[᭓᭖ 36B]
᭓᭖
ᬫ᭄ᬧᬸᬦ᭄ᬕᬶᬭᬶᬄᬕᬶᬭᬶᬄᬲ᭄ᬦᬸᬮ᭄ᬓᬋᬓ᭄᭞ᬓᬢᬳᬾᬲᬩᬦ᭄ᬢᬮ᭄᭞ᬩᬤᬾᬫᬧᬓᬩᬾᬤᬗᬦᬾ᭞ᬩᭀᬓ᭄ᬘᬸᬮᬓ᭄ᬮᬾᬓᭀᬓ᭄ᬫᬶᬗᬸᬢ᭄᭞ᬳᬤᬸᬫ᭄ᬮᬦᬗᬾᬩᬾᬢ᭄ᬫᬫᬶᬤᬾᬯᬶᬘᬶᬭᬶᬓᬧᬶᬳᬫ᭄ᬩᬓ᭄᭞ᬩᭀᬭᭀᬂᬘᬫ᭄ᬧᬸᬃ
ᬩᬗᬸᬃ᭞ᬚᬭᬾᬓᬶᬦᬵᬃᬬ᭄ᬬᬕᬸᬕᬄ᭞ᬯ᭄ᬯᭀᬂᬲᬳᬤᬶ᭞ᬫᬾᬲ᭄ᬕᭂᬃᬗᬚᬓ᭄ᬓᬸᬮᬶ᭞ᬲᬫ᭄ᬬᬕᬸᬫᬶᬳᬓ᭄ᬧ᭄ᬭᬳᭂᬩᬦ᭄᭟ᬳᬶᬬᬂᬚᭂᬕᭂᬢ᭄ᬍᬕᭀᬢᬼᬕᬾᬢ᭄ᬮᬶᬗ᭄ᬕᬶᬄ᭞ᬩᬓᭀᬦ᭄ᬯᬃᬯ᭞ᬍᬗᬶᬬᬲᬯ᭄ᬯᭀᬂᬓᬢᭀᬦ᭄ᬕᬶᬦᬗᬸᬭᬶᬭᬶᬩᬾ
᭞ᬤᬾᬦᬾᬳᬦᬦᬦᬾᬧ᭄ᬮᬸᬓ᭄᭞ᬯ᭄ᬯᭀᬗᬲᬸᬓᬧᬢᬶᬧᬢᬶ᭞ᬕᬸᬫᬶᬳᬓ᭄ᬫᬫᬶᬧᬺᬳᭂᬫ᭄ᬩᬦ᭄᭞ᬳᬗ᭄ᬭᭀᬬᭀᬦ᭄ᬮᭀᬓ᭄ᬱᭂᬗᬸᬂ᭞ᬳᬦᬕᬩ᭄ᬮᭀᬓᬦᬗᭂᬧ᭄ᬮᬓ᭄᭞ᬯᬦᬾᬳᬦᬩ᭄ᬮᬾᬤᬶᬓᬂᬕᬶᬕᬶᬭᬶᬓᬶ᭞ᬗᭀᬓ᭄ᬚᭂᬕᭀᬢ᭄ᬳᬾᬘ᭄ᬙ
ᬓᬶᬦᬂ᭟ᬤᬯᬾᬲᬾᬭᬤᬍᬯᬾᬭᬦ᭄ᬫᬸᬩᬢᬸᬭᬸᬢ᭄ᬧᬶᬧᬶ᭞ᬓᬫ᭄ᬩᭂᬦᬶᬬᬹᬭᬩᭀᬓ᭄ᬱᭂᬦ᭄ᬢᬸᬮ᭄ᬘᬶᬦᬦ᭄ᬤᬓ᭄᭞ᬳᬸᬲᬧᬶᬤᬸᬳᬮᬗᬾ᭞ᬫᭀᬤᬗᬾᬢᬸᬫ᭄ᬧᬮ᭄ᬲᬶᬦ᭄ᬤᬸᬂ᭞ᬕᬸᬫᬶᬳᬦ᭄ᬫᬮᬶᬄᬧ᭄ᬭᬜᬳᬶ᭞ᬩᭀᬓ᭄ᬭᬸᬚᬓ᭄ᬱᭂᬫ᭄ᬩᬄᬲᭂ
[᭓᭗ 37A]
ᬫ᭄ᬩᬄ᭞ᬬᬤᭂᬧᭂᬓᬢᬶᬫ᭄ᬧᬸᬄ᭞ᬫᭀᬚᬃᬲ᭄ᬭᬯᬶᬜᬄᬮᬾᬓ᭄ᬧᬸᬦ᭄ᬤᬓ᭄᭞ᬦᭀᬭᬢᬗ᭄ᬮᬄ᭞ᬤᬾᬦᬾᬚᭂᬕᭀᬢ᭄ᬲᬶᬭᬮᬭᬶᬲ᭄᭞ᬳᬶᬗᭀᬂᬫᬸᬚᬸᬃᬲᬳᬸᬯᬂ᭟ᬲᬂᬭᬢ᭄ᬦᬳᬸᬍᬚᬃᬓᬲᬗ᭄ᬕᬮᬶᬄ᭞ᬓᬂᬫᬶᬳᬃᬱ᭞ᬯᬃᬣᬦᬾᬧ᭄ᬭᬳᭂᬫ᭄ᬩᬦ᭄᭞ᬢ᭄ᬫᬄ
ᬮᬶᬧᬸᬃᬲᬸᬗ᭄ᬓᬯᬦᬾ᭞ᬢᬦ᭄ᬓᬯᬃᬡ᭄ᬦᬲᬗᬭᬹᬫ᭄᭞ᬓᬯᬃᬡ᭄ᬦᬳᬭᬦ᭄ᬭᬶᬬᬦᬧᬢᬶᬄ᭞ᬕᬶᬦᬸᬩᭂᬮ᭄ᬤᬾᬦᬕᬭᭀᬯ᭞ᬳᬦᬾᬂᬚᬶᬦᭂᬫᬭᬹᬫ᭄᭞ᬢᬦ᭄ᬧ᭄ᬕᬢ᭄ᬧᬶᬦ᭄ᬭᬲᭂᬫ᭄ᬩᬤᬦ᭄᭞ᬇᬓᬂᬕ᭄ᬭᭀᬳ᭞ᬢᬦ᭄ᬧ᭄ᬕᬢᬭᬶᬳᬭᬶ᭞ᬯᬾᬦ᭄ᬢᭂᬦᬶᬚᬶᬦᭂᬫ᭄ᬩ᭄ᬭᬭ
ᬲ᭄᭟ᬢᬗᬶᬲᬶᬭᬮᬶᬃᬧᬸᬮᬸᬂᬓᬧᬶᬧᬶᬢ᭄᭞ᬮᬶᬃᬲᬸᬦ᭄ᬤᬭᬶ᭞ᬇᬓᬂᬓᬯᬦᬦ᭞ᬲᬂᬤ᭄ᬬᬳᬬᬸᬲᬲᬫ᭄ᬩᬢᬾ᭞ᬓᬂᬫᬵᬲ᭄ᬓᬯᬸᬮᬢᬸᬫᬹᬢ᭄᭞ᬫᬵᬢᬶᬳᬸᬭᬶᬧ᭄ᬓᬸᬮᬬᬸᬦᬸᬦᬶ᭞ᬲᬫᬹᬮᬫᬶᬥᬶᬓᬳᬧᬺᬂᬓᬂᬢᬦ᭄ᬓᬤ᭄ᬬᬧᬸᬦᬓᬶ᭞ᬢ᭄ᬬᬲ᭄ᬓᬮᬳᬫᬶᬮᬂ
ᬫᬶᬮᬂ᭞ᬩᭀᬓ᭄ᬫᬦᬯᬶ᭞ᬓᬂᬫᬵᬲ᭄ᬥᬶᬓᬩᭀᬢᭂᬦ᭄ᬫᬮᬶᬄ᭞ᬤᬸᬫᬢᭂᬂᬤᬍᬫᬶᬭ᭟ᬓ᭄ᬬᬦᬧᬢᬶᬄᬳᬾᬫᭂᬗᬶᬕᬮᬶᬄ᭞ᬇᬓᬂᬕ᭄ᬭᭀᬯ᭞ᬤᬢᬦ᭄ᬓᭂᬦᬧᬶᬲᬦ᭄᭞ᬢ᭄ᬫᬄᬦᭀᬭᬳᬦ᭄ᬤᬶᬓᬦᬾ᭞ᬯᬶᬰ᭄ᬫᬦᬶᬂᬳᬭᬶᬦᬶᬗ᭄ᬲᬸᬦ᭄᭞ᬧᬸᬦ᭄ᬓᬓᬂᬢ
Kaca:Bali-lontar-gaguritan-semaun-300ppi.pdf/37
Kaca puniki sampun kauji-wacén
