[᭑᭕ 15B]
᭑᭕᭟
ᬫᬳᬶᬦᭂᬧᬦ᭄᭞ᬫᬦᬶᬧᬮᬶᬫᬸᬦᬦ᭄ᬫᬃᬕ᭄ᬕᬶ᭞ᬲᬫᬶᬫᬵᬢᬸᬃ᭞ᬧᬥᬦᬸᬯᬸᬢ᭄ᬧᬳᬶᬦᭂᬧᬦ᭄᭟᭜᭟ᬳᬶᬤᬸ᭠ᬓᬸᬄᬫᬵᬲ᭄ᬫᬘᬯᬶᬲᬦ᭄᭞ᬫᬗ᭄ᬮᭂᬩᭂᬗᬂᬤᬭᬂᬦᬲᬶ᭞ᬳᬾᬧᭀᬢ᭄ᬤᬦᬾᬦᬸᬦᬸᬳᬬᬫ᭄᭞ᬩᬓᬮ᭄ᬲᬫ᭄ᬩᭂᬮᬾᬘᬸᬫᬯᬶᬲ᭄᭞ᬓᬲᬸ
ᬦᬢᬩ᭄ᬬᬓ᭄ᬭᬶᬜᬶ᭞ᬩᬯᬂᬢ᭄ᬭᬲᬶᬮᬦ᭄ᬘᭂᬓᬸᬄ᭞ᬭᬭᬶᬲ᭄ᬜᭂᬫᬓ᭄ᬧᬗᭀᬭᬾᬗᬦ᭄᭞ᬳᬗ᭄ᬕᭀᬦ᭄ᬗᭀᬭᬾᬂᬲᬫ᭄ᬩᭂᬮ᭄ᬢᬗ᭄ᬓᬶᬄ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬲᬾᬯᬫᬭᬶᬓᭀᬘᬧᬦ᭄᭟᭜᭟ᬳᬶᬲᬾᬯᬫ᭄ᬩᬭᬫᬫᬘ᭞ᬳᬶᬲᬾᬯᬕᬢᬶᬫᬲᬦᬶ
ᬦ᭄᭞ᬫᬗᭂᬃᬣᬫᬗᬕᭂᬫ᭄ᬰᬲ᭄ᬢ᭄ᬭ᭞ᬢ᭄ᬯᬭᬳᬶᬯᬂᬩᭂᬲᬶᬓ᭄ᬩᭂᬲᬶᬓ᭄᭞ᬳᬶᬫᬸᬥᬮᬭᬬᬓᭂᬜᬶᬂ᭞ᬦᬶᬗᭂᬄᬲ᭄ᬯᬭᬦᬾᬳᬶᬓᭂᬢᬸᬢ᭄᭞ᬫᬧᭂᬢᬢᭂᬓᬾᬦ᭄ᬭᭀᬯᬗ᭞ᬢ᭄ᬯᬄᬳᬦᬓᬬᬸᬮ᭄ᬯᬶᬄ᭞ᬬᬾᬦ᭄ᬲᬶᬤᬸᬭᬸᬲ᭄᭞ᬳᬶᬕᭂᬥᬾᬧᬘᬂᬫᬜᬶᬗᬮ᭄᭟
᭐᭟ᬓᬓᬦ᭄ᬢᬾᬦᬦᬾᬳᬗᬸᬘᬧ᭄᭞ᬢ᭄ᬯᬄᬳᭂᬦ᭄ᬢᭀᬦᬾᬦᬾᬢᬦ᭄ᬫᬭᬶ᭞ᬳᬶᬕᭂᬥᬾᬢ᭄ᬯᬄᬲᬥ᭄ᬬᬧᬶᬲᬦ᭄᭞ᬳᬶᬫᬸᬥᬮᬭᬜᬯᬸᬭᬶᬦ᭄᭞ᬫᬗᬸᬤᬢ᭄ᬯᬭᬓᬧᬗ᭄ᬕᬶᬄ᭞ᬓᬮᬶᬂᬚᬦᬶᬲᬸᬩᬧᬸᬧᬸᬢ᭄᭞ᬲᬸᬩᬧᬳᭂᬓ᭄ᬧᬩᬸᬜ᭄ᬘᬶᬗᬦ᭄᭞
[᭑᭖ 16A]
ᬩ᭄ᬯᬶᬦ᭄ᬧᬶᬢᬸᬂᬤᬶᬦᬚᬦᬶ᭞ᬤᬶᬓᬧᬶᬢᬸ᭞ᬘᭀᬫᬉᬫᬦᬶᬲ᭄ᬢᬗ᭄ᬕᬮ᭄ᬧᬶᬂᬢᬶ᭟᭜᭟ᬳᬥᬸᬄᬫᬵᬲ᭄ᬩᬯᬸᬲᬦ᭄᭞ᬢᬶᬢ᭄ᬬᬂᬫᬜᬯᬶᬲᬂᬕᬸᬲ᭄ᬢᬶ᭞ᬫᬗ᭄ᬭᬭᬶᬲ᭄ᬕᬸᬲ᭄ᬢᬶᬫᬸᬮ᭄ᬬᬦ᭄᭞ᬗᬯᬸᬓᬶᬦᬶᬲᬾᬯᬕᬢᬶ᭞ᬳᬶᬓᭂᬢᬸᬢ᭄ᬫᬲᬕᬶᬦᬾ᭠
ᬫᬗ᭄ᬓᬶᬦ᭄᭞ᬳᬸᬲᬦᬶᬤᬾᬯᬫᬓᬶᬤᬸᬂ᭞ᬕᬕᬾᬮᬦᬶᬤᬾᬯᬦᬾᬤᬶᬯᬂ᭞ᬫᭂᬤᬮᬶᬕᬸᬲ᭄ᬢᬶᬫᬵᬲ᭄ᬫᬶᬭᬄ᭞ᬳᬚᬓ᭄ᬢᬫ᭄ᬬᬸ᭞ᬤᬦᬾᬗᬦ᭄ᬢ᭄ᬬᬂᬫᬓᭂᬚᬂ᭟᭜᭟ᬳᬶᬲᬾᬯᬕᬢᬶᬳᬗᬸᬘᬧ᭄᭞ᬳᭂᬤᬫᬾᬫᬾᬮᬜ᭄ᬘᬂᬩᬗ᭄ᬕᬶ᭞ᬢ᭄ᬯᬭᬢᬶ
ᬢ᭄ᬬᬂᬗᭂᬮᬄᬕᬕᬾᬮᬦ᭄᭞ᬳᬤᬩᬸᬲᬾᬢᬧᬳᬓ᭄ᬫᬳᬶ᭞ᬓᭂᬫᭀᬫᬾᬫᬾᬚᬫᬲᬕᬶ᭞ᬳᭂᬤᬫᬾᬫᬾᬗᬶᬫᬸᬭᬶᬫᬸᬃ᭞ᬓᭂᬦᭂᬄᬢᬶᬢ᭄ᬬᬂᬢ᭄ᬯᬭᬫᭂᬮᬄ᭞ᬳᬶᬤᬸᬓᬸᬄᬫᬵᬲ᭄ᬜᬯᬸᬭᬶᬦ᭄᭞ᬕᬦ᭄ᬢᬶᬦ᭄ᬮᬘᬸᬃ᭞ᬓᬢᬸᬗ᭄ᬕᬮᬶᬦ᭄ᬢᬦᬾᬪᬕ᭄ᬬ
᭟᭜᭟ᬫᬲᬯᬸᬃᬳᬶᬲᬾᬯᬫ᭄ᬩᬭ᭞ᬫᬾᬫᬾᬤᭂᬫᭂᬦ᭄ᬧᬤᬶᬤᬶᬳᬶᬦ᭄᭞ᬳᭂᬤᬚᬦᬶᬗᬶᬢᬸᬂᬢᬸᬬᬸᬄ᭞ᬳ᭠ᬬᬳᬶᬦ᭄ᬓᭂᬦᭂᬂᬓᭂᬦᭂᬗᬶᬦ᭄᭞ᬳᬶᬓᭂᬢᬸᬢ᭄ᬢ᭄ᬯᬭᬲᬳᬶᬭᬶᬂ᭞ᬳᭂᬤᬓᬾᬜᬫ᭄ᬩᬢᬶᬓᭂᬢᬸᬢ᭄᭞ᬤᬦᬾᬳᬚᬓ᭄ᬢᬶᬢ᭄ᬬᬂᬫᬫ
Kaca:Bali-lontar-gaguritan-sewagati-300ppi.pdf/16
Kaca puniki sampun kauji-wacén
