Kaca:Bali-lontar-gaguritan-silakrama-300ppi.pdf/17

Saking Wikisource
Kaca puniki sampun kauji-wacén

[᭑᭖ 16 B]
᭑᭖᭞ᬡᬦᬶᬂᬫᬩ᭄ᬭᬢ᭚ᬦᬾᬩᬗᭂᬢ᭄ᬧᬵᬢᬸᬢ᭄ᬲᬭᬢᬂ᭞ᬳᭀᬤᬓᬾᬯ᭄ᬬᬓ᭄ᬢᬶᬩᭂᬘᬶᬓ᭄᭞ᬫᬮᬓᬃᬩᬵᬦ᭄ᬲᬃᬯ᭄ᬯᬳᬾᬮᬄ᭞ᬩᬩᬓᬦ᭄ᬮᬫᬦ᭄ᬲᬃᬯ᭄ᬯᬩᬸᬗ᭄ᬓᬶᬮ᭄᭞ᬤᬳᬸᬦ᭄ᬤᬳᬸᬦ᭄ᬕᬫ᭄ᬧᬂᬳᬮᬶᬄ᭞
ᬧᬗ᭄ᬭᬩ᭄ᬥᬦ᭄ᬜᬲᬗᭂᬢ᭄ᬮᬸᬳᬸᬂ᭞ᬫᬲᬳᬶᬄᬭᬶᬂᬢᬫ᭄ᬩᬫᬳᭂᬮ᭄᭞ᬲᭂᬕᭂᬃᬗᬯᬾᬘᭂᬥᬂᬳᬢᬶ᭞ᬢᭂᬓᬮᬸᬯᬸᬂ᭞ᬓᬢᭀᬦ᭄ᬦᬶᬱ᭄ᬝᬍᬯᬶᬄᬕᬸᬡ᭚ᬩᬶᬱᬬᬂᬗᬯᬾᬦᬂᬲᬸᬓ᭞ᬳᬧᬂᬓᬤᬸᬂᬦᬳᬸᬤᬶ
ᬦᬶ᭞ᬫᬗ᭄ᬥᬮᬶᬧ᭄ᬬᬭᬶᬂᬦᬵᬕᬭ᭞ᬩᬸᬤ᭄ᬥᬶᬲᬢ᭄ᬯᬳᬗ᭄ᬕᬾᬦ᭄ᬫᬃᬕ᭄ᬕᬶ᭞ᬢᬺᬱ᭄ᬡᬦ᭄ᬓᭂᬦᭂᬳᬾᬬᬓᭂᬮᬾᬲᬶᬦ᭄᭞ᬧᬦ᭄ᬤᬸᬲᬂᬬᬩᬳᬦ᭄ᬢᬸᬢᬸᬃ᭞ᬤᬓᬶᬦ᭄ᬓᭂᬦᭂᬳᬾᬳᬧᬂᬓᭂᬤᬲ᭄᭞ᬩᬶᬱᬬᬂᬤᬶᬢᬸᬗᬶᬗᭂ
ᬦᬶᬦ᭄᭞ᬤᬸᬯᭂᬕ᭄ᬦᬯᬸᬢ᭄᭞ᬦᬵᬗᬶᬂᬩᬶᬱᬫᬫᭂᬮᭀᬓᬂ᭚ᬲᬂᬳ᭄ᬬᬂᬮᬸᬧᬫᬗᬯ᭠ᬰ᭞ᬗᬶᬩᭂᬓᬶᬦ᭄ᬪᬸᬯᬦᬳᬮᬶᬢ᭄᭞ᬧᬦᬯᬗᬾᬲᬸᬯᬸᬤ᭄ᬦᬯᬂ᭞ᬩᬸᬤ᭄ᬥᬶᬦᬾᬲᬸᬯᬸᬤ᭄ᬫᬩᬸᬤ᭄ᬥᬶ᭞

[᭑᭗ 17 A]
ᬳᬗ᭄ᬓᬲᬸᬯᬸᬤ᭄ᬗᬓᬸᬯᬶᬦ᭄᭞ᬫᬦᬳᬾᬫᬫᬦᬄᬢᬓᬸᬢ᭄᭞ᬧᬥᬚᭂᬚᭂᬄᬭᬶᬂᬳ᭄ᬬᬂᬮᬸᬧ᭞ᬳᭂᬜ᭄ᬘᭂᬧ᭄ᬦᭂᬗᬶᬮ᭄ᬓᬤᬶᬫᬵᬢᬶ᭞ᬲᬓ᭄ᬱᬢ᭄ᬧᬗ᭄ᬕᬸᬄ᭞ᬧᬧᬶᬡ᭄ᬥᬦ᭄ᬳ᭄ᬬᬂᬢᬦ᭄ᬧᬳᬯᬓ᭄᭚ᬕᬢ᭄ᬭᬲᬓᬶᬂ
ᬲᬂᬯᬸᬲ᭄ᬯᬶᬓᬦ᭄᭞ᬯᬢᭂᬓ᭄ᬲᬂᬉᬢ᭄ᬢᬫᬩᬸᬤ᭄ᬥᬶ᭞ᬯᬦ᭄ᬢᬄᬲᬂᬳᬦ᭄ᬢᭂᬂᬫᬮᬚᬄ᭞ᬕᬮᬶᬢᬶᬓ᭄ᬲᬂᬢᬦ᭄ᬧᭂᬕᬢ᭄ᬲᬳᬶ᭞ᬫᬶᬢ᭄ᬩᬶᬢ᭄ᬳᬸᬡ᭄ᬥᬸᬓ᭄ᬚ᭄ᬭᭀᬦᬶᬗᬢᬶ᭞ᬫᬓᬦ᭄ᬢᬶᬭᬶᬂᬰᬲ᭄ᬢ᭄ᬭᬢᬸᬢᬸᬃ᭞ᬯᬶᬭᬾᬄᬧᬯᬭᬄᬲᬂᬧ᭄ᬭ
ᬚ᭄ᬜᬦ᭄᭞ᬧᬸᬦᬶᬓᬲᬶᬦᬄᬫᬫᬗ᭄ᬕᬶᬄ᭞ᬭᬳᬲ᭄ᬬᬦᬶᬧᬸᬦ᭄᭞ᬳᬶᬲᬸᬓᬤᬸᬳ᭄ᬓᬧᬸᬦᬶᬓ᭚ᬓᭀᬘᬧ᭄ᬚᬢᬶᬦ᭄ᬜᬧᬸᬦᬶᬓ᭞ᬫᬵᬯᬓ᭄ᬓᬸᬮᬶᬢ᭄ᬫᬗᬧᬸᬢᬶᬦ᭄᭞ᬓᬤᬶᬧᬦ᭄ᬢᬸᬦᬾᬫᬫᭂᬤᬂ᭞ᬬ
ᬦ᭄ᬲᬳᬸᬧ᭄ᬢᬦ᭄ᬢᬓᬸᬢ᭄ᬕᭂᬦᬶᬢ᭄᭞ᬢᭂᬩᬸᬓᬼᬲᬸᬂᬮᬯᬸᬢ᭄ᬳᬧᬶᬦᬶᬦ᭄᭞ᬩᭂᬭᬲ᭄ᬕᬮᬶᬄ᭠ᬓᭂᬦᬶᬓᬤᬸᬭᬸᬲ᭄᭞ᬦᬵᬗ᭄ᬳᬶᬂᬫᬸᬯᬸᬓᬶᬸᬓᬶᬸᬓ᭄ᬲᬸᬓᬤᬸᬄᬓ᭞ᬫᬗ᭄ᬥᬮᬦ᭄ᬤᬸᬳᬾᬓᬧᬗ᭄ᬕᬶᬄ᭞ᬳ