Kaca:Bali-lontar-gaguritan-sewagati-300ppi.pdf/18

Saking Wikisource
Kaca puniki sampun kauji-wacén

[᭑᭗ 17B]
᭑᭗᭟
ᬗ᭄ᬕᬶᬄᬲ᭄ᬯᬃᬕ᭄ᬕᬮᭀᬓ᭟᭜᭟ᬓᭀᬘᬧᬦᬶᬭᬵᬢ᭄ᬦᬲ᭄ᬫᬭ᭞ᬫᬓᬶᬭᬾᬧᬘᬂᬫᬫᬃᬕ᭄ᬕᬶ᭞ᬳᭂᬦ᭄ᬢᭀᬦᬾᬲᬥ᭄ᬬᬬᬂᬩ᭄ᬬᬂ᭞ᬦᬤ᭄ᬬᬦ᭄ᬤᬾᬯᬫᬗ᭄ᬕᬶᬄᬧᬢᬶ᭞ᬗᭂᬫᬲᬶᬦ᭄ᬲᬧᬸᬦᬶᬓᬶ᭞ᬩ᭄ᬬᬂᬢᬦ᭄ᬤᭀᬄᬧᬘᬂᬍᬩᬸᬃ᭞ᬦᬤ᭄ᬬᬦ᭄ᬫᬫᬗ᭄ᬕᬶᬄᬲ᭄ᬯᬃᬕ᭄ᬕ᭞
ᬫᬗᬮᬶᬄᬳᬶᬲᬾᬯᬕᬢᬶ᭞ᬳᬗ᭄ᬕᬾᬦ᭄ᬧᬦᬸᬦ᭄ᬢᬸᬦ᭄᭞ᬲᬵᬫ᭄ᬧᬸᬦ᭄ᬓᬶᬭᬂᬧᬭᬶᬬᬢ᭄ᬦ᭟᭜᭟ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭞ᬲᬵᬫ᭄ᬧᬸᬦ᭄ᬤᬦᬾᬤᭀᬄᬤᬶᬫᬃᬕ᭄ᬕᬶ᭞ᬢᬦ᭄ᬘᬭᬶᬢᬤᬦᬾᬤᬶᬫᬃᬕ᭄ᬕ᭞ᬭᬯᬸᬄᬬᬤᬶᬢᬜ᭄ᬚᬸᬂᬲᬭᬶ᭞ᬫᬦ᭄ᬤᭂᬕ᭄ᬮ
ᬫ᭄ᬧᬳᬾᬫᬗ᭄ᬓᬶᬦ᭄᭞ᬳᬶᬭᬵᬢ᭄ᬦᬲ᭄ᬫᬭᬫᬗ᭄ᬭᬦ᭄ᬢᬸᬦ᭄᭞ᬤᬶᬯᬗᬦᬶᬤᬸᬓᬸᬄᬳᭂᬫᬵᬲ᭄᭞ᬤᬾᬦᬶᬂᬓᬸᬭᬶᬦᬾᬫᬓᬜ᭄ᬘᬶᬂ᭞ᬲᬶᬋᬧ᭄ᬲᬵᬫ᭄ᬧᬸᬦ᭄᭞ᬫᬓᭂᬚᬂᬧᬥᬳᬢᬸᬭ᭄ᬯ᭟᭜᭟ᬮᬯᬸᬢ᭄ᬫᬗ᭄ᬮᭂᬓᬲ᭄ᬯᬶᬰᬾᬱ᭞ᬫᬗ᭄ᬭᬡᬰᬶᬓᬳᬫᬸᬱ᭄ᬝᬶ᭞ᬫ
ᬗᬶᬦᭂᬩᬶᬦ᭄ᬧᬜ᭄ᬢᭀᬦ᭄ᬤ᭄ᬭᬶᬬ᭞ᬩ᭄ᬭᬵᬳ᭄ᬫᬯᬶᬱ᭄ᬡᬸᬫᬶᬦᬓᬓᬸᬭᬶ᭞ᬇᬰ᭄ᬯᬭᬫᬶᬦᬓᬓᬜ᭄ᬘᬶᬂ᭞ᬲᬂᬳ᭄ᬬᬂᬢᬸᬗ᭄ᬕᬮ᭄ᬮᬸ᭠ᬫᬓᬸ᭞ᬚᬸᬫᭂᬦᭂᬓ᭄ᬫᬶᬦᬓᬭᬵᬕ᭞ᬲᬂᬳ᭄ᬬᬂᬩᬬᬸᬫᬗ᭄ᬯᬦᬾᬦᬶᬦ᭄᭞ᬯᬸᬲ᭄ᬭᬶᬦᬗ᭄ᬲᬸᬓ᭄᭞ᬫᬦᭂᬩᬄᬮᬯᬂᬧᬶᬂᬢᬶᬕ᭟᭜᭟
[᭑᭘ 18A]
ᬭᬭᬶᬲ᭄ᬫᬗᬳᬶᬓᬂᬮᬯᬂ᭞ᬳᬶᬭᬵᬢ᭄ᬦᬲ᭄ᬫᬭᬫᬗ᭄ᬭᬭᬶᬲ᭄᭞ᬫᬜᭀᬕ᭄ᬚᭀᬕ᭄ᬭᬭᬶᬲ᭄ᬫᭂᬦᬾᬓᬦ᭄᭞ᬩᬸᬓᬧᬶᬢᬸᬤᬸᬳᬶᬂᬯᬶᬥᬶ᭞ᬜᭀᬗ᭄ᬓᭀᬓ᭄ᬭᬶᬂᬩᬮᬾᬧᬧ᭄ᬮᬶᬓ᭄᭞ᬫᬲᬶᬫ᭄ᬩᬗᬦ᭄‌ᬬᬫᬚᬸᬚᬸᬓ᭞ᬫᬗ᭄ᬯᬗ᭄ᬲᬶᬢ᭄ᬩᬦ᭄ᬢᭂ᭠
ᬗ᭄ᬭᬦ᭄᭞ᬓᬢᭀᬦᬂᬢᬾᬚᬦᬾᬗᭂᬦ᭄ᬤᬶᬄ᭞ᬧᭂᬦᭂᬤᬶᬂᬩᬸᬗ᭄ᬓᬸᬂ᭞ᬓᬤᬶᬰᬰᬗ᭄ᬓᬧᬹᬃᬡ᭄ᬦᬫ᭟᭜᭟ᬳᬶᬲᬾᬯᬕᬢᬶᬫᬜᬶᬗᬓ᭄᭞ᬭᬭᬶᬲ᭄ᬤᬦᬾᬫᬗ᭄ᬯᬗ᭄ᬲᬶᬢᬶᬦ᭄᭞ᬳᬶᬭᬵᬢ᭄ᬦᬲ᭄ᬫᬭᬲᬳᬲ᭞ᬭᬭᬶᬲ᭄ᬤᬦᬾᬜᬗ᭄ᬓᭀᬮ᭄ᬗᬩᬶ
ᬦ᭄᭞ᬳᬶᬲᬾᬯᬕᬢᬶᬦᬫ᭄ᬩᬓᬶᬦ᭄᭞ᬢᬦ᭄ᬲᬄᬫᬦᬫ᭄ᬧ᭄ᬮᬓ᭄ᬫᬜᬶᬗ᭄ᬕᬸᬓ᭄᭞ᬫᬗᬶᬫ᭄ᬧᭂᬓ᭄ᬲᬫ᭄ᬩᬶᬮᬂᬗᬲ᭄ᬕᬲ᭄᭞ᬳᬶᬭᬵᬢ᭄ᬦᬲ᭄ᬫᬭᬗᬸᬭᬶᬲᬶᬓ᭄᭞ᬲᬭᬓᬬᬸᬦ᭄᭞ᬳᬶᬫᬶᬭᬄᬫᬗᬲ᭄ᬕᬲ᭄ᬢᬶᬢ᭄ᬬᬂ᭟᭜᭟ᬧᬜ᭄ᬚᬓᬂᬓᬸᬤᬢᬶ
ᬢ᭄ᬬᬂ᭞ᬯᭀᬂᬰᬸᬤ᭄ᬭᬧᬵᬧᬓᬲᬶᬲᬶ᭞ᬳᬗ᭄ᬕᬾᬦᬶᬤᬾᬯᬧᬗᬬᬄ᭞ᬳᬗ᭄ᬕᬾᬦ᭄ᬓᬸᬦ᭄ᬤᬂᬚᬸᬭᬸᬳᬶᬭᬶᬂ᭞ᬢᬶᬢ᭄ᬬᬂᬯᬦ᭄ᬢᬄᬲᬳᬶᬭᬶᬂ᭞ᬲᬧᬭᬦᬾᬢᬶᬢ᭄ᬬᬂᬢᬸᬫᬹᬢ᭄᭞ᬦᬤ᭄ᬬᬦ᭄ᬦᭂᬫᬸᬚᭂᬮᬾᬫᭂᬮᬄ᭞ᬢᬶᬢ᭄ᬬᬂᬯᬦ᭄ᬢᬄᬲᬳᬶᬭᬶᬂ᭞ᬦᬤ᭄ᬬ