ᭞ᬤᬸᬭᬸᬂᬧᭀᬮᬶᬄᬤ᭄ᬯᬶᬚᬢᬶ᭞ᬳᬶᬚᬸᬫᬗ᭄ᬓᬾᬧᬶᬢᬭᭀᬬᬂ᭞ᬲᬮᬄᬩᬲᬬᬧᬸᬦᬶᬓᬸ᭟ᬢᬦ᭄ᬩᬶᬦᬭᬶᬂᬲᬂᬯᬮᬓ᭞ᬓᬭᬶᬤᭂᬓᬶᬮ᭄᭞ᬲᬵᬫ᭄
[᭑᭕ 15A]
ᬧᬸᬦ᭄ᬩᬲᬦᬶᬦ᭄ᬧᬤᬡ᭄ᬟ᭟ᬭᬾᬄᬤᬸᬭᬸᬂᬧᭀᬮᬶᬄᬓᬥᬃᬫ᭄ᬫᬦ᭄᭞ᬧᬦᬶᬮᬳᬶᬤᬳ᭄ᬬᬂᬯᬶᬤ᭄ᬟᬶ᭞ᬫᬢᬧᬓ᭄ᬫᬕᬸᬦ᭄ᬢᬶᬂᬫᬮ᭞ᬫᬮᬢᬶᬕᬦᬸᬗᬮᬶᬧᬸᬢ᭄᭞ᬧᬢᬓᬮᬦ᭄ᬉᬧᬢᬓ᭞ᬫ
ᬮᬶᬄᬲᬶᬓᬶ᭞ᬫᬳᬧᬢᬓᬧᬸᬦᬶᬓ᭞ᬲᬗᬢ᭄ᬫᬬᬓᬘᬭᬶᬢ᭞ᬜᬦ᭄ᬢᭀᬲ᭄ᬭᬶᬂᬧᬗᬭᬶᬧ᭄ᬧᬭᬶᬧ᭄᭞ᬢᬦ᭄‌ᬯ᭄ᬦᬂᬫᬦ᭄ᬢᬸᬓ᭄ᬭᬶᬲ᭄ᬯᬃᬕ᭄ᬕ᭞ᬤᬤᬶᬗᬧᬸᬂᬩᬾᬬᬦ᭄ᬦᬶᬧᬸᬦ᭄᭞ᬓ᭄ᬭᬦᬗᬲ᭄ᬓᬭᬲᬭᬢᬂ᭞ᬬ
ᬕᬸᬫᬦ᭄ᬢᬶ᭞ᬳᬧᬂᬲᬸᬯᬸᬤ᭄ᬫᬵᬯᬓ᭄‌ᬪᬸᬢ᭟ᬩᬦᬲ᭄ᬧᬢᬶᬭᬚᬦ᭄ᬦᬯᬓ᭄᭞ᬫᬗ᭄ᬤᬢᭂᬤᬳᬶᬧᬸᬦ᭄‌ᬲᬫᬶ᭞ᬮᬸᬮᬸᬄᬲᬃᬯ᭄ᬯᬦᬶᬂᬧᬢᬓ᭞ᬮᬭᬤᬸᬄᬓᬦᬾᬓᬍᬩᬸᬃ᭞ᬳᬦ᭄ᬢᬸᬓ᭄ᬳᬶᬤᬲᬗ᭄ᬬᬂᬢᬶᬕ
ᬦᬗᬚᭂᬗᬶᬦ᭄᭞ᬫᬗ᭄ᬤᬤᬤᭀᬲ᭄ᬓᬓᬤᬾᬯᬢᬦ᭄᭟ᬰᬯᬦ᭄ᬲᬂᬓᬦ᭄ᬢᬸᬦ᭄ᬲᬤᬓ᭞ᬤ᭄ᬯᬶᬚᬢᬶᬤᬸᬓᬶᬗᬸᬭᬶᬧ᭄᭞ᬧᬸᬦᬶᬓᬦᬾᬧᬵᬢᬹᬢ᭄ᬧᬶᬲᬦ᭄᭞ᬧᬶᬢ᭄ᬭᬢᬃᬧ᭄ᬧᬦᬫᬫᬸᬧᬸᬢ᭄᭞ᬳᬧᬂ