Kaca:Bali-lontar-gaguritan-silakrama-300ppi.pdf/5

Saking Wikisource
Kaca puniki sampun kauji-wacén

[᭔ 4 B]
᭔᭞ ᬫᬫ᭄ᬪᬶᬦᬬᬂ᭞ ᬩᬵᬦ᭄ᬳᬶᬤᬾᬯᬫᬫᬯᭀᬲᬶᬦ᭄᭞ ᬯᭀᬂᬤᬸᬲᬸᬦ᭄ᬮᬯᬦ᭄ᬯᬂᬓᭀᬢ᭞ ᬓᬾᬢᭀᬩᬵᬦ᭄ᬗᬯᬾᬭᬵᬳᬬ᭞ ᬫᬸᬯᬸᬄᬕᭂᬫᬸᬄᬫᬮᬶᬂᬧᬸᬦᬄ᭞ ᬮᬦ᭄ᬤᬸᬄᬧᬗ᭄ᬕᬶᬄ᭞ ᬲᬩᬢ
ᬦ᭄ᬮᬗᬶᬢ᭄ᬗᬲᬸᬩᬂ ᭚᭜᭚ ᬧᬸᬧᬸᬄᬧᬸᬘᬸᬂ ᭚᭜᭚ ᬧᬸᬧᬸᬄᬧᬸᬘᬸᬂ᭞ ᬫᬵᬦᬸᬢ᭄ ᬯ᭄ᬯᬳ᭄ᬬᬂᬧᬸᬢ᭄ᬭᬶᬓᬓᬸᬂ᭞ ᬚ᭄ᬭᭀᬦᬶᬂᬧᬸᬡᬃᬪ᭄ᬪᬯ᭞ ᬰᬶᬯᬩᬸᬤ᭄ᬥᬫᬳᬬᭀᬡᬶ᭞ ᬢᭂᬕᭂᬲ᭄ᬳᬶᬧᬸᬦ᭄᭞ ᬥᬃᬫ᭄ᬫᬦᬶᬂᬤ᭠
ᬤᬶᬫᬵᬦᬸᬱ᭚ ᬳᬸᬕᭂᬃᬳᬶᬧᬸᬦ᭄᭞ ᬳᬕᬲ᭄ᬢ᭄ᬬᬫᬓᬃᬤ᭄ᬥᬶᬬᬤᬗᬸ᭞ ᬓᬸᬢᬸᬭᬦ᭄ ᬦᬶᬭᬵᬃᬣ᭞ ᬚᬬᬪᬬᬥᬂᬥᬂᬕᭂᬡ᭄ᬥᬶᬲ᭄᭞ ᬧᬸᬧᬸᬢ᭄ᬧᬸᬧᬸᬮ᭄᭞ ᬯᬶᬮᬢᬶᬓ᭄ᬝᬩᬮᬶᬤ᭄ᬯᬶᬧ᭚
ᬩᭀᬬᬢᬭᬸ᭞ ᬧᬸᬘᬸᬓᬾᬭᬶᬂᬕᬸᬦᬸᬂ᭞ ᬰᬶᬯᬫᬧ᭄ᬭᬦᬯ᭞ ᬲᬶᬦᬗ᭄ᬕᭂᬄ᭠ ᬕᬬᬢ᭄ᬭᬶᬲᬡ᭄ᬥᬶ᭞ ᬤᬍᬫ᭄ᬓᬬᬸᬦ᭄᭞ ᬧᬸᬭᬲᬓᬾᬂᬧᬦᬢᬭᬦ᭄᭚ ᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄

[᭕ 5 A]
ᬩᬸᬮᬓ᭄ᬩᬮᬶᬓ᭄ᬓᬂᬲᬶᬦᬸᬳᬸᬦ᭄᭞ ᬳᬬ᭄ᬯᬧ᭄ᬭᬫᬤ᭞ ᬓᬯᭂᬤᬃᬫᬦᬸᬗ᭄ᬕᬮ᭄ᬫᬗ᭄ᬓᬶᬦ᭄᭞ ᬗᬾᬱ᭄ᬝᬶᬳᬬᬸ᭞ ᬪᬸᬯᬦᬓᭀᬱᬮᬦ᭄ᬲᬦ᭄ᬢᭀᬱ᭚ ᬲᬶᬤ᭄ᬥᬶᬃᬳᬲ᭄ᬢᬸ᭞ ᬫᬗ᭄ᬕᬸᬄᬢᬺᬧ᭄ᬢᬶᬓᬂᬢᬸᬫᬸᬯᬸᬄ᭞ ᬢ
ᬢᬮᬦ᭄ᬳᬕᬫ᭞ ᬯᭂᬓᬲᬦ᭄ᬲᬶᬤ᭄ᬥᬓᬧᬗ᭄ᬕᬶᬄ᭞ ᬳ᭄ᬬᬂᬮᬮᬸᬳᬸᬃ᭞ ᬯᬶᬢ᭄ ᬪᬓ᭄ᬢᬶᬩ᭄ᬭᬢᬮᬦ᭄ᬬᭀᬕ᭚ ᬲᬭᬵᬢ᭄ᬲᬸᬂᬲᬸᬂ᭞ ᬑᬗ᭄ᬓᬭᬲᬧ᭄ᬢᬢᬸᬫᭂᬤᬸᬦ᭄᭞ ᬢᬶᬦᭂᬫᬸᬲᬦ᭄ᬢᬦ᭞ ᬩ᭄ᬭᬢᬢᬧᬫ᭄ᬯᬂᬲ
ᬫᬥᬶ᭞ ᬳᬬ᭄ᬯᬚᬸᬫ᭄ᬩᬸᬄ᭞ ᬭᬢ᭄ᬭᬶᬤᬷᬦᬲᬶᬦᭂᬫ᭄ᬩᬳᭂᬦ᭄᭚ ᬲᬗ᭄ᬓᬦ᭄ᬳᬤᬸᬂ᭞ ᬳᬗ᭄ᬕᬾᬦ᭄ᬜᬸᬂᬲᬸᬂᬳ᭄ᬬᬂᬲᬶᬦᬸᬳᬸᬦ᭄᭞ ᬮᬓᬸᬲᬤᬤᬩ᭄ᬤᬩ᭄᭞ ᬳᬶᬥᭂᬧ᭄ᬳᭂᬦᬶᬂᬩᭂᬃᬲᬶᬄᬲᬸᬘᬶ᭞ ᬲᬸᬤ᭄ᬥᬦᬸᬮᬸᬲ᭄᭞ ᬮᬶᬗ᭄ᬕᬦ᭄ᬳᬶᬤ᭠
ᬲᬂᬳ᭄ᬬᬂᬢᬶᬢᬄ᭚ ᬫᬗ᭄ᬥᬧᬸᬮᬸᬂ᭞ ᬦᬸᬦᬲ᭄ᬲ᭄ᬯᬾᬘᬦ᭄ᬲᬂᬳ᭄ᬬᬂᬢᬸᬤᬸᬄ᭞ ᬳᬬ᭄ᬯᬦ᭄ᬤ᭄ᬯᬧᬭ᭞ ᬢᭂᬍᬩᬾᬫᬗ᭄ᬥᬾᬫᬦᬸᬗ᭄ᬕᬶᬮ᭄᭞ ᬗᬃᬤ᭄ᬥᬶᬳᬬᬸ᭞ ᬲᬢ᭄ᬬᬢᬶᬮᬶᬂᬦᬸᬦᬲ᭄ᬳᬶᬘ᭄ᬙ᭚᭜᭚ ᬧᬸᬧᬸᬄᬧ