[᭑᭐ 10B]
᭑᭐
ᬓᬧᬢᭂᬳᬂᬭᬶᬂᬫᬢᬶᬳᬬᬸ᭞᭛ᬫᬮᬶᬄᬧᬘᬂᬮᬦ᭄ᬢᬸᬃᬧᬸᬧᬸᬄᬕᬶᬦᬤᬦᬾᬲᬦᬾᬳᬶᬦᬸᬘᬧ᭄ᬭᬶᬂᬳᬚᭂᬂ᭟ᬧᬸᬦᬶᬓᬯ᭄ᬯᬂᬧᬥᭂᬫᬂ᭞ᬲᬸᬭᬸᬧᬂᬬᬓᬧᬺᬢᬶᬬᬯᬶ᭞ᬢᬦ᭄ᬯ᭄ᬯᬂᬕ᭄ᬲᭂᬂᬲᬵᬓ᭄ᬱᬦ᭞ᬫᬗ᭄ᬤ
ᬢᬸᬢᬸᬕ᭄ᬲᭂᬗ᭄ᬓᭂᬭᬶᬧᬸᬦ᭄᭞ᬧᬯᬦᭂᬗᬦ᭄ᬭᭀᬭᬲ᭄ᬢᬶᬳᬦ᭄᭞ᬭᬭᬶᬲ᭄ᬩᬾᬬᬦᬶᬦ᭄᭞ᬧ᭄ᬭᬢᬾᬓᬩᬳᬦ᭄ᬰ᭄ᬯᬲ᭄ᬢ᭟ᬫᬢᬶᬓ᭄ᬦᬕ᭄ᬭᬶᬂᬳᬶᬮ᭞ᬲᬸᬭᬸᬧᬂᬚᬓᬧ᭄ᬭᬢᬶᬯᬶ᭞ᬭᬶᬂᬲᬫ᭄ᬧᬶᬂᬲᬫ᭄ᬧᬶᬂᬫᬕ᭄ᬦᬄ᭞ᬫᬲᭂᬗ᭄ᬓᭂᬃ
ᬲᬮᬳᬾᬢᬯᬸᬦ᭄᭞ᬯᬯᬸᬤᬤᭀᬲ᭄ᬳᬸᬧᬓᬭ᭞ᬭᬭᬶᬲ᭄ᬢᭂᬩᬲᬶᬦ᭄᭞ᬧᬢᬶᬕᬫᬫᬗᬸᬦ᭄ᬩᬾᬬ᭟ᬩᬾᬬᬦᬾᬰ᭄ᬯᬲ᭄ᬢᬉᬢ᭄ᬢᬫ᭞ᬫᬧᬗᬯᬓ᭄ᬮᬮᬂᬲᬫᬶ᭞ᬳᭂᬜᬸᬄᬕᬤᬶᬗᬾᬲᬶᬭᬄᬜ
᭞ᬢᬗᬦ᭄ᬲᬸᬓᬸᬦ᭄ᬜᬦᬾᬢᭂᬩᬸ᭞ᬢᬸᬮᬂᬕᬶᬳᬶᬂᬩᬸᬮᬸᬳᬱ᭄ᬝ᭞ᬢᬸᬃᬫᬢᬸᬮᬶᬲ᭄᭞ᬩ᭄ᬯᬢᬶᬂᬰᬲ᭄ᬢ᭄ᬭᬓᬧᬢᬶᬬᬦ᭄᭟ᬤᭀᬦ᭄ᬢᬸᬜ᭄ᬚᬸᬗᬾᬬᬓᬸᬮᬶᬢ᭄ᬜ᭞ᬭᬶᬂᬢ᭄ᬗᬄ᭞ᬳᬧᬸᬮᬂᬧᭀᬤᬶ᭞ᬫᬓ
[᭑᭑ 11A]
ᬤᬕᬶᬂᬜᬧᬗᬯᬓ᭄᭞ᬓᬢᬄᬜᬧᬤᬜᬮᬶᬓᬸᬃ᭞ᬲᬢᬸᬲ᭄ᬓᬸᬢᬸᬲ᭄ᬓ᭄ᬯᬾᬄᬦᬶᬂᬮᬮᬂ᭞ᬧᬭᭀᬓᬮᬶᬄ᭞ᬜᬸᬂᬲᬗᬤᭂᬕ᭄ᬦᬜ᭄ᬓᭂᬢ᭄ᬧᬢ᭄ᬧᬢ᭄᭟ᬦᬾᬫ᭄ᬦᬾᬓ᭄ᬫᬲᭂᬳᭂᬢ᭄ᬫᬶᬂᬫᬂ᭞ᬫᬸ
ᬜ᭄ᬘᬸᬓᬶᬧᬸᬦ᭄ᬧᬢᭂᬄᬲᬫᬶ᭞ᬚᬭᬶᬚᬶᬧᬥᬮᬮᬶᬫ᭞ᬩ᭄ᬦᭂᬂᬧᬸᬢᬶᬄᬢᬮᬶᬦᬶᬧᬸᬦ᭄᭞ᬩᬮᬸᬂᬩᬮᬸᬗᬾᬘᬦᬦ᭞ᬬᬦ᭄ᬫᬾᬬᬦᬶᬦ᭄᭞ᬭᬶᬂᬩᬗ᭄ᬩᬂᬤᬸᬫᬸᬦ᭄ᬧᬸᬧᬸᬢᬂ᭟ᬲᬯᬸᬲᬦᬾᬫᬭᬶᬂᬩᬗ᭄ᬩᬂ᭞ᬫ
ᬭᬶᬧᭂᬫ᭄ᬧᬢᬦᬾᬫᬮᬶᬄ᭞ᬧᬢᭂᬄᬲᬮ᭄ᬯᬶᬃᬉᬧᬓᬭ᭞ᬓᬲᬾᬢ᭄ᬭᬬᬧᬮᬶᬂᬧᬸᬗ᭄ᬓᬸᬃ᭞ᬧᬸᬧᬸᬢ᭄ᬭᬶᬂ᭠ᬢ᭄ᬧᬶᬂᬢᬶᬕᬫᬩᬾᬬ᭞ᬢᬸᬃᬫᬩᬺᬲᬶᬄ᭞ᬯᬯᬸᬳᬶᬧᬸᬦ᭄ᬓᬾᬗᬶᬦ᭄ᬩᬸᬤᬮ᭄᭟ᬭᬶᬂᬳᬸᬫᬄᬫᬮᬶᬄᬧᬸᬧᬸᬢᬂ
ᬲᬓᬫᬯ᭄ᬦᬂᬫᬾᬬᬦᬶᬦ᭄᭞ᬯ᭄ᬦᬂᬓᬲᭂᬫ᭄ᬩᬄᬲᭂᬦ᭄ᬢᬦ᭞ᬯ᭄ᬦᬂᬘᬫ᭄ᬧᬸᬃᬭᬶᬂᬦᬾᬳᬬᬸ᭞ᬬᬦᬶᬂᬦᭀᬭᬲᬧᬸᬦᬶᬓ᭞ᬓ᭄ᬦᬶᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬪᬝᬵᬭᬦᬶᬂᬚᬕᬢ᭄᭟ᬫᬢᬶᬳᬬᬸᬬᬦ᭄ᬲᬸᬭᬸᬧᬂ᭞
Kaca:Bali-lontar-gaguritan-sipta-agama-350ppi.pdf/11
Kaca puniki sampun kauji-wacén
