[᭕᭑ 51B]
᭕᭑
ᬭᬶ᭟ᬯᬮᬸᬮᬶᬢ᭄ᬮᬯᬦᬸᬤᬫᬦ᭄᭟ᬧᬦ᭄ᬢᬢᬶᬓᬦᬦ᭄ᬧᬶᬦᭂᬧᬶᬚᬸᬭᬶᬢ᭄᭞ᬲᬦᭂᬫ᭄ᬧᬸᬄᬲᬯᬤ᭄ᬬᬦᬶᬲᬸᬦ᭄᭞ᬮᬶᬃᬡᬦ᭄ᬢᬾᬂᬳᬢᬯᬦ᭄ᬩ᭄ᬭᬡ᭞ᬩᬸᬩᬃᬮᬭᬸᬢ᭄ᬯ᭄ᬯᭀᬂᬓᬧᬶᬃᬳᬶᬓᬂᬢᬶᬦᭂᬫ᭄ᬧᬸᬄ᭞ᬤᬾᬦᬶᬂᬧ᭄ᬭᬂᬯᬶᬢ᭄ᬯᬓ᭄ᬢᬸᬮᬸᬓ᭞ᬳᬲᬃᬬ
ᬦ᭄ᬭᬫᬾᬚᬸᬭᬶᬢ᭄᭟ᬧᬧᬢᬶᬄᬢᬦ᭄ᬧᬯᬸᬯᬶᬮᬗᬦ᭄᭞ᬯᬸᬲᬓᬢᬄᬲᬗ᭄ᬳᬵᬭᬧ᭄ᬭᬤᬶᬧᬢᬶ᭞ᬳᬢᬯᬶᬧᬭᬢᬸᬫᭂᬗ᭄ᬕᬸᬂ᭞ᬓᬧ᭄ᬚᬳᬦᬳᬶᬂᬬᬸᬥ᭞ᬧᬥᬗᬗᬃᬱᬳᬶᬯᬸᬭᬶᬲᬋᬗᬦᭂᬫ᭄ᬧᬸᬄ᭞ᬲᬫᬗᬸᬦ᭄ᬧᬗᬫᬹᬓᬶᬭ᭞ᬓᬧᬗ᭄ᬕᬶᬄᬮᬦ᭄ᬭᬤᬾ
ᬦ᭄ᬧᬢᬶᬄ᭟ᬓᬶᬧᬢᬶᬄᬫᬸᬤᬸᬓ᭄ᬚᬸᬫᬶᬗ᭄ᬳᬮ᭄᭞ᬫ᭄ᬭᬶᬲᬫᬗᬸᬦ᭄ᬰᬷᬖ᭄ᬭᬧᬗᬦ᭄ᬯᬚᬶᬓ᭄᭞ᬓᬧ᭄ᬢᬸᬓ᭄ᬱᬭᬸᬳᬫᬸᬯᬸᬲ᭄᭞ᬳᬾᬄᬲᬶᬭᬧ᭄ᬭᬚᬸᬢᬭᬩ᭄᭞ᬳᬫᬤ᭄ᬤᭂᬕᬧᬧᬓ᭄ᬓᭂᬦᬢᬦ᭄ᬤᬗᬶᬗ᭄ᬲᬸᬦ᭄ᬦ᭄᭞ᬳᬶᬓᬶᬧᬢᬶᬳᬶᬂᬲᬗ᭄ᬳᬵᬭ᭞ᬳᬦᬢ
ᬦᬾᬓ᭄ᬬᬦᬧᬢᬶᬄ᭟ᬇᬓᬂᬯᬸᬲ᭄ᬫᬭᬶᬗᬬᬸᬥ᭞ᬲᬶᬭᬲᬧᬯ᭄ᬯᭀᬂᬳᬭᬩ᭄ᬳᬋᬦᭂᬓᬶ᭞ᬓᬕᬶᬮᬕᬶᬮ᭄ᬮᬢᬦ᭄ᬤᬂᬫᬸ᭞ᬓᬤᬶᬢᬦᬦᬯ᭄ᬯᭀᬂᬮᬦᬂ᭞ᬳᬗᬓ᭄ᬯᬫᬸᬂᬧᬸᬗᬶᬲᬶᬓ᭄ᬤᬯᬾᬳᬸᬫᬸᬃ᭞ᬲᬫᬗᬸᬦ᭄ᬲᬲᬭᬫ᭄ᬬᬃᬱ᭞ᬓᬕ᭄ᬬᬦᬸ
[᭕᭒ 52A]
ᬮ᭄ᬬᬳᬫᬭᬦᬶᬦ᭄᭟ᬲ᭄ᬭᬯᬶᬳᬰ᭄ᬭᬸᬧᬗᬸᬘᬧᬶᬭ᭞ᬳᬶᬗ᭄ᬲᬸᬦᬶᬓᬶᬲᬳᬩᬢᬾᬚᭃᬦᬪᬶ᭞ᬲᬫᬗᬸᬦ᭄ᬧᬧᬭᬹᬭᬩᬶᬗ᭄ᬲᬸᬦ᭄᭞ᬇᬓᬂᬳᬶᬦᬸᬤᬸᬄᬓᭀᬃᬬ᭄ᬬ᭞ᬳᬫ᭄ᬩᭂᬤᬄᬢᬳᬶᬂᬧ᭄ᬭᬚᬲᬗ᭄ᬳᬭᬳᬶᬓᬸ᭞ᬓᬶᬤᬾᬤᬫᭀᬘᭀᬓ᭄ᬕᬸᬮᬸ
ᬦ᭄ᬬ᭞ᬲᬗ᭄ᬳᬵᬭᬓᬂᬭᬵᬚᬓᬧ᭄ᬢᬶ᭟ᬮᬦ᭄ᬓᬶᬦᬾᬦᬩᭀᬬᭀᬂᬧᬸᬢ᭄ᬭᬷᬦ᭄ᬬ᭞ᬩᬮᬶᬓ᭄ᬱᬶᬭᬲᬧᬫᬋᬓᬶᬫᬫᬶ᭞ᬯᬃᬍᬫᬸᬳᬦᭀᬫᬩᬕᬸᬲ᭄᭞ᬤᬸᬭᬸᬂᬫᭀᬂᬲᬫᬗᬸᬦ᭄ᬧᭂᬭᬂ᭞ᬓ᭄ᬬᬦᬧᬢᬶᬄᬲᬸᬕᬮᬶᬲᬳᬸᬭᬶᬧᬸᬦ᭄᭞ᬬᬳᬶᬗ᭄ᬲᬸᬦ᭄ᬧ
ᬢᬶᬄᬲᬗ᭄ᬳᬵᬭ᭞ᬓᬗᬜᬃᬤᬤᬶᬧᬧᬢᬶᬄ᭟ᬕᬸᬫᬦ᭄ᬢᬶᬳᬶᬭᬵᬫᬦᬶᬗ᭄ᬯᬂ᭞ᬇᬓᬂᬫᬵᬢᬶᬳᬦᬾᬂᬢ᭄ᬗᬳᬶᬂᬚᬸᬭᬶᬢ᭄᭞ᬲᬫᬗᬸᬦᬰ᭄ᬭᬸᬳᬫᬸᬯᬸᬲ᭄᭞ᬳᬾᬄᬓᬮᬶᬗ᭄ᬳᬦᬾᬳᬧ᭞ᬲᬸᬢᬾᬂᬧᬢᬶᬄᬳᬶᬗᬹᬦᬶᬳᬶᬗ᭄ᬲᬸᬦ᭄ᬮᬫ᭄ᬧᬸᬲ᭄᭞ᬳᬶᬂᬫ
ᬗ᭄ᬓᬾᬧᬭᬦ᭄ᬓᬃᬱᬦ᭄ᬢ᭞ᬬᬾᬦ᭄ᬲᬶᬭᬳᬦᬹᬢᬶᬫᬫᬶ᭟ᬕᭂᬍᬫᬗᬸᬘᬧ᭄ᬲᬳᬩᬢ᭄᭞ᬲᬭᬾᬳᬢᬾᬕᬸᬲ᭄ᬢᬶᬓᬸᬦᬪᬶᬯᬮᬶ᭞ᬲᬬᭂᬓ᭄ᬢᬶᬲᬶᬭᬭᬳᬬᬸ᭞ᬬᬾᬦ᭄ᬦᭀᬭᬕᭂᬍᬫ᭄ᬲᬶᬭ᭞ᬧᬲ᭄ᬢᬶᬲᬶᬭᬲᬸᬦ᭄ᬲᬸᬲᬸᬓᭂᬓᬧᬓ᭄ᬓᬫᬸ᭞ᬧᬢᬶᬄ
Kaca:Bali-lontar-gaguritan-semaun-300ppi.pdf/52
Kaca puniki sampun kauji-wacén
