[᭕ 5 B]
᭕᭞ ᬗ᭄ᬓᬸᬃ᭚᭜᭚ ᬬᬦᬶᬂᬓᬶᬬᬸᬮᬾᬳᬤᭀᬓᬂ᭞ ᬤᬕᬶᬂᬳᬶᬧᬸᬦ᭄᭞ ᬓᬵᬃᬬ᭄ᬬᬲᬦᬾᬗᬯᬾᬧᬢᬶ᭞ ᬳᬦ᭄ᬢᭂᬗᬾᬗᬃᬤ᭄ᬥᬶᬳᬤᬸᬧ᭄᭞ ᬢᬸᬃᬫ᭄ᬬᬭᬘᬢᬸᬃᬯᬃᬕ᭄ᬕ᭞ ᬳᭂᬤᬩᬯᬓ᭄᭞ ᬲᬬᬂᬢᭂᬓᬾᬦ᭄ᬲᬃ
ᬯ᭄ᬯᬳᬶᬤᬸᬧ᭄᭞ ᬳᭂᬤᬕᭂᬫᭂᬲ᭄ᬗᬃᬤ᭄ᬥᬶᬪᬾᬤ᭞ ᬦᬾᬗᬯᬶᬦᬂᬲᬓᬶᬢ᭄ᬳᬢᬶ᭚ ᬳᬯᬶᬦᬦ᭄ᬧᬵᬢᬸᬢᬩᬸᬯᬢᬂ᭞ ᬳᬤᬸᬧ᭄ᬯᬭᬲ᭄᭞ ᬓᭂᬚᭀᬳᬶᬦ᭄ᬩᬳᬦ᭄ᬧᬜᬓᬶᬢ᭄᭞ ᬩᬬᬸᬓᬸᬯᬢ᭄ᬧᬜ᭄ᬚᬂᬳᬸ᭠
ᬫᬸᬃ᭞ ᬧ᭄ᬭᬚ᭄ᬜᬦ᭄ᬫᬸᬯᬂᬧᬸᬭᬸᬱ᭞ ᬢᬸᬃᬳᬶᬗᭂᬢᬦ᭄᭞ ᬢ᭄ᬯᬭᬕᬫ᭄ᬧᬂᬤᬤᬶᬯᬶᬓᬸᬦ᭄᭞ ᬫᬫᬢᬶ᭠ᬫᬢᬶᬲᬸᬯᬸᬤᬂ᭞ ᬫᭂᬮᬄᬲᬬᬗᬂᬩᬮᬶᬓᬶᬦ᭄᭚ ᬳᬪᬬᬥᬦᬳᬤᬦ᭄ᬜ᭞ ᬬᬦᬶᬂᬳᬦᬓ᭄᭞
ᬢ᭄ᬯᬭᬢᬳᬾᬦ᭄ᬫᬜᭂᬚᭂᬳᬶᬦ᭄᭞ ᬗᭂᬢ᭄ᬗᬯᬾᬕᬶᬭᬂᬲᬢᬸᬯᬸᬓ᭄᭞ ᬳᬲᬶᬂᬧᬳᭂᬓ᭄ᬧᬥᬲᬸᬓ᭞ ᬭᬾᬄᬲ᭄ᬫᬶᬓ᭞ ᬮᬯᬦ᭄ᬧᬗ᭄ᬭᬯᭀᬲᬾᬳᬮᬸᬲ᭄᭞ ᬳᭂᬦ᭄ᬢᭀᬦᬾᬫᬫᬗ᭄ᬕᬸᬄ
[᭖ 6 A]
ᬲᬸᬓ᭞ ᬳᬸᬮᬶᬂᬳᬶᬤᬸᬧ᭄ᬓᬬᬂᬫᬢᬶ᭚ ᬪᬸᬣᬓ᭄ᬭᭀᬥᬦᬾᬮᬸᬓᬢ᭄᭞ ᬫᬬᬸᬥᬩᭂᬃᬲᬶᬄᬤᬤᬶᬳ᭄ᬬᬂᬳᬓ᭄ᬧᬫᬳᬭᬶᬲ᭄᭞ ᬮᬦ᭄ᬢᬲ᭄ᬧᬯᬶᬦ᭄ᬢᭂᬦᬦ᭄ᬤᬶᬢᬸ᭞ ᬳᬧᬂᬤᬤᬶᬲᬂᬳ᭄ᬬᬂᬲᬬᬂ᭞ ᬧᬵᬢᬸ
ᬢ᭄ᬧᬕᭂᬳᬂ᭞ ᬳ᭄ᬬᬂᬢᬸᬗ᭄ᬕᬮ᭄ᬢᬦ᭄ᬯᬸᬭᬸᬂᬢᭂᬤᬸᬦ᭄᭞ ᬫᬭᬕᬥᬃᬫ᭄ᬫᬯᬶᬰᬾᬱ᭞ ᬜᬕᬤᬾᬯᬾᬓᬾᬲᬲᬳᬶ᭚ ᬗᬶᬤᬶᬄᬲᬸᬓᬲᬗᭂᬢ᭄ᬦᬶᬱ᭄ᬝ᭞ ᬳᬤᭀᬄᬤᬶᬲᭀᬃ᭞ ᬢᭂᬓᬾᬦ᭄ᬢᬦᬄᬬᬦ᭄ᬲ
ᬩᬦ᭄ᬥᬶᬂ᭞ ᬤᬤᬶᬚᬸᬭᬸᬢᬶᬳᬶᬲ᭄ᬧᬢᬸᬄ᭞ ᬮᬾᬦ᭄ᬢᭂᬓᬾᬦ᭄ᬫᬓᬶᬤᬶᬳᬂ᭞ ᬢᭂᬕᭂᬄᬮᬶᬯᬢ᭄᭞ ᬲᬵᬢ᭄ᬮᬗᬶᬢ᭄ᬩᬤᬸᬯᬸᬃᬗᬸᬗ᭄ᬓᬸᬮ᭄᭞ ᬮᬯᬸᬢ᭄ᬳᬸᬮᬶᬗᬶᬤᬶᬄᬜᬲᬃ᭞ ᬜᭂᬭᭀᬤ᭄ᬤᬤᬶᬫᬮᬶᬂᬜᬶᬮᬶᬩ᭄
᭚ ᬬᬦᬶᬂᬳᬶᬗᭂᬢ᭄ᬢᭂᬓᬾᬦ᭄ᬳᬶᬭᬕ᭞ ᬫᬵᬯᬓ᭄ᬦᬦᬄᬩᬜᭂᬄᬫᬶᬯᬄᬲᬂᬯ᭄ᬯᬯᬾᬘᬶ᭞ ᬳᬶᬲᬶᬦᬾᬫᬤᬾᬯᬾᬓ᭄ᬓᭂᬦ᭄ᬤᬸᬢ᭄᭞ ᬗᬸᬤᬩᬸᬤᬸᬄᬓᬦ᭄ᬢᬶᬜᭀᬭᬄ᭞ᬗ᭄ᬭᬸᬲᬓ᭄ᬳᬯᬓ᭄᭞ ᬢᬸ
