[᭒᭖ 26B]
᭒᭖
ᬳᬦᬓ᭄ᬫᬗ᭄ᬕᬸᬄᬲᬗ᭄ᬲᬭ᭞ᬓᬸᬭᬂᬧᬗᬦ᭄᭞ᬫᬶᬦᬓᬤᬶᬪᬬᬧᬢᬶ᭞ᬬᬦ᭄ᬲᬥ᭄ᬬᬩᬓ᭠ᬢ᭄ᬢᬸᬮᬸᬂ᭞ᬓᬾᬯᭂᬄᬜᬓᬢᬶᬗ᭄ᬕᬮᬂ᭞ᬲᭂᬤᬸᬓ᭄ᬜᬦᬾ᭞ᬓᬯᬋᬕᬂᬯᬾᬳᬶᬦ᭄ᬲᬗᬸ᭞ᬧᬜ᭄ᬘᬪᬬ
ᬦ᭄ᬦᬾᬫᬢᬶᬗ᭄ᬕᬮ᭄᭞ᬧᬬᬸᬳᬶᬤᬸᬧ᭄ᬩᬸᬯᬸᬂᬫᬢᬶ᭚ᬦ᭄ᬢᭀᬫᬵᬤᬦ᭄ᬫᬦᬸᬮᬸᬂᬚᬷᬯ᭞ᬍᬯᬶᬄᬉᬢ᭄ᬢᬫ᭞ᬢᬦ᭄ᬗᬸᬮᬄᬳᬶᬤᬸᬧ᭄ᬧᬤᬶᬥᬶ᭞ᬜᬦ᭄ᬥᬂᬳᬾᬫᬦ᭄ᬧᬵᬢᬸᬢ᭄ᬲᬸᬂᬲᬸᬂ᭞ᬚᬢᬶᬮᬸᬯᬶᬃᬫᬗᬲᭀ
ᬭᬂ᭞ᬧᬜ᭄ᬘᬬᬚ᭄ᬜ᭞ᬭᬾᬄᬉᬭᬶᬧ᭄ᬢᬸᬯᬄᬓᬋᬩᬸᬢ᭄᭞ᬩᬳᬦ᭄ᬮᬸᬯᬶᬭᬶᬂᬢᬸᬫᬶᬢᬄ᭞ᬉᬭᬶᬧ᭄ᬦᬾᬧᬶᬦᬶᬄᬉᬢ᭄ᬢᬫᬶ᭚ᬢᬢᬶᬫ᭄ᬩᬗᬦ᭄ᬳᬧᬂᬗᭂᬮᬄ᭞ᬳᭂᬤᬗᬢᬶᬫᬂ᭞ᬳᭂᬜ᭄ᬘᬾᬦ᭄ᬤᭂᬫᭂᬦᬶᬦ᭄ᬤᬶ
ᬳᬢᬶ᭞ᬦ᭄ᬢᭀᬩᬳᬂᬳᬦᬓᬾᬮᬶᬬᬸ᭞ᬤᬤᬶᬢᭂᬓᬦ᭄ᬢᭀᬳᭂᬗ᭄ᬲᬧᬂ᭞ᬢᭂᬓ᭠ᬗᬸᬤ᭞ᬳᬯᬓᬾᬩᬸᬯᬢ᭄ᬢᭂᬓᬾᬦ᭄ᬳᬶᬤᬸᬧ᭄᭞ᬳᬦᬓᬾᬮᬯᬸᬢ᭄ᬫᬢᬶᬬᬂ᭞ᬲᬗᭂᬢ᭄ᬧᬶᬲᬦ᭄ᬢᬸ
[᭒᭗ 27A]
᭒᭗
ᬯᬭᬳᬤᬶᬮ᭄᭚ᬩᬸᬯᬶᬦ᭄ᬳᬤᬳᬸᬦ᭄ᬥᬸᬓ᭄ᬭᬳᬢ᭄᭞ᬲᬶᬮᬶᬩ᭄ᬧᬶᬲᬦ᭄᭞ᬍᬩᬶᬄᬢᭂᬓᬾᬦ᭄ᬫᬫᬢᬶᬫᬢᬶ᭞ᬲᬸᬩᬮᬘᬸᬃᬢᬓᬸᬢ᭄ᬢᬸᬬᬸᬄ᭞ᬯᬶᬥᬷᬦᬾᬤᬮᬶᬄᬗᬯᬶᬦᬂ᭞ᬲᬗ᭄ᬓᬦ᭄ᬤᬳ
ᬢ᭄᭞ᬲᬳᬶᬦᭂᬧᭂᬲ᭄ᬩᬲᬂᬲᭂᬤᬸᬓ᭄᭞ᬧ᭄ᬬᬦᬓ᭄ᬲᭀᬫᬄᬫᬫᬸᬮᬶᬲᬄ᭞ᬳᬶᬤᬸᬧᬾᬍᬩᬶᬄᬓᬾᬦ᭄ᬫᬵᬢᬶ᭚ᬦ᭄ᬢᭀᬓ᭄ᬭᬡᬳ᭄ᬤᬗᭂᬗ᭄ᬲᬧᬂ᭞ᬓᬳᬦ᭄ᬢᭂᬗᬦ᭄᭞ᬳᬗ᭄ᬕᬾᬦ᭄ᬫᬗᭂᬦ᭄ᬢᭂᬕᬂᬉᬭᬶᬧ᭄᭞
ᬬᬦ᭄ᬳᬸᬭᬶᬧᬾᬲᬥ᭄ᬬᬮᬦᬸᬲ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬫᬸᬯᬢᬂ᭞ᬘᬢᬸᬃᬯᬃᬕ᭄ᬕ᭞ᬬᬓᬶᬸᬦ᭄ᬓᬢᬸᬦᬵᬦ᭄ᬧᬗᬦ᭄ᬓᬷᬦᬸᬫ᭄᭞ᬘᬢᬸᬃᬯᬃᬕ᭄ᬕᬢ᭄ᬯᬭᬩᬓᬢ᭄᭞ᬳᬶᬤᬸᬧᬾᬲᬫᬮᬦ᭄ᬫᬵᬢᬶ᭚
ᬳᭂᬦ᭄ᬢᭀᬓ᭄ᬭᬡᬲᬗᬢᬧ᭞ᬫᬦᬶᬸᬲᬶᬄᬳᬦ᭄ᬢᭂᬂ᭞ᬫᬦᬦ᭄ᬤᬸᬃᬲᬃᬯ᭄ᬯᬪᬶᬦᬸᬓ᭄ᬢᬶ᭞ᬳᬗ᭄ᬕᬾᬦ᭄ᬘᬭᬸᬓᬵᬮᬲᭂᬤᬸᬓ᭄᭞ᬳᬧᬂᬢᬦ᭄ᬗ᭄ᬭᬸᬪᬾᬤᬚ᭄ᬜᬡ᭞ᬦᬧᬶᬫᬮᬶᬄ᭞ᬩᭂᬜᬤᬶᬦᬵ
