Kaca:Bali-lontar-gaguritan-silakrama-300ppi.pdf/25

[᭒᭔ 24B]
᭒᭔
ᬧᬦ᭄᭞ᬦᬾᬕᬫ᭄ᬧᬂᬫᬩᬮᬶᬓ᭄ᬲᭂᬥᬶᬄ᭞ᬗᭂᬮᬳᬂᬢᬦ᭄ᬳᬾᬮᬄ᭞ᬜᬸᬓᬬᬂᬢᬦ᭄ᬚᬢᬶᬲᬸᬓ᭞ᬲᬓᬶᬂᬢᬺᬱ᭄ᬡᬦ᭄ᬢᭀᬗᬯᬶᬦᬶᬦ᭄᭞ᬳᬸᬫᬳᬾᬫᬸᬮ᭞ᬤᬶᬲᬸᬦ᭄ᬬᬯᬢᬶᬳᭂᬗ᭄ᬲᬧᬶᬦ᭄᭚ᬚ᭄ᬜᬦᬢᬸᬗ᭄ᬕ
ᬮ᭄‌‌ᬦ᭄ᬢᭀᬫᬧᬮᬶᬄᬤᬤᬶᬤᬤᬸᬯ᭞ᬫᬭᬕᬧᬭᬫᬍᬯᬶᬄ᭞ᬦ᭄ᬢᭀᬫᬭᬳᬚᬷᬯ᭞ᬳᬗ᭄ᬕᭀᬦ᭄ᬳᬸᬭᬶᬧ᭄ᬳᬚᬓ᭄ᬤᬤᬸᬯ᭞ᬳᬶᬳᬤᬶᬢᭂᬓᬾᬦᬶᬂᬩᭂᬮᬶ᭞ᬲᬗ᭄ᬓᬦ᭄ᬭᬓᭂᬢ᭄᭞ᬮᬸᬮᬸᬢ᭄ᬩᭂᬮᬶᬦᬾᬭᬶᬂᬘᬶᬸ
ᬳᬶᬸ᭚ᬳᬤᬶ᭚ᬤᬶᬢᬸᬫᬸᬮᬢᭀᬗᭀᬲ᭄‌‌ᬚᬢᬶᬉᬢ᭄ᬢᬫ᭞ᬮᬗ᭄ᬕᭂᬂᬢ᭄ᬯᬭᬩᬸᬮᬓ᭄ᬩᬮᬶ᭠ᬓ᭄᭞ᬫᬗ᭄ᬕᭂᬄᬢᬸᬯᬭᬳᭀᬩᬄ᭞ᬳᬾᬮᬄᬢᬦ᭄ᬫᬩᬮᬶᬓ᭄ᬮᬶᬓᬤ᭄᭞ᬲᬸᬓᬮᬦᬸᬲ᭄ᬢᬦ᭄ᬧᬢᭂᬧᬶ᭞
ᬦ᭄ᬢᭀᬩᬸᬯᬢᬂ᭞ᬳᬶᬤᬧᬥᬡ᭄ᬥᬢᬸᬦᬲᬶᬦ᭄᭚᭜᭚ᬧᬸᬧᬸᬄᬧᬗ᭄ᬓᬸᬃᬯᬬᬄ᭚᭜᭚ᬚᬮᬦ᭄ᬦᬾᬚᬦᬶᬓᬯᬶᬢᬂ᭞ᬓᬥᬃᬫ᭄ᬫᬦᬾ᭞ᬳᬃᬣᬶᬦ᭄ᬜᬦ᭄ᬢᭀᬢᬢᬲᬶᬦ᭄᭞ᬓᬧᬵᬢᬸᬢ᭠

[᭒᭕ 25A]
᭒᭕
ᬦ᭄ᬚᬢᬶᬦᬶᬧᬸᬦ᭄᭞ᬧᬵᬢᬸᬢᬾᬩᬸᬯᬶᬦ᭄ᬳᬃᬢ᭄ᬣᬶᬬᬂ᭞ᬳᬸᬡ᭄ᬥᬸᬓ᭄ᬫᭂᬮᬄ᭞ᬲᬦᬾᬫᬯᬰᬦᬳᬬᬸ᭞ᬳᭂᬦ᭄ᬢᭀᬫᬵᬤᬦ᭄ᬓᬥᬃᬫ᭄ᬫᬦ᭄᭞ᬳᬗ᭄ᬕᬾᬦ᭄ᬗᬮᬶᬄᬲᬮᬸᬯᬶᬃᬳᬮᬶᬄ᭚ᬚᬢᬶᬦ᭄ᬓᬥᬃᬫ᭄ᬫᬦᬾᬓᭂᬢᬄ
ᬫᬭᬕᬓᬢᬄ᭞ᬦᬵᬗ᭄ᬳᬶᬂᬚᬢᬶᬦ᭄ᬜᬳᬩᭂᬲᬶᬓ᭄᭞ᬦᬾᬢᬸᬗ᭄ᬕᬮ᭄ᬳᬭᬂᬯᭀᬂᬯᭂᬭᬸᬄ᭞ᬲᬗ᭄ᬓᬦ᭄ᬦᬾᬓᬢᬄᬩᬯᭀᬲᬂ᭞ᬳᬧᬂᬕᬫ᭄ᬧᬂ᭞ᬜᬶᬤ᭄ᬥᬬᬂᬫᭂᬢᬾᬓ᭄ᬫᬗᬶᬢᬸᬂ᭞ᬦᬵᬗ᭄ᬳᬶᬂᬫᬮᬶᬄᬫᬜᬢ᭄ᬯ
ᬬᬂ᭞ᬳᬧᬂᬳᭂᬤᬩᬶᬗᬸᬂᬫᬦᬫ᭄ᬧᬶ᭚ᬫᭂᬮᬳᬂᬘᭂᬦᬶᬂᬫᬶᬋᬗᬂ᭞ᬳᬧᬂᬧᭂᬤᬲ᭄᭞ᬦᭂᬕᬓ᭄ᬚᬸᬫᬸᬦᬶᬦ᭄ᬳᬧᬶᬓᬶᬦ᭄᭞ᬲᭂᬓᭂᬦᬂᬳᭂᬤᬗᭂᬮᬾᬦ᭄ᬳᬗ᭄ᬓᬸᬄ᭞ᬧᬮᬶᬬᬢ᭄ᬧᬥᬳᬘᬺᬗᬂ᭞ᬳᬧᬂᬦᬸᬗ᭄ᬕ
ᬮ᭄᭞ᬗᬶᬮᬶᬲ᭄ᬫᬦᬫ᭄ᬧᬾᬦᬶᬦ᭄ᬢᬸᬢᬸᬃ᭞ᬩᬗ᭄ᬓ᭄ᬬᬗᬾᬲᬤᬚᭂᬕ᭄ᬚᭂᬕᬂ᭞ᬘᭂᬤᬂᬓᭂᬦᭂᬄᬳᬧᬂᬫᭂᬦ᭄ᬢᬶᬓ᭄᭚ᬓᬤᬶᬭᬯᭀᬲᬾᬳᬶᬩᬸᬲᬦ᭄᭞ᬫᬸᬮᬢᬸᬗ᭄ᬕᬮ᭄᭞ᬳ᭄ᬬᬂᬥᬃᬫ᭄ᬫᬩᭀᬬᬓᬓᬵ