[᭑᭘ 18B]
᭑᭘᭟
ᬦ᭄ᬮᭂᬩᬸᬃ᭞ᬢᬶᬩᬭᬶᬂᬓᬯᬄᬕᭀᬫᬸᬓ᭟᭜᭟ᬬᬦᬶᬤᬾᬯᬤᬸᬭᬸᬲᬶᬘ᭞ᬳᬧᬂᬢᬶᬢ᭄ᬬᬂᬫᬫᬜ᭄ᬚᬓᬶᬦ᭄᭞ᬤ᭄ᬬᬲ᭄ᬢᬸᬓᬢᬸᬢᬸᬕᬦ᭄ᬤᬶᬚᬮᬦ᭄᭞ᬢᬶᬢ᭄ᬬᬂᬫᬗᭂᬫᬲᬶᬦ᭄ᬫᬢᬶ᭞ᬬᬦᬶᬤᬾᬯᬓᬭᬶᬉᬭᬶᬧ᭄᭞ᬓᬾᬯᬦ᭄ᬢᭂᬦ᭄ᬲᭂᬧ
ᬳᬾᬭᬢᬸ᭞ᬧᬸᬦᬶᬓᬧᬫᬶᬢᬂᬢᬶᬢ᭄ᬬᬂ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬲᬗᬸᬫᬵᬢᬶ᭞ᬳᬗ᭄ᬕᬾᬦ᭄ᬭᬸᬭᬸᬩ᭄᭞ᬮᬸᬗ᭄ᬲᬸᬭᬦ᭄ᬲᬶᬜ᭄ᬚᬗᬾᬤᬾᬯ᭟᭜᭟ᬢᬗᬦᬾᬭᬸᬲᬸᬄᬗᬸᬭᬾᬧᬾ᭞ᬲᬫ᭄ᬩᬶᬮ᭄ᬤᬦᬾᬗᬭᬲ᭄ᬧᬶᬧᬶ᭞ᬳᬶᬲᬾᬯᬕᬢᬶᬦᬫ᭄ᬧᭀᬓᬂ᭞ᬭ
ᬭᬶᬲ᭄ᬤᬦᬾᬫᬦᬫ᭄ᬩᬓᬶᬦ᭄᭞ᬳᬶᬭᬵᬢ᭄ᬦᬲ᭄ᬫᬭᬫᬦᬗ᭄ᬓᬶᬲᬶᬦ᭄᭞ᬕᬺᬢᬦ᭄ᬫᬗᬸᬓᬸᬢᬸᬓᬸᬢ᭄᭞ᬲᬃᬯ᭄ᬯᬶᬜᬧᭂᬲ᭄ᬧᬬᭀᬥᬭ᭞ᬳᬗ᭄ᬕᬦᬾᬗᬸᬲᬸᬤ᭄ᬫᬗ᭄ᬮᬸᬓᬭᬶᬦ᭄᭞ᬓᭂᬦᬾᬂᬫᬸᬲᬸᬄ᭞ᬳᬾᬗ᭄ᬕᬮᬂᬩᬓᬢ᭄ᬲ᭄ᬮᬶᬫ᭄ᬧᬶᬢ᭄᭟᭜᭟ᬫ
ᬲᬶᬄᬓᬮᬸᬓᬭᬶᬦ᭄ᬯᬲ᭄ᬢ᭄ᬭ᭞ᬳᬶᬓᭂᬢᬸᬢ᭄ᬲᬾᬧᬦᬦ᭄ᬫᬗ᭄ᬓᬶᬦ᭄᭞ᬤᬤᬶᬓᬲᭀᬭᬦ᭄ᬧᬬᬸᬤ᭄ᬟ᭞ᬩᭂᬥᬄᬓᬓ᭄ᬯᬦᬾᬫᬗ᭄ᬭᬜ᭄ᬚᬶᬂ᭞ᬳᬶᬲᬾᬯᬕᬢᬶᬗ᭄ᬮᬶᬂᬳᬭᬶᬲ᭄᭞ᬍᬲᬸᬭᬹᬧᬦᬾᬩᬸᬓᬤᬯᬸᬢ᭄᭞ᬩᬦ᭄ᬫᬾᬮᬶᬂᬢᭂᬓᬾᬦ᭄ᬭᬵᬕ᭞ᬳᬶᬭᬵ
[᭑᭙ 19A]
ᬢ᭄ᬦᬲ᭄ᬫᬭᬫᬗᬩᬶᬦ᭄᭞ᬥᬸᬄᬫᬵᬲ᭄ᬭᬢᬸ᭞ᬳᬾᬮᬶᬂᬓᬸᬤᬚᬶᬯᬳᬶᬫᬶᬭᬄ᭟᭜᭟ᬬᬦᬶᬤᬾᬯᬤᬸᬭᬸᬲ᭄ᬧᭂᬚᬄ᭞ᬢᬶᬢ᭄ᬬᬂᬢᬦ᭄ᬤᭀᬄᬫᬗᬶᬭᬶᬂ᭞ᬦᬤ᭄ᬬᬦᬫᬗ᭄ᬕᬶᬄᬲᬗ᭄ᬲᬭ᭞ᬳᬗ᭄ᬕᬾᬦ᭄ᬓᬸᬦ᭄ᬤᬂᬚᬸᬭᬸᬳᬶᬭᬶᬂ᭞ᬦᬤ᭄ᬬᬦ᭄ᬓᬍ
ᬲᬸᬤᬶᬫᬃᬕ᭄ᬕᬶ᭞ᬢᬶᬢ᭄ᬬᬂᬫᬜᭀᬗ᭄ᬲᭀᬂᬳᬶᬭᬢᬸ᭞ᬫᬗᬸᬗ᭄ᬲᬶᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬦ᭄᭞ᬢᬶᬢ᭄ᬬᬂᬢᬦ᭄ᬤᭀᬄᬗᬶᬭᬶᬂᬳᬶᬕᬸᬲ᭄ᬢᬶ᭞ᬦᬤ᭄ᬬᬦ᭄ᬮᭂᬩᬸᬃ᭞ᬭᬶᬂᬓᬯᬄᬘᬫ᭄ᬩ᭄ᬭᬕᭀᬫᬸᬓ᭟᭜᭟ᬳᬶᬫᬸᬥᬮᬭᬦᬸᬕᬤᬕ᭄᭞ᬓᬧᬸᬧᬸᬗᬦ᭄ᬮᬯᬸᬢ᭄ᬫ
ᬢᬗᬶ᭞ᬦᬸᬦ᭄ᬤᬸᬦ᭄ᬭᭀᬯᬗᬾᬫᬓᭂᬚᬂ᭞ᬳᬶᬲᬾᬯᬕᬢᬶᬫᬗᬮᬳᬶᬦ᭄᭞ᬳᬧᬦᬾᬢᭀᬗᭀᬲᬶᬦ᭄ᬤᬶᬦᬶ᭞ᬧᬚᬮ᭄ᬯᬢ᭄ᬧᬥᬩᬗᬸᬦ᭄᭞ᬧᬕ᭄ᬭᬸᬤᬸᬕ᭄ᬭᬭᬶᬧᭂᬲ᭄ᬯᬦ᭄᭞ᬚᭂᬫᬓ᭄ᬚᬭᬦᬾᬓᬢᬶᬕ᭄ᬢᬶᬕ᭄᭞ᬗᬧᬾᬃᬦᭀᬗ᭄ᬓᭂᬮᬂ
ᬕᭀᬦ᭄ᬤᭀᬗᬾᬩᬓᬢ᭄ᬓᬧᬾᬭ᭟᭜᭟ᬮᬯᬸᬢᭂᬩᬄᬫᬦᬸᬗ᭄ᬓᬬᬓ᭄᭞ᬳᬶᬫᬸᬥᬮᬭᬗ᭠ᬚᭂᬗᬶᬢ᭄᭞ᬭᬭᬶᬲ᭄ᬤᬦᬾᬧᬧᭂᬢᭂᬗᬦ᭄᭞ᬭᭀᬯᬗᬾᬲᬫᬶᬫᬜᬕ᭄ᬚᬕᬶᬦ᭄᭞ᬓᬤᬾᬦ᭄ᬩᬓᬮ᭄ᬫᬦᬸᬮᬸᬗᬶᬦ᭄᭞ᬓᭂᬤᬾ
Kaca:Bali-lontar-gaguritan-sewagati-300ppi.pdf/19
Kaca puniki sampun kauji-wacén
