Kaca:Bali-lontar-gaguritan-sewagati-300ppi.pdf/15

Kaca puniki sampun kauji-wacén

[᭑᭔ 14B]
᭑᭔᭟
ᬥᬸᬓ᭄ᬲᬫ᭄ᬩᬦᬾᬫᬗ᭄ᬮᬓ᭄ᬱᬡ᭞ᬫᬜᬮᬦᬂᬤᭂᬫᭂᬦ᭄ᬳᬢᬶ᭞ᬫᬮᬶᬂᬢᬢᬕᭀᬦ᭄ᬲᬂᬪᭀᬫ᭞ᬗᬭᬦ᭄ᬤᬾᬯᬷᬅᬚ᭄ᬜᬵᬯᬢᬶ᭞ᬓᬋᬩᬸᬢ᭄ᬤᬾᬦᬶᬂᬬᬓ᭄ᬱᬶ᭞ᬤᬿᬢ᭄ᬬᬤᬦᬯᬦᬾᬳᬶᬓᬸ᭞ᬲᬂᬲᬫ᭄ᬩᬢᬶᬦ᭄ᬤᬶᬄᬓᬤᬷᬭᬦ᭄᭞
ᬩᬸᬓᬢ᭄ᬯᬭᬫᬗᬶᬗ᭄ᬲᬶᬭᬶᬦ᭄᭞ᬢ᭄ᬯᬭᬓᬾᬗ᭄ᬕᬸᬄ᭞ᬭᬶᬂᬪᬬᬧᬢᬶᬅᬦ᭄ᬢᬓ᭟᭜᭟ᬲᬧᬸᬦᬶᬓᬫᬸᬜᬶᬦ᭄ᬲᬸᬭᬵᬢ᭄᭞ᬢᬢᬲ᭄ᬯᬶᬦᬘᬭᬶᬂᬳᬢᬶ᭞ᬳᬶᬭᬵᬢ᭄ᬦᬲ᭄ᬫᬭᬓᬗᭂᬦ᭄ᬩᭂᬗᭀᬂ᭟ᬲᭂᬫᬸᬦᬾᬩᬸᬓᬲᭂᬫᭀ
ᬦᬶᬦ᭄᭞ᬢᬸᬮᬶᬲᬾᬫᬜᭂᬫᭀᬦᬶᬦ᭄᭞ᬭᬲᬭᬲᬳᬦ᭄ᬢᬸᬓᬶᬧᬸᬦ᭄᭞ᬤᬶᬚᬳᭂᬦᬾᬢᭀᬗᭀᬲᬂ᭞ᬢ᭄ᬯᬭᬮᬓ᭄ᬱᬡᬦ᭄ᬚᬮᬦᬶᬦ᭄᭞ᬦᬕᬶᬄᬳᬶᬤᬸᬧ᭄᭞ᬩᬸᬤ᭄ᬟᬶᬦᬧᭂᬢ᭄ᬲᬸᬩᬳᬤ᭟᭜᭟ᬲᬵᬫ᭄ᬧᬸ
ᬦ᭄ᬭᬲᬬᬂᬭᬶᬂᬘᬶᬢ᭞ᬧᬕᬸᬯᬾᬄᬧᬥᬧᬥᬧᬓ᭄ᬭᬶᬓ᭄᭞ᬲᬕᬺᬳᬦ᭄ᬤᬦᬾᬫᬚᬮᬦ᭄᭞ᬳᬶᬫᬸᬥᬮᬭᬦᬸᬢᬸᬢᬶᬦ᭄᭞ᬓᬸᬫᬄᬫᬢ᭄ᬯᬦᬾᬜᬦ᭄ᬢᭀᬲᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬓᬦ᭄ᬢᬾᬦᬦᬾᬗᬢᭂᬳᬂ᭞ᬳᬶᬫᬸᬥᬮᬭᬦᬸᬢᬸᬢᬶᬦ᭄᭞
[᭑᭕ 15A]
ᬲᬵᬫ᭄ᬧᬸᬦ᭄ᬭᬯᬸᬄᬢᭂᬗᬳᬶᬂᬫᬃᬕ᭄ᬕᬶ᭞ᬭᬭᬶᬲ᭄ᬫᬢᬓᬾᬦ᭄᭞ᬭᬶᬂᬫᬢ᭄ᬯᬦᬾᬧᬸᬦᬶᬓ᭟᭜᭟ᬫᬜᭀᬕ᭄ᬚᭀᬕ᭄ᬭᬭᬶᬲ᭄ᬫᬦᭂᬕᬓ᭄᭞ᬳᬚᬓᬓᬦᬾᬦᬸᬢᬸᬢᬶᬦ᭄᭞ᬳᬶᬤᬸᬓᬸᬄᬫᬵᬲ᭄ᬤᬦᬾᬚᬸᬫᬄ᭞ᬫᬜᬧᬫᬸᬜᬶᬦᬾ
ᬫᬦᬶᬲ᭄᭞ᬳᬶᬕᭂᬥᬾᬯᬯᬧ᭄ᬭᬧ᭄ᬢᬶ᭞ᬳᬶᬫᬸᬥᬮᬭᬲᬸᬫᬯᬸᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬩ᭄ᬬᬂ᭞ᬳᬶᬤᬸᬓᬸᬄᬫᬵᬲ᭄ᬫᬜᬯᬸᬭᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬦᬶᬓᬶᬳᭂᬜᬾᬦ᭄ᬤᬦᬾᬧᬥ᭟᭜᭟ᬫᬲᬯᬸᬢᬶᬫᬸᬥᬮᬭ᭞ᬦᬶᬓᬶᬜᬫᬦ᭄ᬢᬶ
ᬢ᭄ᬬᬗᬾᬲᬫᬶ᭞ᬢᬶᬢ᭄ᬬᬂᬗᬦ᭄ᬢ᭄ᬬᬂᬫᬓᭂᬚᬂ᭞ᬧᬦ᭄ᬢᬸᬦ᭄ᬩ᭄ᬬᬗᬾᬤᬶᬘᬭᬶᬓ᭄᭞ᬧᭂᬢᭂᬗᬾᬦᬾᬦᬾᬫᬗ᭄ᬓᬶᬦ᭄᭞ᬩ᭄ᬬᬂᬫᬗᬸᬗ᭄ᬲᬶᬤᬬᬸᬄ᭞ᬤᬾᬦᬶᬂᬕᬮᬂᬯᬸᬮᬦ᭄ᬫᭂᬮᬄ᭞ᬳᬶᬤᬸᬓᬸᬄᬫᬵᬲ᭄ᬫᬜᬯᬸᬭᬶᬦ᭄᭞ᬲᬵᬫ᭄ᬧᬸᬦᬂᬢᬸᬬᬸᬄ᭞ᬳᬶᬕ᭄ᬟᬾ
ᬳᭂᬤᬫᬕᬥᬂ᭟᭜᭟ᬩᬾᬜ᭄ᬚᬂᬧᬲᭂᬫᭂᬗᬦ᭄᭞ᬲᬫᭂᬢᭀᬦ᭄ᬕᭂᬥᬾᬦᬾᬲᬫᬶ᭞ᬤᬶᬦᬶᬳᬚ᭠ᬓ᭄ᬫᬶᬦᬶᬧᬦ᭄᭞ᬳᬶᬫᬸᬥᬮᬭᬜᬯᬸᬭᬶᬦ᭄᭞ᬳᬶᬫᬸᬥᬮᬭᬲᬳᬶᬭᬶᬂ᭞ᬩᭂᬮᬶᬧᬥᬲᬵᬫ᭄ᬧᬸᬦ᭄ᬫᬦᬦ᭄ᬢᬸᬓ᭄᭞ᬤᬶᬦᬶᬧᬥ