Kaca:Bali-lontar-gaguritan-semaun-300ppi.pdf/58

Saking Wikisource
Kaca puniki sampun kauji-wacén

[᭕᭗ 57B]
᭕᭗
ᬓᬶᬯᬸᬲ᭄ᬢᬢᬄ᭞ᬤᬾᬦᬶᬭᬧᬘᬓ᭄ᬩᬭᬶᬲ᭄᭞ᬕᭂᬦ᭄ᬢᬶᬓᬯᬃᬡ᭄ᬦᬳ᭞ᬯᬤ᭄ᬬᬩᬮᬦᬶᬂᬳᬭᬩ᭄᭞ᬲᬫᬗᬸᬦ᭄ᬲᬵᬫ᭄ᬧᬸᬦ᭄ᬫᬶᬬᬃᬱᬶ᭞ᬯᬤ᭄ᬬᬲᬗ᭄ᬳᬭ᭞ᬳᬫᬶᬬᭀᬲᬶᬗᬚᬸᬭᬶᬢ᭄᭟ᬰᬷᬖ᭄ᬭᬦᬶᬫ᭄ᬩᬂᬢᭂᬗᭂᬭᬦ᭄ᬩᭂᬦ᭄ᬤᬾᬲᬯᬸᬭᬦ᭄᭞ᬢᬫ᭄ᬩᬸᬃ
ᬲᬮᭀᬫ᭄ᬧ᭄ᬭᬾᬢ᭄ᬲᬸᬮᬶᬂ᭞ᬕᭀᬂᬧᬭᬸᬗ᭄ᬕᬸᬕᬗ᭄ᬰ᭞ᬢᭂᬢᭂᬓ᭄ᬓᬬᬸᬩᬸᬢᬸᬮ᭞ᬫᬶᬬᭀᬲᬶᬲᬕᬸᬗᬾᬩᬭᬶᬲ᭄᭞ᬫᬸᬦ᭄ᬳᬩ᭄ᬩᬮᬩᬃ᭞ᬩᬭᬶᬲᬓᬂᬢᬸᬭᬗ᭄ᬕᬶ᭟ᬯᬤ᭄ᬬᬳᬭᬩ᭄‌ᬳᬦᬾᬗᬶᬧᬸᬭᬷᬲᬤᬬ᭞ᬧ᭄ᬭᬂᬢᭀᬦ᭄ᬤᬲᬾᬦᬧ
ᬳᬶ᭞ᬬᬾᬦ᭄ᬫᬸᬓᬲᬶᬳᬶᬧᭂᬭᬂ᭞ᬮᬶᬦ᭄ᬢᬂᬯᬶᬧᬭᬩᬲᬄ᭞ᬲᬭᬓᬄᬲᬵᬫ᭄ᬧᬸᬦ᭄ᬫᬶᬭᬦ᭄ᬢᬶ᭞ᬯᬸᬲᬬᬸᬦᬬᬸᬦᬦ᭄᭞ᬯᬤ᭄ᬬᬳᬲ᭄ᬮᬫ᭄ᬲᬶᬢᬓᬧᬶᬃ᭟ᬤ᭄ᬬᬦ᭄ᬲᬫᬶᬗᬸᬦ᭄ᬧᬭᬾᬦ᭄ᬢᬳᬶᬭᬾᬂᬭᬡ᭞ᬩᬲᬲᬾᬋᬂᬗᬩᬦᬶ᭞ᬳᬦᭂᬫ᭄ᬧᬸᬳᬶ
ᬬᬸᬥ᭞ᬲᬫᬗᬸᬦ᭄ᬮᬦ᭄ᬲᬸᬭᬓᬄ᭞ᬲᬫᬶᬳᬗᬩᭂᬢ᭄ᬢᬸᬭᬗ᭄ᬕᬶ᭞ᬧ᭄ᬭᬧ᭄ᬢᬲᬫᬭᬦᬦ᭞ᬯ᭄ᬯᭀᬂᬓᬧᬶᬭᬗᬫᬹᬓ᭄ᬱᬫᬶ᭟ᬗᭀᬩ᭄ᬭᬓᬩ᭄ᬭᬶᬓ᭄ᬱᬫᬗᬸᬦ᭄ᬮᬯᬦ᭄ᬲᬸᬭᬓᬄ᭞ᬧᬗᬫᬹᬓᬶᬭᬳᬶᬂᬚᬸᬭᬶᬢ᭄᭞ᬢᬸᬯᬶᬦ᭄ᬧᬭᬩᬲᬄ᭞ᬢᬶ
[᭕᭘ 58A]
ᬢᬶᬲᬯᬤ᭄ᬬᬦ᭄ᬬ᭞ᬲᬶᬦᬭᬸᬓᬲᬶᬦ᭄ᬭᬂᬫᬵᬢᬶ᭞ᬓᬂᬧᬭᬭᬵᬚ᭞ᬲᬫᬗᬸᬦ᭄ᬲᬋᬗᬫᬹᬓᬶᬦ᭄᭟ᬩᬸᬩᬃᬮᬭᬸᬢ᭄ᬓᬗᬸᬭᬶᬧ᭄ᬲᬫᬶᬮᬸᬫᬚᬃ᭞ᬗᬸᬗ᭄ᬲᬶᬳᬸᬭᬶᬧ᭄ᬲᬗᬚᬶ᭞ᬓᬂᬧ᭄ᬚᬄᬕᬮᬲᬄ᭞ᬯᬗ᭄ᬓᬾᬲᬸᬲᬸᬦᬢᬸᬫ᭄ᬧᬂ᭞ᬭᬘᬓ᭄ᬭ
ᬘᬓ᭄ᬭᬳᬾᬫᬶᬮᬶᬃ᭞ᬧᬥᬸᬥᬦ᭄ᬧᭂᬤᬂ᭞ᬳᬗ᭄ᬮᬾᬮᬭᬵᬚᬓᬧ᭄ᬢᬶ᭟ᬤ᭄ᬬᬦ᭄ᬲᬫᬗᬸᬦ᭄‌ᬫᬵᬭᬵᬚᬧ᭄ᬭᬪᬸᬲᬗ᭄ᬳᬵᬭ᭞ᬲᬂᬦᬵᬣᬳᬦᬶᬢᬶᬄᬳᬲ᭄ᬢᬶ᭞ᬮᬦ᭄ᬲᬫᬗᬸᬦ᭄ᬧᬗ᭄ᬕ᭄ᬬ᭞ᬲᬵᬫ᭄ᬧᬸᬦᬬᬸᬥᬬᬸᬥ᭞ᬬᬢᬵᬗ᭄ᬮᬶᬂᬲᬂᬭᬵᬚᬓ
ᬧ᭄ᬢᬶ᭞ᬲᬶᬭᬾᬓᬸᬲᬧ᭞ᬓᬬᬯ᭄ᬯᭀᬂᬩᭀᬓ᭄ᬱᭂᬭᬗᬶᬦ᭄᭟᭐᭟ᬧᬸᬧᬸᬄᬲᬫ᭄ᬪᬤ᭟᭐᭟ᬯᬃᬡ᭄ᬡ᭄ᬦᬫᬸᬳᬦᭀᬦᬵᬫᬩᬕᬸᬲ᭄᭞ᬲᬫ᭄ᬩᬤᬧ᭄ᬭᬯᬶᬭᬳᬶᬧᬸᬧᬸᬄ᭞ᬳᬗᬓ᭄ᬯᬫᬸᬂᬧᬸᬂᬲᬶᬭᬓᬭᬶᬳᬸᬭᬶᬧ᭄᭞ᬬᬢᬦᬯᬸᬭᬶᬲᬫᬗᬸᬦ᭄
᭞ᬲᬫᬗᬸᬦ᭄ᬧᬧᬭᬩᬾᬯ᭄ᬯᭀᬂ᭟ᬲᬳᬩᬢᬾᬚᭃᬂᬭᬲᬸᬮ᭄᭞ᬳᬶᬩᬸᬓᬮᬶᬳᬶᬬᬳᬶᬗ᭄ᬲᬸᬦ᭄ᬫᬦ᭄ᬢᬸ᭞ᬫᬭᬶᬩᬚᬳᬮ᭄ᬲᬸᬫᬳᬸᬃᬲᬂᬭᬵᬚᬓᬧ᭄ᬢᬶ᭟ᬫᬦ᭄ᬤ᭄ᬭᬲᬶᬭᬲᬫᬗᬸᬦ᭄᭞ᬳᬚᬵᬧ᭄ᬭᬂᬓᬮᬯᬦᬶᬗᭀᬂ᭟ᬳᬾᬫᬦ᭄ᬫᬦᬯᬶᬳᬮᬫ᭄ᬧᬸ